تيكربابين او العصبان من عند مونية ك ....ادخلو وقولولي رايكم

[ام ملاك.]

جبتلكم اليوم طبق نتاع القبايل احنا في دارنا نقولولو تيكربابين والبلاد اللي رحت ليها يقولولو العصبان

مانطولش عليكم نخليكم مع التصاور

الخضر انا هاذو اللي درتهم واللي حبت تزيد حاجة اللي تحبها تزيد الخضر اختيارية

http://im28.gulfup.com/uPsb1.jpg

وهنا دشيشة ولا سميد خشين فلفل لكحل كمون راس الحانوت الثوم راس فلفل حار وزيت قيس نص كاس ملح نعناع يابس هريسة جومبو دجاج تبسس مليح ويحب ثاني فلفل لحمر حار بودرة وكسبر مقطع رقيق انا مادرتش ماعنديش
تخلطيهم مع بعض
وتزيد 2 حبات بيض
لازم تجي مليح متبلة خاطذرش سميد يشرب توابل باش تجي بنينة
وكاين اللي يحب يديرلها شحمة انا مانحبهاش واللي تحبها تقطعها صغيرة وتخلطها معاها قع

http://im28.gulfup.com/iQCG2.jpg

هنا الخضرة قطعنها هكذا وكل واحدة كيفاش تحب تقطعها



http://im18.gulfup.com/giog1.jpg


هنا كي قليت البصل والثوم واش درت توابل في العجينة درتو هنا في المرقة غير النعناع لالا ومرقت ودرت الخضرة وخليتهم يطيبو

http://im18.gulfup.com/vDH11.jpg

هذي نحيت من المرقة اللي خليتها تطيب نحيت المرقة واحدها برك


http://im18.gulfup.com/oFDN2.jpg




هنا تبداي تفرغي في المرقة وتخلطي حتان تتحصلي على عجينة كيما راكم تشوفو ماشي سايلة بزاف وماشي يابسة تترفد بالمغرف
http://im15.gulfup.com/p25t1.jpg


وهنا كي تتخلط مليح فرغيها في صاشيات تقيين والا عندك صاشي نتاع سباقيتي خير باش تجي شابة انا هذا واش عندي
عجوزتي تعمرها في المصران الكبير في العيد الكبير اكمباعد تحطيها في الكسكاس وغطيه وخليها تفور فوق المرقة اللي درتيها وكيفاش تعرفي بللي طابت دخلي موس في الصاشي اذا يبست معناها خلاص راهي طابت واذا مازالت جارية خليها تطيب

http://im15.gulfup.com/0FIm1.jpg
















وهذي كي طابت شفتو كيفاش شدت روحها قسمتها وحطيت الخضرة وكاين اللي يحبب يفتتها ويسقيها انا نحب ناكلها هكذا

اللي ترد تدي تاكل مزالها سخونة امممممممم

http://im20.gulfup.com/lrX31.jpg

واش رايكم؟؟؟؟:1::mh31::mh31::mh31::mh31::mh31:

[الورود المنسية]

شكرااااااااااااااااااااااااااااااااااااااااااااااا اا

[ام ملاك.]

وين راكم يالبنات؟؟؟؟؟؟؟؟؟؟؟؟؟؟

[oum anas 69]

ya3tik asaha ana mana3rafhach basah tchahi surtut ki rahi skhouna nta3 berd

[ام ملاك.]

الله يسلمك حنونة انا نحبها بزاف سورتو كي تكون متبلة بزاف وحارة اممممممم نموت عليها

[الأمنيات]

http://up.arab-x.com/Nov10/HZv66019.gif

[yara racha]

شكرااا لك حنا القبايل نديروها

[panpouna]

يبان هايل نجربو..حنا عندنا حاجة تشبهلو نسموه "ايكورن" بقبايلية نديرو سميد رطب+ربطةقصبر+ربطة معدنوس+نعناع+ راس توم+ 4بصل +توابل(فلفل.راس حانوت.كمون .حار غبرة) نبسوه بزيت و نلموه بشوية ما نديروه كويرات و نفوروه فكسكاس ونديرو معاه عدس بيض طايب بالبصل(بلا طماطم حب ولا مصبرة) و كي يطيبو ناكلوه بزيت الزيتون

[ام ملاك.]

