للبنات اللي حابين يشاركو في الطبعة 10

[sondse1]

بسم الله الرحمان الرحيم

السلام عليكم و رحمة الله تعالى و بركاته

اسعد الله صباحكن / مسائكن حبيباتي

كيف احوالكم ان شاء الله بالف خير

حبيت افتح هذا الموضوع باه نتناقشو في الطبعة العاشرة من دورة الرقي لمدبرة منزل مثالية

كل وحدة من حبيباتنا اللي مشاركين في الدورة التاسعة و اللي حابين يشاركو في الطبعة العاشرة يجاوبوني على هذه

الاسئلة و على ضوئها رح نحطو البرنامج للطبعة العاشرة و رح يكون ان شاء الله متماشي مع الكل

الاسئلة رح تكون كالتالي

1/ كم غرفة لديك "الغرف الرئيسية / غرف الاطفال / غرف الاولاد الكبار*بنات*اولاد " :
2/كم غرفة جلوس لديك
3/كم صالون لديك
4/كم حمام لديك
5/كم مطبخ لديك
6/عدد الاولاد اللي في الطور الابتدائي
7/ عدد الاولاد في الطور المتوسط "الاكمالي "
8/ المواد اللي طايحين فيها الاولاد
9/وكل وحدة لو امكن تحط الوقت اللي تدير فيه الزيارات العائلية حتى نعملها وقت ايضا

كانت هذي كل الاسئلة اللي في بالي باه نعدلو البرنامج
وان شاء الله نكون خفيفة عليكم
بالتوفيق للجميع

[ام امجد14]

يسعدنى با نكون اول واحدة ترد ان اء الله نكون دائما حاضرة معاكم
و بنسبة لى بيتى من طابقين و هته مكلة بسبة لى و يارت نلقالها حل
مرة نقعد التحت و نخلى كلى مدمر الفوق و مرة تقعد فوق و نخلى كلى مدمر تحت
تحت كاين شوبرة عجوزتى و الصالة و القراج و اوول و الحمام
و فوق كاين غرفتى و غرفة الاولاد و رانى رايح نزيد هته الايام واحدة للبنات
كاين غرفة كبييييييييييييرة للاولاد غادى نقسمها على اثنين للاولاد و بنات
وكاين مطبخ كبير مهاه غرفة المعيشة
و اول و حوش و حمام و دوش
امنيتى نلقى برنامج نمشى عليه ياريت تساعدونى يا بنات

[sondse1]

انا تاني رح نجاوب معاكم :

1/ كم غرفة لديك "الغرف الرئيسية / غرف الاطفال / غرف الاولاد الكبار*بنات*اولاد " :
7غرف
غرفة رئيسية نتاع الوالدين
2غرف بنات
2 غرف اولاد
1 غرفة نتاع خويا الصغير
1غرفة فارغة "للضياف اللي يباتو عدنا "

2/كم غرفة جلوس لديك
3 غرف جلوس 2كبار وواحد صغير
3/كم صالون لديك
2صالونات واحد كبييييير و 1 متوسط
4/كم حمام لديك
4حمامات
5/كم مطبخ لديك
مطبخ واحد
6/عدد الاولاد اللي في الطور الابتدائي
0
7/ عدد الاولاد في الطور المتوسط "الاكمالي "
1
8/ المواد اللي طايحين فيها الاولاد
الرياضيات /العلوم /الفيزياء/واكيد الفرنسية
9/وكل وحدة لو امكن تحط الوقت اللي تدير فيه الزيارات العائلية حتى نعملها وقت ايضا
حنا دايرين يوم الجمعة في لعشية و يوم الثلاثاء في العشية و يوم السبت دايرينو للسوق "وساعات نزيدو عشية الثلاثاء تاني للسوق "

[sondse1]

يسعدنى با نكون اول واحدة ترد ان اء الله نكون دائما حاضرة معاكم
و بنسبة لى بيتى من طابقين و هته مكلة بسبة لى و يارت نلقالها حل
مرة نقعد التحت و نخلى كلى مدمر الفوق و مرة تقعد فوق و نخلى كلى مدمر تحت
تحت كاين شوبرة عجوزتى و الصالة و القراج و اوول و الحمام
و فوق كاين غرفتى و غرفة الاولاد و رانى رايح نزيد هته الايام واحدة للبنات
كاين غرفة كبييييييييييييرة للاولاد غادى نقسمها على اثنين للاولاد و بنات
وكاين مطبخ كبير مهاه غرفة المعيشة
و اول و حوش و حمام و دوش
امنيتى نلقى برنامج نمشى عليه ياريت تساعدونى يا بنات

و هذا يسعدني اكثر حبيبتي
ان شاء الله رح نلقاولك حل و برنامج يتماشى معاك

انا كان عندي هذا المشكل تاني للانو دارنا تاني كبيرة و مكونة من 4طوابق يعني تهلكني ههههه

بالتوفيق حبيبتي

[~ حراير ~]

السلام عليكم و رحمة الله تعالى و بركاته

راني كنت راح نضرب طلة برك .... حتى التطبيق ماكنتش راح نكتبو ولكني لقيت موضوع العزيزة سندوسة فقلت والله ما نطيح كلمتها ... لأنك يا حنونة على الراس و العين ... و زيد لقيت أم أمجد هنا أيا قلت نقتدي بيها و نزرب نرد على سندوسة و ماتدريوش بلاك تلقاو سعاد من ورانا هيهيهيه
المهم الجواب على الأسئلة

عندي صالون واحد "لكنه كبير و فيه تخنتيب بزاف" + غرفة جلوس واحدة + غرفة نوم لي واحدة + 2 غرف نوم للأطفال
حمام واحد مرحاض واحد أكرمكم الله + هول كبير و كوزينة واسعة
عندي 3 أطفال"بسلامتهم" عاقلين و مجتهدين كلهم في الإبتدائي
لا توجد مواد بعينها طايحين فيها .... و لكنهم ليسو بالقدرات الذكائية الخارقة .... باختصار احتهادهم هو الي منجحهم

أوقات الزيارات في العادة لما يكونو الأولاد يقراو .... و أحيانا صغير ثلاثاء مساءا أو السبت مساءا

أكبر مشكلة تواجهني هي التخزين

[sarra5]

بسم الله الرحمان الرحيم

السلام عليكم و رحمة الله تعالى و بركاته

اسعد الله صباحكن / مسائكن حبيباتي

كيف احوالكم ان شاء الله بالف خير

ahla sondosa wech rakii

حبيت افتح هذا الموضوع باه نتناقشو في الطبعة العاشرة من دورة الرقي لمدبرة منزل مثالية

كل وحدة من حبيباتنا اللي مشاركين في الدورة التاسعة و اللي حابين يشاركو في الطبعة العاشرة يجاوبوني على هذه

الاسئلة و على ضوئها رح نحطو البرنامج للطبعة العاشرة و رح يكون ان شاء الله متماشي مع الكل

الاسئلة رح تكون كالتالي

1/ كم غرفة لديك "الغرف الرئيسية / غرف الاطفال / غرف الاولاد الكبار*بنات*اولاد " :
2 bark
2/كم غرفة جلوس لديك
salon wahad
3/كم صالون لديك
rir salon
4/كم حمام لديك
1
5/كم مطبخ لديك
1
6/عدد الاولاد اللي في الطور الابتدائي
1 khoya lsrir
7/ عدد الاولاد في الطور المتوسط "الاكمالي "
makach
8/ المواد اللي طايحين فيها الاولاد
le math mais n3awno
9/وكل وحدة لو امكن تحط الوقت اللي تدير فيه الزيارات العائلية حتى نعملها وقت ايضا
wlh presk macji dima makah le temp puisk na9ra dima
كانت هذي كل الاسئلة اللي في بالي باه نعدلو البرنامج
وان شاء الله نكون خفيفة عليكم
بالتوفيق للجميع


:mh92::mh92::mh92::mh92::mh92::mh92::mh92::mh92:

[Lili Rose]

لي عودة لموضوع شكراً لك سندوسة

[امجد14]

انا نريحك منى سندوسة ما عنديش وقت الزيارات عندى دارنا بعاد على ب ثلاث مئة و خمسون كلومتر و بسبب الاطفال نزورهم من الصيف الى الصيف كيما لزميقرى
كانت عندى علاقات اجتماعية لكن غربلتهم بقات واحدة شدت فى الغربال
جمايعهم صامطين و نصهم يا اما كذب يا اما زوخ و ضيعى و قتك مهاهم بلاما تدى فايدة
سبحان الله حتى ضيقتك ما تنحيحاش معاهم هذا اذا ما خرجتيش بلا ذنوب من النميمة و التمنشير و بقات واحدة مراة و نصف كبيرة بزاف على لكن نحسها افضل صديقة و افضل قدوة و مراة ناجحة فى دارها و اولادها و مع زوجها ما شاء الله من بعد غادى نحكيلكم عليها غادى تندهشون

[وفاء سعاد]

انا ساكنة في طابق كبير عندي صالون واحد مدايرة فيه ليفوتاي والبيبلوتاك كبيرة 5مترات طول وليفينق في الشوكة وطابلة تاع التلفاز من العاليين وطابلة بالكراسي 3متر وعندي غرفة الجلوس حاطة فيها صالون مغربي وطابلة وغرفة نومي وغرفة نوم الاولاد وبيت مدايرتها حاطة فيها قاردروب من الكبار وكبابيات وعندي مطبخ فيه تلاجة وكونجيلاتور متلها وكونجيلاتور كبير زي انتاع الحوانت وكوشة وميكرو اوند وفور وحمام ومرحاض وحطي في بالك ياسندس الكولوار فيه 18متر والبيوت كاين اللي 7متر علي 5متر وكاين اللي 5علي 5 والله يغلبو في التسياق انا دار شيخي جايبين خدامة للتسياق فقط بصح انا ضد الفكرة لانني نخاف منهم وانا وحدي وزيد العايلة انتاعهم معروفة الزيارات راني نقصت منهم كنت كل جمعة وسبت نروح لدارنا الان ابنتي في الرابعة ابتدائي سنة مهمة ومحورية وزيد ابنتي ماقرات والو في التانىة والتالتة ماشى كي خاوتها جابو 9.5 و9.6 في الشهادة كنت هانية بصح هادي عندى مانخدم معاها في اللغة والرياضيات وكدالك الفرنسية

[وفاء سعاد]

اختي ام امجد عندك تنساي تحكيلنا علي صاحباتك راكى شوقتيني نسمع اخبارها انا صحاباتي طيشتهم على خاطر زواخين بزاف كي كنا قبل الزواج كانو عادي انا تزوجت وهوما تبدلو علاه جبتى الو الاد بزاف علاه سمنتي وهم للان لم يتزوجو وقاعدين غير يضيعولي في وقتي لانني وقتي في المساء كله لدراسة الاولاد والعشاء لان الزوج يحب الغداء والعشاء ماشى كيف كيف ومازالت غير زوجة اخو زوجي تجي عندى وغير نميمة كرهتلي حياتي ربي يفكني منها

[chirouette]

مسلخير لبنات ولا نقولكم طاطات لخاطرش انا صغيرة المهم حبيت نسقسي ادا نقدر نشارك معاكم فقط الفرق بيناتنا هو اني طالبة وعمري 15 ومادا بيا نتعلم منكم ونقص شوي على ماما ، ان شاء الله تقبلو لّأنو انا عندي عزيمة لهدا الشيء ؟؟؟

[blessful]

