تراجع مستواي الدراسي !!

[مشكلتي]

السلام عليكم

في بادئ الامر وعندما كنت في المتوسطة كانت لي علامات جيدة الحمد لله كنت اتحصل دائما على المراتب الاولى او اكون من بين الاوائل
لكن كانت لي صدمة في bem ولا ادري لما تراجع معدلي مع اني والله اجبت جيدا بعد رؤيتي للتصحيح الوزاري ومع دلك لم اتحصل على المعدل الدي يرضيني 15.96 بعدما كنت اتحصل على 18 و17 المهم رضيت بما قسم لي الله وتقبلت الامر عسى ان يكون فيه خير لي

وانا الان طالبة سنة اولى ثانوي ولكن حدثت صدمة ثانية لي بحيث لا ادري كانت علامتي في الرياضيات في الفرض هي 10/20 ايعقل !!!
بعدما كنت اتحصل على 19 و 20 والله صدمت كثيرا واليوم كدلك اجتزنا فرض الفيزياء وكان جد صعب ...
مه اني اتابع جيدا مع الاستاد وافهم التمارين معه ولكن في الفرض يحصل لي امر ما ... لا تقولوا لي ننصحك بالدروس الخصوصية فانا لم ادرسها مطلقا ولا استطيع فهي لا تناسبني ..
ولما احكيها لطلاب اجتازوا هده المرحلة يقولون لي عادي في الاول تكون صعوبات وتهرديها لكن ستسترجعين مستواك بعدها
مادا افعل احس كانني في انهيار تام خصوصا اني من شعبة العلوم ولم اعمل جيدا في المواد الاساسية

[loubna2]

يا اختي جميل منكي اهتمامك بدراستك

واحساسك

معليش راكي في البداية وانشاء الله تتجتازي الأمر

ممكن تكوني خايفة وقت الاختبار ممكن تكون امور لم تعطها اهمية اثرت في تراجع مستواك الدراسي

حاولي ان تدرسي اكثر وتبدلي مجهود اكثر لتفادي التراجع

وديما احمدي ربي لانو عندك قلب يحس بالدراسة كاين اناس ولا على بالهم

حظ طيب موفق وحاولي تخالطي بنات من الممتازات
اطلعينيا على جديدك لنطمئن

[فريال المحتاجة عفو الله]

و الله يا أختي حاسة بيك لأني مررت بنفس تجربتك تقريبا و قريب هبلت
أنا في المتوسط كنت ندي 18 و لا هبطت نهبط لـ 17 و جامي جيت الثانية ديما الأولى
وصلت للرابعة متوسط و لأول مرة في حياتي جبت 16 ( درك تبانلي مليحة هههه ) بصح في هاداك الوقت اييييه واش نحيلك أزمة فعلاااا
مبعد الحمد لله استرجعت معدل 17 و 18 مي لقيت روحي نبذل في مجهودات جبارة بعد ما كنت غير نريفيزي شوية نجيبها
المهم ديت البيام ب 17.5 و طلعت لليسي و كيما يقولو " يا ريتني ما طلعت ههههههه " أول فرض نشفى عليها كيفك رياضيات و بالاك ديت 11 و لا ... احساس ما نقدرش نوصفو تقول نهاية العالم و و راها علوم تاني علامة مش مليحة بصح مع هداك الخوف و القلق ما فشلتش و قلت لازم نعوض و ماهيش نهاية العالم و خدمت و حفظت و راجعت و ... درت كلش جبت 15 برك :/ و بقيت في 15 و 16 حتان للبكالوريا و ما نحكيلش على التعب اللي كنت نبذلو لو درتو في السيام كنت نجيب 19.99 هههههه نقرا ليل و نهار و نجيب 15 حتى بديت وحد الوقت نفقد ثقتي بنفسي اني ولييت غبية ( حشاك ) بصح كان عزائي أنو الليسي اللي راني فيه صعيب شوية في التنقيط و كنت بهداك المعدل الباهي تيعي نجي الثانية
بصح واش نقلك بعد هاد الحكاية الطويلة الكل ( اني فرحانة قاعدة نعبر عن شعوري بالعربية على هادي طولت ههههه ) ما تفشليش و ما تقوليش واش بيا خاطر عاااادي و الله عادي هادي مرحلة انتقالية و هنا تبان شطارتك :)
انا درك ديت الباك الحمد لله و درت واش حبيت طب اسنان و راني فرحانة اللي احتزت عوائق ياااااااسر و منهم هاديك المرحلة تع 1 ثانوي و اللي ان شاء الله انتي تاني تعديهاعلى خير

