اريد دليل ارجوكم

[مشكلتي]

السلام عليكم

يا خاوتي ضاقت بي اريد حلا

اختي انسانة سراقة , حنا في الدار توخذنا سرقتنا ذهب الدراهم لبسة
اي حاجة تجيب دراهم تسرقها المشكل انها اكبر منا كامل

ابي مات بسببها سرقتلو 10 ملاين في عام 2004 راكم عارفين 10 ملايين واش حال قيمتهم في هداك الوقت طلعتلو لاتونسيون مات
و االمشكل انو خاوتي يقولولي ما تهدريش معاها لا ماعندكش دليل لانو مرة اختي حاسبتها , يمالا ضربتها و قريب و صلتها للموت
هي انسانة خطيرة جدا

المشكل انو انا مخطوبة و مرة زارتنا ام خطيبي و كانت مخلية ساكها في غرفة الجلوس , اختي سرقتها و شافها خطيبي و ابن خوه عمرو 7 سنين
جا قالي طاطا ة اختك طاطا فلانة كانت تخرب في ساك ماني و الي قاهرني انو خطيبي عارف و مقاليش مش قادرة نحط عيني في عينو

و المشكل الثاني انو البارح اكتشفت انها سرقت الكرفاش بو لحية تاع ماما و مش قادرة نقولها لها ختشي بلاك تموت و هدا واش عدها ما ناش ناس اغنياء

اليوم من زعاف رحت درت كامل على الذهابين و خليت رقم هاتفي وصيتهم ادا جاتهم واحدة تبيع في كرفاش يتصلو بيا و لكن الاغلبية هاجموني

انا حابة نرجع كرافاش ماما
نبلغ الشرطة و لا ولش ندير

ممكن تقولولي بيعيها لواجد من العايلى و لكن كامل يخافو منها ’ لانها مجنونة و قادرة تقتل عادي ة لكن انا مانيش خايفة المهم يرجع لانو ماما قادرة تروح فيها

[~~ أغيلاس ~~]

هل أختك هذه متزوجة ؟

لما تسرق مذا تفعل بالمال ؟

ألا يوجد لديك إخوة ذكور لكي يوقفوها عند حدها ؟

[*أمة الله*]

!!!!!!???????????????????????

[راجية الرحمان]

اصبري عليها انت ستتزوجين قريبا اما هي نقول ربي يهديها
لكن ابتعدي عنها قدر المستطاع اما ذهب والدتك اخبريها بطريقة غير مباشرة
الله يرزقكم الصبر
الله يهديها ولا يديها

[مناد بوفلجة]

الله يهديها

[السيدة كرمين]

أولا :عليك أن تفصلي أكثر عن وضع أختك: هل تعيش معكم أم أنها متزوجة؟ أكبر اخوتك كم عمره؟ هل عندكم عم أو خال أو جد تلجؤون له؟
ثانيا: الدليل
عليكم اخفاء عنها في كوفر حديدي أو بأي طريقة أي شئ له قيمة مادية بطريقة ما سربي مكان مبلغ معين أو خبيه أمامها في ساك تاعك
واتركيها لفترة لوحدها دون أن يدخل اي شخص تلك الغرفة في حال وجدتي المبلغ سرق هنا عليكم أنكم تفتشوها وتبهدلوها وياريت يكون بحضور
أشخاص هي تخجل منهم ولتهدد بإبلاغ الشرطة
ثالثا : على الوالدة أنها تدعيلها مع كل صلاة وفي أوقات استجابة وانتم ايضا

الله يهديها

[lilou f lilou a]

والله لازم تتربى ابلغو الشرطة
وربي معاكم

[الجليس الصلح]

الصبر وطلب الهداية الله المستعان

[hamza touazi]

للاسغ بسبب والديك اختك صارت هكدا لو عالجوها مند صغرها لما بقيت بهادا المرظ لان السرقة مرظ اعرف شخصيا قريبة لي ايظا البيت التي تدهب اليه يراقبونها لانه تسرق بصورة غير طبيعية متحيش بروحها ةلات طبيعة وختك واش راهي دير بالدراهم حاب نفهم ونتوم ردو بالكم تان عسوها ومتخلوش اي شيئ قدامهاا ردو بالكم ديرو احتياطاتكم

