والله ماعندي

[soso sirin]

العيد الكبير كان اخر مناسبة رانا نستناو فيها بعد مسلسل من المناسبات طبعا الشعب الجزايري من قبل رمضان و هو خايف لانو كان جايو تسونامي من المصروف المهم الي نهدر معاه يولي يهدر على المصروف و الكلمة الي نكرها في حياتي ماعنديش راسي ضرني منها و المشكل فاه خلعوني راهم عندهم شهريات علابانا بلي الحال راه صعيب و الي ماعندوش واش يدير امالا يروح يسرق و التالية الي خلعتني تاع العيد الكبير الناس كامل تشكي مي في التالي الناس كامل عيدت و الشابة تاع الصح شراو لولادهم القش انا حتا حسبت رانا في العيد الصغير و منبعد يقلك والله ماعندي اليكم الخط

[enseignant fiévreux]

تجي تفهم تدوخ

[فتـ حييةـاة]

الناس والفت الشكوى بَرك و الطمع عمى العيون ::::::::::::: اللي ماعندهمش صح حامدين ربي واللي عندهم يضلو يشتكو

[الهـ ع ـاشمي]

الناس والفت الشكوى بَرك و الطمع عمى العيون ::::::::::::: اللي ماعندهمش صح حامين ربي واللي عندهم يضلو يشتكو



وزادوا بهدلونا في قناة النهار والشروق

الغاشي كامل يندب

:mad:

[enseignant fiévreux]

[ الهــ ع ــاشمي ][°•;12077758']



وزادوا بهدلونا في قناة النهار والشروق

الغاشي كامل يندب

:mad:



تبهديل على المباشر في قناة النهار

[مسلم سني]

السلام عليكم
والله صح حتى نحن في المنزل تحدثنا عن هذا قبل مجيء العيد الأضحى بيومين تقريبا
أرسلنا ابن أخي إلى الخضار وجد الأزمة هناك هههه
الكل يشتكي والكل يشتري والله الواحد ما يفهم والو
لو امتنعت الناس عن شراء ماهو باهض الثمن على الأقل لأسبوعين لتغيرت نظرة التجار والبائعين لكن هؤلاء يدركون أن الشعب مهما كان الثمن إلا أنه سيشترى السلع
أنا صراحة منذ كنت تلميذا في الابتدائي والجزائريون قبل شهر رمضان
لا أراهم إلا وهم يتباكون على الغلاء
القناعة لا توجد الخلعة هي سيدة الموقف
أما ما ذكره أحد الإخوة عن قناة النهار هنا حدث ولا حرج بت أكره أنني جزائري من خلال ما يقولونه أتخيل ان حالنا أسوأ من حال الصوماليين
والله كارثة
والأسوأ هو خروج الشباب بل الأولاد في هاته القناة أعمارهم بين 16و18 ويقولولك رانا بلا مستقبل
هارب ملمسيد وحاب يدير مستقبل
شر البلية ما يضحك
شكرا لك
احترماتي

[فتـ حييةـاة]

[ الهــ ع ــاشمي ][°•;12077758']



وزادوا بهدلونا في قناة النهار والشروق

الغاشي كامل يندب

:mad:



ربي يرزقنا القناعة

[مـجيد]

... و أما بنعمة ربك فحدث ...

[مريم الصابرة]

السلام عليكم اختي
مرات نتخيل نقول إحنا الجزائريين أغنى الشعوب لما نشوفهم في كل مكان لاشان والغاشي مطابعين عند مول الحمص عند الخضرة عند اللبن يشرو كل شي وياكلو كل شي تقولي جراد ومن بعد تقولك ما عنديش عندنا وحدة هنا يا ويسلة صدقيني كانت تشف صح الناس كامل تعطيها تخيلي خرجت بخرجة شوكات الغاشي شرات لوليدها طونوبيل نتاع 160 مليون إيبيزا لالة راسي راه مبلوكي وعلاش الشكوى علاه الإنسان يوصل روحو للذل ويطلب الناس ويخبيهم ويشريهم تفاهات الله يهديهم
يا اختي هذاك اللي ما عندوش تلقايه حامد ربي وعايش بما يرضي الله وما يحكيش للناس على العكس واللي تلقايه يشكي أعرفي راقد علبهم وقناة النهار جامي شفت واحد قال رانا الحمد لله والله رانا اغنى الشعوب بارك الله فيك