انا عندي بيت و صالة كوزينة وكولوار صغير و دوش و راني نبني في بيت لولدي عندي ولد واحد برك صغير مشكلة الاولى القش بزاف و مازال ما درتش بلاكار و الثانية المشاكل وما راهيش مع راجلي من البر متعبتلي راسي ماراني قادرة ندير والو ديما كارهة وتعبانة ننسى وراسي يوجعني ربي يجازيكم عاونوني انا راني وحدي و غريبة بعيدة على دارنا ب 700 كم

[sondse1]

اسعد الله صباحكم حبيباتي

اهلا بكل البنات معانا
اهلا بيك اختي blessful ان شاء الله رح نلقاولك حل و تلقاي معانا الصحبة الطيبة ان شاء الله
اهلا بيك اختي chirouette ان شاء الله رح تقدري تشاركي معانا والا نجحت حبيبتنا ليلي باه تدير دورة الموضفات رح تنتقلي تما
ما تنسايش تجاوبيني ع الاسئلة
اهلا بحبيباتي الغاليات وشكرا ع الاجابة ان شاء الله البرنامج رح يناسب الجميع
يومكن موفق

[oummalak]

1/ كم غرفة لديك "الغرف الرئيسية / غرف الاطفال / غرف الاولاد الكبار*بنات*اولاد " :
غرفة واحدة الاوهى غرفتى فيها الفراش الجديد فوق ثلاث خزانات ودولاب كبير +سرير +كوافوز+2تابل دو نوى +تلفاز + خزانة يوضع فوقها +بلكونة
غرف الاولاد الكبارواحدة وبجانبها بيت الغسيل مليء بالخزانات وماكينة خياطة كبيرة واشياء الخياطة ولدي سطح فيه الكارلاج
غرفة البنات 1 فيها 2خزانات+2اسرة مكتب +كومود
2/كم غرفة جلوس لديك
غرفة واحدة فيها صالون مغربي+خزانة تلفاز كبيرة +بلكونة.
3/كم صالون لديك
صالون واحد فيه صالون مغربي+صالون كوير +2خزانات+بلكونة +نافدة
4/كم حمام لديك
حمام1+التواليت حاشاكم
5/كم مطبخ لديك
مطبخ1+بلكونة المطبخفيه6دواليب+تحت البوطاجي طبعا +الكويزنيار ولا اوت والثلاجة وغسالة الاواني
دون ان انسى لي وسط الدار فيه الميكرو والغرف كلها تخرج فيه
لي مدخل البيت فيه بلاكار كبير كي نخملو نهبل
وتحت الدرج مكتب زوجى وفيه الكونجيلاتور الكبير وثلاجة اخرى
في الاسفل يوجد كاراج يصعد الى هدا المدخل يلزمنى ديما نسيقو باه ماتتوسخ الدخلة انتاع البيت
من هدا المدخل نصعد للبيت ومنه نصعد الى السطح وغرفة الاولاد
كدلك بلكونة كبيرة نجلس فيها في الصيف اما اليوم فالشتاء فهو مغلق
6/عدد الاولاد اللي في الطور الابتدائي0
7/ عدد الاولاد في الطور المتوسط "الاكمالي "2
1في الثاناوى
8/ المواد اللي طايحين فيها الاولاد الحمد لله ما عدا لكبير وسط في كل شيء
9/وكل وحدة لو امكن تحط الوقت اللي تدير فيه الزيارات العائلية حتى نعملها وقت ايضا
ما عندي حتى وقت نتمنى توضعولي وقت لانى مودرة وهدا الشيء مهبلنى
نتمنى تقراو مشاركتى بصدر رحب لاننى حطيت منزلي بالتفصيل الممل وسامحونى على الاطالة ونتمنى تفيدينى حبيبتى سندس

[oummalak]

احكيلنا ام امجد عن صديقتك لو سمحت باه نتعلمو منها ان اردت صديقتى والله انتن وليتو صديقاتى وحبيباتى الى ما نستغنى عليهم

[وفاء سعاد]

لازمك تشري خزانة باه تلملك القش تاع ولدك راهو القش كي يعود ماعندوش بلاصة يدير القلقة وماتريش القش بزاف علي خاطر يكبار عليه في ساع وزيد يااختي واش راحلك في الغاشى اللي خارج دارك المهم كي راكي لاباس مع الزوج انتعك وهدا هو المهم اقفلي باب دارك وربي ولدك مليح واهتمي بالزوج انتعك بتنويع الاكل ولبس احسن اللباس وتعطير البيت راكي تحسي بالي راكي مشغولة ويعود ماعندكش الوقت وزيد الاستغفار راهو جد مفيد وربي يفرج عليك blessful احتى

[وفاء سعاد]

اختي ام اريج انا تاني عندي نفس المشكل تاع التخزين الزوج انتاعي عندو هوس الشراءعمري الدنيا

[ام شعيب34بوب]

حابة نشارككم في هذه الطبعة
عندي f3 اعيش انا وزوجي وابني
01 غرفة جلوس(صالون)
01 غرفة نومي
01 غرفة ابني
لا يوجد لدي متمدرسين
حمام
مطبخ ، حوش كبير ، قاراج
انا بعيدة عن الاهل والاقارب
نقوم بزيارات للاصدقاء ايام العطل الاسبوعية اما السوق فكلما احتجت اذهب
نحب داري دائمنا نقية وكل حاجة في بلاصتها مع العلم اني موظفة وفي الاونة الاخيرة التحق للعيش معي اخ زوجي واخي رغم التعب كل يوم نسيق وننظف

[chirouette]

1/ كم غرفة لديك "الغرف الرئيسية / غرف الاطفال / غرف الاولاد الكبار*بنات*اولاد " :
كاين 2 وحدة لماما وبابا وحدة لينا مادام خواتي الأولاد مازالو صغار مازلنا نرقدو في بيت وحدة

2/كم غرفة جلوس لديك
1

3/كم صالون لديك
1

4/كم حمام لديك
1

5/كم مطبخ لديك
1

6/عدد الاولاد اللي في الطور الابتدائي
1
7/ عدد الاولاد في الطور المتوسط "الاكمالي "
0 كاين فالثانوي (أنا هههه)

8/ المواد اللي طايحين فيها الاولاد
رياضيات بالنسبةلاختي انا المواد العلمية كامل نخدم فيهم الحابطة كامل فيهم هي العلوم

9/وكل وحدة لو امكن تحط الوقت اللي تدير فيه الزيارات العائلية حتى نعملها وقت ايضا
حقيقة انا عندي جدتي تسكن قدامنا كل يوم عندها لوكان 2 دقايق بصح عمومي قليل وين نروح ليهم غير من مناسبة لاختها
وخالاتي فالصيف برك

[امجد14]

صباح النوار
عندى اقتراح صغير اختى سندس و هى نزيذ فى هته الدورة الجانب التحدى مع الجانب الدينى و التنضيفى و التربوى الجمالى
يكون عندنا جانب التحدى
كيما راكم عارفين كاامل عندنا عيوب و كل وحدة منا تدخل و تقول عيبها و تحطكيانا كل يوم كيفاش تقدر تتحكم فيه
مثلا انا عيبى نخدم فىشغل البيت و انا على اعصابى ولا اعرف من اين ابدا فى ايضا عيب انى نفرغ زعافى فى اولادى و ان شاء نحاول نحيه و طبعا بمساعدتكم و يريت نزيد الجانب العلمى و كل وحدة تدخل تقول اى معلومة او نصيحة تزيدلنا فى مخزونا الثقافى
و طبعا تحت اشرافك اختى سندوسة

[وفاء سعاد]

صباح النوار
عندى اقتراح صغير اختى سندس و هى نزيذ فى هته الدورة الجانب التحدى مع الجانب الدينى و التنضيفى و التربوى الجمالى
يكون عندنا جانب التحدى
كيما راكم عارفين كاامل عندنا عيوب و كل وحدة منا تدخل و تقول عيبها و تحطكيانا كل يوم كيفاش تقدر تتحكم فيه
مثلا انا عيبى نخدم فىشغل البيت و انا على اعصابى ولا اعرف من اين ابدا فى ايضا عيب انى نفرغ زعافى فى اولادى و ان شاء نحاول نحيه و طبعا بمساعدتكم و يريت نزيد الجانب العلمى و كل وحدة تدخل تقول اى معلومة او نصيحة تزيدلنا فى مخزونا الثقافى
و طبعا تحت اشرافك اختى سندوسة
راهو عجبني اقتراحك اختي ام امجد وانا ايضا متلك راني نخد م متلا بيت ويروحو الاولاد يفزدوها نعود غير نعيط نحس بالي الخلايا العصبية انتاعي كامل تحرقت وكي نعود نقري فيهم ايضا نعود عصبية يااختي ام امجد نضن راهى حبوب منع الحمل هى اللي تهبل فينا وفكرة مليحة انتاع الجانب العلمى على الاقل الواحدة تزيد مخزونها التقافي

[oummalak]

وان معاكم النرفزة جات عندي وتخزنت كلها نتمنى نتخلص منها لانها السبب في كثير من المشاكل

[sondse1]

اهلا بالجميع معانا

شكرا حبيبتي ام امجد ساضع هذا في الحسبان اكيد

حبيت نسقسيكم برك على الجانب التربوي

انا في نظري انو نديرو فيه المواد الاساسية برك
يعني الفرنسية /الادب "العربية" /الرياضيات

و اكيد تكون هناك مراجعة يومية لجميع المواد و حل للتمارين المعطات للاولاد

واش رايكم

[امجد14]

نعم اختى سندس لازم نركز على هته المواد و نتكلم عليها عليها يوميا و نعطيها اهمية لانها ترافق التلميذ على طول مشواره الدراسى
السمحيلى طولت عليك نزيد الجانب الصحى وكل واحدة تدخل تقول كيفاش راهى تعتنى بصحتها
يعنى النحيفة كيفاش راهى الدير باش تزيد فى وزنها و يضا التى تعانى من السمنة كيفاش راهى تعالج فى نفسها
اوايضا الى عندها الضغط او عكسو الهبوط
لازم نتهلاو فى صحتنا و ما نستسلموش باش ما نولوش نساء متمرضات

[بتول8]

السلام لاحلى نساء نساء دورة المراة المثالية,,,
/ كم غرفة لديك "الغرف الرئيسية / غرف الاطفال / غرف الاولاد الكبار*بنات*اولاد " :
2/كم غرفة جلوس لديك
0
3/كم صالون لديك
1
4/كم حمام لديك
1
5/كم مطبخ لديك
1
6/عدد الاولاد اللي في الطور الابتدائي
0
7/ عدد الاولاد في الطور المتوسط "الاكمالي "
0
8/ المواد اللي طايحين فيها الاولاد
0
9/وكل وحدة لو امكن تحط الوقت اللي تدير فيه الزيارات العائلية حتى نعملها وقت ايضا
كل عيد فقط و الصيف في البحر او تحواس لايام

لدي اقتراح جد بسيط هو هل ممكن ادراج المواد المستعملة في تنظيف و ترتيب المنزل لمعرفة فقط الوقت التي تستغرقه كل امراة فمثلا من تنظف بمكنسة يدوية لا تنتهي في نفس الوقت مع من تنظف بمكنسة كهربائية كذلك المواد التنظيفية لانو فيكم من تسكن ماشاء الله في بيت جد واسع مع ذلك تنتهي بسرعة اكبر ممن تسكن في عمارة مثلا و هل هي مسالة اثاث كثير او مواد سريعة التنظيف؟بيتنا صغير لكن اصل ليوم كامل في ترتيبه و تنظيفه لمااااذا؟

