ماذا سيكون شعورك ؟

[كاميلا]

السلام عليكم ورحمة الله تعالى وبركاته
موضوعي اليوم ليس بمضحك وليس بمسلي
فقط اردت ان اعرف كيف سيكون شعورك لو عرفت ان شخص من عائلتك ميحبلكش الخير ويكرهك كره اعمى بل انه لا يطيق ما تفعله في حياتك ويتمنى لك الفشل ؟
لو سمعت هذا ؟ كيف ستشعر ؟
هل هو الزمان اللي وصلنا ليه اصبح فيه من دمك يكرهك؟ وش من حياة رح تكون متفائل بيها اذا كان القريب يحسد فيك ويبغضك لا لشيء فعلته بل وانك لا تتدخل في حياته ولا حتى تتكلم عنه في غيابه ؟
ما هو السبب لكل هذا؟
راني في حالة نفسية محطمة اذا ماكانش في ثقة في اللي راهم من دمك كيفاش دير ثقة في البراني ؟ مالي الا البكاء وطلب الرحمة من الله عز وجل

[mohamed160]

من غيرى بابك ويمك الناس كدابى الاخت والله ما كاين فى هدى الدينى ليحبلك الخير رانى عايش امعهم ونشوف

[كاميلا]

من غيرى بابك ويمك الناس كدابى الاخت والله ما كاين فى هدى الدينى ليحبلك الخير رانى عايش امعهم ونشوف

لهاد الدرجة ؟ والله وصل بيا الحال وليت نقول كرهت من هاد الزمان كون غير مانيش فيه هل سيصل بيا الحال منديرش ثقة في اللي من دمي

[sali-sali]

وحد المثل يقول ما يبكي عليك غير والديك

هيا صحيح كاين في العايلة لي مايحبلكش الخير و هدا بسبب الغيرة
لا تعيري لهم اهمية المهم كوني خير منهم باخلاقك

[samsouma94]

عفوا منك اختي حاسيت بيك حاجة غير الخير

[mohamed160]

لهاد الدرجة ؟ والله وصل بيا الحال وليت نقول كرهت من هاد الزمان كون غير مانيش فيه هل سيصل بيا الحال منديرش ثقة في اللي من دمي
واش بيك هبلتى علش تكرهى حياتك الله يهديك ما كاين لى يحبلك الخير من غيرى الام انتعك و الاب

[كاميلا]

وحد المثل يقول ما يبكي عليك غير والديك

هيا صحيح كاين في العايلة لي مايحبلكش الخير و هدا بسبب الغيرة
لا تعيري لهم اهمية المهم كوني خير منهم باخلاقك

شكرا جزيلا

[كاميلا]

عفوا منك اختي حاسيت بيك حاجة غير الخير

لم افهم قصدك اختي

[samsouma94]

فيما يخص تساؤلك

[كاميلا]

واش بيك هبلتى علش تكرهى حياتك الله يهديك ما كاين لى يحبلك الخير من غيرى الام انتعك و الاب

لا اقصد انني كرهت من حياتي بل اقصد انني كرهت الزمان الذي نحن فيه لكثرة البلاء اللي فيه

[mohamed160]

لا اقصد انني كرهت من حياتي بل اقصد انني كرهت الزمان الذي نحن فيه لكثرة البلاء اللي فيه
الله غالب رانى عايشينى فيه لزام نصبروا والانسان لزام يعرف كيفاش يسرى برك

[الواثق]

الرسول صلى الله عليه وسلم مع ادبه وكرمه وحسن خلقه أوذي من اهله وعشيرته واخرج من داره من اجل انه قال لا اله الا الله ..............حتى ان بعضهم قال لو اختار الله نبيا لم يجد غير محمد ؟؟؟ صلى الله عليه وسلم .............حسد وبغض وكره ...................فكيف بنا نحن ونحن نسيء في بعض الاحيان لاهلنا ويسوء خلقنا احيانا معهم .................ومع تعاظم الفتن الدنيوية واصبحت المادة طاغية على التفكير ....................فهناك من الاخوة من تقاتلو من اجل ارض او مال ..........كيف لا ولقد بدأ الخلق بجريمة لما قتل ابن ادم اخاه ................فهكذا هم البشر وهكذا هم الجن قبلنا لان الملائكة قالو لله عزوجل وجل عند خلق ادم ***أتجعل فيها من يفسد فيها ويسفك الدماء***...............فهنا دلالة على الفتن وعلى الفساد الذي قد يسفك الدم وقد حدث هذا فعلا.......

