عندي 35 مليون كاش مانقدر ؟

[rabah ag]

عندي 35 مليون كاش مانقدر ندير بيها خاوتي ولا ماعدها مادير من مشاريع صغيرة؟؟؟ لعندو فكرة مايبخلنيش الله يجازيكم

[frais2005]

اشري ماروتي ودير بيها حضاااري .....للاسف ماتقدرش دير بيها مشروع مليح .............

[غليزاني 26 سنة]

يلا عندك رخصة سياقة دير بيها سيارة و اخدم كورصات

[torki]

اعطيهملي هههه
.
.
.
.
.
.
.
.
.
.

راني نتسمخر مع خويا
ربي يفرج عليك يا خويا ويصلح امورك

[torki]

اعطيهملي هههه
.
.
.
.
.
.
.
.
.
.

راني نتسمخر مع خويا
ربي يفرج عليك يا خويا ويصلح امورك

[luky]

شري سيارة وخدم كلونديستان

[luky]

ربي يسهل.......يخي حالة واحد عندو دراهم وماعرفش واش يدير
واحد ماعندوش ومالقاش واش يدير
واحد......
وتستمر الحياة

[سيف الدين قطز]

أنا عندي 00000 دينار وانتا عندك 35مليون ايا نخلطوا ونقسموهم هههههههههههه

[سيف الدين قطز]

غير نقصر معاك تقدر تشري سيارة تفرودي بيها ولا بيع وشري السيارات إذا كنت تفهم فيهم
حل طاكسيفون
وكل واحد كيفاه وكل واحد وين يسكن
ربي يكون في العون

[bipasha]

ابدى بحانوت صغير نتاع صبابط ولا لبسة ولا زيد عليهم ودير مشروع مسقم

[Ghechame]

افتح cyber الخدمة مليحة وفيها الدراهم

[intermilan]

ahya rwibah lah ybarak wyzid rak mtrafah kabar boutika liraha 3andak wla 3ti shaybak chwiya

[azazkamal]

انا نقولك ماذا تفعل ..
1-ملايين 10 حل بيهم تاكسيفون
2-ملايين 10 حل انت وكاش صاحبك --سيبار كافي- يعني مقهى انترنت
3- ايي يبقى ادي امك للعمر

هاكاك والله تربح............

[مواطن عادي]

عليك بالتجارة
ربي يوفقك

[azazkamal]

انا نقولك ماذا تفعل ..
1-ملايين 10 حل بيهم تاكسيفون
2-ملايين 10 حل انت وكاش صاحبك --سيبار كافي- يعني مقهى انترنت
3- ايي يبقى ادي امك للعمر

هاكاك والله تربح............

[azazkamal]

انا عندي تاكسفون انا وصاحبي وندم -لانام- ونخدم في مخبزة للخبز في الليل-
وهاكاك دراهمي حلال 100/100
خير من تمد رشوة حياتك تروح حرام في حرام

[rabah ag]

شكرا للجميع ربي يحفظكم ويرزقكم بواش تمناو.... نقولكم كيفاه جاتني هذه الدراهم انا متخرج مهندس فلاحة عند الوالد قطعة ارض طلبتو فيها عطاهالي زرعتها قمح وشعير الفايدة عاودت العام هذا غرست بيها بطاطا وبصلة الفايدة عاودت زرعت بيها وبقالي هذا المبلغ لقتلكم عليه وطبعا الخدمة كامل كانت بيدي وداير 2 خدامة يعاونوني.... والحمد لله... خاوتي حكيتلكم حكايتي باه نشجعكم على خدمت الارض والله فيها خير كبير ماتقلشوش على الفلاحة قد مافيها تعب ترتاح لما يجيك المنتوج مليح ومال حلال حلال.... ربي يوفقكم جميعا لما فيه الخير

[مراد الأمل]

أنا أقترح عليك...سلفهملي و ارتاح من التخمام...
..
..
راني نضحك معاك ربي يسهلك شوف ثقة من اصدقاءك و ادخل في مشروع معه بالشركة..

[elhamzayy]

يااخي احسن حاجة صدقني تجارة الغنم انا هنا في تبسة نخدم الغنم فيها فايدة كبيرة

[فرناس وهران]

اخي الكريم ما دامك في الارض استثمر فيها اكثر
و مادام الارض تعطيها تعطيك اكثر

[غصن زيتون]

خويا ندبر عليك مدام عندك35 مليون روح لتركيا حوس وعقب نهارين ثما ومن بعد اقلبها لليونان حوس وعاود اقلبها المانيا ومن المانيا للجزائر لازم كي تهبط في مطارهواري بومدين يعود عندك 0دج.................خويا راني غير نضحك معاك الله يبارك في مال عرق الجبين وربي يوفقك

[ahmedbz84]

زيدهم 100 مليون واشري سيارة مليحة

[عصـــام]

دعونا نجيب الأخ بقدر سؤاله ولا نستهزء بطلبه ، اخي الكريم لكي لا نجعلك تتيه في معظم الأجوبة التي كانت ساخرة أنصحك بإستشارة خبراء في هذا الجانب ، خبير في المشاريع الصغيرة والكبيرة يوجد في الجزائر ووقفت على ذلك في ولاية بجاية وجيجل .

[احمد الصادق]

الله المستعان.........................

