لماذا قلب الرجل يزداد قسوة كلما يكبر ؟

[soha1987]

السلام عليكم ورحمة الله وبركاته اخوتي
صح عيدكم وكل عام وانتم بخير
اناراني كامل مقلقة هاد ليامات زعمة لعيد مي والله كاينين عباد هوما لي يصمتوه بالسيف خلقهم ربي هاك باش يصمتو حياة لعبد ولا كيفاش
لعرايس ياخي راك فهمتو يعني زوجات الابناء ياحفيظ والله من نهار يدخلو لدار يقلبوها راس على عقب وتلك البيوت فالمشاكل والصراعات لا تتنتهي و مسكينة الام تشف وتغيظ ويضرها قلبها بصح شكون يحس بيها مرط ولدها ولا ولدها ولداها خلاص صبح ماش ابنها قلبه كالحجر بلاك الحجر ينطق وهو لالا همه ارضاء زوجته ونسابو على حساب امو لي هيا المتضرر الوحيد
حنا هاد العيد خرجوهلنا حنا قريب هبلنا لعيد ياعباد ربي مي يحشموش انا والله قلبي تعمر وصبري نفذ لانو امي وكرامتها اولا ولا اسمح لا لي اخي ولزوجنه ان يهينها ان كون نلقا نهار ندير داري نديها معايا وماتقعدش عندهم لانو راح يشبعوها مرار والله البنت هي لي تحس بامها مي الابن لن يحس بها ولن يعيرها اهتماما وراح يعذبها و دار العجزة ماواهم ولي راي دير في يمات راجل ديرها في يماها ولالا هاديك يماها مي الرجال لي ماهومش رجال ليحقو فالنسا
لماذا الرجل مايحسش بامه علاه ؟ الايعلم ان الام كلما كبرت تحب ولادها يحنو عليها ولا يشوف غير مرطو والحنانة لمرطو ياخي هاك ؟
اجيبوني يارجال

[مريم الصابرة]

السلام عليكم اختي
واش نقولك نفس واش صرا مع امي خويا ساكن جنينا تقولي براني كان يسكن بعيد ويلقانا فالطريق يدور وجهو وفي رمضان يمى ما تخدمش وهو كل يوم يجيب نسابو يعرضهم وإحنا نشوفوهم مي انا نخاف على يمى يطلعلها السكر نخفف عليها ونعوضها لكن خبات في قلبها وطلعلها السكر قريب ماتت وزيدي فالعيد جا هو وحدو ما جاتش مرتو وتخيلي جا يسقسي منين جبنا الكبش قتلو سرقتو البارح فالليل على خاطر انا نرجعلو الهدرة اللي مادار الخير في ماه ما تستناي منو الخير اختي انا يمى ذاقت المر محال نخلي ام زوجي تمر بيه بعيد الشر ولو نموت محال ولو نشوف راجلي نتاع نديرو خاتم في صباعي ما نحتاجوش نحتاج راجل حقيقي ماشي اللي يبدل يماه بيا ونلق دعاوي الشر معاه لالا محال إن شاء الله يا ربي يقدرني ندي الأجر مه والديه
اختي كبري قلبك وخليهم يجي نهارهم كما تدين تدان شكرا

[knives55]

كل رجال وكيفاه وزيد حتي أسرة لراه عايش فيها هذ الرجال اذ كانت مشتت ومعمرة مشاكل تاع صح يطلع قلبوا حجر

المشاكل أسرة هي من تحدد كيف يكون أبن في المستقبل

[knives55]

السلام عليكم اختي
واش نقولك نفس واش صرا مع امي خويا ساكن جنينا تقولي براني كان يسكن بعيد ويلقانا فالطريق يدور وجهو وفي رمضان يمى ما تخدمش وهو كل يوم يجيب نسابو يعرضهم وإحنا نشوفوهم مي انا نخاف على يمى يطلعلها السكر نخفف عليها ونعوضها لكن خبات في قلبها وطلعلها السكر قريب ماتت وزيدي فالعيد جا هو وحدو ما جاتش مرتو وتخيلي جا يسقسي منين جبنا الكبش قتلو سرقتو البارح فالليل على خاطر انا نرجعلو الهدرة اللي مادار الخير في ماه ما تستناي منو الخير اختي انا يمى ذاقت المر محال نخلي ام زوجي تمر بيه بعيد الشر ولو نموت محال ولو نشوف راجلي نتاع نديرو خاتم في صباعي ما نحتاجوش نحتاج راجل حقيقي ماشي اللي يبدل يماه بيا ونلق دعاوي الشر معاه لالا محال إن شاء الله يا ربي يقدرني ندي الأجر مه والديه
اختي كبري قلبك وخليهم يجي نهارهم كما تدين تدان شكرا


معليش سؤال

خوك هذ كيفاه كانوا يعملواه ولديك

يعني كانوا حقرينوا ولا لا

[soso sirin]