[sondse1]

مشكورة حبيبتي ام امجد
ورح ندير اقتراحك في بالي و ندخلو في البرنامج


اهلا بيك حبيبتي بتول
مشكورة على الاجابة
و رح نرجع نرد عليك من بعد

[وفاء سعاد]

اسعد الله مسائكم حباباتي وراهو عجبنى البرنامج التربوي عندك الحق سندوسة المواد الاساسية هي المهمة وتبقى معاهم حتى يكبارو >

[وفاء سعاد]

نعم اختى سندس لازم نركز على هته المواد و نتكلم عليها عليها يوميا و نعطيها اهمية لانها ترافق التلميذ على طول مشواره الدراسى
السمحيلى طولت عليك نزيد الجانب الصحى وكل واحدة تدخل تقول كيفاش راهى تعتنى بصحتها
يعنى النحيفة كيفاش راهى الدير باش تزيد فى وزنها و يضا التى تعانى من السمنة كيفاش راهى تعالج فى نفسها
اوايضا الى عندها الضغط او عكسو الهبوط
لازم نتهلاو فى صحتنا و ما نستسلموش باش ما نولوش نساء متمرضات
واش هدا اختي ام امجد راكي عندك افكار رائعة راكي عندك الحق مئة بالمئة ىارب توافق سندوسة وتحطهولنا فى البرنامج

[ام مريم الجزائرية]

راكم طرقتو لاهم الامور اللي شاغلتنا
لي رجعة ان شاء الله

[oummalak]

اخواتى الحبيبات سامحونى ما عندي حتى واحد ندرسلو لكن ممكن نشارك معاكم في المعلومات الثقافية وخاصة الدينية اصبحت ابحث عن كل ما ينمي ويقوي ايماني
بالنسبة للسمنة قلعتلي قلبي كل مرة ندير ريجيم ونرجع اكثر من المرة الي فاتت نتمنى ونرجو من الاخوات الي عندهم نفس المشكل نقترحو رجيم عقول ونمشيو عليه
بالنسبة للصحة0 انا مشات هادي زمان من كثر ما عانيت اليوم الي ارتاح البال الصحة راحت نتمنى ننقص فالميزان هههههههههههههه ون
رجع شوي خفيفة هكدا يروح علي ظهري وركبتي
كدلك لي امل نرجع نخيط كما بكري
ونعجن الخبز كدلك كما كنت
وكما دكرت الاخت لو تحطولنا مواد التنظيف المستعملة
راني كثرت سامحينى سندوسة وربي يجيب حجاجكم على خير اليوم يجيوا ان شاء الله

[~ حراير ~]

السلام عليكم سندوشتنا العزيزة "عجباتك التدليعة و إلا نزيدلها 3 حروف أخيرن هيهيهيهيه"

عزيزتي المواد الأساسية كل يوم لازم دراستها و زيديلها حفظ كل درس في أي مادة مع يكتبوه لازم يحفظه و يستظهره على الوالدين شفويا و يوم الثلاثاء يستظهره كتابيا
صبيحة الجمعة لدراسة النصوص "يعني تحكمي النص تفليه فلي"
شوفي راني درك مزروبة سامحيني نهارين و نكتبلك برنامج مراجعة "ما يخرش المية هيهيهيه اليوم راهو طايح عليا الضحك ما نعرف واش"

و نقولك باختصار أنا عادة في الويكاند ما نقضيش بزاف نخليه للمراجعة و الدين و الراحة و اللعب و نضافة الجسم ... امبعد راني نفصلك هادي فكرة عامة فقط

خواتاتي لعزيزات أم ملاك لعزيزة و الحبيبة سعاد أم أمجد أم مريومة ..... بالنسبة للأعصاب و السمنة أنا ثاني كانت عندي هاد المشكلة و راني حليتها نقصت من لعياط وليت كيما المانكان الي يعلقو عليها القش "شووييييييييية برك كرشي خارجة و تقريبا من الغازات" و مع هدا ناكل كلشي و قولو لسعاد تحكيلكم على أكلات الشرق ماتلقاي غير لعجين و زيد عندي صنعة انحب ناكل حاجة حلوة في الليل و ثانيك غير لمعسل و الشيكولا ....سخفتو و حبيتو تعودو كيفي .... نقولكم كيفاش .....
..........................
.....................
..........................
........................
........................
..........................
...............................
...............................
................................
.................................
..................................
...............................
................................
................................
.................................
...................................
....................................

...................
..........................
...............................
...............................
................................
.................................
..................................
...............................
................................
................................
.................................
...................................
....................................

في أحلام اليقضة انتاعي
هيهيهيهيهيهيه
هيهيهيهيهيهيه
هههههههه

لا والله غير راني نحكي مني بالصح
والله غير تغلبت على هاد المشاكل
بلا رجيم بلا عمار بوزور
و لكن خليو المرة الجاية و انقولكم

راني رايحة نقضي قضيتي درك

[oummalak]

ايا حكيلي من فضلك على تجربتك رانى متشوقة اختك 90 وطولي 1.57 كارثة

[~ حراير ~]

ايا حكيلي من فضلك على تجربتك رانى متشوقة اختك 90 وطولي 1.57 كارثة

واشي هاد يا أم ملاك حسبتيني الطبيب الصقلي تعطيني في الطول و الوزن

ياك قتلك راني لاهية بالشغل راني غير جيت صدفة نتأكد من وحد المادلان حتان لقيتك

أيا قلت والله نخرجلها قلبها و ما نقولهاش

هيهيهيهيه

[oummalak]

صح عليك وانا حسبتك طبيب لكن غلطت اعطاوني العنوان غلط هههههههههههههه

[وفاء سعاد]

اسعد الله صباحكم اختي ام اريج عندك طريقة نقصت بيها الوزن انتاعك وساكته وقاعدة تشوفي في صحاباتك يتعدبو والله مانا طالقينك حتى تهدريلنا على السروزيد كيما قولتي راهي اكل الشرق نصو عجين ورانا نستناو في برنامج المراجعة واختي ام امجد ماتقوليش الصحة راحت جامي تروح الصحة غير عندنا اهنا في العالم التالث انا كي نتفرج دكتور اوز يجيبهم عندهم امراض القلب الضغط الكوليسترول ومع الريجيم يوليو كيما كانو والاكل الصحي تتجدد الخلايا مام النفسية تاع الانسان كي يولي نحيف تتحسن وتتنحالو الطاقة السلبية اللي كانت مخزنة مع الدهون هكداك انتي راهو الجسم انتاعك مايتحملش الظغط انتاع الخدمة والوزن علا هاديك تولي الفقرا ت تاع الطهر تسطر الكتفين كدالك اما الركب بلا كلام بلا الدوالي وربي يشفينا ويعطينا الارادة باه ننصو هدا العام انا وزني 80كلغ وطولي.1.69. اللي يشوفني يقولي راكي مليحة بصح انا تعقدت حابة نولي كيما كنت وربي يعاون سندوسة وتتهنى راني طولت عليكم فوق الحق

[oummalak]

ربي يحفظك اختى وفاء ام ملاك هي الي صحتها راحت لكن ام امجد ما زالها ما شاء الله ربي يدومها نعمة عليها وعليكم كاملين

[وفاء سعاد]

اختي ام ملاك راني نقصدك انتي بصح كي نبدا نكتب ننسى ونكتب الاسماء كىما ولادي نجي نعيط باسمها نعيط باسم اختها ونطلب من اختي ام امجد تسمحلي راني فايلت عليها ربي مايجيبلها حتى شر

[~ حراير ~]

السلام عليكم و رحمة الله تعالى و بركاته
صباحكم بالخير و الهناء
حبيباتي كيفش صبحتو اليوم

أختي سعاد والله و ربي عالم بنيتي حسيتك قريبة مني بزاف ما نعرف كي عدتي تسكني في قسمطينة و إلا كي عاد فيك ياسر حوايج يشبهوني ... ربي يدوم المحبة بيناتنا و يلاقينا في الجنة عنده آمين
عزيزتي أم ملاك أنا ثاني كانت توجعني رقبتي و كانت تبانلي بلي كتفي هو الي يوجعني لكني لما رحت لطبيب قالي عادي أنه المرأة يوجعوها عضامها لأنه "سبحان الله العظيم" كي تعود المرأة بالحمل الجنين يمتص من عظمها المواد الي يحتاجهم خاصة إذا كانت المرأة ما تتغذاش مليح ... و امبعد يصيرو يقولونا المرأة تطيح قبل الراجل ... مالي سي نورمال اطيح لأنها تخرجلو في الذرية "غير ربي يهدينا برك و انحسو بقيمة أمهاتنا"
أما آلام الرقبة فسببه الرئيسي هو الأعصاب ... أختي العزيزة أنا مش ندخل في حياتك و لكني من حبي ليك انقولك إذا كنتي متعصبة أو بيك حاجة شهدي و استغفر و توكلي على ربي و نحي على بالك و هاد لكلام نحكيلكم يا خواتاتي على تجربة ... ماكان حتى واحد يقدر ينحي عليك القلق و الديقوتاج و الأعصاب غير ... أنت و بإتكالك على الله

عن الرجيم انحب انقولكم أولا و طبعا انتم تعرفون أن كل امرأة و جسمها يعني ممكن الي نفع معاي ما ينفعش مع أخرى ... المهم أول حاجة المشي ... أنا و لأنه زوجي ماكانش نروح نمشي من داري للسوق و نقضي و نروح نمشي كي نعود رايحة لبلاصة أو زيارة نروح نمشي ... المرة الأولى تتوجعي خاصة الي مش موالف و بعدين توالفي و تنقض عليك آلام الظهر ... حتى أن جارتي الي ما يخليهاش زوجها تروح للسوق اصبحت تخرج تمشي مرتين في السمانة يعني تدور برك و استفادت كثير
حاجة أخرى ما نكلش مابين الوجبات يعني من الفطور للغداء لقهوة المساء للعشاء ما ناكل بيناتهم والو ... هاد وش تفكلات درك امبعد انزيد انقولكم على حوايج أخرين

أما عن الأعصاب فلازم اتديري برنامج تمشي عليه باش ما تتحصريش في الخدمة و تعاوني روحك بالبكرة و بالقضية بعد العشاء يعني مثلا أنا بعد العشاء لازم لولاد كامل يلمو غرفتهم و ما يرقدوش حتان تتنظم مليح و إلا "عقوبات" وهاد مش نظلم فيهم بالعكس راح يتعلمو النظام ... و أنا نغسل المواعين و نجوز نشافة على الكوزينة و الحمام و المرحاض أكرمكم الله و لما ينامو الأولاد انظم غرفة الجلوس و نجوز عليها بالية "مكنسة" ... و هكدا راح تلقاي روحك خفيفة الصباح
و زيد انوض بكري أنا و الأولاد باش انقصو من لعياط و الصراخ
"راني علابالي .... ياله نوووووووووووض يااااله ألبسسسسسسس قشششششششششششك يا المصيبة يااااااا .....
هيهيهيهيهيهيه
مالي باش ما تديريش هك ديري كيفي و نوضيهم بكري"
و على ما يخرجو لولاد 7:30 ننصب 2 برم وحدة تاع الغداء و أخرى تاع العشاء ... أو أحظر كل شيئ إذا أردت اندير بيتزا أو ليكيش ...... و بعدها نروح لغسل الملابس أو البرنامج انتاعنا تقريبا 9 :30 العشرة على أكثر تقدير نلقى روحي فارغة