[knives55]

ناس تتنوفق على ربي حابين كلش باطل خلينا من ناس لمعندهمش أني نهدر على ناس لي قادرا ومدخولها يعيشهم حياة كريمة

وصادف أن واحد نعرفوا قالي حنا منش ريحين نعيدوا قتلوا علاه قالي لكباش غالين قتلوا معليش اشري برك راه في وجه ربي ميش لينا

المهم بعد العيد قالي واشهوا النوع لمخير تاع تلفزيونlcdو لا led قتلوا صار تلفزيون تاع ربع ملاين قادر تشريه وكبش وجه ربي مكش قادر

السبب وراه هذ كفر هو حب وتعلق بدنيا ناس عايش في خير ومهيش حمد ربي

شكرا

[اسعى لرضى الله]

ياو اللي معندوش والله ميشكي باش نقولك يحشم مامبا يشكي

واللي عندو هاي باينة يضال معنديش معنديش

الشكوى لربي سبحانو كيعاد هو اللي حاكم الرزق مشي العباد

[منهاج]

السلام عليكم

والله عندك الحق الشعب تاعنا عمره ولا يقول الحمد لله ولا راها مستورة والحمد لله ودايما يشكي ومن بعد يخلعك

بمصروف تاع واحد مدرهم دايما يدسو على جيهة ويبقاو يشتكو يخافو كاش حد يتسلف عليهم ولا يطلبهم ولا من العين

الله يهددي شعبنااااااااااااااااااااا

[salima14]

كاين مش كامل,, يشتكو باش يبعدو لعين على رواحهم
وكاين اللي يشتكو هاربين من السلف رانا حافظين العقلية

[sali-sali]

القناعة ولات مكانش
في عوض ان يقولو الحمد لله على كل شي قاعدين يشكو بلا فايدة

ربي يجب الخير

[staifia]

هكدا مدايرين الناس جامي يحمدوها من ربي .....
لازم الواحد يقتنع بالشي القليل وبلي عطالو ربي سبحانه
الله غالب هاد هو حال الدنيا

[عميروش الحر]

لي يطلب الغالي معلوم يجيه كلشي غالي ...
هي صحيح كلشي غلى ولكن الواحد يعيش على حسابو ... ادا والفت ناكل اللحم واللحم غلى وماقدرتلوش نشري الجاج ... وادا غلى الجاج وما قدرتلوش... وحدة جامبو بنكهة الجاج تكفي ....
و ما نشكي وما نبكي ...

[السي محمد]

كاين مراسل اذاعة شلف عندنا

في رمضان الماضي قال


عين امران و غلاء الاسعار

الكل يشتكي.... و الكل يشتري


ههههههههههههههههههه


و الله يعلم

نشوف بان في هذه المناسبات ربي يطرح البركة في اموال المسلمين

[حضنية28]

ويبقى السؤال محير فعلا ناس تشكي ومنبعد يشترون اغلى الاشياء تناقض غريب فعلا

[tinaro]

تأكدي من شيء لا يعني الدخل الكبير سداد كل الحاجيات
كلما كان الدخل كبيرا كلما زادت معه الحاجيات و هذا ما جاء علم الإقتصاد لينظمه ليضع خط توازن بين الحاجيات و مستوى الدخل

الشخص منا لما يقول أنا دخلي لا يكفيني فهو يتكلم عن أشياء أكبر من دخله ليست تلك الحاجيات التي يقدر عليها مثلما جاء في مثالك اللبس و الأضحية يمكن هو لما قال أنه لا يكفيه دخله فو يقصد أشياءا تفوق قيمتها قيمة اللبس أو الأضحية

[soso sirin]