صح عيدك سهى كل عام و انتي بالف خير و ينعاد عليك بالخير ان شاء الله.والله ماتقلقي روحك ماوالو الله غالب كاين شي رجال ينعماو مساكين يولي يشوف غير في مرتو مسكين و كيما يقولو اذا حاجة العبد ربي يخرجها منو و اذا حاجة ربي ربي يهديه برك.والله كاين حكايات الا يشيبو الراس مي ماتنسايش الي يسمح في يماه في جال مرتو راح يخلصها غالية في حياتو و من جهة ولادو باه يحس تاع الصح.و الي تفهم و تكون بنت اصل انا الراجل الي يسمح في يماه في جالي ماعندي ماندير بيه لانو يماه وسمح فيها بالساهل انا والله يسمح فيا في رمشة عين و مايسقسيش عليا مي واش تهدري ربي يهدينا ان شاء الله

[مريم الصابرة]

معليش سؤال

خوك هذ كيفاه كانوا يعملواه ولديك

يعني كانوا حقرينوا ولا لا




السلام عليكم خويا
لا على العكس الحمد لله ربي اعطانا والدين اروع ما يكون الوالد حنين و ربانا مليح وعلمنا ووقف معانا في كل شي كان الأب والصديق وكل شي وامي ما نحكيش أعظم ام فالديا وهذا بالتحديد امي دلاتو اكثر منا كامل فالدار لكن قلبو جافي اناني من صغرو يحب صوالو وبرك ربي يهديه

[enseignant fiévreux]

سمحيني اختي رجال مش كيف كيف و انا و الله ما يجي واحد في بلاصة :19:(خديجة و محمد ) الوالدة و الوالد ولو يديرو وش يديروفيا ربي يخليهملي ويطول في عمارهم
امين

[soha1987]

السلام عليكم اختي
واش نقولك نفس واش صرا مع امي خويا ساكن جنينا تقولي براني كان يسكن بعيد ويلقانا فالطريق يدور وجهو وفي رمضان يمى ما تخدمش وهو كل يوم يجيب نسابو يعرضهم وإحنا نشوفوهم مي انا نخاف على يمى يطلعلها السكر نخفف عليها ونعوضها لكن خبات في قلبها وطلعلها السكر قريب ماتت وزيدي فالعيد جا هو وحدو ما جاتش مرتو وتخيلي جا يسقسي منين جبنا الكبش قتلو سرقتو البارح فالليل على خاطر انا نرجعلو الهدرة اللي مادار الخير في ماه ما تستناي منو الخير اختي انا يمى ذاقت المر محال نخلي ام زوجي تمر بيه بعيد الشر ولو نموت محال ولو نشوف راجلي نتاع نديرو خاتم في صباعي ما نحتاجوش نحتاج راجل حقيقي ماشي اللي يبدل يماه بيا ونلق دعاوي الشر معاه لالا محال إن شاء الله يا ربي يقدرني ندي الأجر مه والديه
اختي كبري قلبك وخليهم يجي نهارهم كما تدين تدان شكرا

مريم تهنيتو كي راح يسكن وحدو وحنا لي خرج طريق السد ماترد وقولي ليماك راكم كيفيك تعبتو وربيتو وراح التعب باطل يخرج فيهم ربي وحنا مانديروش كيما هاد الاشكال ربي يعافينا منهم

[soha1987]

كل رجال وكيفاه وزيد حتي أسرة لراه عايش فيها هذ الرجال اذ كانت مشتت ومعمرة مشاكل تاع صح يطلع قلبوا حجر

المشاكل أسرة هي من تحدد كيف يكون أبن في المستقبل
واش راك تغطي الشمس بالغربال راكم كامل كيفكيف تجي لمرا وتديك هههههههههه
بعيد الشر دارنا خاطيها المشاكل والديا رباونا وتعبو علينا بزاف وهوما لي وصلوهم لبلاصة لي رام حاكمينها ومن بعد يحط ام زوجته امو وابوها ابوه يااخي حالة ونهار كي يتزوج خوها ولا اختها تشوف الدلال لي يديرهولهم مي حنا مايحملناش فالدم انا نقولك الصح انا نكره اي واحدة يمسلي امي حتا واش يكون وكون كانت بيدي تشوف واش نديرلهم اناقتلهم روحوقيلونا برك روح اسكن عند ماليها مي خلي امي وحالها حنا لبنات نعيشوها فالدلال مي تنوما الرجال تعذبو امهاتكم وحبيتو تربحو لكن كما تدين تدان

[السيدة اسيا]

ربي يفرج عليكم و يهدي البال

[مريم الصابرة]

