الرجاء من المتزوجات الدخول [الأرشيف] - منتديات الجلفة لكل الجزائريين و العرب

مشاهدة النسخة كاملة : الرجاء من المتزوجات الدخول

panpouna

2012-11-04, 14:43

السلام عليكم
عندي استفسار عن اختبار الحمل المنزلي ادا كان الخط الثاني فاتح لكن ظاهر للعين هل يعني وجود حمل ام لا
انتظر الردود بفارغ الصبر

دموع الورد1

2012-11-04, 14:58

الف مبروك اختي نفس الي صار معايا ظهرلي خطالثاني وردي فاتح انا عملتو بعد 6 ايام تاخير وظهرلي هذا اللون وبعدها رحت للطبيبة عملتلي ايكوغرافي وطلع الحمل موجود

sassah

2012-11-04, 15:11

rabi ykamalak nchallah

panpouna

2012-11-04, 15:39

يبارك فيكم ان شاء الله نكون حامل لاخاطرش لدركا ما رانيش مامنة ..انما عندي 5 ايام تاخير اختي دموع الورد معليش تقوليلي شحال ستنيتي باش درتي ايكوغرافي

ريحانة22

2012-11-04, 15:44

الف مبروك عليكم وربي يسلككم علي خير....... واتهلاو في رواحكم ملييح ...............سلاااااااام وحافضوا علي الوزن خاصة كثيير ضروري لانو بعد الولادة تتاثر علييكم بززاف.....شكرا

panpouna

2012-11-04, 20:52

شكرا لكن اخواتي لقد حللت مرة تانية و عملت ايكوغرافي و الحمد للله انا حامل و ربي يرزق كل محرومه امين يا رب

ryma la cool

2012-11-05, 13:52

الف الف مبروك عليك وربي يتمملك

fouziabena

2012-11-05, 14:52

ألف ألف مبروك ......... تامني يا ختي كل ما نقرا في منتدى و تقول كاش واحدة
بلي راهي حامل تدمع عيني و نفرح كيلي راني أنا

أنا عندي عام و نص زواج و ما زالني نحلم نشوف الخط الثاني بصح راني صابرا

هاد المرة دارتلي روطار تاع أسبوع و مازال ما جاتس و نفس الوقت حللت فالمنزل و طلع سلبي

اللهم لا تدرني فردا و انت خير الوارثين

ألف مبروك ربي يثبتلك حملك

panpouna

2012-11-06, 11:52

ختي fouzia ما تتقلقيش انا كنت نظل نستنى و ما كتبش ربي و نهار لي قطعت لياس ربي بعتهولي..المهم تكوني مليحة في دارك و مع راجلك و ان شاء الله ربي يرزقك كيما رزقني و تجي نتي تاني تفرحينا

سمية محمد عطية

2012-11-06, 12:03

الف مبروك ربي يثبته ويكون ولد صالح وياربي يرزق كل من تتمنى الذرية عاجلا غير اجل

fouziabena

2012-11-06, 14:01

ألف مبــروك أختي

أنا حبيت نسقسيك انت تاخرت ب 10 أيام وين درتي الثاسث؟؟؟؟؟؟؟؟

أنا لما تاخرت ب 3 أيام كان سلبي.... و بعد أسبوع سلبي....
و اليوم راهي غايبة 9 أسام يعني غودوا 10 أيام واش رايك نزيد نعاود الثاسث غودوا ولا نزيد نستنا؟؟؟؟

نسقسيك تاني علوجاع الي يديرلك ادا كان متقطع أو مستمر أنا من 10 أيام و هو مدايرلي.....

واش رايك حنونة؟؟؟؟؟؟ و الله اني رايحا نهبل و هبلت ماما معايا......

ردي عليا ربي يعيشك.

fouziabena

2012-11-06, 14:53

شكون دارت الثاسث بعد أسبوع و ظهر سلبي و بعد 10 أو أكثر ظهر اأيام لتحليل موجب

جاوبوني باش ندير الكوراج و نعاود الثاسث غودوا ....

غودوا تكون 10 أيام روطـــار.....................؟؟؟؟؟؟؟؟؟؟؟؟؟؟؟؟؟؟؟؟؟ ؟

الغيورة على دينها

2012-11-06, 15:15

السلام عليكم
ألف مبروك للاخت panpouna ربي يفرحك أختي ويسرلك الحمل والولادة ويرزقك الذرية الصالحة.
والعاقبة لكل من تنتظر ربي يفرح الجميع
الأخت fouzia أنا متعودة أعمل التاست بعد 10 ايام تأخير حتى أتأكد لأنه قبل العشرة أيام النتيجة غير مضمونة،
ربي يفرحك ويرزقك الذرية الصالحة وما تنسايش تفرحينا معاك، نحن ننتظر.

panpouna

2012-11-07, 14:52

الاخت فوزية انا الالام لي جاتني و مازالت متقطعة يعني تجي و تروح و بعد 5 ايام تاخير درت التاست و خرج ايجابي مع العلم اني درتو قبل موعد الدورة و خرج سلبي..استناي 5 ايام و عاوديه

أم ياسين الزهراء

2012-11-07, 15:48

مبرووووووووووووووووووووك ولعقوبة للي راهي تستنى فرج الله ورحمة ربي كبير

تيماء الله

2012-11-08, 14:37

سلام عليكم مبروك لاختي الي فرج عليها ربي وربي يكمللها واوالعاقبة لخاوا واختي فوزية انا ما نعرفكش بالصح دمعت عينيا ودعيتلك من قلبي وربي يغعلم يعطيم ما تتمني عن قريب وان شاء اله نباركلك انا الاولى خلي ثقتك في ربي وبربي ما تخيبيش

panpouna

2012-11-08, 17:31

شكرا اختي تيماء نا تاني رايحة ندعيلك ربي ينولك كامل لي في بالك

oum yahya

2012-11-11, 14:53