تجي تفهم تدوخ
و الله ماتفهم خويا حنا شعب مايتفهمش كامل
الناس والفت الشكوى بَرك و الطمع عمى العيون ::::::::::::: اللي ماعندهمش صح حامدين ربي واللي عندهم يضلو يشتكو
انا هذا الي غمني في قلبي تلقاهم لاباس بيهم و يشتكو سبحان الله
السلام عليكم
والله صح حتى نحن في المنزل تحدثنا عن هذا قبل مجيء العيد الأضحى بيومين تقريبا
أرسلنا ابن أخي إلى الخضار وجد الأزمة هناك هههه
الكل يشتكي والكل يشتري والله الواحد ما يفهم والو
لو امتنعت الناس عن شراء ماهو باهض الثمن على الأقل لأسبوعين لتغيرت نظرة التجار والبائعين لكن هؤلاء يدركون أن الشعب مهما كان الثمن إلا أنه سيشترى السلع
أنا صراحة منذ كنت تلميذا في الابتدائي والجزائريون قبل شهر رمضان
لا أراهم إلا وهم يتباكون على الغلاء
القناعة لا توجد الخلعة هي سيدة الموقف
أما ما ذكره أحد الإخوة عن قناة النهار هنا حدث ولا حرج بت أكره أنني جزائري من خلال ما يقولونه أتخيل ان حالنا أسوأ من حال الصوماليين
والله كارثة
والأسوأ هو خروج الشباب بل الأولاد في هاته القناة أعمارهم بين 16و18 ويقولولك رانا بلا مستقبل
هارب ملمسيد وحاب يدير مستقبل
شر البلية ما يضحك
شكرا لك
احترماتي

والله الصوماليين خيرمنا على الاقل هوما مساكين الله غالب عليهم شوف حنا خايفة كاش نهار يوصل بينا كلمة الحمد الله تنقرض من عندنا .

[soso sirin]

انا لاكون راهي هبلتني رايحة نشتكي بيهم هذا الهبال نيشان واحد مايجي يكتب رد تحسب راه يحلل في لاكون باه تفوتو

[jackin]

إن الناس إذا قلت القناعة فيهم ،
ازداد السخط بينهم وافتقدوا الرضى بما رزقهم الله ،
وحينئد لا يرضيهم طعام يشبعهم ،
ولا لباس يواريهم ،
ولا مراكب تحملهم .

من عمر قلبه بالقناعة نعم بالراحة ،
وعاش الحياة الطيبة ، وأبشر بالعز والغنى

قال ابن الجوزي رحمه الله تعالى :
من قنع طاب عيشه ، ومن طمع طال طيشه .

خذ القناعة من دنياك وأرضى بها *** لو لم يكن لك منها إلا راحة البدن
وانظر لمن ملك الدنيا بأجمعها *** هل راح منها بغير القطن والكفن

قال رسول الله صلى الله عليه وسلم
" إذ نظر أحدكم إلى من فضل عليه في المال والخلق ، فلينظر إلى من هو أسفل منه ."
أن ما أصابنا إنما هو بسبب ذنوبنا ،
وإلا فالرحمن جل جلاله أرحم بعباده من الوالدة بولدها ..
( ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون ) ،
قال بعض السلف :
جزاء المعصية :
الوهن في العبادة ، والضيق في المعيشة ، والتعسر في اللذة ،
قيل :
وما التعسر في اللذة :
قال :
لا يصادف لذة حلال إلا جاءه من ينقصها عليه .

إذا كنت في نعمة فأرعها *** فإن المعاصي تزيل النعم
وحطها بطاعة رب العباد *** فرب العباد سريع النعم

http://elazhar.com/quran/image/14_007.gif
نسألك ربنا باسمك الأعظم
أن تدفع عنا الغلا والوباء والربا والزلازل
والمحن وسوء الفتن ما ظهر منها وما بطن .
اللهم فرج هم المهمومين ،
ونفس كرب المكروبين ،
وأقض الدين عن المدينين .

[فتـ حييةـاة]

موضوعك هذا فكرني بوحدة جاتنا للدار ولعبت دور كوزات وبدات تشتكي ابي لدغاتو افعى من رجلو ووووو والطبيب قرر يبترهالو وتوقف عن العمل ووو وامي مريضة وانا الوحيدة اللي نخدم على اخوتي الصغار وووووو ولما حطينالها القهوة بالحليب اندهشت وقالت عندي سنواااااااااااااااااااااااااات ماشربتش القهوة حنا غاضتنا وقلنالها دايمن ارواحي عندنا وفمرة من المرات سرقتلي خام تاع ذهب كبيرة وبورطابل جديد ولما سالنا عليها لقينا والدها بصحة جيدة وعامل وامها ايضا وظروفهم المادية جيدة وهي ايضا تعمل وصدقوني يوم تلاقيت بيها صدفة والله الذي لا اله الا هو غير ضاربة حطة خير من الموظفة اللي تاكلة على روحها ؟؟؟