مريم تهنيتو كي راح يسكن وحدو وحنا لي خرج طريق السد ماترد وقولي ليماك راكم كيفيك تعبتو وربيتو وراح التعب باطل يخرج فيهم ربي وحنا مانديروش كيما هاد الاشكال ربي يعافينا منهم
السلام عليكم
نقولك اختي انا والله ما ما إعتبراتو خويا نهائيا نسيتو كأنو واحد براني ما عندوش القلب كيفاه عندي القلب عليه والفنا بلا بيه نهار مرضت يمة ديتها وحدي فالليل للسبيطار وتمحنت وحدي وانا مريضة وحتى ماجاش وعندها يومين مرض بابات مرتو بايت معاه فالسبيطار ربي إن شاء الله ينتفم منو وعندو ولادو كيما دار ليمى يندارلو
بعيد الشر ندير كيما هذو الاشكال الله لا يوصل
معليش اختي شكرا

[soha1987]

صح عيدك سهى كل عام و انتي بالف خير و ينعاد عليك بالخير ان شاء الله.والله ماتقلقي روحك ماوالو الله غالب كاين شي رجال ينعماو مساكين يولي يشوف غير في مرتو مسكين و كيما يقولو اذا حاجة العبد ربي يخرجها منو و اذا حاجة ربي ربي يهديه برك.والله كاين حكايات الا يشيبو الراس مي ماتنسايش الي يسمح في يماه في جال مرتو راح يخلصها غالية في حياتو و من جهة ولادو باه يحس تاع الصح.و الي تفهم و تكون بنت اصل انا الراجل الي يسمح في يماه في جالي ماعندي ماندير بيه لانو يماه وسمح فيها بالساهل انا والله يسمح فيا في رمشة عين و مايسقسيش عليا مي واش تهدري ربي يهدينا ان شاء الله
صح عيدك سوسو وان شاء الله تكوني بخير شوفي سوسو انا خاوتي كانو حنان ماهم شرور مي كي جاو النسا بدلوهم صبحو قاسين وامي مسكينة مريضة حبو يكملو عليها مي ربي يهديهم وهادوك النسا حسابهم عند ربي مي الرجال لكان يعماو يعماو غير على يماهم ولا كيفاش شوفي حنا النسا نديرو ديارنا علاه مانعماوش على والدينا ونبقاو ديما نحبوهم وانا امي عيني لي قاسها نكرهو ويتوقع مني اي حاجة هادي امي نسمح في روحي مي امي لالا لي حبت دير دير في يماها مي امي لالا وانا لاكان طحت في راجل يدير في يماه نحتقرو والله منزيد معاه دقيقة حب جهنم يدخلها وحدو

[soha1987]

سمحيني اختي رجال مش كيف كيف و انا و الله ما يجي واحد في بلاصة :19:(خديجة و محمد ) الوالدة و الوالد ولو يديرو وش يديروفيا ربي يخليهملي ويطول في عمارهم
امين
ربي يحفظهوملك يارب مي نشوفوك بعد الزواج عندك لا تحكم فيك مرطك راني نوصيك هههههههههههه

[soha1987]

السلام عليكم
نقولك اختي انا والله ما ما إعتبراتو خويا نهائيا نسيتو كأنو واحد براني ما عندوش القلب كيفاه عندي القلب عليه والفنا بلا بيه نهار مرضت يمة ديتها وحدي فالليل للسبيطار وتمحنت وحدي وانا مريضة وحتى ماجاش وعندها يومين مرض بابات مرتو بايت معاه فالسبيطار ربي إن شاء الله ينتفم منو وعندو ولادو كيما دار ليمى يندارلو
بعيد الشر ندير كيما هذو الاشكال الله لا يوصل
معليش اختي شكرا

ياخاه واشي هادا سمح فيماه وحط بابات مرتو باباه ياحفيظ يسلكوها غالية والله كون كانت بيدي نبرد فيهم قلبي ااااااااه يغيضو الوالدين والله قلبي يتقطع عليهم بصح واش نديرو حنا بنات ربي يجازيهم وخلاص
مريم درك نكل الردود راني نروح لدردشة البنات ياخي راني نلقاك في موضوعك لي درتيه ثم ولالا ؟

[soha1987]

ربي يفرج عليكم و يهدي البال
ان شاء الله ياربي يروحو ويعافيونا ومانزيدوش نشوفوهم خلاص
وشكرا على مرورك العطر

[soha1987]

اذا راكي على الاولى راهي معايا :19: و اذا تقصدي الثانية الله اعلم:rolleyes:
ياخاه واش الزهر لي عندها مسكينة حاب تزوج عليها واش دارت المغبونة هادي باينة عاقلة وبنت حلال نتا لي درت فيها حالة هههههههههههه
خويا مرتك متفاهمة مع والديك وراك ساكن معاهم ولا بدارك وحدك ؟

[knives55]

السلام عليكم خويا
لا على العكس الحمد لله ربي اعطانا والدين اروع ما يكون الوالد حنين و ربانا مليح وعلمنا ووقف معانا في كل شي كان الأب والصديق وكل شي وامي ما نحكيش أعظم ام فالديا وهذا بالتحديد امي دلاتو اكثر منا كامل فالدار لكن قلبو جافي اناني من صغرو يحب صوالو وبرك ربي يهديه


شكرا واسف على تطفل

يعني اخوك متمرد ربي يهديه

[مريم الصابرة]