[sarah nassou]

لا حول و لا قوة إلا بالله هذي لوكان ما تديرولهاش حدود راهي رايحة تبهدلكم و تجيبلكم المشاكل مع الناس

لازم واحد يوقفها عند حدها

[sarl02]

راهي صايبة الطليق هذه الطفلة ..ديجا من هدرتك اتبانو بلي اتخافو منها ..مالا ولات هي الشيكور تاع الدار ؟...بصح كاين اخوتك ذكور ولا مكاش ؟صراحة الوضع لا يحتمل ولازملها اسلوب الردع باش تتربى .

[نيروز الجزائرية]

خبو عليها قدر المستطاع ربي يهديها ولازم خاوتك الرجال يحاولو يوقفوها عند حدها انت معندكش دليل باش توريه لخاوتك الرجال لازم يتبعوها ويشوفوها في كل خطوة تخطوها ربي معاكم اختي

[Rima mimi25]

أختي الحل الوحيد تبليغ الشرطة

[بنت الرّحّل]

وعليكم السّلام ورحمة الله وبركاته
عزيزتي هناك شيء غريب جدا في مشكلتك ....لم أستوعبه وهو أنها كانت سببا غير مباشر في وفاة والدك رحمه الله منذ 2004 ونحن الآن في سنة 2012
ولم تذكري أي شيء عن محاولة فهم حالتها ... ولا ماذا فعلت بالمال الذي أخذته .. وكيف استطعتم أن تعيشوا معها طيلة هذه المدة .. وما نوع معاملتكم لها ...!
شيء غريب جدا !
لذلك أنا لا ألقي باللوم عليها ولكن عليك وعلى أهلك ... هناك أمية في التعامل مع هذه الحالات تضرب جذورها في المجمتع
كيف تعاملتم معها أول مرة فعلت فعلتها تلك ! والأشد والأهم ماذا تفعل بالمال ؟ هذا شيء مهم جدا ...هل تصرفه على نفسها ؟ هل تعطيه لأحد ما ؟ هل تحتفظ به ؟
مبلغ مثل ذاك ليس هيّنا ولا حتى العقد الذي سرقته من أمك ليس هينا
إنها تأخذ أشياء كبيرة جدا !
وقبل أن أعطيك رأيي بخصوص أختك سأقول لك أليس عيبا وعارا أن تفكري في استرجاع ( الكرافش ) ولا تفكري في استرجاع عقل أختك ؟
ثم هي أخجلتك مع أهل خطيبك
أنت قاسية جدا ... بل حتى والدتك كيف تأسى على ( الكرافاش ) ولا تأسى على حال ابنتها طيلة هذه المدة !!!
كيف وكيف وكيف ...على قول المصري : يغور الذهب في ستين داهية
سامحيني سردك للمشكلة لا يعبر عن أي اهتمام بها بل هي على ما يبدو لا تعتبرمشكلة أصلا إلا حين تتعدى على حقوقكم المادية
ما أقساك.. هل المادة أعظم من الإنسان الذي تشتركون معه في الدم !

عموما لم تذكري أشياء كثيرة تخص أختك المسكينة سوى أنها عدوانية ..ويصعب الحوار معها - هذا طبعا حسب كلامك - وكل ما أخشاه أنكم تنظرون إليها على أنها مشكلة لكم وربما تكون الحقيقة أنكم أنتم مشكلتها

والعدوانية التي تصل إلى حد القتل الذي تتحدثين عنه ليس لها إلا معنيان :
معنى إجرامي وهذا علاجه معروف إما تربية إيمانية قوية ومساعدة من أشخاص أقوياء وإما الردع بالقوة لأنها تمثل خطرا كبيرا على حقوق الناس وعلى نفسها بالتعدي على الآخرين
وهذا الأخير مخجل لكم لأنكم ستخجلون كثيرا من أن تكون من عائلتكم واحدة تدخل السجن ..وأتصور أن هذا ما جعلكم تسكتون طيلة هذه المدة
وليس شيئا آخر
وكما قيل : آخر العلاج الكي ...

