ايعقل هذا

[مشكلتي]

السلام عليكم
ها استحق ان اهان باتفه العبرات من سب و شتم بسبب اني خرجت من منزل ذهاب الى العمل دون علم خطيبي او باحرى هو ماد غير الكلمة فقط مكان حتى شيئ رسمي
قالي مقدرتيش شعوري واش من قلب خلاهك تخرجي من الدار و علبلكي بلي انا منيش مليح و سبب هو عندو مشاكل في العمل
هل صحيح هدا تصرف يبين انا معنديش قلب و مفياش احساس ماهو الذنب تاعي انا كيفاه نضيع خدمتي في جال هو عندو مشاكل قولولي غلطت
و قالي بصريح العبارة خلاص و رني قد ما حبيتك كرهتك و بلبزاف

[الناسكة المتعبدة]

و عليكم السلام، لا تستحقين الشتم و الاهانة لأي سبب كان، الله يهدي ما خلق، و ربي يفرج.

[AMINA.Z]

بما انك في منزل والديك فلا يحق له التدخل في مثل هاته الامور
عليه احترامك و احترام شخصيتك
بيني له حدود العلاقة بين الناس مهما كانت صفتهم
و ان ادرك خطاه فاللهم بارك و ان لم يفعل فالقرار لك

[معاذ1]

ماذا كان سيحدث لو كنت في عصنته ,,, رجاء اخية تأكدي جيدا من تدينه واخلاقه

فلا يكفي الدين وحده دون الأخلاق او العكس , فلا اعتقد ان شاب صالح وذو خلق ودين

يسب ويشتم وو وهو لم يعقد عليك فكيف والحال هو لايزال اجنبي عليك .

اسال الله ان يوفقك لما هو خير لك .

[حزن بحر]

حبيبتي بلاك راه قلقان برك ماديريش عليه
هو الان يكون بيناتكم احترام برك لانك راكي في دار والديك
من المفروض ماتكونيش مداصراتو هذا الشرع هكا يكون عندك الحق
بصح راك باينتة تحكي معاه في الهاتف يعني داصرتيه اذا هنا من المفروض انك تكلميه وتعلميه انك خارجة
ربي يصلح الاحوال

[faty05]

السلام عليكم
اختي وش نقولك
لربما يمكن نلومك انتي و كثير من البنات الي يشاورو الراجل كثيرا حتى في امور تافهة و يخلوه يولي يدبر عليهم و ينهي و يامر من داره و هي مازالها في دار باباها و الاب تاعها مازال يصرف عليها و كيما قلتي يعني مد غير الكلمة يعني اصلا الكلام معاه ماشي جائز ,, مازال اجنبي عليك ,,, يابلاك يولي يصرخ عليك ,,,, بصح نتوما لي تحكو بزاف في الهاتف حتى تصماطلكم و يكثرو المشاكل
و هو ربي يهديه .. اذا علا جال مشكل في عمله يقلبها عليك و يقلقك وش نقوولك يا اختي
ربي يصلح حوالك و احوال جميع المومنين

[biti]

هو من يستحق السب

[sarl02]

القدر والاحترام واجب بين كلا الطرفين ..وانا نعرف حاجة انو اي راجل يجرا باش اسب ويشتم المراة التي هي من المفروض زوجته المستقبلية هذا ناتج عن انها هي الي قايسة او فارضة نفسها عليه لانو كون اعزها ويحترمها والله ما اسبها ....لهذا لا ترمو انفسكن الى من هب ودب لانه انت يا صاحبة المشكل باباك ولا خوك وما وصلكش بالكلام فما بالك بشخص ماد عليك الكلمة فقط اي لا علاقة رسمية ولاهم يحزنون.

[hayet04]

هذا ماهوش داير حتى حاجة رسمي و دار هكذا انا كان جيت منك نقولو ما عندك حتى كلمة عليا حتى نكون في دارك ارتاحي و كوني هانيا ماغلطيش و لا تستهلي لا سب و لا شتم

[lilou f lilou a]

خدمتك أختي وخيرلك
وربي يهديه

[imi02i]

ماعندو حتى دخل فيك ........مازالك عند والديك
راهُو يسب فيك من ذرك ... ملا مرة أخرى كفاش راح يتصرف معاك.؟

[wafaa26]

اكيد ما عندوش الحق باش يسبك و انتي مازالكي عند والديك ....ربي يهديه .....و زيد السبب اللي دارو تافه و ما يستحقش السبان لانو اي انسان خطيبتو تخدم علابالو بلي كل يوم تخرج ....هو راه حاب كل يوم تاخذي الاذن ...ولا كل يوم تسقسيه اذا ما عندكش مشاكل في الخدما باه نروح نخدم ......هذا تمسخير ....اذا ارجع و طلب السماح ما تصديهش باش نراعو بللي كان مقلق ..بصح لازم تبينيلو بلي الشي اللي دارو ما شي نورمال و بلي مرة الثانية ما راكيش رايحة تسمحيلو لانو لوكان تجوزيهالو نورمال راح يتمادا كثر .