شكرا واسف على تطفل

يعني اخوك متمرد ربي يهديه


السلام عليكم خويا لا علاش تتأسف عادي
وي ماشي مترمد جافي قلبو حجر ونتاع مرتو طراز الاول معليش ربي أعطالو ولادو الذكور وبرك ويرجعولو واش دارنا ربي يهديه

[knives55]

واش راك تغطي الشمس بالغربال راكم كامل كيفكيف تجي لمرا وتديك هههههههههه
بعيد الشر دارنا خاطيها المشاكل والديا رباونا وتعبو علينا بزاف وهوما لي وصلوهم لبلاصة لي رام حاكمينها ومن بعد يحط ام زوجته امو وابوها ابوه يااخي حالة ونهار كي يتزوج خوها ولا اختها تشوف الدلال لي يديرهولهم مي حنا مايحملناش فالدم انا نقولك الصح انا نكره اي واحدة يمسلي امي حتا واش يكون وكون كانت بيدي تشوف واش نديرلهم اناقتلهم روحوقيلونا برك روح اسكن عند ماليها مي خلي امي وحالها حنا لبنات نعيشوها فالدلال مي تنوما الرجال تعذبو امهاتكم وحبيتو تربحو لكن كما تدين تدان


نعم جزائرين كل عقلية وحدة

عني واش راح نقولك


هو لوم يرجع على راجل لانه موش راجل ومراتوا تمشي فيه بتلكموند

وهذ بنسب ليا موش راجل يعني تقلوا مرتوا متجبليش امك لدار

وكذلك المراة
يعني شيطان لي فقلبها يخلها تعمل المستحيل به تخلي رجلها

يبعد على عيلتوا وأموا وهي تروح تجيب يماها به تسكن معها

واش تحبي

[soha1987]

نعم جزائرين كل عقلية وحدة

عني واش راح نقولك


هو لوم يرجع على راجل لانه موش راجل ومراتوا تمشي فيه بتلكموند

وهذ بنسب ليا موش راجل يعني تقلوا مرتوا متجبليش امك لدار

وكذلك المراة
يعني شيطان لي فقلبها يخلها تعمل المستحيل به تخلي رجلها

يبعد على عيلتوا وأموا وهي تروح تجيب يماها به تسكن معها

واش تحبي




واش معناتها الجزايرين كامل نفس العقلية يعني كامل حافظين نفس الدرس وتعاوده برك ااااااااااااااه واش هاد الرجال كون يكون راجلي بهاد الشكل تشوف واش ندير فيه حاب جهنم يدخلها وحدو انا يما حابة نديها عندي وتاني يماه تكون عندي هكا تكون لعيشة تهبل ولولاد يترباو مع جداتهم هاكا مليح نربحو دنيا ولا خرا

[محمد...عبد النور]

السلام عليكم أختي سهى 1987
الله يكون في عونكم و تهلاي في امك مادام راهي قدام عينيك
بعض الابناء بمجرد يتزوج ينسى الام التي بذلت الغالي و الرخيص ليكبر الى ان اصبح رجل و في الاخير جات امرأة و حاشا تكون كبقية النساء المتربيات و بنات الأصل نساته في والديه و خاصة الوالدة
يا ربي لا تجعلنا مثلهم و نسأل الله يهدي هؤلاء الاخوة لبر والديهم و خاصة الام لانها تتأثر بزااااف لكنها تكتم غضبها في خاطر ابناءها و ما تبينش تأثثرها
و المشكل كاين لي يجي مع مرتو في كل شيئ يعني امه لي عاش معاها حتى اصبح راجل يكذبها و يجي ضدها و بنت الناس لي عشرها ايامات داتله عقله
ربي يهدينا جميعا و يرزقنا البر بالوالدين و يبعد علينا العقوق اللهم آمين
أختي الكريم كيما قلتلك تهلاي في امك و ليس كل الرجال هكذا لكن ربي يهدي الضال و يرجعه لرشده و كما تفعل يفعل بك فأنظر ما تصنع
المهم ربي يحفظ ليك الوالدة الكريمة و يعوضكم بالخير و يبدلكم فرحة و سعادة و حبورا و نتي يقر عينيك بما تحبين
ســـــــــــــــــــــــــــــــــــــــــــــــلا م

[كاميلا]

مشكورة على الطرح والموضوع
قد ناقشته في مرة من المرات والله عيب هذا لكن برأيي الرجل اناني بطبعه يفضل مصلحته الله غالب هذا طبعهم

[محمد...عبد النور]

مشكورة على الطرح والموضوع
قد ناقشته في مرة من المرات والله عيب هذا لكن برأيي الرجل اناني بطبعه يفضل مصلحته الله غالب هذا طبعهم




السلام عليكم أختي كاميلا
شكرا على الرد الطيب راكي جعلتي الكل انانيين فهلا استثنيتي أو أن الرجل اناني يحب زوجته الشريرة بالطبع لا أعمم فهناك ولاد و بنات اصل و الحمد لله