يعطيكم الصحة يالبنات

[zitoukar]

عجبني بزاف غدوة ان شاء الله نجربو يعطيك الصحة على الشرح

[ام ملاك.]

عجبني بزاف غدوة ان شاء الله نجربو يعطيك الصحة على الشرح
يعطيك الصحة ديري توابل بزاف في السميد سوربو فلفل لحمر بودرة وجومبو والثوم والنعناع خاطرش السميد يشرب التوابل بلبزاف
ربي يوفقك وكي تطيبيه حطيلنا كيفاش خرجلك بالصورة:mh92:

[ام ملاك.]

وينكم يالبنات ماتحبوش التقليدي؟؟؟؟؟؟؟؟؟؟؟ظظ

[لينا11]

تاع شكارة جديدة عليا
انا ندير نعناع بزاف يجي بنة ماتشبعش
بصح مانستعملش شكارة نكوروه ونطيبو مع المرقة
ومانحطش البيض ساعات نزيدلو روز يجي ثاني شبعة

[ام ملاك.]

تاع شكارة جديدة عليا
انا ندير نعناع بزاف يجي بنة ماتشبعش
بصح مانستعملش شكارة نكوروه ونطيبو مع المرقة
ومانحطش البيض ساعات نزيدلو روز يجي ثاني شبعة
ايه صح حنا ماما ديرها كيما انتم وتجي بنينة
مي وين تزوجت شفتهم يديروها هكذا عجلتني حربيها وشوفي

[أم أبوبكر]

يعطيك الصحة يا الشاطرة

[جيجلية]

هذا احنا تاني نديروه في جيجل كاين اللي يقولوا العصبان وكاين اللي يقولوا الكعبيب

يجي بنين بزاف بصح نطيبوه فوق المرقة بلا صاشي

شكرا على الطريقة بالتفصيل

[ام ملاك.]

صحيتي حنونة هي كل واحد وكيفاش يطيبو وطريقته

[ام ملاك.]

لاختي البسكرية هذا طبق ثاني يخص القبايل مانعرف اذا قع يديروه شوفيه وقوليلي اذا عجبك

[ام ملاك.]

رفععععععععععععععععع

[فراشة الجنة]

السلام عليكم
حنا تاني نديروه لكن السميد نديرولو نعناع يابس+ثوم+حشيش مقطفة+ملح+زيت زيتون و نعجنه بكمية من المرق ونشكلوه اشكال بيضوية و نطيبوه في المرق,و بالنسبة للمرق نديولو كمية من العدس و جزر و بطاطا مقطعين صغار
يعطيك الصحة

[ام ملاك.]

ايه في دارنا هكدا نديروه بصح مانديروش العدس
نقولولو التيكربابين
صحيتي حنونة

[umhadjer]

ياطيك الصحة حنا نديروهم بولات على شكل بيضة او كاين زوج انواع بالبيض نسموهم عدنا تيعسبانين تملالين او بال بيض تيعسبانين وحدهم مممم نموت عليهم شهيتينى

[R I A D]

طبق لذيذ يعطيك الصحة نسمع به
بصح عمري ما شفتو قدامي و لا ذقتو

[iaman.fr]

يعطيك الصحة

[جوهر دعوة]

اول مرة نشوف هذ الطبق وشهاني نجربو باذن الله
يعطيك الصحة اختي مونية

[أم محمد تاج]

وااااو روووعة نموت على عادات وتقاليد بلادنا الله يعطيك الصحة

[نيفرتيتي.]

بارك الله فيك

[وبشر الصابرين]

مشكورة سخفتيني كانت جدة تديرهالنا في العيد

[lahna moka]

ممممم بارك الله فيك أختي
حنا تاني نديروها بصح بطريقة أخرى

[kristal farah]

شكرااااااااااااااااااااااااااااااااااااااااااااااا اا

[idron0]

في ميزان حسناتك ان شاء الله

[♥نسمات عطرة♥]

شكرااااا اختي ام ملاك

[celia16]

يعطيك الصحة ,جزاك الله خيرا

[fatisousou]

يعطيك الصحة يا الفحلة ربي جازيك انشاء الله