مشكلتي

[مشكلتي]

السلام عليكم

انا فتاة ابلغ من العمر 15 سنة
دايرة حجاب الحمد الله بصح راني تعقدت يا اخواني والله تعقدت و راني منخرش كامل من البيت بسبب مشكل

انا شفاي ممتلئتان

و لي نفوت عليه يقولي شواربك كبير و لا صغييييير مراة او رجل و خاصة الشباب والله هذا الكلام يجرحني بلبزااااااف

ارجوكم افيدوني خلاص فقدت ثقتي بنفسي

راني نمشي و حاطا راسي لرض

مين ذاك حباباتي و يقلوهالي
er
ملاحظة حلفتكم بالله العلي العضيم ليفوت على الموضوع و يقراااه يوعد ربي ميجرحش الناس بالعيب لي فيهم

كتبت الموضوع و انا احمر خجلا

الله يهدي اخواننا المسلمييين يا رب

[تقية1984]

علابالك ....إذا نتي راكي محرجة من شواربك....ملايين الناس راهي موجوعه بامراض مايعلم بيها غير ربي.....تتمنى فقط تنعم بشوية راحة اللي راهي عندك....ارجوكِ ياغالية حمدي ربي وماتنسايش ان الله خلق الانسان في احسن تقويم...واللي ضحك منك قوليلو
أتهزأ من الخالق أم من المخلوق؟؟؟؟؟؟؟؟؟؟؟
الحمد لله الحمد لله الحمد لله

[شيء من رجاء !]

لا تتأزمي و لا تفقدي الثقة
اصبري واحتسبي الأجر ، ثم أذواق الناس تختلف ، ورزقك سيأتيك من عند الله وليس البشر ( إن كنتِ تخشي أن يؤثر الموضوع على الزواج في المستقبل )

واليوم أصبحوا يدفعون أموالا لنفخ شفاهم

،

إرضاء الناس غاية لا تدرك ، وتتبع عيوب الآخرين طبع فيهم مع الجميع بعيب أو بلا عيب ، إذن اسع لرضى خالقك ، وارمِ الناس وكلامهم وراء ظهرك .

[lilou f lilou a]

ربي معااااااااااااك

[الواثق]

وماذا في الامر هناك الاف الفتيات من يردن نفخ شفاههن .............فقط اختي التزمي بالحجاب الشرعي ولاتكثري الخروج للضرورة حتى لاتعلقي نفسك بما يقال في الشارع لان الشارع كل شيء يعلق عليه ولم يتركو احدا ............ووفقكم الله لخير الدنيا والاخرة

[الورود المنسية]

ليست بالمشكلة العويصة لحد ما فكما قال الاخ هناك ملايين يدفعن نقود باهضة لنفخ الشفاه
اما الشارع فقط حين تتاملي في الكلمة ستدركين انه مرتع للكل
/حتى الاغنام /
اذا دخلي الكلام الي يعجبك وخرجي الي ما يجيكش على موالك

[نيروز الجزائرية]

هاد الكلمة يقولها لكامل لبنات الله غالب قليلي الادب نعرف وحدة كانو يقولوهالها تعقدت لكن مع الوقت رجعت ثقتها كبيرة بنفسها
عادي ما تتعقدي ما تزعفي كي تكبري شوية تفهمي ان الامر لا يستاهل والله العظيم

[3alaa bouali]

اختي هذه ليست بمشكلة في الخارج يديرو المستحيل باه ينفخو الشفاه انا شفت عملية نفخ الشفاه لازم ترضاي بخلق الله
الناس يهدرو يهدرو بلا والو يهدرو الله يهديهم

[روزة]

الحمد لله على البصر و على العقل و على كل شيء أنا كذلك صديقتي أتعرض أحيانا لبعض من الإستهزاء لأنني قصيرة القامة أظن أن هم قصيري النظر لأأنني مثقفة و خريجة جامعة و موظفة و متزوجة و الحمد لله مارأيك بهذا ؟
أحمدي ربك على كل نعمة أنعمكي إيها سبحانه و تعالى

[Amouna.DZ]

لا تكترثي أختي بما يقولون

كانت عندي صديقة شفاهها ممتلأة بشكل ملفت

للانتباه لكن الايجابي في الأمر انها كانت تتباهى بهم

وكانوصديقاتها يعايرونها كانت تضحك وتقول هذا جمال رباني

كانت مقتنعة بذاتها و لاتبالي بما يقوله الأخرون

اختي انت من تعكسين انطباعك عند الأخرين

امشي بكل ثقة و لاتكترثي...... أما عن كلام الشباب صدقيني

هذا شغلهم الشاغل التكلم عن أعراض النـــــــــاس

[nadineisraa]