[nouv-mariée]

لا يحق لاي رجل كان سواء خطيبك او (ماد عليك الكلمة فقط) التدخل فيك شؤونك ، انت الآن في بيت والديك ، ربي يحفظهما لكِ ،،

لا تكوني تلك الفتاة السلبية التي تسلم كل مشاعرها وكيانها للرجل ،،،
اختي ،، في كلمة واحدة (( قدري روحك واحترميها يحترموك الناس))) ،،


لا تلقي اللوم على نفسك


موفقة

[samsouma94]

وعليكم السلام
راهو غالط والف مرة غالط معندو حتى دخل واش يكون حتى يحاسبك......؟ ماد كلمة؛ هدا ماكان كيما قلتي
زيد عليها ماراهوش مليح حاجتو وعلاش يجرحك بكلام ادا يحبك.....؟
معندك حتى دنب قالك كرهتك بلبزاف ربي يسهل عليه كاين بزااااف يحبوك
واسمحيلي يبقى يبقى هدا رايي

[jomana jiham]

راكي تقولي رحت تخدمي..ما غلطتيش اختي هو راه غالك واذا يبغيك تاع صح كي يروح له الزعاف يطلب منك السماح.ما تقلقيش روحك ماشي حاجة كبيرة

[SIRINA 4]

وعليك السلام اختي اذا انتي مازلتي في دار باباك و يدير بيك هاكدا كي تكوني عندو واش يدير فيك وكيما قالو ناس زمان الي حبك مابنالك قصر ولي كرهك ماحفرلك قبر

[*قطر الندى*]

السلام أخية:
شوفي أختي خليك عند روحك ....... وما تسمحي لحتى واحد يقلل من إحترامو ليك.......

و زيد باين بــــــــــــــــــــــــــــــــــــــــــــــاين ماهوش حاب يكمل معاك وراه يلقالك في السبايب .......

و روحي قوليلو مادمك كرهتني خلاص يمالاتيك وش قعد بينات واحد يكره الآخر ........ و شوفي واش يرد ليك .....

و اجهيه و قوليلو مانيش حاجة مملوكة ليك أنا إنسان و نحس بهدرتك اللي دايمن تجرح فيا .....

ربي يهدي ما خلق ........و كيما قلتلك ما تنسايش بلي مازال كاين الرجال

[imene12]

عجيب أمر هذا الرجل؟؟ طبعا لا يعقل ما أقدم عليه و لا يجوووووووووووز أبدا.
ربي يهديه يااااارب... راجعي علاقتك به قبل فوات الآوان

[بسمة الحقول]

بسم الله الرحمان الرحيم
اما بعد
يا اختي انا نقول هذا راكي فدار ولديك و سبك ..و لو كنتي فدارك واش كان رح يدير؟
بكل صراحة الرجل لي يسب خطيبته لسبب كالذي ذكرتيه ماراهش يحترمها
حقا ربما كثرت عليه المشاكل لكن انا نشوف هذا ليس عذر لتصرفه
يعني انت حاولي توقفيه عند حده ..ما تخاصميهش لكن فهميه انه ما لازمش يعاملك هاك مرة اخرى
و الله يتاوي بينكم و يفرّج همك و همه
و السلام عليكم

[بلسم غرام2018]

و عليكم السلام، لا تستحقين الشتم و الاهانة لأي سبب كان، الله يهدي ما خلق، و ربي يفرج.

[mouna lmd]

السلام عليكم
ها استحق ان اهان باتفه العبرات من سب و شتم بسبب اني خرجت من منزل ذهاب الى العمل دون علم خطيبي او باحرى هو ماد غير الكلمة فقط مكان حتى شيئ رسمي
قالي مقدرتيش شعوري واش من قلب خلاهك تخرجي من الدار و علبلكي بلي انا منيش مليح و سبب هو عندو مشاكل في العمل
هل صحيح هدا تصرف يبين انا معنديش قلب و مفياش احساس ماهو الذنب تاعي انا كيفاه نضيع خدمتي في جال هو عندو مشاكل قولولي غلطت
و قالي بصريح العبارة خلاص و رني قد ما حبيتك كرهتك و بلبزاف

سلام
شوفي يا الاخت المرأة كرمها الاسلام بعد ما كانت تباع وتشترى...................
يعني مهما وش درتي ما تسحقيش تتضربي أو تتهاني أو تتسبي........أيا كانت الاسباب......
المهم يلا شفتيه في كل مرة يطيح من قدرك ومن بعد ترجعي ليه .................. وكأن شيئا لم يكن هذي هنا الغلطة نتاعك....لأنو هو يقول أنا نعيط عليها رايحة رايحة ترجع ليا....... بالاك راهو حاط روحو داير فيك مزية كي خطبك؟؟؟؟
ولا كان هذي أول مرة.... ساعفي وأعطيه فرصة أخيييييييييييييرة .....وفهميه ما يزيدش يعيط عليك مهما كانت الاسباب لأنو من المفروض فترة الخطبة يكون هو في كامل رومانسيتو ميش يبين في عضلاتو.......
تقبلي رأيي.........:mh31:

[hamza touazi]

اللي باعك بالفول بيعيه بقشورو نتي جايحة راكي تخمي فيه انسايه هو ليحب ومن اولها مش محترمك صافي وكان يتزوج بيك كل يوم قتيلة انساي ورفعي راسك الغلطة منو

[حلاوة الإسلام]

وعلاه قلو تمتم وليت المسؤول الشرعي تاعها


ياختي مدام مادين غير الكلمة ما عندو مادخلو


كاين والديك مادام استشرتيهم وعلابالهم هو ما عندو مادخلو

بصح مش عارفة وعلاه ماتفاهمتوش على الخدمة

لانو ممكن من بعد يولي يقلك ماتخدميش