سندسة إن شاء الله يكونو الحجاج وصلو بخير .... و قوليلي وش جابولك و كي تشربي من زمزم ما تنسايناش بدعوة اعي لولادنا راهو قريب الإمتحانات

بالنسبة لبرنامج المراجعة أنا نبدأ الصباح هاد الوقت كي يعودو التلاميذ يدرسو نحضرلهم التمرينات باش يلقاوهم ساجيين المساء
بالنسبة للطبخ الصباح ننصب زوج برم واحدة للغداء و الأخرى للعشاء باش لعشية نلقى روحي فارغة ليهم ... و حتى لزوج انتاعك خير ملي تقعدي في الكوزينة و هو قاعد وحدو
لما يجوي الأولاد لعشية ياكلو لمجتهم و نبداو نعولو على ربي نقعدو متقابلين في الطاولة و نبداو حسب الأهمية
1- الواجبات
2- مراجعة الدروس للمواد الرئيسية و حل تمرينات فيها
3- مراجعة الدرس الي كتبوه في باقي المواد علمية ، اسلامية .... يعني يفهموه و امبعد يحفظوه و يستظهروه شفويا
4- جمع أدواتهم و تحضير أدواتهم انتاع غدوة
ملاحظة لازم انقولها .... بعد كل نصف ساعة دراسة لازم تعطيهم وقت للراحة أنا عندي 3 يقراو كل مرة نعطي لوحدة راحة و نلتى بأختها ما تجي تكمل راحتها يجي وقت راحة أختها .... الراحة في الميكرو |أو التلفاز أو ما تريد
هذا يوميا أما الثلاثاء مساءا فنفس البرنامج و انزيدلو استظهار الدروس الي حفظوها كتابيا مثلا كتبو في الإسلامية درس الصدقة تعاود تكتبهولي "لأن الإستظهار بالكتابة ينفع أكثر من الشفوي"

الجمعة صباحا دراسة النص نفليوه فلي "فهم النص، الأسئلة تاع النص، اعراب، صرف، شرح مفردات، أضداد، تلخيص النص، محاولة في التعبير المطلوب، و نعطيهم تعبير من عندي يديروه،
الجمعة مساءا راحة حتان المغرب نراجعو الإسلامية أو نقراو قصة اسلامية مع بعض "يعني على حسب الوقت مثلا هاد الأيامات تاع الإمتحان نستغلوها في الدراسة"

السبت صباحا بعد الدوش الرياضيات نفليوها فلي جميع دروس الأسبوع نديرو فيهم تمرينات "انكون محضرتهم من قبل باش نستغلو الوقت"
السبت في القيلولة راحة ... بعد العصر نعاودو استظهار الدروس الي حفظوها كتابيا أيضا ثم يجهزو رواحهم للغد و بعدين تقريبا يصبح المغرب راحة تامة

ملاحظة أولادي منظمين جدا يعني نومهم مثلا 9 ما يفوتوهاش ينوضو كامل على 6 صباحا غسل لبس فطور صلاة في عقلنا ما نعيطو ما نتقلقو

هاه راني نستنى في تعليقاتكم

راني علابالي بلي كثرت و لكن نزيد انقول حاجة مرة سألت أخت كياش تكملو بكري أنا انقولها لا مواد تنظيف لا مكنسة كهربائية لا عمار بوزور
المهم ي التوكل على الله
أنا على ما نحل عيني نبدأ ندعي يا ربي اعيني على هاد النهار يا ربي يا حنين يا كريم راني لايحة توكالي و اعتمادي عليك ما تخذلنش و كون معايا... يعني كل وحدة تدعي بلهجتها و كأنها تطلب و تحاول و تتذلل لله تعالى و زيد كي نعود نقضي التسبيح و الاستغفار و الذكر راهم يعاونو و كأنه زوج حراير يعاونو فيك

[امجد14]

الله الله عليك ايا اختى اريج المسك رانى استفدت منك بزاااف خصوصا المنواض بكى انا والادى ينامو على الثامنةو و نصف لكن نوضهم على السابعة و نحس الوقت ما يكفني و عندما يروحو نحس بتعب شديد و هبوط فى السكر و الدورة الدموية خلاص من اليوم نوض على السادسة و
ايضا عجبتنى فكرة العشاء مع الغذاء لان المساء ضيق و وزوجى يحب يتعشى من بعد صلاة المغرب مباشرة و الوقت ضيق و انا نولى على اعصايى مراجعة الدروس من جهة و و العشا ء من جهة اخرى مشكو وووووووووووووورة حبيبتى اريحج المسك
لكن حبت نكرك ما تنساي الصادويتشات الاطفال الذين ياخذونها معاهم للمدرسة راهى مهمة جذا و هى التى تعطى الطاقة و تخلى الطفل نشيط فى القسم حبيت برك نذكرك بها لانها غندها اهمية كييييييييرة

[Lili Rose]

صباح لخير يافحلاتي العزيزات
إن شاء الله راكم بخير ياك مانسيتونيش
نقتلكم:mh5858:
أنا كتبت في بداية هذا الموضوع لي عودة
في نيتي نرجع نجاوب سندس ع اسئلتها والمشاركة معكن في الطبعة العاشرة وأيضاً في دورة الموضفات إن ثم فتحها من جديد
لكن تقلب كلش رأس على عقب
المهم باه ماتقولش أي نساتنى ولا معندهاش كلمة قالت نرجع ومرجعتش
هاني جيتكم وحبيت نقلكم حاجة
شفت بلي عندكم أولاد في المتوسط والثانوي ورايحين تزيدوا البرنامج الدورة وقت المراجعة والدراسة
جيت نقترح عليكم مساعدة أمي استادة رياضيات في الثانوية وابي دكتور في الأدب العربية كان يقري في الجامعة لكن بدل الخدمة من زمان
المهم إذا احتجتو أي مساعدة في الرياضيات مستوى ثانوي أو اللغة العربية جميع المستويات إكتبولي برك ونجيبلكم الحل إن شاء الله

[oummalak]

ما شاء الله اختى اريج لكن ان ولادي كانو منظمين فالصغر وكي كبرو شوي شوي

[oummalak]

مشكورة ليلي روز حبيبتي ممتنة لك لو افدتني في الرياضيات ولدي عندهم استاد يقولهم بغيتو تفهمو ولا تقعدو ورانى مقلقة عليه لانو العام الجاي الباك والله غير من اليوم رانى نخمم اجددشكري لك على الاقتراح

[Lili Rose]

لبنات إذا الكل قريتو إقتراح تاعي قولولي باه نمحي الإقتراح أو بالاحرى مهنة الوالدين لا أحبد أن أتهم بالرياء شكراً لتفهمكن يا لعزيزات

[Lili Rose]

شوفي حبيبتى أم أسماء أني قلتلك راني لهنا غير سقسيني برك ولا إذا مفهمش درس ولا حاب حل نتاع تمرين
وش من شعبة ولدك

مشكورة ليلي روز حبيبتي ممتنة لك لو افدتني في الرياضيات ولدي عندهم استاد يقولهم بغيتو تفهمو ولا تقعدو ورانى مقلقة عليه لانو العام الجاي الباك والله غير من اليوم رانى نخمم اجددشكري لك على الاقتراح

[oummalak]

لالاما تمحيهاش انا الاولى من شكرتك على اقتراحك من فضلك

[oummalak]

ولدي علمى سنة ثانية

[Lili Rose]

أوكي كشما يسحق حاجة قوليلي إكتبولي برك رسالة خاصة أو في موضوع مستقل ولا كما حبيتو
إسمحولي درك مزروبة رايحة نخدم إلى الملتقى:mh31:


ولدي علمى سنة ثانية

[~ حراير ~]

الله الله عليك ايا اختى اريج المسك رانى استفدت منك بزاااف خصوصا المنواض بكى انا والادى ينامو على الثامنةو و نصف لكن نوضهم على السابعة و نحس الوقت ما يكفني و عندما يروحو نحس بتعب شديد و هبوط فى السكر و الدورة الدموية خلاص من اليوم نوض على السادسة و
ايضا عجبتنى فكرة العشاء مع الغذاء لان المساء ضيق و وزوجى يحب يتعشى من بعد صلاة المغرب مباشرة و الوقت ضيق و انا نولى على اعصايى مراجعة الدروس من جهة و و العشا ء من جهة اخرى مشكو وووووووووووووورة حبيبتى اريحج المسك
لكن حبت نكرك ما تنساي الصادويتشات الاطفال الذين ياخذونها معاهم للمدرسة راهى مهمة جذا و هى التى تعطى الطاقة و تخلى الطفل نشيط فى القسم حبيت برك نذكرك بها لانها غندها اهمية كييييييييرة

ايه يعطيك الصحة و ربي يكون في العون
و على السندويتشات أنا فعلا نعطيهم اللمجة يوميا ي الصباح لكن المساء ما نعطيهمش أنا في العادة نديرلهم كاشير أو باتي أو طن مع الخبز و معاه تمرات "لأن التمر مفيد في إعادة الطاقة" و لكن هاد اليومين كي عادت السخانة راني نعطيهم goutte نشريه من برا .... و انت وش تعطيلهم دبري عليا ؟؟؟؟
و حبيت ننصحكم على أيام الإمتحانات و قبلها يعني وقت المراجعة أعطوهم الفاكهة و لكن تكون مرحية يعني عصير و هاد هي الكيفية
2حبات فاكهة "الموجودة عندك" + بيضة نية مش طايبة + علبة ياغورت + حليب + مغرفف عسل و ترحيهم في الميكسور
هاد راهو مشروب الطاقة يفطرو بيه أو وقت المراجعة و ما تخافوش من البيض ماراحش تحسو بيه خلاص و لا بريحتو "الي عندها حساسية من البيض برك تنحيه"

أختي ليلي ما تنحي والو ما حسيتكش خلاص راكي تفوخي و لا تزوخي علينا خاصة و أنك تتكلمي بنية المساعدة ربي يبارك يك و نزيد انقولك والديك تفتخري بيهم ربي يشدهملك و يحفظك ليهم .... قوليلي راني ما فهمتكش ماراحش تكوني معانا في الدورة الجديدة؟؟؟؟؟

وراح انقولكم على حاجة حرف الفاء ف ساعات ما يخدمش عندي تولهو لأخطائي هيهيهيهيهيهيه

[وفاء سعاد]

ربي يعيشك اختي ام اريج انا تاني والله غير نشتيك ونحب نقرى المشاركات انتاعك وكون نصيبهم مايخلاصوش وتعجبيني بزاف في تدريس اولادك على خاطر انا تاني كيما انت مريضة بقراية اولادي كنت كي نروح الدارنا نقعد نقري فيهم يقولولي جيتي تحكي معانا ولاتقريهم خليهم يرتحو شوية بصح انا مانضيعش الوقت ونهار يجيبو النقط نشبع فرحة والان ابنتى هي الاولي على مستوى المتوسطة انتاعها مام ابنتى الاخري السنة الرابعة كي ديتها لمدرسة اخرى المعلمة حارت فيها احسن من التلاميد انتاعها وهدا من مجهودي في البيت حتي الصيف كي نروحو للبحر ونحوسو نقريهم ونحسلنهم مستواهم في اللغات الاجنبية ونقولهم نحكيو بيها مع بعض واللي يغلط ينعت لاخوه والله تعلمو العجب