[luky]

اخي قم بفتح مقهى انترنيت وفليكسي وخدمات هاتفية
يعني تبدى غير 4 الى 5 postes ثم ربي يزيد في الرزق
ربي يكون معنا ويرزقنا الكل ...اميين

[imad solo]

تقدر تفتح محل العاب play station...television 10000 dn...play station 12000 dn ...takdar tachri 5 tlv + 5 play..+5 petit table..hado kamal yjouk wahd 130000 ...takhdam mlih ....ou mafih hata khsara w ki thab tbi3 l materiele li chrito sahal lelbi3

[محب الحكمة]

روحي تزوج بيها و ماتخاف من والوا....ديري ظنك في ربي

[ghanoutafrent]

اشري كانش ماتريال تاع قهوة واخدم على روحك التجارة فيها البركة ربي يوفقك

[hossam.ka]

المهم ديرهم اي حاجة تخاليهم قدامك راك تكملهم

[abdellatifo]

chri visa l qatar

[abdellatifo]

شري فيزا لقطر

[kebsem]

مثلا انا كانت عندي 2 مليون سلفت 10 ميليون و كريت قهوة انا و صاحبي ب 24 مليون عندها 11 شهر هد القصة ظك راني نخدم وحدي و عندي 25 مليون و زيد تجهيزات بي 15 مبيون مشروع مربح علي ما اعتقد خمم و ديري كيفي و ربي يوفقك

[rabah ag]

مثلا انا كانت عندي 2 مليون سلفت 10 ميليون و كريت قهوة انا و صاحبي ب 24 مليون عندها 11 شهر هد القصة ظك راني نخدم وحدي و عندي 25 مليون و زيد تجهيزات بي 15 مبيون مشروع مربح علي ما اعتقد خمم و ديري كيفي و ربي يوفقك
شكرا للجميع وشكرا اخي على الموضوع هي فكرة مليحة ونحاول ندرسها مليح ربي يوفقك في عملك ويوفق جميع الاخوة لهتموا بالموضوع

[hamzalord]

السلام عليكم بما أنك مهندس فلاحي أنصحك ببيع أغذية الأنعام تشري السلعة وتعاود تبيعها فيها فايدة كبيرة توصل حتى 15000.00 لشاحنة فيها 50قنطار .......وممكن تبيع حتى ا 3شاحنات ..في أسبوع..........مع العلم أن سعر السلعة فيها 50قنطار .....230000.00.السلعة متوفرة في المطاحن المنتجة لأغذية الأنعام

[rabah ag]

السلام عليكم بما أنك مهندس فلاحي أنصحك ببيع أغذية الأنعام تشري السلعة وتعاود تبيعها فيها فايدة كبيرة توصل حتى 15000.00 لشاحنة فيها 50قنطار .......وممكن تبيع حتى ا 3شاحنات ..في أسبوع..........مع العلم أن سعر السلعة فيها 50قنطار .....230000.00.السلعة متوفرة في المطاحن المنتجة لأغذية الأنعام


شكرا اخي على الفكرة بارك الله فيك

[doudou belle]

يا اخي علاش ما ديرش تكوين سريع في كاش مؤسسة خاصة معتمدة من طرف الدولة وافتح مشروع مع لونساج مثلا دير تكوين ي صناعة مواد التجميل اومواد التنظيف في العاصمة كاينة ب 3 ملاين و نص في 3 ايام بالإقامة و يوجهوك باش تدير مشروع وابدا غير بلعقل مالازمش يكون تفكيرنا محدود وسعة نطاق التفكير شوية يا خاوتي خممو في مشاريع تعاونكمو تعاون غيركم. ربي يسهل و نتمنى نكون افدتك

[kamalazaz]

حل -سيبار كافي -- ولي باقو حل تكسفون وفيه كوزمتيك.....هاكاك والله تربح

[nacer mca]

اشري تذكرة الى قطر ولا الامارات وكي تروح حوس على خدمة ادا عندك كاش صنعة في يدك على خاطر هنا اللي تديرها يتبعوك فيها ربي يوفقك خويا

[جيلالي 21]

دير بيها هكتار يصل تخرج فيه
لكان جا العام مليح

[sarra5]

بفففف ياخي حالة البعض يتمسخر على حوايج ماش تاع تمسخييير

انا في راي يا اخي الكريم تعمل مشروع يفيدك ويفيد بلدك

انا من مدينة سكيكدة لة كان عندي هذا المبلغ

نشري قطعة ارض او هو جزء من شاطي دركا راهم يشريو بالقطعة

بصح لازم اتزيد عليهم شوية

و هيئها ملييح وحط فيها كل المستلزمات الخاصة بشاطئ جميل عائلي خال من العيوب

و بلادنا ماشاء الله اتهبل

راح تربح على المشروع والسياح تعجبهم الماكن المريحة والنظيفة وانت وشطارتك في التسيير

ان شاء اتكون فكرتي وصلتك

[sarra5]

و تقدر حتى تواصل عملك في الشتاء لان العائلات الجزايرية في كل وقت تحب تحوس

كيما رانا انشوفو في تركيا حتى التلج اتصب والسياحة ماشية

هذه ثقافة لازم نتعلموها

[dounia dado]

roh tzawedj w hiya tekhdem alik membaad

[vtdr]

انا مااسبلقليش وااجملتلي ادراهم الله يبلركلك بصح نقدر نقلك دير بيها كاش قطعة ارض للبناء ب10 مليين في بنات بلكحل هذي دشرة قبلة الجامعة للي مايعرفهاش على خاطر جابلي ربي راها زايدة تطلع في السومة والباقية شوف كاش مااديير بيها تجارة وربي يباركلك والسلام

[kas]

السلام عليكم
اشري سيارة r21 واخدم نقل حضري
راه مربح اذاكنت في الجلفة
وفقك الله