[soso sirin]

ايه والله مرات يا فتحية اختي ماتعرفي الي عندو ملي ماعندوش مي واحد يدير الشي في وجه ربي وخلاص اما كون جات على لعباد تضربيهم بقنابل كيما تاع هيروشيما و نقازاكي .الواحد يخليها في النية و اذا العبد لعبها فاهم و حس روحو شاطر هكا ربي راح ينحي النعمة من عندو لانو ماشكروش .ربي يهدينا ان شاء الله و كيما يقولي خويا اي حاجة تروحي ديريها شوفي لربي ماشي للعبد و هكا اذا ماداهاش الي يستاهلها ربي هو الي راح يخلصو و ناس كيما هاذو ربي يهديهم برك

[الدلفين]

الناس هاذو اللي يضبحو ما تجمعش معاهم خير
على خاطر هوما مين تدخل الشهرية ينحي منها 5000 دينار يديرها في جيبو والباقي يزرب بيها للـ la banque
ويبقى طامع فيك تخلصلو قهوة، وهدرتو كامل على الغلاء ، وخبزة كسرة يقاشح فيها
هو خايف من الفقر، وماهوش داري بلي راه قاطع الزمان في روحو
ومين يشري سروال يجي يقولك والله غير اليوم خسرت 200000 - والله غير تبقى حاير، يعني هو 200000 صرفتها عليا ولا صدقتها

وبالنسبة للعيد الكبير، يقولك غالي، واش من غالي ، أنت تليفون شاريه ب 4 ملايين، و 4 ملايين الأخرى تروح غير فالفليكسي، بصح الخروف يجيك غالي، ياك راك تشريه خطرة فالعام مشي كل يوم، وزيد، راك تاكلو في كرشك، ماراكش رايح تربيه

الحمد لله على نعمه

[الهـ ع ـاشمي]

ربي لا ينحهالنا من كف
ولا يجعهالنا في دف*
----------------------------------------------
* دف = قلب
دعاء شعبي

[فتـ حييةـاة]

ايه والله مرات يا فتحية اختي ماتعرفي الي عندو ملي ماعندوش مي واحد يدير الشي في وجه ربي وخلاص اما كون جات على لعباد تضربيهم بقنابل كيما تاع هيروشيما و نقازاكي .الواحد يخليها في النية و اذا العبد لعبها فاهم و حس روحو شاطر هكا ربي راح ينحي النعمة من عندو لانو ماشكروش .ربي يهدينا ان شاء الله و كيما يقولي خويا اي حاجة تروحي ديريها شوفي لربي ماشي للعبد و هكا اذا ماداهاش الي يستاهلها ربي هو الي راح يخلصو و ناس كيما هاذو ربي يهديهم برك

معاك حق اختي انتي كي تصدقي حاجة تصدقيها لوجه الله وتربحي اجرها بغض النظر عن ما اذا الشخص هاذا محتاج او لا حتى انا قبل ماتصرا القصة كنت نخمم هاك بصح من بعد فهمت اني لما نحطها في مكانها خير تخيلي يا اخت الشيء اللي استفادت منو هاذ الطفلة وهي مش محتاجة لو استفادت منهم وحدة محتاجة صح ؟؟ اكيد كانت تفرح بيهم اكثر وتستفاد منهم وفوق هذا ماكانتش اصلا رايحة تسرقلي

كل واحد وكيفاه يشوف للموضوع انا بصراحة مانزيدش نغلط غلطة كيما هاذي ونساعد هاذو اللي قلوبهم محتاجة الخير نديرو في ناس محتاجة فعلا حتى لو ماكانش عندي ندير المستحيل باه نساعده ويالوكان بدعوة خالصة لوجه الله في السجود ::::::::::: في امان الله
فكرتيني في خاتم يكون سعرها الان 5ملايين او 6 :mad:

[enseignant fiévreux]

اختي
نعرف واحد الانسان من الحومة
كي تتعامل معاه تقول هذا مترفه ديما الحمد لله في فمو و ديما يضحك ديما زاهي
و هو في الحقيقة انسان قدو قد حالو
عمرو ما يشكي ديما راه يقول الحمد لله
ربي يهنيه
امين