[وفاء سعاد]

ماختى ام اريج هداك المشروب دريهولهم على الصباح يعني يشربوه علي الفراغ وزيد البيض النئ اليست فيه خطورة لانه يحتوي عاى فيروس السلامونياولدلك يلزمه الطهي جيدا مثله مثل اللحم و الدجاج او مالفة اديريه لولادك نورمال ومادارلهم والو من اسهال اواعراض اخرى ارجو الاجابة راهو عجبنى بزاف

[وفاء سعاد]

راهي عجبتنى فكرة الغداء والعشاء نطيبهم في نفس الوقت درك نطبقها ونشوف لاماقالوليش عجبنا العشاء ناكلوه الان

[oummalak]

والله ياوفا ء نحب نقرا مشاركاتك تضحكني وتنحيلي على خاطري
اريج المسك راك44444444444444 في كل شىء
ننصحكم غير بالشوي على ولادكم خليهم يطلعو حبة حبة نخاف عليهم كي يكبروا
والله وحدة بنت عمتى كانت دائما وراء بنتها خصه دائما بنتها الاولى على المدارس باطوارها الثلاثة والله كي جات للباك والله ما راني نزيد كلمة والله على ما اقول شهيد
البنت هبلت وقعدت غير تضحك خرجوها الاساتدة وقالولها لايمكن هاد تجوز الباك
وباءت كل امال امها بالفشل ولات لابنت ولا قراية
نتمنى تفهمونى وربي يحفظ وليداتكم ويسترهم وخليولهم وقت الاجازة للترفيه على النفس فيما يرضي الله تقبلو نصيحة اختكم التي تحبكم

[امجد14]

اختى اريج المسك اعطى دائما لاولادك و ربيهم عليه هو الزبيب اثبت العلماء ان حبة زبيب تعادل قرص من الحديد و اليكى ان تتخيلى
الماييز نعم الماييز او الفشار الذي يموتو عليه اولادنا اعطيهلهم بعد الوجبات فلد اثبت انه يحسن و يقوى الذاكرة

القهوة او النسكافى نعم النسكافى تزيد فى التركيز لكن ياخذها الطفل بعد الاكل فانها رهيبة خاصة للاطفال الذين يعانون من قلة التركيز و فرط فى الحركة
وانا جربتهم و حسيت بفايدتهم

[~ حراير ~]

يعطيك الصحة يا أم أمجد أنا ثاني نعطيهم الزبيب لكن الفشار و النسكافي عمرو ما جا في بالي
زيدي أكديلي على النسكافي كيفاش نعطيهالهم نعمللهم قاطو بيها و إلا كيفاش خفت نعطيهالهم هكاك تضرهم أو يوالفو بيها و هوما مازالو صغار
و زيدي كان تعرفي طريقة عمل الفشار اعطيهولي بالتفصيل الممل "يعني من لي تشريه الوين تدخلي للكوزينة حتان يطيب لاخاطر ديما انخاف انديرو"

أختي سعاد العصير راني مجرباتو من الي كنت نقرا في الجامعة يعني من 13 سنة و إذا خفتي منه جربيه نهار الجمعة "لولاد ما يقراوش" و ما تزوديلهمش حتان يوالفو بيه شوفي في العادة أنا اندير 2بنان 1 تفاح "لأنه فايدتهم كبيرة" + غلبة ياغورت + مغرفتين عسل الشفاء + حليب حسب ما راكي حاباتو يخثار أنا يجيني طاس تاع الميكسور معمر ، انصب لكل واحد بول كبير مع الباي الي يمصو بيها و زيد هو فيه الفقاعات تعجبهم للخر .... نديرهولهم الصباح والله ما يشيبوني باه يشربوه كيما لحليب جربيهولهم و قوليلي ردة الفعل
بالنسبة للعشاء انا ثاني يحبو ياكلولي منه بصح على ما نطيبو انخبيه على روحي أنا اسع لأنه في العادة يكون خفيف و انحب اندير منه سندويتش على هك على ما نطفي عليه انخبيه
و زيد كي تجبديه في الليل تفرحي بيه هاداك حدك لاخاطر تكوني تهنيتي منه
مثلا أنا امبارح درت بربوشة في الغداء يعني النعمة و في الليل درت طجين زيتون
اليوم درت محجوبة للغداء و راني موجدة سلاطة ماسيدوان حدني ندوزنها بالفينيقرات امبعد و معاها شوية زيتون قعدلي من امس و الخبز

[وفاء سعاد]

تعيشى اختي ام ملاك نعود امالا نكتر من المشاركات هكدا نحيليلك على خاطرك بزاف ويااختي اريج غدوة نجرب العصير مام انا نشرب منو ويااختي ام امجد انا النسكافي ماتخطينيش دائما نشرب بيها الحليب وكنت نخاف نمدها للاولاد بحكم انها مركزة بصح كى عدتي مجربتها نعود نمدهالهم مع الحليب والزبيب انا ايضا اعلم انه جيد لفقر الدم لما يحتويه على الحديد

[امجد14]

صباح الانوار

لازم نفهمكم على النسكافى
النسكافى نعطوها للاولاد فى فترة الفروض و الاختبرات فقط او عندما تكون كاين مراجعة قوية و كثيرة
نعطوهالهم بكمية قلية خصوصا فترة الضهيرة تساعدهم على التركيز و تقوي نشاطهم
و ايضا نعطوها للاطفال الذين يعانون بقلة التركيز و فرط فى الحركة

[sondse1]

اسعد الله صباحكن حبيباتي
كيف الاحوال ان شاء الله بالف خير
توحشتكم بزاااااااااااااااااااااااااااااااااااف
راني نسرق في الوقت باه نجي نطل على حباباتي و نشوف احوالكم
نتمنالكم التوفيق

[sarra5]

http://www.djelfa.info/vb/showthread.php?t=972993

ملف خاص بعصائر طبيعية من اعداد فحلات الجلفة

[sondse1]

اسعد الله مسائكم
كيف احوالكم ان شاء الله بالف خير
دخلت نقوللكم على وحد الحاجة قلقتني بزاف و حبيت تنصحوني واش ندير وواش نتصرف
ما قدرتش نتصرف حتى تصرف تحت الضغط هذا
المهم بلا مقدمات المشكل هذا راه بيني و بين اختي الوحيدة
الا و هو مشكل الغيرة
ذرك هي كيفاه بدات
بدات نهار وصلو الحجاج نتاعنا في الليل فتحنا الفاليزات كيما كامل الناس عادي
و بدينا نقسمو في الحوايج نتاع البوراكة
و بابا دارنا حوايجنا كل واحد في صاشيتو و خلاهم في فاليزة وحدهم
المهم كي قسمنا كلشي ماما ربي يحفضها كلفتني انا باش نمد للناس اللي يجيو يبوركو و وراتلي كيفاه نقسم ووصاني على كل شي
كيما عارفين ملات الدار لازم تقعد مع الناس اللي يجيو ووحدة تقوم بالحوايج الاخرى
وماما على نيتها مسكينة وكلتني انا بحكم اني انا البنت الوحيدة اللي في الدار و اختي راهي متزوجة و بالزيادة نافسة
في اليوم الثاني كيما روحت جدة لبيتها باه تستقبل ضيافها اختي تحاست مع ماما و قاتلها كيفاه توكلي ميمي على كلشي و انا اكبر منها ماما برتلها علاه بحكم انها نافسة وما يليقلهاش الجري نتاع روح جيب و ارواح و ادي ....الخ سورتو انها والدة بعملية قيصرية يعني لازملها روبو تام اختي زعفت و قاتلها تحبيها خير مني وتعافرت معايا
انا خليتها في نيتها و قلت كي تهدى نحكي معاها و نفهمها
واللي زاد الطين بلة انو كي فتح بابا الفاليزة نتاعنا جابلي شوي حوايج زيادة بحكم اني في مرحلة زواج و من ضمن الجهاز
انا ما قبلتش و قلت لماما ماتزيدوش تحسوها اني مخيرة عليها و مانيش حابة مشاكل مي ماما و بابا اصرو
وبابا قالي بلي راني عادل بيناتكم و انو هي جابلها اكثر مني تاني
لانو قبل عامين بابا راح للعمرة و جاب لاختي اكثر مني بخاتم و حوايج اخرى نتاع الشهرة بحكم انها كانت مخطوبة و مقبلة على الزواج وانا والله ما قلت حاجة بالعكس زدتها 2 حوايج من نتاوعي يصلحو للعرايس
و اختي ربي يهديها كي شافت بلي جابلي اكثر منها بشوي زعفت و شنفت و ذرك ماراهيش تحكي معايا
وكي صرا هذا المشكل ولات كامل ما تشوفش فيا ولات تقول لماما انها تحبني اكثر منها
وماما عيات وهي تفهم فيها انو هذي ماشي تفضلة مي هاذي حاجة لازمة على بابا و فكرتها انو في العمرة جابلها اكثر مني و انو انا اللي راني حاملة الدار كامل على كتافي من كلشي و هكذاك ما حبتش تستعرف
و ذرك انا صراحة ما قدرتش نستحمل معاملتها ليا و خصوصا لما يجيو الضياف تحب تهيني قدامهم و تتمسخر عليا
مع اني ندير كلشي وحدي و واحدة ما تمس معايا حتى حاجة حتى طاس الماء نجيبولهم انا و هكذاك و نقول معليهش على خاطر والديا اللي رباوني و كبروني و نردلهم خيرهم اللي مهما ندير مارايحاش نوفيهم حقهم
مي ما استحملتش اهاناتها ليا ووصلت بيها حتى انها تقلق ماما بكلامها
حتان قلت لماما انو نمدلها الحوايج اللي جابهملي كامل ماندي حتى حاجة المهم تخليني في حالي
وذرك حباباتي راني علابالي كسرتلكم راسكم مي نتمنى نلقى عندكم جواب على سؤالي كيفاه ندير معاها دون ان ناذيها او نجرحها وحابة علاقتنا ترجع كيما كانت قبل معليهش تغير مني مي بلا اهانات

[cherilety]

مساء الخير الاخت سندس ، الله يعينك ، في الاول لازم تحوسي على سبب كل هذه الغيرة ، بلاك كراه نافسة ، ولا كان الوالدين يدللوها بزاف و والفت كلشي ليها ، ككبرت وليتي تنافسيها في كلشي ...
و افضل حل هو الحوار ثم الحوار ، حاولي تهدري معاها و لو احرجتك اصبري ، انشاء الله يهديها

[وفاء سعاد]

صباح الخير عليكم صحاباتي الاعزاء مبروك عليك سندوسة عودة الحجاج وربي يعاونك في الشقى اختي سندوسة ماتقلقي روحك ماوالو راكي في دار باباك وهي ضيفة وقاعدين تخدمو عليها يعني مدايرة فيها الخير انا خاوتي كي كنت نافسة ويخدمو علي كي يروحو نكسيهم من راسهم لرجليهم والغيرة انتاعها غير
مبررة اطلاقا لانها الان متزوجة وخرجت من مسؤولية باباك واي حاجة يجيبهالها يكتر خيرو وانت مازلت تحت مسؤوليته ونورمالمو هي اللي تقولهم يجيبولها لانك سياتي يوم وتتزوجيين ربي يهديها وماتعانديهاش لانها تحت تاثير الهرمونات ونافسة واصبري حتى ترتاح واحكي معاها بالعقل وفهميها كي هي كانو يجيبولها وهي طفلة الان دورك انت وربي يصفي القلوب ويحننكم على بعضاكم