واش رايك ي طفلة في سنك سقط شعرها كامل وراهي متخبية في دارها مسكينة ماتروح لحتى مكان ابوها يحكيلي قال لي سمعت بالي جايين يخطبو عدت مانرقدش نخمم عليها احمدي ربي

[*نآدرة~]

علابالك شفاهك دارو حاجة مليحة،خلاوك تحشمي وتهبطي راسك وما ترفعيهش وبهذا تولي غاضة للبصر حاجة هايلة والله
حاجة اخرى،الناس راهي تدفع أموال باهضة باش ينفخوا شفاهم وانت الحمد لله ربي سبحانه وهبك شفاه بلا اموال على هكذا احمديه وشكريه
صدقيني لومان تسمعي لكلام الناس تكرهي روحك ،الحاجة اللي لازم تديريها أنك ترصاي،عرفي بلي هكذا خلقك ربي وماعندك ماديري
فكرتيني بواحد القول أظن أن قائله هو سيدنا لقمان الحكيم،حين عابه أحد فقال له:ّأتعيب النقش أم النقاش"هذا حال الناس وهدرتهم،لي قصير قالو علاه ولي طويل ثاني ولي شفاهو كبيرة عابو عليه ولي معندوش ثاني
ربي يكون معاك:

[ri.b]

ايه اختي والله اخطيك منهم يقولو ولا يقعدو الهدرة ايزايدة انتي ماتمرضيش راجة ربيسك بيهم وخليهم يهدرو واش يحبو هادي حاجة ربي
وتولهي ماتبينيش لي جاست انتاعك قدام اللي يقراو معاك وكون يهرولك ىعليهم اضربيها بضحكة ولاتمسخيرة تاني شغل ماتتغششيش
هادا اماكان

[sana04]

ماعندي واش نقولك سوى ان كل واحد عندو شي ربي يبليه بيه فقولي الحمد لله جات في شفايفك ماشي مرض اخر درك ممكن ماتفهمنيش بصح كي تكبري وتعرفي الناس ومشاكلهم تقولي الحمد لله

[~~ أغيلاس ~~]

قرأت مرة أن علي ابن ابي طالب رضي الله عنه أنه قال من أراد أن يسلم من ذم الناس فهو مجنون،،،،،،،،،،،، أو كما قال رضي الله عنه،،،،،،،،،،،،

[TOKYO]

صراحه مليح واش راك ديري كم لى هكذاك
ديري في بالك و لي مريض مسكين او طاشة في وجه او خلق ربي و تشوه
بالعكس حمد ربي و ابقي هكذاك في طريق و شدي في ربي و حجاب و كل حاجه من عند ربي مليحة ومرحبا بها سواء كانت مليحة او عيانة
بالتوفيق

[wafaa26]

ديري حاجة في بالك اختي هذو الناس اللي يعايرو في خلق ربي .....ربي سبحانو اللي خلقهم راهم يضحكو على عبادو وعلى خليقتو ..كيفاه تحبي يرحموك ....و زيد ناس كيما هاذو يستهلو باش تحسبيلهم حساب و تقييميهم و ما تخرجيش على جالهم ولا تتعقدي على جالهم ...خممي مليح ...لوكان تكوني سمرة يقولولك يا لكحلة ....بيضة يقولولك يا الصفرة .....طويلة يقولو زرافة ..قصيرة قزمة .....الخ ما نيش حابة نجرح الناس بصح باش تتأكدي بلي هاذو ناس ما يخلو هتى واحد في حالو و باش ترضيهم من المستحيل ..ارضاي بواش اعطاهلك ربي و اجعليه هو مصدر القوة اتاعك ...و سقسي لي عندو تشوه باين و لا مرض خطير عفانا الله واياكم ...يقولك يااااااااااااااااااااااااااااااااااااااريت جا عندي المشكل تاعك و ماشي حاجا اخرى .....انصحك بالقوة و الثقة بالنفس و شكر الله على نعمه علينا .

[jomana jiham]

عادي اختي هذه مش مشكلة, الشباب هاذ الجيل دايرين هاك يعلقو على اي وحدة تفوت شابة قبيحة طويلة قصيرة سمينة ,رحيفة, محجبة و متبرجة وواش ما ديري ما تسلكي.
انا كنت مثلك لي نفوت عليه يحشمني ...يقولي الخانة هي عادية بصح انا ما نبغيش يهدرو معايا في الطريق سيرتو دايرة حجاب و كي كبرت وليت نشوف موضة الخانة,,,وليت اي حاجة تفتن ما نديرهاش هاكذا حتى واحد ما يديرونجيني...لبسي حاجة ما تلفتش الانظار خاصة المكياج...و كيما قالت الاخت ديري الثقة في نفسك الناس يولو يشوفوك بنظرة اخرى...