[كاميلا]

السلام عليكم أختي كاميلا
شكرا على الرد الطيب راكي جعلتي الكل انانيين فهلا استثنيتي أو أن الرجل اناني يحب زوجته الشريرة بالطبع لا أعمم فهناك ولاد و بنات اصل و الحمد لله

وعليكم السلام ورحمة الله تعالى وبركاته اخي لذريق
لي عودة لمناقشة اكثر للموضوع واسباب ذلك وكيف ان الام هي التي تساهم في تنشأة ولدها على ذلك الحال للاسف

[soso sirin]

صح عيدك سوسو وان شاء الله تكوني بخير شوفي سوسو انا خاوتي كانو حنان ماهم شرور مي كي جاو النسا بدلوهم صبحو قاسين وامي مسكينة مريضة حبو يكملو عليها مي ربي يهديهم وهادوك النسا حسابهم عند ربي مي الرجال لكان يعماو يعماو غير على يماهم ولا كيفاش شوفي حنا النسا نديرو ديارنا علاه مانعماوش على والدينا ونبقاو ديما نحبوهم وانا امي عيني لي قاسها نكرهو ويتوقع مني اي حاجة هادي امي نسمح في روحي مي امي لالا لي حبت دير دير في يماها مي امي لالا وانا لاكان طحت في راجل يدير في يماه نحتقرو والله منزيد معاه دقيقة حب جهنم يدخلها وحدو

والله الحمد الله شوفي يا سهى علابانا هي والله تغيض كي تلقاي خوك مهبلكم مي ماعندك ماديري تعياي تهدري طلعي الضغط روحك في باطل و تركبي روحك السكر الصح في يماك و هو يجي نهار وين يفيق و انا نروح و نجي المراة هي المصيبة كاين ناس ملايكة رجعوهم اشرار والله كاين شي نسا الا مانعرف مين جايبين هذا التسيتيت انا قلت بلاك نروح نقرى عند كاش وحدا ماشي باه نتعلم نولي ستوتة مع يماه لالا في جالو هو اذا عول يدور عليا نكون مكملة معاه هههههههههههه.ماتزعفيش يا سهى و كبري قلبك في جال يماك و ماتقولولهاش بلي وليدك فيه و فيه و راه سمح فيك والله اذا انتي اختو و راه غايضك الحال امالا هي واش تحس مسكينة انتي تعياي تزعفي راه خوك برك تشنفي عليه ماتقيميهش مايهمكش مي هي تنضر بزاف اهدرو معاها و قولولها معليش دبر راسو و ماتكرهوهاش فيه و بيناتكم معليش شمتوه بالهدرة مهما يكون هي ام.و ربي يهديه ان شاء الله.و راح يرجع لعقلو غير ماتخافيش

[مسلم سني]

السلام عليكم
للأسف هناك رجال يتعاملون بهاته الطريقة تفضيل الأولاد والزوجة على الوالدين وهذا تصرف غير لائق
يسعى لإرضاء زوجته متناسيا ومتجاهلا إحساس أمه وأبيه
حتى الزيارة لا يزورهما وبالمقابل تجدين الأب والأم لا يتوقفا على الدعاء له بالنجاح والتوفيق
هؤلاء ضمائرهم ميتة وجهلهم بقيمة ما يملكون كبيرة
لأن كل شيء في هاته الحياة يعوض إلا الوالدين مستحيل فهما البركة ودعاؤهما سبب نجاح الأولاد
لا يسعنا إلا القول
الله يهدي ماخلق
اللهم اهدنا وثبتنا على هدايتك
شكرا لك لى الموضوع
احترماتي

[الواثق]

تبا لهكذا رجال تبا ...........صح في بعض الاحيان نغضب الام بتصرفاتنا فلما تغضب مني احس ان كل بدني يؤلمني ..........وصراحة لو اجلب زوجة تغضب امي فلقد اخرجت عقلي وقلبي من بدني ولتتحمل العواقب .........والتي ترضي امي فلقد كسبت كل شيء بل سأكون انا من يرضيها

اللهم ارزقنا الزوجة الصالحة التي تعينني على البر بامي وابي واعينها على البر بوالديها

[مباركة 1961]

سلام....
حسبنا الله ونعم الوكيل....
انا من راييى ان كل ام او ابنة او اخت رات من ابنها او اخيها نفورا او تحيزا لجانب دون الاخر ان تسال نغسها اولا عن السبب
فاذا عرف السبب بطل العجب...
قد تكون تلك المراءة عرفت كيف تستغل نقاط ضعفه لصالحها
حاولن عدة مرات فى معرفة سبب هذه السلوكات الغريبة
حاولن كسب وده ورضاه لاتستسلمن قد يكون قد غرر به واعطيت له معلومات خاطئة فكانت تلك ردة فعله

لاتدعى على اخيك فيزداد ضلالا بل ادع له بالهداية قبل فوات الاوان


ياواثق ...................
صح عيدك....كل عام وانت بخير انت وكل العائلة الكريمة

لماذا هذه النبرة الغريبة فى توقيعك....