[- بصمة خير -]

http://forums.hawalive.com/storeimg/Hawa_1337251144_203.gif

و الله يا أختي حاسة بيك لأني مررت بنفس تجربتك تقريبا و قريب هبلت
أنا في المتوسط كنت ندي 18 و لا هبطت نهبط لـ 17 و جامي جيت الثانية ديما الأولى
وصلت للرابعة متوسط و لأول مرة في حياتي جبت 16 ( درك تبانلي مليحة هههه ) بصح في هاداك الوقت اييييه واش نحيلك أزمة فعلاااا
مبعد الحمد لله استرجعت معدل 17 و 18 مي لقيت روحي نبذل في مجهودات جبارة بعد ما كنت غير نريفيزي شوية نجيبها
المهم ديت البيام ب 17.5 و طلعت لليسي و كيما يقولو " يا ريتني ما طلعت ههههههه " أول فرض نشفى عليها كيفك رياضيات و بالاك ديت 11 و لا ... احساس ما نقدرش نوصفو تقول نهاية العالم و و راها علوم تاني علامة مش مليحة بصح مع هداك الخوف و القلق ما فشلتش و قلت لازم نعوض و ماهيش نهاية العالم و خدمت و حفظت و راجعت و ... درت كلش جبت 15 برك :/ و بقيت في 15 و 16 حتان للبكالوريا و ما نحكيلش على التعب اللي كنت نبذلو لو درتو في السيام كنت نجيب 19.99 هههههه نقرا ليل و نهار و نجيب 15 حتى بديت وحد الوقت نفقد ثقتي بنفسي اني ولييت غبية ( حشاك ) بصح كان عزائي أنو الليسي اللي راني فيه صعيب شوية في التنقيط و كنت بهداك المعدل الباهي تيعي نجي الثانية
بصح واش نقلك بعد هاد الحكاية الطويلة الكل ( اني فرحانة قاعدة نعبر عن شعوري بالعربية على هادي طولت ههههه ) ما تفشليش و ما تقوليش واش بيا خاطر عاااادي و الله عادي هادي مرحلة انتقالية و هنا تبان شطارتك :)
انا درك ديت الباك الحمد لله و درت واش حبيت طب اسنان و راني فرحانة اللي احتزت عوائق ياااااااسر و منهم هاديك المرحلة تع 1 ثانوي و اللي ان شاء الله انتي تاني تعديهاعلى خير

كامل يصرا معاهم واش راه يصرا معاك هذه العضو راهي حكاتلك تجربتها

و انا تاني صرالي كيفك و سقسي اللي اكبر منك يقوللك نفسي الشيء

المهم عدم اليأس

و ان شاء الله تنجحي الباك بامتباز و ديري واش راكي تحوسي

بالتوفيق

[أمة محمد]

السلام عليكم ورحمة الله وبركاته لا تعطي العلم بعضك وتنتظري منه كله بل اعطيه كلك وانتظري منه بعضه من أراد الدنيا فعليه بالعلم ومن اراد الآخرة فعليه بالعلم ومن أرادهما معا فعليه بالعلم هي مجرد كبوة جواد ليس إلا وان متاكد ستعودين إلى مستواك او أفضل اسأل اىلله عز وجل ان يوفقك

[شاملة لينة]

*ركزي مع الأستاذ.
* حضري الدرس مسبقا ولو مجرد اطلاع.
* راجعي يوميا بمعنى لا تجعلي الدروس تتراكم دون حل التمارين.
* انسي فكرة أنك كنت متفوقة... لأان هذا يسبب لك اضطرابا فأنت مع هذا الشعور تريدين المنافسة مع التلاميذ من أجل التفوق .وحصولك على نقاط فليلة يشعرك بالهزيمة............لما تطردين هذا الاحساس تصبحين مرتاحة تدرسين من أجل كسب معلومات لأنك تحضرين نفسك لأمتحان البكالوريا ولا أراه بعيدا فالوقت يمضي بسرعة ( ربي يحيينا).
* طريقة النعامل مع الاختبارات في المتوسط مختلفة عن الثانوي فالثانوي تحتاجين عمقا في تحليلك وتفسيرك للوثائق.وكل معلومة تكتبينها عليها تنقيط( ولو ربع نقطة) فالنقطة النهائية ما هي إلا جمع لنقاط صغيرة لأسئلة الامتحان.عكس المتوسط الإجابات تكون مختصرة.
** استعيني بالمراجع المتوفرة لحل التمارين.
وفقك الله
*

[kousouvali]