صبرا جميلا والله المستعان...........فالرسول صلى الله عليه وسلم صبر على اهله وعشيرته حتى لانت قلوبهم لذكر الله وكان نصر الله

[samsouma94]

في لحظة غضب الانسان يقول اي شيء وانتيا دوكا راكي مقلقة عليها تقولي كرهت اقراي هده مليح
اللي يحبك مايبنيلك قصر واللي يكرهك مايبنيلك قبر.....

[mohamed160]

في لحظة غضب الانسان يقول اي شيء وانتيا دوكا راكي مقلقة عليها تقولي كرهت اقراي هده مليح
اللي يحبك مايبنيلك قصر واللي يكرهك مايبنيلك قبر.....
الله الله من اى اصل هدا المثل

[Lydia istanboul]

عادي حبيبتي كاميلا,,,,تصرى و في ارقى العائلات,,,ماتنسيش يا كاميلا حكاية قابيل وهابيل يعني امر كيما هذا مهوش جديد لكن صدقيني وعن تجربة خوك خوك لا يغرك صاحبك,,,,فترة وتعدي ...ممكن لي راكي تقولي كارهك ليس بكاره فقط الغيرة و ضعف الانسان تخليه يحسد اقرب الناس اليه لكن صدقيني لو كشما شعرة تمسك تلقاي ذا الشخص نادم على ما قال,,,,صرات انا وختي قريب 6 اشهر متنايفين وكرهنا بعض وووووووووووووو لكن في نهاية المطاف لو تطلب روحي ترخصلها,,,’تخيلي كنا في قمة العداء و البغض وكبرت لحكاية لكن اول ما راحت لطبيب وقالها مرضك كذا اتصلت بي تبكي تحكي لي سرها وتشكيلي أمامها تظاهرت بالقوة وصبرتها لكن ما ان اغلقت السماعة حتى اجهشت بالبكاء ولمت نفسي لكرهي لها ممن من جرحها لي وممكن دعيت وندمممممممممممممممممت والله ابكي وادعو الله يفرحها والان نحن نعم الاختين,,,مع انو كي كنا زعفانين انا قلت وهيا قالت وجرحنا بعض,,,,نقولك هدا بليس يا حبيبتي يحب يفرق بين الاهل,,,,قد ما يغلط فيك دمك قولي معليش هادي ختي ولا هادا خويا نمضغو مانسرطوش,,,صدقيني يا عمري هي الغيرة والحسد تخلي بني ادم يتمنى نقص الخيرات لاحبابو,,,وهادي عاااااااااادي دعنا لا نكن مثاليين,,,كلنا احيانا نغيرو و ممكن نقولو اشياء لا نعنيها,,,,,

[samsouma94]

الله الله من اى اصل هدا المثل
والله ماعلابالي
جامي سمعت بيه ....؟
واش رايك هدا هو الصح ولا لالا

[كاميلا]

الرسول صلى الله عليه وسلم مع ادبه وكرمه وحسن خلقه أوذي من اهله وعشيرته واخرج من داره من اجل انه قال لا اله الا الله ..............حتى ان بعضهم قال لو اختار الله نبيا لم يجد غير محمد ؟؟؟ صلى الله عليه وسلم .............حسد وبغض وكره ...................فكيف بنا نحن ونحن نسيء في بعض الاحيان لاهلنا ويسوء خلقنا احيانا معهم .................ومع تعاظم الفتن الدنيوية واصبحت المادة طاغية على التفكير ....................فهناك من الاخوة من تقاتلو من اجل ارض او مال ..........كيف لا ولقد بدأ الخلق بجريمة لما قتل ابن ادم اخاه ................فهكذا هم البشر وهكذا هم الجن قبلنا لان الملائكة قالو لله عزوجل وجل عند خلق ادم ***أتجعل فيها من يفسد فيها ويسفك الدماء***...............فهنا دلالة على الفتن وعلى الفساد الذي قد يسفك الدم وقد حدث هذا فعلا.......