[فراشات العمر]

شوفي اختي سندس هدى لي رهح للحج راح ينقي روحو من الذنوب باه اختك تفسد عليكم الفرحة يعني حبت تقول ان باباك مازال متنقاش من الذنوب حاولي انت ماترديش عليها وتجنبيها كي تبدا بالهدرة اخرجي لانك لوكان تردي عليها قدام الضيوف توليلكم عيب وباباك يتقلق مالا غير اسكتي عليها وقليلها ربي يهديك ماتكثريش معاها الهدرة
الهدية من عند باباك مدهالك وهو راضي

[sondse1]

اسعد الله صباحكن حبيباتي

الف شكر ليكم سعاد / بنت خليل / cherilety على نصايحكم ان شاء الله رح نقتدي بيها

و نتمنى حبيبتنا ام اريج تنصحني هي تاني

ربي يعطيكم ما تتمناو

[ام مريم الجزائرية]

السلام عليكم
مريومة الحمد لله اللي وصلو الحجاج بخير وانا فان جيت نغير ماجبتيليش شتا قلتلك ماء زمزم والاثمد
شوفي انت الله يبارك كبيرة ورزينة ماتعانديش اختك في الشرع المعاملة ليس بالمثل يعني كبري قلبك معاها اما بالنسبة انها تتمسخر قدام الناس هدري معاها بالشوية وقوليلها ماتحرجينيش امام الناس او خلي امك تحكي معاها اما بالنسبة لحوايجك ماتمديهمش ليها هذا حقك وباباك راه عارف شتا دار
ربي يصلح بيناتكم ويهديها

[sarra5]

صباح الخير عليكم

سندوستي الجميلة

يا عمري آآ’ه ختك هادي انا نروح نتفاهم معاها

انتي انساي واش قالت كامل

والله انا متاكدة انها تحبك لكن شافت روحها نافسة وعاجزة تعمل واش عملتي و زيد باباك جابلك اكثر بحكم انك عروسة

ف اختك حكمتها نوع من الغيرة اللارادية

بصح دوك تراجع نفسها و اتشوفي كيفاه اتعود

عندي فكرة

بما ان اختك نافسة وغير عادا وين جابت بنوتة تهبل

ديريلها غداء واعرضيها هي وراجلها بالخصوص

طبعا ماشي درك حتا ترتاحي راكي تعبانة بزااف

وفي هذاك الوفت احكميها وحدها وفهميها كلشي و فرغ قلبك مليح وشوفي اذا ماتبدلتش معاك

لان المعاملة بالحسنى اتجيب غير الخير

[~ حراير ~]

السلام عليكم و رحمة الله تعالى و بركاته

عزيزتي مريومة راني غير ما قريت رسالتك ادخلت نجري و ماكانش في بالي اخلاص بلي راح نلقى هاد الموضوع المهم و بما أنك حبيتي طلبتي رايي فأنا راح نقولك وش اندير كون جيت في بلاصتك

الحاجة الأولي شهدي و استغفري و العني الشيطان الرجيم الي حاب يدخل يبنك و بين أختك

الحاجة الثانية ركزيلي مليح على الكلمة الي قلتيها "الضغط" يتسمى انت في الضغط و أختك نافسة و ما تستبعديش أبدا أنها دخلت في اكتئاب ما بعد الولادة يعني لازم نحسنو عونها و نسايسوها و نوقفو معاها باش ما يطورش عليها و نعودو "بعيد الشر" في حاجة أخرى و اسأليني أنا على هاد الإكتئاب لأني مريت به و لولا ستر الله و عائلتي وقفو معايا ما نعرف وين راني درك و الحمد لله على كل حال

وحاجة أخرى أسئلي نفسك شكون خير القش و الروايح و الذهب و إلا أختك و عايلتك بصفة عامة و الهناء في الدار خاصة قدام ميمتك مسكينة و باباك الي راهو جاي من التعب لأنه الحج تقول عليه جهاد .... احنا العام الي فات كي جا بابا من الحج والله حسيتو فارغ تخيلي كي سلمت عليه حسيت روحي راح انهز و نطلع بيه لدار هيهيهيه كيما الطفل الصغير

على هك حبوبتي استهلي في والديك و العني الشيطان و ما تخليلو حتى فرصة باه يدخل في عايلتك كوني انت فحلة عليه و قوية بإيمانك .... و زيد راهو مش الشيطان وحدو الي يتشفى فيك كون تصرى حاجة "لاقدر الله" بينك و بين أختك ... راكي تلقاي الجيران و الكنات و بنات العم و بنات الخال كامل في أول فرصة يحبو "يعايروكم" سامحيني على الكلمة و لكن الحقيقة هاد هي على هك حبوبتي ما تخلي الفرصة لحتى واحد أنه يقولك كلمة مش مليحة على وخيتك

درك انقولك كيفاش نتصرف أنا أول حاجة أنا مش مع الأخت ام مريم أنك اتقوليلها ماتعاودش تهدر معاك هكداك قدام الناس لأنها ممكن تجيبها لعبة و تعود "تحمص" فيك و تقولك الكلام الي يزعجك مالا عزيزتي أجلبيها ليك بالهدرة المليحة و و بجليها في الحوايج الي تحبهم مثلا تعودو تاكلو أعطيها من قسمتك أبداي بيها في إعطاء افاكهة و هكذا و كي تعودي قاعدة و تجي هي نوضيلها و قلها أرواحي أقعدي منا .... و هك بالشوية بالشوية حتان يطير هاد الشيطان
و عندك تقولي راني انحط من روحي بلعكس راكي انت خير عند ربي بتصرفاتك هادي و كيما نقولو "الملاحة تغلب القباحة" مالا كوني مليحة تربحي دنيتك و آخرتك و تربحي رضا والديك و إن شاء الله حتى أختك تعاود ترجع لعقلها بهاد التصرفات

و حتى القش مافيها والو كون تقوليلها خيري وش حبيتي و راهو بابا مسكين حب يشَوَرْني من درك و جيبيهالها بتمسخيرة بلاك راهو كره مني و حبني نروح عليه .... و هك و أنا نتوقع أنه قلبها يحن و ما تاخذش منو ..... و حتى كان أخذت وش حبت .... ديري في بالك بلي القش يتقطع و الريحة تفرغ و الذهب يرشى و ما يبقى غير الكلمة الطيبة .... و وين تبقى تبقالك دعاوي خير من عند والديك و رضى من عند الله ... و زيد ممكن ربي يعوض صبرك خير و يرجعلك الحاجة بألف حاجة أخرى
أختي لعزيزة مريومة بلاك تقولي لا ما نحطش من روحي "خاصة و أني مش عارفة عقلية أختك موالفة هك ولالا" لكن صدقيني كي تبردي المشكل ماراحش تندمي بصح كون تكبريه انت و إلا هي راح تبقاي على طول حياتك نادمة
و ربي يطيب عشرتكم و يرزقكم بالهناء و المحبة على طول الحياة

و درك وش اديري التاي بشغلك و بوالديك و كبري مخك خليك من الصغائر ديما خلي همتك مرفوعة للسماء

[sondse1]

السلام عليكم و رحمة الله تعالى و بركاته

عزيزتي مريومة راني غير ما قريت رسالتك ادخلت نجري و ماكانش في بالي اخلاص بلي راح نلقى هاد الموضوع المهم و بما أنك حبيتي طلبتي رايي فأنا راح نقولك وش اندير كون جيت في بلاصتك

الحاجة الأولي شهدي و استغفري و العني الشيطان الرجيم الي حاب يدخل يبنك و بين أختك
ربي يلعنو و يغزيه
الحاجة الثانية ركزيلي مليح على الكلمة الي قلتيها "الضغط" يتسمى انت في الضغط و أختك نافسة و ما تستبعديش أبدا أنها دخلت في اكتئاب ما بعد الولادة يعني لازم نحسنو عونها و نسايسوها و نوقفو معاها باش ما يطورش عليها و نعودو "بعيد الشر" في حاجة أخرى و اسأليني أنا على هاد الإكتئاب لأني مريت به و لولا ستر الله و عائلتي وقفو معايا ما نعرف وين راني درك و الحمد لله على كل حال

وحاجة أخرى أسئلي نفسك شكون خير القش و الروايح و الذهب و إلا أختك و عايلتك بصفة عامة و الهناء في الدار خاصة قدام ميمتك مسكينة و باباك الي راهو جاي من التعب لأنه الحج تقول عليه جهاد .... احنا العام الي فات كي جا بابا من الحج والله حسيتو فارغ تخيلي كي سلمت عليه حسيت روحي راح انهز و نطلع بيه لدار هيهيهيه كيما الطفل الصغير

صدقيني حنونة والله غير مساعفتها على قدر ما نقدر ومهما كان راهي اختي الوحيدة و الكبيرة
و الله محترمتها ونحبها و نعزها فوق ما تتصوري
على هك حبوبتي استهلي في والديك و العني الشيطان و ما تخليلو حتى فرصة باه يدخل في عايلتك كوني انت فحلة عليه و قوية بإيمانك .... و زيد راهو مش الشيطان وحدو الي يتشفى فيك كون تصرى حاجة "لاقدر الله" بينك و بين أختك ... راكي تلقاي الجيران و الكنات و بنات العم و بنات الخال كامل في أول فرصة يحبو "يعايروكم" سامحيني على الكلمة و لكن الحقيقة هاد هي على هك حبوبتي ما تخلي الفرصة لحتى واحد أنه يقولك كلمة مش مليحة على وخيتك
صح لسانك حنونة ربي ينعلو و يخزيه
درك انقولك كيفاش نتصرف أنا أول حاجة أنا مش مع الأخت ام مريم أنك اتقوليلها ماتعاودش تهدر معاك هكداك قدام الناس لأنها ممكن تجيبها لعبة و تعود "تحمص" فيك و تقولك الكلام الي يزعجك مالا عزيزتي أجلبيها ليك بالهدرة المليحة و و بجليها في الحوايج الي تحبهم مثلا تعودو تاكلو أعطيها من قسمتك أبداي بيها في إعطاء افاكهة و هكذا و كي تعودي قاعدة و تجي هي نوضيلها و قلها أرواحي أقعدي منا .... و هك بالشوية بالشوية حتان يطير هاد الشيطان
والله حنونة كل شي راكي تقولي فيه درتو و زدت عليه وحتى و هي عند عجوزتها نطيبلها الغدا بالعشا و نديهولها بنفسي بنيتها ربي يحفضهالها والله غير نحبها اكثر من نفسي و غير الحاجة لعزيزة اللي نديرهالها حتى وان ماما كسات اختي و بنتها انا درتلهم تاني من مصروفي الخاص و قبل ما تزيد خيطتلها اونسونبل نتاع النفاس كامل ليها و لبنتها ووجدت لبنيتها كلشي من لبسة للعب للكوسميتيك نتاعها و الله غير درتلها كلي بنتي انا ماشي بنت اختي و كي جات لعندنا و الله العلي العظيم غير قمت بيها و ما خليت حتى حاجة في خاطرها وكي تطلب حاجة والله نديرهالها و الله مانخليها تدير حاجة حتى بنتها انا اللي معتنيا بيها مع اني تعبانة وميتة من الخدمة هكذاك و نتهلى فيها هي و بنتها وكي راح بابا للحج و هي حكات قدامي انها حابة بابا يجيبلها اي فون + خاتم ليها + خاتم و مناقش لبنيتها و الله العلي العظيم غير بعثت لبابا و قتلو جيبلها هذو لحوايج وهو قالي راني ديجا جبتلها حوايج اخرى و المرة الجاية الا كتبهالنا ربي نجيبلها هذو الحوايج والله غير قتلو حاول كيفاه تجيبهملها رح تفرح بيهم وراهي حشمت منك و ما قاتلكش وبحكم اني قريبة بزاف من بابا وماما نحكي معاهم كي اصدقائي
والله غير جابهملها و ما حبيتش نقوللها بلي راني عيطت لبابا ووصيتو ومام بابا وصيتو مايقوللهاش
و عندك تقولي راني انحط من روحي بلعكس راكي انت خير عند ربي بتصرفاتك هادي و كيما نقولو "الملاحة تغلب القباحة" مالا كوني مليحة تربحي دنيتك و آخرتك و تربحي رضا والديك و إن شاء الله حتى أختك تعاود ترجع لعقلها بهاد التصرفات