والمعنى الثاني : أن تكون مريضة نفسيا وهي تحتاج علاجا نفسيا لا مفر منه

أتمنى منك أختي الكريمة أن تهتمي بشقيقتك من الناحية العاطفية ومن ناحية الأخوة وأن تحاولي مساعدتها فالحقيقة أنها هي ( الموخضة) وليس أنتم بالخصوص : أين تصرف الأموال التي تأخذها !

أتمنى لك التوفيق

[islam girl]

اختي اقطعولها يديها هذا هو الحل


وماتقوليش راني نتمسخر معااك


هذه هي الشريعة الاسلامية


قال صلى الله عليه وسلم « والله لو أن فاطمة بنت محمد سرقت لقطعت يدها »

صدق رسولنا الكريم

وتبانلي هذا هو الحل مادام مش رايحة تحبس على السرقة


هدوها بقطع يديها

[مريم الصابرة]

السلام عليكم اختي
نقولك لازم توقفوها عند حدها إسمحيلي وثاني لو تشتكي بها وتتبهدلو واهل زوجك كيفاه يشوفوك لما اختك تدخل الحبس على بالك يدخلوها للحبس لو تشتكو بها لكن بعدو عليها أي حاجة حتى ما تسرقكمش هذا مرض يا اختي من المفروض من زمان عالجتوها ممكن نقص ممكن حرمان رجعلها إدمان ربي يهديها

[chira-dz]

السلام عليكم

انا انظر من زاوية اختك فعلى ما اعتقد ان اختك تعاني نفسيا فمن غير المعقول انها عاقلة و تقوم بهاته الامور فاغلب الظن انها مريضة فيجب الاعتناء بها و لا ادري كيف لم تستطيعوا التعامل معها او ان تكتشفوا ما مدى قدراتها العقلية
و ربي يصلح الاحوال

[بلسم غرام2018]

وش راح نقلك يحكو معاها مكانش عليكم بالشرطة ومدام قلت مجنونة هوما يتصرفو يدوها لاقرب مصحة

[سِدْرَةِ الْمُنْتَهَى~]

ألقي القبض على شاب يقوم بعملية سرقة جريئة وحكم عليه
بالإعدام فعبر رغبته برؤية أمة والتكلم اليها قبل إن يساق للإعدام .
وعندما جاءت أمه قال لها :اقتربي أريد إن أهمس لك بشيء
وعندما دنت بإذنها منه عضها بعنف حتى كان على وشك اقتلاعها !
ارتاع الحضور من تصرفه
وسألوه عن سبب هذا السلوك الوحشي !
فأجاب : عقابا لها !
لأنني عندما كنت صغيرا بدأت بسرقة أشياء صغيرة وكنت أحضرها للمنزل
وبدلا من تأنيبي وعقابي كانت تضحك
نعم تضحك وتقول : لن يلاحظ ذلك أحد وبسببها أنا هنا اليوم .

للتربية الايمانية منذ الصغر أهمية أكثر من أي شيء آخر والحديث قياس.

[شاملة لينة]

الله يهدي خلقه

[الأمنيات]

ربي يهدي لم اجد ما ارد صراحة غريب

[sali-sali]

نقولك حاجة تستاهلو انتم الي وصلتوها لهدي الدرجة

كون من نهار لي عرفتو انها تسرق تصرفتو معاها و الله ماتوصل هكدا

وتاني كيفاش هدي تخافو منها واش بقات؟؟

يا اختي يهدرو معاها الرجال هدي خوتك خوالك اعمامك،وينهم هدو؟ وين رجال العايلة؟؟
وكي راهي تسرق اشياء ثمينة و مبالغ مالية وين راهي تدير دراهمهم؟؟

اهدروا معاها بالتي هي احسن ماحبتش تفهم هدي بلاصتها الحبس و لا مستشفى المجانين

[knives55]

والله أختي حلها غير شرطة يعني كون تبقي معاكم والله غير تمرض يماك وتوخدكم ختي بلغي عليها الشرطة خلي تدخل للحبس وتريح تم به تعرف قيمة دارها