صبرا جميلا والله المستعان...........فالرسول صلى الله عليه وسلم صبر على اهله وعشيرته حتى لانت قلوبهم لذكر الله وكان نصر الله

شكرا جزيلا بارك الله فيك

[كاميلا]

في لحظة غضب الانسان يقول اي شيء وانتيا دوكا راكي مقلقة عليها تقولي كرهت اقراي هده مليح
اللي يحبك مايبنيلك قصر واللي يكرهك مايبنيلك قبر.....

شكرا جزيلا بارك الله فيك

[كاميلا]

عادي حبيبتي كاميلا,,,,تصرى و في ارقى العائلات,,,ماتنسيش يا كاميلا حكاية قابيل وهابيل يعني امر كيما هذا مهوش جديد لكن صدقيني وعن تجربة خوك خوك لا يغرك صاحبك,,,,فترة وتعدي ...ممكن لي راكي تقولي كارهك ليس بكاره فقط الغيرة و ضعف الانسان تخليه يحسد اقرب الناس اليه لكن صدقيني لو كشما شعرة تمسك تلقاي ذا الشخص نادم على ما قال,,,,صرات انا وختي قريب 6 اشهر متنايفين وكرهنا بعض وووووووووووووو لكن في نهاية المطاف لو تطلب روحي ترخصلها,,,’تخيلي كنا في قمة العداء و البغض وكبرت لحكاية لكن اول ما راحت لطبيب وقالها مرضك كذا اتصلت بي تبكي تحكي لي سرها وتشكيلي أمامها تظاهرت بالقوة وصبرتها لكن ما ان اغلقت السماعة حتى اجهشت بالبكاء ولمت نفسي لكرهي لها ممن من جرحها لي وممكن دعيت وندمممممممممممممممممت والله ابكي وادعو الله يفرحها والان نحن نعم الاختين,,,مع انو كي كنا زعفانين انا قلت وهيا قالت وجرحنا بعض,,,,نقولك هدا بليس يا حبيبتي يحب يفرق بين الاهل,,,,قد ما يغلط فيك دمك قولي معليش هادي ختي ولا هادا خويا نمضغو مانسرطوش,,,صدقيني يا عمري هي الغيرة والحسد تخلي بني ادم يتمنى نقص الخيرات لاحبابو,,,وهادي عاااااااااادي دعنا لا نكن مثاليين,,,كلنا احيانا نغيرو و ممكن نقولو اشياء لا نعنيها,,,,,

صحيح كل ماقلتيه عزيزتي ليديا لكني اتحدث عن غيرة مرضية وحسد من نوع زوال النعمة نهائيا ووصل الحد الى اشياء اخرى لا اريد قولها لاني وببساطة نحشم منها واشمئز بل وصل الحد الى المكائد والحيل

[nibrasse76]

اذا بدأ الانسان يعامل كل الناس... على انهم ملائكة ...او اصبح يرى ...كل من حوله شياطين ..فهذا دليل على الاهتزازالنفسي وفقدان الثقة في الذات ...وبالتالي فقدان بوصلة التوازن العاطفي ...ومن الحكمة ان يجعل المؤمن في هذه الحالة كل ثقته في الله فهو فقط الذي لا يخذل عباده وهذا هو الاصل ...ابن آدم عموما معرض للوقوع تحت تاثير الشيطان ..وحتى نحن احيانا نفعل ذلك مع اقرب الناس من حولنا ... صاحب القلب الكبير فقط هو من يلتمس الاعذار لغيره ...حتى يعودوا لصوابهم

[النجمة القطبية]

السلام عليكم ورحمة الله تعالى وبركاته
موضوعي اليوم ليس بمضحك وليس بمسلي
فقط اردت ان اعرف كيف سيكون شعورك لو عرفت ان شخص من عائلتك ميحبلكش الخير ويكرهك كره اعمى بل انه لا يطيق ما تفعله في حياتك ويتمنى لك الفشل ؟
لو سمعت هذا ؟ كيف ستشعر ؟
هل هو الزمان اللي وصلنا ليه اصبح فيه من دمك يكرهك؟ وش من حياة رح تكون متفائل بيها اذا كان القريب يحسد فيك ويبغضك لا لشيء فعلته بل وانك لا تتدخل في حياته ولا حتى تتكلم عنه في غيابه ؟
ما هو السبب لكل هذا؟
راني في حالة نفسية محطمة اذا ماكانش في ثقة في اللي راهم من دمك كيفاش دير ثقة في البراني ؟ مالي الا البكاء وطلب الرحمة من الله عز وجل
لم افكر بهذا من قبل ربما لانى احب كل الناس ونتمنالهم الخير كامل
لكن عامة عادى لن افعل شئ نتمنالو الهداية برك هذا ماكان
وهذا ما انصحك به
ربى يهدى الجميع