[الامل بالله]

هذا الموضوع كان في بالي الرجل كي يتزوج غي اغلب الاحيان يولي عيد لمرتو و نسابو و رضاهم اهم شيء
تخيلي وليد عمتي مربيه بابا كان دايمن يجي لينا و كي خطب بنت عمتي يعني بنت خالتو في الاول كان يقولي انا كي نجي نجي لدار خالي و من بعد نروح ليهم خالي اولى و عيب عليا على خاطر هو رباني مي تعكست الاية بحكم هو يسكن في منطقة بعيدة و مرتو في منطقتنا ولا يجي ليهم مباشرة و ميجيش لينا و يبات عندهم و مزال متزوجش بيها و بابا راه زعفااان منو بزاااااااف ربي يهديه و يهدي الرجال اللي كيما هو
شكراا على الموضوع

[الواثق]

ياواثق ...................
صح عيدك....كل عام وانت بخير انت وكل العائلة الكريمة

لماذا هذه النبرة الغريبة فى توقيعك....


جزاكم الله خيرا ..........واين الغرابة في ذلك ..........كل مافي الامر اني احببت لاخواتي ما احببته لنفسي ولاختي الشقيقة ............هذا ما في الامر ................وفقكم الله

[خولة لبابة]

..............................................

[خولة لبابة]

للاسف يوجد هذا النوع من الرجال.......لهذا اختارو الزوجة الصالحة قبل كل شيء.....اضفر بذات الدين تنل.....وفقكم الله.......

[داعية للخير]

عذرا ربما السؤال موجه للرجال
لكن ...
قال رسول الله صلى الله عليه وسلم أن من علامات قروب الساعة:
"أن الرجل يطيع زوجته ويعصي أمه"
للأسف حال الكثيرين في عصرنا
-
-
- والجنة تحت أقدام الأمهات
الحق نفسك ...فالدنيا ظل زائل وعارية مسترجعة
ارجع إلى أمك قبل فوات القطار...:mh92:

[سعاذ]

السلام عليكم
اولا اختي ادعولو ربي يهديه سرتو يماك قليلها تدعيلو
بزاف باش ربي يهديه ماشي تدعي عليه خاطر بلاك ربي يستجيب
لدعاها اختي رجال ماشي كامل كيفكيف و ثاني نساء كاين رجال كي يزوجو
يتبدلو و يعودو مايشوفوش في ولديهم و لوم هنيا ماشي غير على
الراجل تاني على المراة خاطر هي تاني راهي مشاركة
في هذي الجريمة انا مفهمتش كيفاش المراة تشوف
رجلها يبعد على ولديه و تبقى تتفرج وفرحنا
بروحها بصح هذا الوضع متقبلش يكونو
فيه ولديها هي اه لوكان يعرفو رجال
او نساء معنى دعاء من عند الولدين
بربي يرضى عليك
اختي انت تاني متزيديش على يماك كوني معها مرة فحلة و حولي تخفف عليها قد ماقدرت
ربي يهدينا و يثبت علينا العقل و الدين
ربي يفرج عليكم اختي و يرجع خوك كيما كان زمان
دمتم في رعاية الله و حفظه

[soha1987]

السلام عليكم أختي سهى 1987
الله يكون في عونكم و تهلاي في امك مادام راهي قدام عينيك
بعض الابناء بمجرد يتزوج ينسى الام التي بذلت الغالي و الرخيص ليكبر الى ان اصبح رجل و في الاخير جات امرأة و حاشا تكون كبقية النساء المتربيات و بنات الأصل نساته في والديه و خاصة الوالدة
يا ربي لا تجعلنا مثلهم و نسأل الله يهدي هؤلاء الاخوة لبر والديهم و خاصة الام لانها تتأثر بزااااف لكنها تكتم غضبها في خاطر ابناءها و ما تبينش تأثثرها
و المشكل كاين لي يجي مع مرتو في كل شيئ يعني امه لي عاش معاها حتى اصبح راجل يكذبها و يجي ضدها و بنت الناس لي عشرها ايامات داتله عقله
ربي يهدينا جميعا و يرزقنا البر بالوالدين و يبعد علينا العقوق اللهم آمين
أختي الكريم كيما قلتلك تهلاي في امك و لكن كل الرجال هكذا لكن ربي يهدي الضال و يرجعه لرشده و كما تفعل يفعل بك فأنظر ما تصنع
المهم ربي يحفظ ليك الوالدة الكريمة و يعوضكم بالخير و يبدلكم فرحة و سعادة و حبورا و نتي يقر عينيك بما تحبين
ســـــــــــــــــــــــــــــــــــــــــــــــلا م
شكرا اخي
الام تغيض بزاف وانا لي مافهمتوش علاه الولد مايحسش بيها ومهما كانت قيمة الزوجة لازم الام قبل مي الرجال على مايفهموهاش هادي والله راني دايخة
المهم ربي يردهالهم انا امي والله مانفرط فيها انا نشريها واش تحب ونقوم بيها لانو امي مانبدلهاش باي واحد فهاد الدنيا وشكرا اخي على الدعاء ونتا تاني ندعيولك ربي يعينك ببر والديك ويرزقك الزوجة الصالحة لي تقوم بيهم يارب وشكرا على المرور اخي

[soha1987]

مشكورة على الطرح والموضوع
قد ناقشته في مرة من المرات والله عيب هذا لكن برأيي الرجل اناني بطبعه يفضل مصلحته الله غالب هذا طبعهم
صح عيدك كامليا
وماسم الموضوع نتاعك ؟ انا ماكتبتوش عن طيب خاطر انا كتبتو كنت مقلقة والسكرطالع ههههههههه
شوفي كامليا يكون اناني على الناس كامل ماش غير على الوالدين وعلاه مايكونش اناني مع ماليها والعرضات والدلال لي دايرهولهم ياله من ايثار وحب ولاهاد وك خاطين يعني امو وبابه فقط ياخي جيل نتاع دعاوي الشر وشكرا على ردك

[soha1987]

السلام عليكم
للأسف هناك رجال يتعاملون بهاته الطريقة تفضيل الأولاد والزوجة على الوالدين وهذا تصرف غير لائق
يسعى لإرضاء زوجته متناسيا ومتجاهلا إحساس أمه وأبيه
حتى الزيارة لا يزورهما وبالمقابل تجدين الأب والأم لا يتوقفا على الدعاء له بالنجاح والتوفيق
هؤلاء ضمائرهم ميتة وجهلهم بقيمة ما يملكون كبيرة
لأن كل شيء في هاته الحياة يعوض إلا الوالدين مستحيل فهما البركة ودعاؤهما سبب نجاح الأولاد
لا يسعنا إلا القول
الله يهدي ماخلق
اللهم اهدنا وثبتنا على هدايتك
شكرا لك لى الموضوع
احترماتي


صح اخي هؤلاء قلوبهم متحجرة وحابين يدي دعوة الخير والله مايشوفو وجه ربي مادام يلحقو راي النسا ربي يهديهم وشكرا اخي على الرد

[soha1987]

تبا لهكذا رجال تبا ...........صح في بعض الاحيان نغضب الام بتصرفاتنا فلما تغضب مني احس ان كل بدني يؤلمني ..........وصراحة لو اجلب زوجة تغضب امي فلقد اخرجت عقلي وقلبي من بدني ولتتحمل العواقب .........والتي ترضي امي فلقد كسبت كل شيء بل سأكون انا من يرضيها

اللهم ارزقنا الزوجة الصالحة التي تعينني على البر بامي وابي واعينها على البر بوالديها
ماذا تتحمل العواقب ؟ يعني تدي طريحة ههههههههه انت راجل ولا خلي ههههههههههه
انت السلفي ماتخافش انت تجيب مرا تكررها ههههههههه علابالك لبنات كامل يخافو السلفين يحسبوهم غوالا هههههههه
هيه ارضاء الام قبل الزوجة واياك ان تضع امك بعدها لانها ستتحسر على نفسها والله حتى فحبة حلوى تجيبهاا لوليدك وتخلي امك يغيضها لحال لازم اي حاجة تجيبها يكون لها نصيب الام عندما تكبر تحب لحنانة من ابنائها سواءا ذكور ولا اناث وتحب ان يدللوها ان والله ندللها كيما الولد الصغير وهي يعجبها لحال نصيحة لكل ابن وبنت يعطيوهم لحنانة لانهم يحتاجونها كيما كونها حنا ماحتاجينها انا نقول هاد الكلام عن دراية وان شاء الله تستفادة وربي يرزقك بزوجة صالحة تعينك على البر بوالديك وشكرا على الرد

[الجليس الصلح]

http://up.graaam.com/img/9fcce2cd548600376fd7f8800aade298.gif

[soha1987]

سلام....
حسبنا الله ونعم الوكيل....
انا من راييى ان كل ام او ابنة او اخت رات من ابنها او اخيها نفورا او تحيزا لجانب دون الاخر ان تسال نغسها اولا عن السبب
فاذا عرف السبب بطل العجب...
قد تكون تلك المراءة عرفت كيف تستغل نقاط ضعفه لصالحها
حاولن عدة مرات فى معرفة سبب هذه السلوكات الغريبة
حاولن كسب وده ورضاه لاتستسلمن قد يكون قد غرر به واعطيت له معلومات خاطئة فكانت تلك ردة فعله

لاتدعى على اخوك فيزداد ضلالا بل ادع له بالهداية قبل فةات الاوان


ياواثق ...................
صح عيدك....كل عام وانت بخير انت وكل العائلة الكريمة

لماذا هذه النبرة الغريبة فى توقيعك....