ختي العزيزة هدا كل مرينا بيه مي ماكان لاه تتشوكاي درك تسترجعي المستوى نتاعك مي نصيحة من عندي انا اختك منين كنت و انا نجيب لا موايان نتاعي 17 و 18 و كي هبطت في الثانوية عدت نحيب 16 و 15 قلت ماعليش مي الباك نتاعي ديتو ب13 و ما لقيت ما ندير بيه اصلا ما قدرتش نتخيل روحي راح نديه هكدا و بلي نقرا حاجة نتاع 13 و للدرك زاني مشوكية منو مي الحمد لله خير من ناس عر من ناس ونقول الانسان ديما طماع مهما يعطيه ربي يطلب الاكثر ثم الاكثر المهم انا نصيحتي ما كان لاه تقتلي روحك من ظرك كي تلحقي للباك اللي هو باب الربح تغلبي نتي المهم تنجحي و في الباك ديري لي زيفور نتاعك بكل

[yamina omrani]

السلام عليكم حبيبتي و صغيرتي: انا اعاني نفس المشكلة مع ابني بعد ما كان متفوق و معدلاته تفوق 17 و الان اصبح معد بلكاد 14 . وعرفت مشكلت ابني عدم التركيز اثناء الاجابة و يذكر النتيجة و لا يكتب الخطوات . انصحك صغيرتي كتابت الخطوات ثم الاجابة بكل دقة و التركيز .و ايضا اكثري من اكل العنب الجاف و الجوز انه يساعد على تقوية الذاكرة بارك الله فيك .

[نـور الإيمان]

نفس الشي حدث معنا في الفصل الأول من اولى ثانوي تخصص علوم، بعدها في الفصل الثاني الى غاية الدراسات العليا ولله الحمد والفضل عدت الى مستواي بتصدر المراتب الأولى، ثقي بالله وبنفسك بأنك ستعودين إلى مستواك او افضل بإذن الله فقط خذي بالأسباب من مراجعة واجتهاد بلا يأس.
وفقك الله أخية ورزقك نجاحا تقر به عينك وعينا والديك.

[salah abdoune]

والله يا انتيا واحد ادعي ربي ايجيب العان وانتي راكي اتخمي اعلي 14 او 15 استقنعي مي كاين حاجة الباك لازم جيبيه 17 لاقدرت

[سآجدْ للهْ]

العام الماضي في الاولى ثانوي جبت في الفرض الاول على ما اظن 11 ولا 10 ولكن في الاختبار جبت 18 اكبر نقطة
الفروض ليست مقدار للحكم
الصّح كلّه في الاختبار
والعبرة بالخواتيم كل هذه النقاط لا تهم هي خزعبلات..وليس لها معنى..
الصح كلّو في الباكالوريا

[~~ أغيلاس ~~]

و عليكم السلام و رحمة الله و بركاته،

عادي جدا ما تمرين به، و كلنا مررنا به،

ليس عيبا أن تتحصلي على علامة منخفضة ما دمت اجتهدت، العيب أن لا يجتهد أحدنا ثم يندب حظه إن وجد نتيجة لا ترضيه،

الدراسة في الثانوي تختلف عن الدراسة في المتوسط،

أساتذة الرياضيات و الفيزياء مُلزمون بتقديم دروس نظرية للتلاميذ، و عليه ليس بإمكانهم أن يُكثروا من حل التمارين و المسائل في القسم،

و معلوم أنه كل تمرين قد يُحل طريقة مغايرة يصعب على التلميذ إيجادها،

يعني مهما فهمت الدرس مع الاستاذ و مهما فهمت التمارين التي حللتموها في القسم إلا أنه توجد تمارين لم تتعودي عليها قد تُصادفينها في الفروض أو الامتحانات،

عليك ببعض الكتب الخارجية،

و أنصحك بدخول الدروس الخصوصية، ففيها ستحلون أكبر عدد من التمارين مع تنوعها،

لا تقولي لن أدخل الدروس الخصوصية،

ابذلي جهدك لتدخلي إلا أن تعسر عليك ذلك،

أقول هذا الكلام عن تجربة،

مُوفقة،

[الجليس الصلح]

ليس المتوسط كالثانوي انتبهي جيدا الثانوية أصعب وظروفها غير ظروف المتوسط ستنزلين قليلا عن معدلك وتتقبلين ذلك ثم تبحثين عن الحلول للعودة ثقي في نفسك لا تغتري بما سبق ولا تنهاري في أول الطريق وبالتوفيق

[فتاة طموحة]