[عميروش الحر]

الزمان تبدل و العقليات تبدلت معاه ... ولي كان بكري ما عادش نشوفوه ضرك
لازم تتوقعي كل شيء من أي أحد و خاصة الاقارب لأنهم هم الاقرب اليك فاذن هم الاقرب لايذائك
ولكن انتي امشي بنيتك و تعاملي بالاحسان و هذا هو المهم أن تكوني على صواب

[mohamed160]

والله ماعلابالي
جامي سمعت بيه ....؟
واش رايك هدا هو الصح ولا لالا
صح هدا نعم

[aida1992]

يا اختي كاميلا راني نظن بلي راه سوء ظن برك ولا موقف فهمتيه خطا ولا ولا ولا ........ المهم تاكدي سبعين مرة قبل ما تفكري هاك لانك لو كان تكوني غالطة راح تندمي ييييييييييييييييياسر وسال مجرب ما تسالش طبيب وانت ادرى

[مريم الصابرة]

السلام عليكم اختي
كبري قلبك وما تتقلقي ما والو اللي حاب يحبك خير ومزيا واللي كرهك ما عندو ما يدير إنت المهم اهلك وبعدهم زوجك كانك متزوجة الباقي صلي صلة الرحم على جال ربي إنساي الناس تعاملي معاهم في وجه ربي برك والأهم رضا والديك خلي عليك عندنا هذوك الأنواع منهم بزاف مي انا نقولك الصح نقتلهم بالبارد ونضحكونقسر حتى مع اللي عارفاتو يكرهني نخليهم يباو يحكو هههههههه ديري كيما انا ترتاحي من قلبك خير من تعمريه وتمرضي موفقة.

[كاميلا]

شكرا جزيلا للردود بارك الله فيكم

[maria100]

عادي جدا
اعرف انه هناك واحدة من اهلي لا تحب لي الخير ......ولكن ليس لي فقط بل لكل الناس ..............الله غالب ما عندنا ما نديرو ..........تعودنا

[la perle noir]

السلام عليكم ورحمة الله تعالى وبركاته
موضوعي اليوم ليس بمضحك وليس بمسلي
فقط اردت ان اعرف كيف سيكون شعورك لو عرفت ان شخص من عائلتك ميحبلكش الخير ويكرهك كره اعمى بل انه لا يطيق ما تفعله في حياتك ويتمنى لك الفشل ؟
لو سمعت هذا ؟ كيف ستشعر ؟
هل هو الزمان اللي وصلنا ليه اصبح فيه من دمك يكرهك؟ وش من حياة رح تكون متفائل بيها اذا كان القريب يحسد فيك ويبغضك لا لشيء فعلته بل وانك لا تتدخل في حياته ولا حتى تتكلم عنه في غيابه ؟
ما هو السبب لكل هذا؟
راني في حالة نفسية محطمة اذا ماكانش في ثقة في اللي راهم من دمك كيفاش دير ثقة في البراني ؟ مالي الا البكاء وطلب الرحمة من الله عز وجل