[nouv-mariée]

لا حول ولا قوة الا بالله

يعني مالقاو ما يعيرو فيك ، تلفتو لشفاهك !!!!!

اختي احقري عليك ،، كوني قوية الشخصية ولا تكترثي لكلام احد سوى والديك ،،

ماتخليش حاجة بسيطة كيما هكا تعقدك ،،

والله راني قريت وخرجت وشفت ، كاين اللي عوراء وناجحة في حياتها ودراستها ، وكاين اللي تعاني من انف كبير جدا ، وعايشة نورمال وماهمهاش كلام الناس،، وكاين اللي طويلة بزااااااااااااااف لدرجة انها تحشم بش تطبس علينا تبوسنا ، لكنها ماعقدش روحها وشدت الدار، بل بالعكس واصلت دراستها معانا كأي شخص عادي وكان كل واحد يعلق على طولها (( خاصة الشباب ربي يهديهم)) ماتعيروش اي اهتمام وتدير روحها ماسمعت والو وتكمل قسرتها معانا عادي ،،شفت ايضا مجموعة من الشباب المعاقين اللي قراو معايا سواء في الجامعة او الثانوية او غيره وكانوا مسمتعين بحياتهم عادي ، وناجحين في دراستهم و مش حاسين خلاص باعاقتهم ،، على سبيل المثال قرا معايا واحد مشلول من رجليه (( عافانا الله واياكم)) وعنده خلل في الايدي ايضا يعني ما يقدرش يتحكم في القلم ، ودائما نكلفوا واحد يكتبله ،،،، وصدقيني والله والله والله هو المااااجور تاعنا والله ،،

اختي ،، علاش راكي تصعبي فيها ،، احمدي ربي على النعمة اللي راكي فيها ،،
مجرد شفتان ممتلئتان جعلانكِ معقدة !!




كوني اقوى من هكذا بكثير

[بلسم غرام2018]

نعم اخيتي هناك الاف الفتيات تريد ملا شفتيها هو ليس من صنعك هو من خلق الرحمان والحمد لله على النعمه اختاه والي يتبع الناس لايربح راهم
مخلو والو معلقوش عليه

[الدر المكنون]

فكرتيني في قصة الحكيم لقمان والرجل الي عابو ورد عليه قالو اتعيب النقش ام النقاش

هاذو الناس او بالاحرى التافهين

راهم ما تلقو حتى واحد

اللي سمين واااااااااااااااااا سمين بزاف
والضعيف يقولو عليه مات والسلام
والطويل تقول سلوم والقصير بونتا انتاع دخان ....................؟؟؟

ربي يهدينا

[بنت الرّحّل]

وعليكم السلام ورحمة الله وبركاته
أعانك الله يا أختي .. يقول الرافعي : إن من البلاء الفكر في البلاء ولعل من السلامة الثقة بالسلامة !
دائما أختي مشكلتنا أننا نتفكر كثيرا فيما يحدث لنا من إهانات أو مصاعب مما يزيد حجم المشكلة والقضية سهلة متيسرة !
وفي حالتك تقوم أساسا عليك أنت وعلى إيمانك بأن خلق الله كله حسن وأن الله خلقك في أحسن صورة ..اختارها لك ... وأما هذه الدواب البشرية فإنها هي التي تستحق الشفقة لا نفسك

فإنها عقول فارغة اشتغلت بأن تنقص لك ذنوبك وتزيد في حسناتك

أنت أنت فقط كوني قوية ومؤمنة بأنك لا تعانين من أي شيء وإنما الخلل في عيونهم وفي أخلاقهم وفي نفوسهم المريضة
أنصحك بقراءة سيرة الصحابة رضوان الله عليهم ففيها الكثير من العبر

ومنها حديث ابن مسعود رضي الله عنه لما أراد أن يأخذ عود الأراك فانكشفت ساقاه فضحك القوم من دقتها فقال صلى الله عليه وسلم : (والذي نفسي بيده لهما أثقل في الميزان من أحد )

أختي مهما يكن من أمر الناس واختياراتهم وأفكارهم فإنها في الدنيا أما الآخرة فالموازين مختلفة تماما
فالربح ربح يوم القيامة
فالرفعة رفعة يوم القيامة
نظرتك لنفسك بما يرضي الله مفتاح سعادتك بل هي سعادتك من هذا اليوم الذي أنت فيه في سن 15إلى آخر يوم تكونين فيه على وجه هذه الأرض

فلا تحزني ولا تهتمي ولا تخجلي ولا تضيقي ذرعا بما يقولون ولا تختبئي لأن الذي يختبئ من اقترف الجرائم

وانظري إلى كثير من المجرمين اليوم تمشي ولا تبالي بل هي تجرم في حق نفسها وفي حق الناس وفي حق الكثيرين ثم هي لا تختبئ ولا تخجل

فيا للعجب !