صح عيدك يا استاذة
الله يسهل عليهم مانحوسو على السبب مانكسرو ريوسنا كل واحد يعيش حياتو كيما يحب مي ب الام واجب علبالهم مي يديرو راي المرا لبحر يبحرهم
وشكرا على مرورك العطر

[soha1987]

هذا الموضوع كان في بالي الرجل كي يتزوج غي اغلب الاحيان يولي عيد لمرتو و نسابو و رضاهم اهم شيء
تخيلي وليد عمتي مربيه بابا كان دايمن يجي لينا و كي خطب بنت عمتي يعني بنت خالتو في الاول كان يقولي انا كي نجي نجي لدار خالي و من بعد نروح ليهم خالي اولى و عيب عليا على خاطر هو رباني مي تعكست الاية بحكم هو يسكن في منطقة بعيدة و مرتو في منطقتنا ولا يجي ليهم مباشرة و ميجيش لينا و يبات عندهم و مزال متزوجش بيها و بابا راه زعفااان منو بزاااااااف ربي يهديه و يهدي الرجال اللي كيما هو
شكراا على الموضوع
خليه يدبر راسو وعلاه بابك يزعف ماعندو مايدير بيه هادا نكار الخير شوفي ختي لي من دمهم ولحمهم زلاوهم وينك ياو وليد عمتك لي ربيتوه ربي يهدي ماخلق
وشكرا على الرد

[soha1987]

للاسف يوجد هذا النوع من الرجال.......لهذا اختارو الزوجة الصالحة قبل كل شيء.....اضفر بذات الدين تنل.....وفقكم الله.......
اهلا بك يافلال في موضوعي
ماتقوليش تكون مدينة ومن بعد كي تدخل دير لي مداروهش الناس هاد الزمان زمان لعوج
وشكرا على الرد والمرور العطر

[soha1987]

عذرا ربما السؤال موجه للرجال
لكن ...
قال رسول الله صلى الله عليه وسلم أن من علامات قروب الساعة:
"أن الرجل يطيع زوجته ويعصي أمه"
للأسف حال الكثيرين في عصرنا
-
-
- والجنة تحت أقدام الأمهات
الحق نفسك ...فالدنيا ظل زائل وعارية مسترجعة
ارجع إلى أمك قبل فوات القطار...:mh92:

مرحبا بك اختي داعية الخير
لالا ماتعتذري ماولو الموضوع للكل
زماننا كامل يطيعو زوجاتهم وكون خير جا فالطاعة برك المشكل يحرضو على الشر ربي يهدي الرجال الى طريق الحق
شكرا على الرد

[soha1987]

السلام عليكم
اولا اختي ادعولو ربي يهديه سرتو يماك قليلها تدعيلو
بزاف باش ربي يهديه ماشي تدعي عليه خاطر بلاك ربي يستجيب
لدعاها اختي رجال ماشي كامل كيفكيف و ثاني نساء كاين رجال كي يزوجو
يتبدلو و يعودو مايشوفوش في ولديهم و لوم هنيا ماشي غير على
الراجل تاني على المراة خاطر هي تاني راهي مشاركة
في هذي الجريمة انا مفهمتش كيفاش المراة تشوف
رجلها يبعد على ولديه و تبقى تتفرج وفرحنا
بروحها بصح هذا الوضع متقبلش يكونو
فيه ولديها هي اه لوكان يعرفو رجال
او نساء معنى دعاء من عند الولدين
بربي يرضى عليك
اختي انت تاني متزيديش على يماك كوني معها مرة فحلة و حولي تخفف عليها قد ماقدرت
ربي يهدينا و يثبت علينا العقل و الدين
ربي يفرج عليكم اختي و يرجع خوك كيما كان زمان
دمتم في رعاية الله و حفظه
امي سامحة فيهم خلاص ماعندها مادير بيهم هوما الخاسرين في اخر المطاف ليه مرتو وماليها و انا ماما نور عيني ربي يحفظها من كل شر
وشكرا على مرورك العطر

[هارون]

ان كان اخوك كذلك، فهذا لا يعني كل الرجال؟ المشكل في اخاك، اقرئي تاريخه، لعلك تجدين السبب، فنحن لن نصيب لاننا لا نعرفه، و حتى ان ابدينا اراءنا فستبقى مجرد تخمينات لا اكثر، على العموم ربي يهدينا و يهديه و يجعلنا من البارين بالوالدين

[نورسين.داية]

الصراحة لست ادري لكن ممكن يكون للبيئة او المحيط الإجتماعي دور في دلك........

[منهاج]

السلام عليكم

الله يجيب الخير

[msam3i2010]

يا حفيظ يا ستار .... انا قررت ما نتزوجش ..... هكدا ما نضر حد و حد ما يضرني

[mohamed160]

شكران الاخت انا نجوابك انا ما نقدارى نسمح فى الام انتعى لانى عندى واحدى برك هى الام انتعى ما نقدارى نبدلها مى الزوجة نقدارى نبدلها ربى يرزفنا الزوجات الصاليحات