هذا بلا مزية مني
و حتى القش مافيها والو كون تقوليلها خيري وش حبيتي و راهو بابا مسكين حب يشَوَرْني من درك و جيبيهالها بتمسخيرة بلاك راهو كره مني و حبني نروح عليه .... و هك و أنا نتوقع أنه قلبها يحن و ما تاخذش منو ..... و حتى كان أخذت وش حبت .... ديري في بالك بلي القش يتقطع و الريحة تفرغ و الذهب يرشى و ما يبقى غير الكلمة الطيبة .... و وين تبقى تبقالك دعاوي خير من عند والديك و رضى من عند الله ... و زيد ممكن ربي يعوض صبرك خير و يرجعلك الحاجة بألف حاجة أخرى
والله غير قتلها ادي كلشي و ما ندي والو زل عليا والله كلشي يروح و ما يبقى غير العيب كيما نقولو حنا
أختي لعزيزة مريومة بلاك تقولي لا ما نحطش من روحي "خاصة و أني مش عارفة عقلية أختك موالفة هك ولالا" لكن صدقيني كي تبردي المشكل ماراحش تندمي بصح كون تكبريه انت و إلا هي راح تبقاي على طول حياتك نادمة
في الحقيقة هي من قبل هكذا بيناتنا نوع من الغيرة مي هذي المرة زادت و وصلت حتى الاهانات امام الاخرين على هذي اللي انا طلبت نصيحتكم
و ربي يطيب عشرتكم و يرزقكم بالهناء و المحبة على طول الحياة
اللهم امين
و درك وش اديري التاي بشغلك و بوالديك و كبري مخك خليك من الصغائر ديما خلي همتك مرفوعة للسماء
شوفي حنونة نحكيلك واش صرا ليوم و احكمي الا راني مكبرة مخي و لا راني نطاوع فيهم
ليوم راهم عندنا 3 بنات عماتي و 1 بنت عمي واكيد ماما واختي و مرة خويا
كي نضت كي العادة وجدت الفطور و غسلت المواعن وسيقت و وجدت السنيوات نتاع القهوة والتاي للرجال وللنسا و وجدت غدايا و كي كملت حسيت بشوي دوخة كي شفت ماكانش اللي جاو الصباح كي عادت ال10.30 قلت لماما رايحة نتكى شوي و كشما يجي واحد راكم تنوضوني
جاو رجال حباب بابا و كي روحو جاو ايكيب اخرى وانا موالفة كل ما يخرج واحد نروح نتفقد الصالو كشما خص من الحلوى ولا الكوكاو ولا البيستاش .....الخ و نغسل الكيسان اللي شربو فيهم و نعاود نملا ماء زمزم و نسقم الصالة ونخرج ليوم كيما يقولو راحت عليا نومة و ماما كي شافتني تعبانة ما نوضتنيش بابا كي راحو الرجال وجاو ليكيب الاخرى وروحو دخل للبنات قاللهم علاه وحدة ما تحركت وجات طلت على الصالة اختي قاتلو يخي ميمي اللي زعما قايمة وكي شافني بابا هكذا محبش ينوضني ولات ماما مسكينة هي اللي راحت شافت الصالة ورتبتها انا غاضني الحال من لبنات اللي بابا بجلالت قدرو قاللهم روحو رتبو الصالة ووحدا فيهم ما تحركت و ماما هي اللي راحت نضمت الصالة مي هكذاك وما حبيتش نحكي مع حتى وحدا و قلت لماما منا وجاي نوضيني حتى ونكون راقدة وحتى و هوما هنايا ملغري التعب والسهر يطير عليا النوم هكذاك نخدم لانو هذا واجب عليا و حق والديا اللي رباوني و كبروني ووصلوني للي راني فيه ربي يحفضهم و يخليهملي ان شاء الله
ربي يقدرني ونوفيلهم حقهم




ربي يحفضك و يخليك حنونتي
والله كلامك دواء

[sondse1]

صباح الخير عليكم

سندوستي الجميلة

يا عمري آآ’ه ختك هادي انا نروح نتفاهم معاها

انتي انساي واش قالت كامل

والله انا متاكدة انها تحبك لكن شافت روحها نافسة وعاجزة تعمل واش عملتي و زيد باباك جابلك اكثر بحكم انك عروسة

ف اختك حكمتها نوع من الغيرة اللارادية

بصح دوك تراجع نفسها و اتشوفي كيفاه اتعود

عندي فكرة

بما ان اختك نافسة وغير عادا وين جابت بنوتة تهبل

ديريلها غداء واعرضيها هي وراجلها بالخصوص

طبعا ماشي درك حتا ترتاحي راكي تعبانة بزااف

وفي هذاك الوفت احكميها وحدها وفهميها كلشي و فرغ قلبك مليح وشوفي اذا ماتبدلتش معاك

لان المعاملة بالحسنى اتجيب غير الخير




ربي يخليك حنونتي سارة
و الله راني دايرتها فوق راسي و مام راجلها وبيت شاخها كامل حاطتهم على العين و على الراس و ديما نبعثلهم غير الحاجة لعزيزة

[sondse1]

السلام عليكم
مريومة الحمد لله اللي وصلو الحجاج بخير وانا فان جيت نغير ماجبتيليش شتا قلتلك ماء زمزم والاثمد
شوفي انت الله يبارك كبيرة ورزينة ماتعانديش اختك في الشرع المعاملة ليس بالمثل يعني كبري قلبك معاها اما بالنسبة انها تتمسخر قدام الناس هدري معاها بالشوية وقوليلها ماتحرجينيش امام الناس او خلي امك تحكي معاها اما بالنسبة لحوايجك ماتمديهمش ليها هذا حقك وباباك راه عارف شتا دار
ربي يصلح بيناتكم ويهديها

وعليك السلام ورحمة الله تعالى وبركاته
الله يخليك حنونة
والله لو كان جيتي قدامي حتى لعشا نبعثلك ما عنديش ما اعز منكم حباباتي
ماما حكات معاها جوست ما شافتها احرجتني قدام الناس قاتلها لالا ماحقكش تقوليلها هكذا لانو ماراهيش تدير في حاجة غلط وماغلطت في حق حتى واحد وخصوصا انت مي هكذاك ومازالت في نفس الوضع
والله يا لوكان القش اللي نمدولها يحل المشكل نمدولها و نحل هذا المشكل

اللهم امين

[sondse1]

صباح الخير عليكم صحاباتي الاعزاء مبروك عليك سندوسة عودة الحجاج وربي يعاونك في الشقى اختي
ربي يخليك حنونتي الله يبارك في عمرك حنونة
سندوسة ماتقلقي روحك ماوالو راكي في دار باباك وهي ضيفة وقاعدين تخدمو عليها يعني مدايرة فيها الخير انا خاوتي كي كنت نافسة ويخدمو علي كي يروحو نكسيهم من راسهم لرجليهم
والله بلا مزية مني وماني طالبة منها حتى حاجة غير الكلمة الطيبة و دعوة خير هذا ماكان
والغيرة انتاعها غير مبررة اطلاقا لانها الان متزوجة وخرجت من مسؤولية باباك واي حاجة يجيبهالها يكتر خيرو وانت مازلت تحت مسؤوليته ونورمالمو هي اللي تقولهم يجيبولها لانك سياتي يوم وتتزوجيين
والله حبيبتي حتى و تزوجت و خلفت وهكذاك بابا وماما ربي يحفضهم مازالو لحد الساعة يديرولها الحوايج كل عيد تتكسى كيما تكسينا و ماما ذرك بنتها كسيناها كي ماما وبابا كي انا والله في 2 درنالها كسوة زينة وخاطي الماكلة و التروسوات والله كل ما نخدم حاجة ليا نخدملها حاجة ليها و نبعثهالها وذرك وليت نخدمل لبنتها تاني وبلا مزية مني لاني والله غير نحبها و نعزها اكثر من عينيا
ربي يهديها
اللهم امين
وماتعانديهاش لانها تحت تاثير الهرمونات ونافسة واصبري حتى ترتاح واحكي معاها بالعقل وفهميها كي هي كانو يجيبولها وهي طفلة الان دورك انت
والله نساعف فيها على قدر ما نقدر سواء في فترة النفاس ولا في باقي الايام العادية لانو هذي الغيرة ماهيش وليدة اليوم راهي عندها سنين حتى قبل ما تتزوج وهي عندنا
وربي يصفي القلوب ويحننكم على بعضاكم
اللهم امين


ربي يحفضك حنونتي سعاد على النصائح

[ام مريم الجزائرية]

راكي معتادة للغيرة تاعها واذاها ليك وراهي تبان مدللة بزاف
انا كي قتلك احكميها وقوليلها ماتهدرش معاك هكاك ماشي للفتنة باه تفكريها بلي راهي تغلط في حقك الى جابت نتيجة صحة واذا لالا خليها تعيا وترجع ليك
ماكاش قد القلب الزين والمعاملة الحسنة وكملي كيما راكي ونويها لله
ماتخليش الشيط\ان يلعب لك في عقلك استغفري وتنساي شتا تعملك ربي يهديها

[oummalak]

مساء الخير حبيباتي والله هدا وين دخلت راني قريب بكيت والله يا سندوستي غاضني حالك بصح والله كيما قالو لبنات يعطيهم الصحة راهم وفاو من كل الجوانب
كبري عقلك دائما الانسان السلمي الدي يتعامل برفق ولين يصرالو هكدا عندى اختى الوسطى طيبة مثلك واختى الصغرى ربي يهديها كيما نديرو معاها حاصلين ربي يهدي اختك لانها في فترة النفاس والضغوطات راهي عليك بزاف
تهلاي في روحك ونعرف عقلك وقلبك كبير رايحة تفوتي كامل هده المشاكل وربي يحفظك والله نموت عليك ودمعو عيني عليك سلامي حبيبتي

[sarra5]

آخر جمعة من عام 1433هــ
↓
↓
اللهم لا تخرجنا من هذه الجمعة الا وقد غفرت لنا جميع ذنوبنا ,وفرجت همومنا وفتحت لنا أبواب للرزق والسعادة ... آمين يا رب العالمين

[امجد14]

السلام عليكم و الله ماني مصدق بلى كاين ناس مثلك فى هذى الدنيا الله يعطيك العقل و يعطيك على حساب نيتك و عجبنى كلامك بزاف يا اختى اريج المسك و حتى اختى ام مريم عندها الحق فى كلامها
ربى يحفضك اختى مريومة و يعطيك صحتك

[~ حراير ~]