كوني قوية أختي وواجهي كل شيء بنظرة صحيحة وإيمان كامل

أتمنى لك التوفيق أخيّتي

[حلاوة الإسلام]

والله كاين يا اختي لي يتفاخروا بالشفاه المملوءة


هذي خلقة ربي لازم ترضاي .. كي يقولولك قوليلهم « قولوا الله يبارك

أختي صدقيني تقولي هكذا بصح لوكان تشوفي لي معندهاش شعر و مشوهو وفيها وفيها قسما بالله غير تحمدي ربي صباح وعشية


قولي الحمد لله

[حلاوة الإسلام]

و زيد نقلك كاين ناس والله لا حياء لا والو


يحبوا يعلقوا على العباااد لوكان يكونوا واش يكونوا لااااازم يلقاولهم عيب


ماتشوفيش ليهم

[kheirat]

السّلام عليكم
بسم الله الرّحمن الرّحيم
اللّهم صلّ على محمّد و على آل محمّد كما صلّيت على إبراهيم و على آل إبراهيم إنّك حميد مجيد
أمّا بعد:

فيا أختي الكريمة
أبدأ بصفات عباد الرّحمن
أبدأ بصفات أهل الجنّة

الصّبر
إنّ الصّبر في الإسلام ثلاث:
1- صبر على طاعة الله
2- صبر عن معصية الله
3- صبر على البلاء

أجل الصّبر على البلاء يا أختي الكريمة
فهذا الجيل لا يرحمون كلّ مسلم متعلّق بدينه
و لا حول و لا قوّة إلاّ بالله

لكنّ الصّبر جميل فاصبري و صابري
و إنّ للصّابرين جزاء حسن عند ربّهم

لقوله تبارك و تعالى: [ وَالَّذِينَ صَبَرُواْ ابْتِغَاء وَجْهِ رَبِّهِمْ وَأَقَامُواْ الصَّلاَةَ وَأَنفَقُواْ مِمَّا رَزَقْنَاهُمْ سِرًّا وَعَلاَنِيَةً وَيَدْرَؤُونَ بِالْحَسَنَةِ السَّيِّئَةَ أُوْلَئِكَ لَهُمْ عُقْبَى الدَّارِ ] الرعد: 22

قال جلّ و علا: [ الَّذِينَ صَبَرُواْ وَعَلَى رَبِّهِمْ يَتَوَكَّلُونَ ] النحل: 42

و الآية المقبلة تتحدّث عن حالتك يا أختي الكريمة ، قول المولى تبارك و تعالى:
[ إِن تَمْسَسْكُمْ حَسَنَةٌ تَسُؤْهُمْ وَإِن تُصِبْكُمْ سَيِّئَةٌ يَفْرَحُواْ بِهَا وَإِن تَصْبِرُواْ وَتَتَّقُواْ لاَ يَضُرُّكُمْ كَيْدُهُمْ شَيْئًا إِنَّ الله بِمَا يَعْمَلُونَ مُحِيطٌ ] آل عمران: 120

و الله أعلم طبعا.

طيّب أمّا حلّ مشكلتك من جانب آخر فيا أختي الثقة بالنّفس شيئ عظيم جدّا
فما ذكرته لنا ليس عيب فلا عيب في خلق الله تبارك و تعالى
و إنّما يقول المؤمن
ربّ أوزعني على أن أشكر نعمتك التي أنعمت علي
و إنّ بهؤلاء الّذين يقذفون عليك الكلام المسبب للإحراج و اليأس و الإحباط و القنوط
فهم أمرض منك بأنّهم لا يحمدون الله ممّا عافهم منه

فيقول المرء إذا وجد عيبا في أخيه:
الحمد لله الّذي عافاني ممّا ابتلاك به و فضّلني عن كثير ممّا خلق تفضيلا

و الأصل هنا يا أختي أن تحمدي الله و أن تتيقّني أشدّ اليقين أنّه لا حرج في خلق الله و لا عيب
و إنّما هذا بلاء من الله

و الآية في قوله جلّ و علا: { وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون } .

إذن الأمر كلّه عليك يا أختي الكريمة التّحلي بالصّبر و إنكار ما يقولون و ما يكون هذا إلاّ بالتّمسك برحمة الله
و لا تيأسي و لا تقنطي لقوله جلّ و علا: [ ولا تقنطوا من رحمة الله ].

و الله المستعان يا أختي.

[ابتسام18]

السلام
انا انصحط يا اختي الكريمة بعدم الاهتمام بما يقوله الناس و ان تجعلي قلبك هو الاساس