صديقتي العزيزة انا ايضا داكما من الاوائل في صفي و اتحصل على 17و18.
و رغم ذلك فانا اقوم بالدروس الخصوصية في الرياضيات و الفزياء فمن المستحيل ان تكون نتائجك جيدة دون الدروس الحصوصية و هذه من تجربة انا الان في الثانية ثانوي علوم وهي اصعب 10000 من السنة الاولى عليكي بالصبر و التوكل على الله

[حلاوة الإسلام]

كلنا عانينا من هذا وانا الاخرى عانيت من هذذاا وظننت انها النهاية


ولكت صدقيني نقااط الفروووض ليت ابدا بمقياااس


نقطة الاختبار هي التي تحدد ان تراجع مستواك ام لا

[مِيـــمْ]

عـــآدِّي جدًّآ أختِي ...

أنـــآ مثلككْ تلميذة أولى ثانوِي علووم جبت البيام بـ 17.88 والآن مستوآي يترآآجع تدريجيًّـــأ ...

فبعد الـ 20 في الريَــآضيّــآت تحصلت علـى 13.5 والـ 20 في الفيزيياء 15

والـ 19 في الللغة دّييت 16 والعلووم 19 دّييت 17 .. والاجتماعياات بعد 19 ولّييت تحت تحت ...

راني نشعل اذا دّيييت 5 ... الخطأ ليس فييك .. بل نحن لسنا متعوديين على طبيعة الأسئلة فقط ...

كل شيء سيتحسّن في الفصلْ 2 صدّقيينِي .. أنـــآ لست قلقَة لأنّي سأعوَّضهَـــآ بإذن الله ..

وربّي يوفقك وتستعِييدِي مرتبتكك الأولــى .... صدقِيينِي ما تقلقِييش رووح لأنو رح يأثٍّ على نفسيتكك ...

[اريج السلام]

ايتها انت تعاني من نفس مشكلتي

[houda.19]

ànà Fèl Lbèm èdiit 15.85 w dokàà rànii èdit fe lmàth 5 w phique 10 w les composition khiltha mànà3rèèf gèdààh nèdi

[Hamza touazi05521763]

لاتستسلمي يااحتاه ولا تنصدمي العكس السقوط ليس عيبا العيب انك لم تستطيعي الوقوف مجددا معليش الاختبار اخلفيها وربي يوفق

[moholamine]

كنت مثلك تماما عندما انتقلت من المتوسطة إلى الثانوية صارت علاماتي محصورة بين 8 و 12 لكنني اجتزت البكالوريا و تحصلت على معدل 15

أنصحك باختيار شعبة أدبية فالظاهر ان الحفظ يلائمك اكثر من تكسار الراس مثلي تماما

[غزالة سوف]

يااختي ماتقارنيش بين مرحلة الاكمالي و مرحلة الثانوي كاين فرق كبير بيناتهم لكل مرحلة خصوصياتها و من الطبيعي باش يكون هناك فرق كبير ومش معناها اذا جبتي نقطة اقل بالي ماكيش قادرة تتحصلي على الاحسن بالعكس بداية الاولى ثانوي هي ملرحلة اكتشاف بالنسبة ليك و جس نبض وهي مجرد بداية تجربة جديدة ومن الطبيعي انو يكون هذا الشي في البداية لكنك في امكانك مبعد توقفي على رجليك وتستعيدي قواك من جديدوتحوسي على مراكز الضعف عندك وتحاولي تعالجيها و ماتغلطيش مثل الكثير من الطلبة و تنقص الثقة في نفسك بالعكس هاذا كامل يزيدك عزيمة وارادة و قوة باش تسترجعي مستواك وانت بالطبع قادرة على ذلك لانك قدرتي قبل و اكيد راح تقدري الآن ’ لازمك تحدي و مثابرة والابتعاد عن كل الافكار السلبية الي ممكن تراودك و ثقي في نفسك لانو الذكاء انتعك مازال كيما راه وامكانياتك مازالت نفسها ماتغير غير القسم والبرنامج حاولي تستغلي امكانياتك و تكعميها ببعض العزيمة والاسرار مع العمل الجاد و عدم الياس وزيدي شوي مجهود واستعيني بنصائح الاساتذة انتاعك وبعكها راح تشوفي الفرق و راح تبلغي ممبتغاك بحول الله ’’ توكلي على ربي و انضري امامك وجككي قواك و ربي يوفك يييييييييييييييييارب

[mohamed miloudi]

الدنيا كل بمكاتيب ربي

ماش عارف لواحد وين يجيه الخير ما عليك الا التوكل على ربي وخلاص يا الاخت