راكي معتادة للغيرة تاعها واذاها ليك وراهي تبان مدللة بزاف
انا كي قتلك احكميها وقوليلها ماتهدرش معاك هكاك
ماشي للفتنة

أختي العزيزة أم مريم أرجوك سامحيني أولا و أرجوك ما تفهمينيش غالط إذا قصدتي كلامك عليا ... فأنا ماقلتش لسندوسة ما تهدرش مع أختها لأنك تنوضي في الفتنة و العياذ بالله حتى أني مافكرتش هكاك ... و لكني قلتلها ما تهدريش امعاها خفت اديرهالها زكارة و تعود في كل وقت اتحب اتقلقها لأنها كان هدرت معاها و كأنها ستعرف نقطة ضعفها و تصير تعاودلها فيها
إن شاء الله تكوني فهمتيني فهمتي قصدي و طبعا مع كل احترامي ليك و لآراء كل الأخوات
باه تفكريها بلي راهي تغلط في حقك الى جابت نتيجة صحة واذا لالا خليها تعيا وترجع ليك
ماكاش قد القلب الزين والمعاملة الحسنة وكملي كيما راكي ونويها لله
ماتخليش الشيط\ان يلعب لك في عقلك استغفري وتنساي شتا تعملك ربي يهديها

حبيبتي سندوسة راني هاد وين فهمت أختك يعني كيما انقولو القمر و فيه لولة ... هي أختك و دمك و لحمك و أكيد راهي دارت فيك الخير من قبل لكن هذا طبعها تغير منك و اتحب تتميز عليك و تبين رويحتها قدام العباد .... و هذا الأمر انأكدلك أنه عادي جدا تلقايه في معظم العائلات ساعات تلقاي شحال من أخت يبانولك كامل املاح لكن في حقيقتهم تلقايهم يدرقو عيوب وحدة فيهم يعني كيما انقولو إذا لقيت زوج متفاهمين راهو ادرك على واحد
و بما أنه كيما انقولو الي عندو مهبول ماراحش يطبشو فاستحملي حبيبتي و انويها صبر لله و ماراح تلقاي غير الخير إن شاء الله و إلا انسيتي أصحاب الفضل الي يناديلهم ربي و يقولهم وينكم يا أصحاب الفضل ... مالا ينوضو و هوما شووووية ... تخيلي الموقف و تخيلي روحك امعاهم و انت فرحانة بلي ربي نااداك معاهم و بلي راهم عارفين ارواحهم .. عجباتك آه؟؟؟؟؟ و درك تخيلي وش يقولهم ربي ....... أدخلو الجنة من غير حساب .......ياااااااا الله يا الله من غير حساب؟ دبروها ؟؟ مالا يغيرو منهم الخلائقو يقولولهم وش درتو باش وليتو في هاد االمنزلة .... يقولوهم كنا إذا جهل علينا حلمنا وإذا ظلمنا صبرنا وإذا أسيء علينا عفونا

و عندك تنساي ثاني جيران الله و هاد ثاني يعيطولهم و ينهم جيران الله "يارب انكونو منهم" ينوضو و هوما شوووووووييية وهوما الأقل يعني ..... فيقولولهم بم جاورتم الله في داره؟ فيقولون "كنا نتجالس في الله ونتذاكر في الله ونتزاور في الله" و ركزيلي امليييييح على ""في الله" يعني كي تخدمي خدمة و تنويها لله شوفي هاداك الجزاء العظيم مالي ياله قوي ال volume تاع الإيمان وانوي صبرك مع اختك و مع قضية الدار لله

راني كنت راح انقولكم تصبحو بخير اتفكرت هادي انزيد انقولهالك
حبيباتي كان حبيتو ربي يغفرلكم ............... اغفرو انتوما على الناس

و أيا و في خاطركم هاد الأبيات الشعرية هيهيهيهيهيه راهو النعاس بدا يخدم

لما عفوت ولم أحقد على أحد *** أرحت نفس من هم العداوت
اني أحيي عدوي عند رؤيته **** لأدفع الشر عني بالتحيات
وأُظهر البشر للإنسان أبغضه ** كانما قد حشي قلبي محبات

و درك تصبحو بخير

[sondse1]

ربي يحفضكم لبنات و خليكم
و يجازيكم الفردوس ان شاء الله تعالى

ليلتكم سعيدة

[oummalak]

يصبحكم بالخير يا لبنات كيفاه راهو حلكم ان شاء الله راهو بخير انا ما زالني ما ريحت من رقبتي راها عاد ضرتني لكني راني نسال على الدورة العاشرة متى نبدا ومن اين
سندوستي ربي يعاونك وين راك

[وفاء سعاد]

اسعد الله صباحكم اختي ام ملاك ربي يجيبلك الشفى وروحي عند الطبيب ماتسكتيش على روحك بلاك برد قاسك لرقبتك او الاعصاب مشدودين وبالنسبة للدورة العاشرة بلاك الاخت سندس ماقعدتش خاصةايام العطلة الناس كامل يجيوهم يباركو للحجاج ولدالك لازم نعدروها خاصة الجو اللي هى فيه نتمنى يعطيها ولد الحلال هكدا باش تهننى

[oummalak]

والله اختى الحماس الي ولا فينا هو الي راهو يهدر ههههههه راك فهمتيني

[ام امجد14]

اسعد صباحكم اختى سعاد و ام ملاك و مبروك عليكم الوسام عن جد تستحقوه و ان شلء فى الدورة الجاية نعودو ندو اويسمة اخرى و ايضا نخرجو من الدورة و نحن متغيرين الى الاحسن
رانى لاحضت غياب اختنا الغالية اريج المسك ان اء يكون الغياب بسبب خير و مبروك عليها الوسام

[ام امجد14]

اخواتى ماعرفتش نخرش التوقيع ياريت تنصحونى كيفاش النخرجو

[Minnnaaa]

اسمحيلي مريومة هدا وين شفت الموضوع نتمنا مازلا الحال ونقدر نجاوب
انا نسكن مع عائلة زوجي لكن هوما لتحت وانا الفوق
عدد الغرف كالتالي
غرفة نوم 1
غرفة الاولاد1
صالون1
حمام
مطبخ
عدد الاولاد في الطور الابتدائي 1في السنة الثانية
المستوى الدراسي جيد لكن ضعيف جدا في التعبير
ايام الزيارات؟مرة كل شهر نرح نطل على الوالدين نروح الخميس لعشية ونجي الجمعة الصباح
نتمنى نكون جاوبت على الاسئلة وشكرا حبيبتي
ايه نسيت قدام الباب عندي مساحة كبيرة بحجم الطابق الرضي نسيقها كل يوم +الدرج
وشكرا

[~ حراير ~]

صباحكم بالخير و الهناء حبيباتي

سعاد و أم ملاك وش احوالكم .... أختي ام ملاك غير ديري براي سعاد و روحي للطبيب ما تستهزايش و هك راح تطمني خير حبيبتي ... و قوليلي ولاش ما تجربيش تدهني بزيت زيتون دافي كي تجي ترقدي بلاك يترخفو أعصابك أو ديري كيما اندير أنا شارية الكوليي كل ما توجعني نلبسو نعود لاباس

لعزيزة أم أمجد راني لاباس غير لهيت مع الأولاد في الويكاند و من الصباح و أنا نغسل في القش كامل تاع اليد ما يتلاحش في المشينة و زدت كويت كامل الطابليات باش لي يحوس يلقى ساجي .... و راكي عارفة مع شغل كل يوم هاد وين قعدت
بالنسبة للتوقيع ادخلي لصفحتك الشخصية تلقاي فيها تعديل بياناتي أدخليلو تلقاي في يمين الشاشة تعديل التوقيع و أمور أخرى ادخلي و اكتبي وش حبيتي بالنسبة للصور لازم ترفعيهم من موقع آخر باش تقدري تخرجيهم كان ما تعرفيش قوليلي

سندوسة وينك رانا نستناو فيك ... عندك برك اديرينا برنامج انتاع صبية شايفة روحها و لاتية غير بالمراية و السيشوار كيما سارة... هيهيهيهيه راني غير نتمسخر؟؟؟؟؟؟

مبروك على حباباتي الأوسمة راني فرحتلكم بزاف

أيا خليتكم بالخير و الراحة و الهناء و امبعد نتلقاو
حق سعاد شفتي امتحانات الفرنسية تاع اغيلاس كيما وصيتك

[وفاء سعاد]

اختي اريج المسك والله ماقدرت نحملهم راني كرهت كي نجي نحلهم تخرجلي مع موزيلا او اخري ولا تحلو تجي الكتيبة ماشى مفهومة

[نبض الفؤاد]

اعرفكم على نفسي باختصار ام لخمسة ابناء -الله يبارك-ثلاث بنات وولدين ....
البنت الكبرى متخرجة 23سنة يعني نصف عمري.هههه..
الابن سنة اولى جامعي
الوسطى ثانية ثانوي
ماقبل الاخير تلميذة الرابعة متوسط
وان شاء الله المازوزيفي السنة الثالثةابتدائي
الحمد لله ممتازين في دروسهم ولكن تغيرت الظروف للمراهقين شوية ....
البيت طابق واحد 'واسع معقول 'غرفة للبنات -غرفة للاولاد -غرفتي-المطبخ -والصالة -رواق واسع اضع في اقصىموقعه الحاسوب
اما مشكلتي غرفة الجلوس بها التلفاز ومنها نخرج للحمام والمرحاض اعزكم الله
الجانب الديني لاباس--الجمالي شوية تقصير واهمال

[نبض الفؤاد]

على فكرة الصالة فارغة بعت كل شيءوحبيت نغير...........كان عندي des canapetsوالمكتبة والطاولات بعتهم وخليت فقط طاولة السفرة ممكن نبيعها اذا سهلت اذاكان ممكن تفيدوني بكاش فكرة

[فراشات العمر]

وراني من قبيل وانا نستنى كاشما وحدة تحل راني خايقة

[فراشات العمر]

انا عندي ولدين واحد راح يقرى سنة الثانية ابتدائي والاخر عندو 4 سنين ولادة قيصرية كرشي فسدوها عملية عمودية والاخرى افقية صليب هههههههه
المهم وجدت زوج برم وحدى تغديناها والاخرى للعشى درك نرو نخبز الكسرة راجلي يحبها دايما فوق المائدة
درت سلاطة بيض وجزر بطاطا بيتراف هذا ما عندي
عندي صالو في الطابق لارضي راهو كي رقراج كوري لي يجي يحط فيه لي مايسحقهاش واش نقلكم راهي دخلة تاع اسطبل عندي هول وزوج غرف وحمام ومطبخ وحوس صعير 1.5م على3م ضلمة تكتل فيهم الحمد لله على كل حال

[نبض الفؤاد]

اختي بنت خليل ولادك مازالواصغار....وبزاف عليك القلق من ظرك حنونتي.......واهتديت الى فكرة لماذا لانفكر في وضع le menuايضا ونؤكد على فقرة الرياضة

[sondse1]

http://www.djelfa.info/vb/showthread.php?t=1141855

[نافلة]

انا عضوة جديد معاكم نتمنى نشارك في الدورة العاشرة ونال وسام ان شاء الله

[امجد14]

ان شاء الله تاركى معانا و تاخذى وساع يا اختى فاطمة

[وفاء سعاد]

مرحبا بيك اختى معاناوننتضر مشاركاتك في الدورة وان شاء الله تنالي الوسام

[نافلة]

نشكركم على التشجيعات والترحيب وين راكم ياالعضوات