السلام عليكم راني في نفس حالتك .راني نحس بشعورك ناس من دمي كانو يتظاهرو بحبي لكن مرت الايام و علمت بحقيقتهم
انا تاني كنت مصدومة مثلك ( كنت نية بزاف الان راني نية اقل بكثير مما كنت عليه هههه:1:) و انهارت اعصابي كدت اتخلى عن دراستي و عن مستقبلي لولا رحمت ربي و والديا
انا مثلا مريت بتجارب عديدة مؤلمة و لكنها جعلتني اقوى .الحاجة الاولى اني كنت متفوقة في دراستي لكن لما جوزت شهادة البكالوريا خسرته عدة مرات و الله اقرب الناس ستشفاو فيا حسيت رو حي مقهورة
و كذلك لما مرضت قمت بعملية جراحية لم اسمع منهم و لا كلمة طيبة و حسيتهم تمناولي الموت بصح رحمة ربي واسعة
لولا الاب نتاعي ربي يخليهولي سجلني لشهادة البكالوريا الاحرار و بعدها اعلمني بذلك قعدت عام في الدار و نجحت في البكالوريا بمعدل يشرف والديا ( و كذلك حسدوني كلمت بصحتك ما خرجتش منهم)
مي نقولك كيفاش تنتاقمي منهم ساهلة جدا هي الاحسان الى نفسك لقد انتقمت بنجاحي و بالرغم اني لا اثق في نفسي كثيرا لا كني اظهر عكس ذلك(و اصبحت عندي مقولة و راني نقولها قاع لي يعرفوني ما علاباليش بيكم انا المهم بابا و يما و خوتي و الاخرين لا اسمع بهم)
اختي ما تحوسيش عليهم الناس قاع ولاو هاك يحبو الخير غير لانفسهم
يكرهوك و لا يحبوك ما عندك ما تديري بيهم
نصائحي لك اختي تجاهليهم قدر الامكان+احسني الى نفسك بالصلاة في وقتها و الصيام و الذكر و تفوقك في دراستك
او عملك او في بيتك +لا تظهري حزنك و لا دمعتك لهم بل ابتسمي دائما +اعتني بوالديك +اصبري على اذاهم و لا ترد عليهم ابدا

تقبلي مروري ايتها الطيبة و اعاننا الله على ما نحن فيه و يارب قربنا من الاناس الصالحين الذين اصبحو عملة نادرة في زماننا هذا

[كاميلا]

السلام عليكم راني في نفس حالتك .راني نحس بشعورك ناس من دمي كانو يتظاهرو بحبي لكن مرت الايام و علمت بحقيقتهم
انا تاني كنت مصدومة مثلك ( كنت نية بزاف الان راني نية اقل بكثير مما كنت عليه هههه:1:) و انهارت اعصابي كدت اتخلى عن دراستي و عن مستقبلي لولا رحمت ربي و والديا
انا مثلا مريت بتجارب عديدة مؤلمة و لكنها جعلتني اقوى .الحاجة الاولى اني كنت متفوقة في دراستي لكن لما جوزت شهادة البكالوريا خسرته عدة مرات و الله اقرب الناس ستشفاو فيا حسيت رو حي مقهورة
و كذلك لما مرضت قمت بعملية جراحية لم اسمع منهم و لا كلمة طيبة و حسيتهم تمناولي الموت بصح رحمة ربي واسعة
لولا الاب نتاعي ربي يخليهولي سجلني لشهادة البكالوريا الاحرار و بعدها اعلمني بذلك قعدت عام في الدار و نجحت في البكالوريا بمعدل يشرف والديا ( و كذلك حسدوني كلمت بصحتك ما خرجتش منهم)
مي نقولك كيفاش تنتاقمي منهم ساهلة جدا هي الاحسان الى نفسك لقد انتقمت بنجاحي و بالرغم اني لا اثق في نفسي كثيرا لا كني اظهر عكس ذلك(و اصبحت عندي مقولة و راني نقولها قاع لي يعرفوني ما علاباليش بيكم انا المهم بابا و يما و خوتي و الاخرين لا اسمع بهم)
اختي ما تحوسيش عليهم الناس قاع ولاو هاك يحبو الخير غير لانفسهم
يكرهوك و لا يحبوك ما عندك ما تديري بيهم
نصائحي لك اختي تجاهليهم قدر الامكان+احسني الى نفسك بالصلاة في وقتها و الصيام و الذكر و تفوقك في دراستك
او عملك او في بيتك +لا تظهري حزنك و لا دمعتك لهم بل ابتسمي دائما +اعتني بوالديك +اصبري على اذاهم و لا ترد عليهم ابدا

تقبلي مروري ايتها الطيبة و اعاننا الله على ما نحن فيه و يارب قربنا من الاناس الصالحين الذين اصبحو عملة نادرة في زماننا هذا

شكرا جزيلا بارك الله فيك
شكرا جزيلا للردود :19::19::19::19: