مستقبلي بين ايديكم

[مشكلتي]

السلام عليكم

انا فتاة عمري 21 سنة وهاد العام انهيت دراستي وماعندي حتى مشكل في عائلتي او مع اي شخص
والحمد لله
لا اطيل عليكم
تعرفت بشخص هادي 3سنوات عندو مستوى دراسي و علمي مقبول وهو اطار في الجمارك وراه حاب يجي يخطبني هاد الشهر ولكن انا المشكل تاعي راني مترددة وخايفة بزاف مع العلم اني كنت نعرفو هو و العائلة تاعو رغم انهم ماهومش من ولايتي فقط بناتنا اتصالات وعائلتو ناس ملاح بزاف
انا و الله العظيم اعلم ان الشكل ليس بالشيء المهم لكن لحد الان لم اتقبل شكله هل هدا مشكل او مع الزواج نوالف
اغلبية صديقاتي قالولي بهاد العبارة **ماهوش تاعك***صراحة هاد الكلمات اثرت فيا
وحاجة اخرى يعصب على اتفه الاسباب
هل التوتر لي راني فيه طبيعي او لا
حاااااااااااااابة ياخوتي تساعدوني و الله ماني نرقد
علا خاطر منحبش نندم عليه ادا فات الوقت
مع العلم انه خطبوني بزاف قبلو و رفضت
يرحم واااااااااااالديكم انصحوني

[SMART-ALG]

لقد أحسست ببعض ماتشعرين به ... قضيتك الشخصية يجب أن تدرس بدقة لأن مثل
هاته الأمور يجب أن يقال لها نعم سأكمل أو لا وأتوقف ... ستعتمدين في مشكلتك على عدة مراحل وهي

إسألي عنه وعن عائلته من كل النواحي
إسألي عن حياته وماضيه وحاظره
دينه ودينه ثم دينه بمعنى علاقته مع الله تبارك وتعالى

بعد أن تعرفي كل هاته الأشياء لا تنتبهي لكلام صديقاتك عن شكله وماالى
ذلك فإن المظاهر لم تكن يوما عائقا فالذي يحب يحب القلب وليس الشكل

إستخيري الله ثم إسألي أقربائك وعائلته وأحبائك المقربين

إن شاء الله ربي يوفقك ولي طلة ثانية إن شاء الله

[نورسين.داية]

الشكل ....؟؟؟ أنا لا انكر ان للشكل إعتبار لكن الكمال لله عز وجل ...و لا ننتظر الجمال الذي تصوره لنا أدهاننا بصفة مسبقة للطرف الثاني الدي سوف نرتبط به سوف يكون مطابق للأفلام التركية التي يشاهدها شبابنا .........................سبحان الله ................
الإنسان لازم يوازن بين ماتقوله شريعتنا و الواقع .............................
و سوف أسألكي سؤال ..................................إسأليه لنفسك .......كيف كان الجمال لدى اجدادنا و الذين سبقونا ؟؟؟؟
بالتالي أختي ما عليكي إلا الإستخارة و السلام

[جمال الدين الأفغاني]

المبدأ الأساس في قبول الزوج للفتاة هو قول النبي صلى الله عليه وسلم :

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.

فالأمر راجع اليك أختي الكريمة فإن كان الرجل متخلق وترضين دينه

فأقبليه على بركة الله ولن تندمي على وصية أوصاكي إياها رسولنا عليه الصلاة والسلام

وأما إن كنت لا تعلمين حاله أو تعرفين أنه بعيد عن دينه

فالتخلي عن شخص بعيد عن دينه لا يجعلنا نندم عليه أو نأسف

لانه هو اصلا بعيد عن ربه ولا يهتم بذلك فلماذا نحن نهتم به !!!

بالمختصر المفيد الدين هو المقياس إن حققه فاقبليه ولا تتترددي ولن تندمي إن شاء الله

وذلك فيه خيرك في الدنيا والآخرة وإن لم يحقق دينه فلا تأسفين عليه وغيره من المتخلقين المتدينين كثير

والله المستعان

[bt.mallak]

ربي يكون في عونك ويحققلك امانيك ويفرج همك

[مراد12345]

سأقول لك الأمر واضح

أن لم يعجبك شكله

توقفي من الآن

ولا تخطوا أي خطوة

وتندمين

كل إنسان وما يحب

يوجد من يحب الجمال

وهناك من يحب الدين

وهناك من يحب المال

وأنت حز في نفسك أن شكله غير مقبول إذا تراجعي يا أختي

ولا تبقي مترددة

وثانيا ونصيحة لك أخطيك من جماعة الكاسكيطا

والله تتميزي فيما بعد

وتولي في مشاكل لا غنى لك بها

أنا أعرف الكثير من جماعة الكاسكيطا وأعرف

الكوارث التي تحدث معهم بسبب نوع العمل والبعد ..................الخ

الخلاصة هذه قضية مصير فكري مليا

وإن أحسست ولو لثانية واحدة أنك غير راضية

فمكتوبك أت أت

بالتوفيق

[الجليس الصلح]

صراحة أختي ما هوش تاعك وما زلت صغيرة يلا ما عجبكش اليوم ما راحش يعجبك مستقبلا استشيري قلبك وربك فيه وربي يسهل

[meriem hanin]

الاستخارة و الاستغفار ثم الاستغفار ثم الاستغفار هم الحل الوحيد يا اختي
و ربي يفرج عليك ان شاء الله

[kheira-81]

عليك بالاستخارة و الله الموفق

[sali-sali]

ماعلاباليش كيفاه هدي ماعجباكش

علاش تشوفو بزاف للشكل كاين ما اهم من ذلك الدين الاخلاق التربية الجيدة العمل يعني شخص مستعد لتكوين و بناء اسرة

وهدي نتاع مايجيش عليك ماهوش حداء و لا عباية تقيسيها تجي و لا ماتجيش

شاوري عقلك و استخيري و لي فيها الخير ربي يسهلك فيها

[AMINA.Z]

يا اختي مازلتي صغيرة
خممي مليح

[بلسم غرام2018]

ماخاب من استخارررررررررررررر

[أبو صهيب ناصر السنة]

مستقبلك بين يدي الله

استخيري وتضرعي لله بالدعاء واستشيري من هم أهل الاستشارة ممن يعرفون الشخص وأخلاقه

[وفية زاد]

يا اختي عمرو الشكل ما كان مقياس... المهم الاخلاق. الدين و التربية
و راكي تقولي تعرفيه من 3 سنوات. واش يعني في الاول كان شباب و من بعد تبدل..
اذا كان ما عاجبكش شكله علاش ظليتي معاه 3 سنوات
و الله انا شايفة باللي هذي مشكلته هو مسكين اللي داير في بالو يخطبك
و انت تفكري ترفضيه خاطر صحاباتك يقولو "" ما هوش تاعك "" رب يكون في عونه
و انت ان شاء الله تلقاي ""انتاعك"" و رب يهديك انت و صحاباتك

[مسلمة 345]

العصبية احذري منها و الجمال جمال الدين والعقل

[السيدة كرمين]

سبحان الله أن يصدر كلام كهذا من فتاه
وين كان عقلك قبل ثلاث سنوات؟
أين كان عقلك ؟؟

والله عندهم لحق الشباب لما يحقروا من قيمة المرأة
لما يروه من مثل هذه التصرفات
تتمسخري بسمعتك واسم والدك وتعرضي العايلة للقيل والقال
ولما يكون الشاب جاد تقولي شكل وما شكل

اتق الله في نفسك
استخيري واخطيك من كلام البنات آل مشي تاعك آل
المهم في الشكل يكون مقبول لكن الأهم يكون ذو دين وخلق
وصادق وعندو أهداف وخطة للحياة


لا حول ولا قوة الا بالله

[شمــوس]

سلام الله عليكم

أختي الكريمة

استخيري الله عزّ وجلّ

فما خاب من استخاره

.......................

[nadineisraa]

اسمحيلي ان اقول لك بكل اسف والله ماتستاهلي ظفر راجل فحل هذا السيد اذا كان باخلاقه وهو الشرط الوحيد الوحيد فقط حرام عليك ترفضيه مسكين والله حرام عليك واش حابة اكثر من راجل يعرفك من 3 سنين وباخلاقه؟ لاالوم الرجال عندما ينفرون منكن ولا شفت شاب اخر لونه زين دورلك راسك؟ ياخي حالة السيد جايك يخطبك واختارك من الاف البنات وانت راسك مانيش عارف وين
الحقيقة المرة انك لاتستحقين الرجل اتمنى ان يتزوج اخرى تقدره وتحترمه وابقاي انت مع الشكل واللون والزين ولاتاي ينفعوك

[*قطر الندى*]

شوفي أختي روحي لبلاصا كالم و خممي مليح

إذا كان هاذ السيد تاع دين و يخاف ربي و راه ما يظلمكش مستقبلا؟؟؟؟

إذا كان من عايلة مليحة؟؟؟؟

إذا كان إنسان ماشي كوبلاكسي؟؟؟؟؟؟

إذا كان من الناس اللي كي تجيه بالملاحا يسمعلك؟؟

إذا كي تطلبيه في حاجة يلبيهالك؟؟؟

إذا كان ماشي شايف روحو عليك و حاسبك ماكي والو؟؟؟
إذا كان يقدر هلاتك؟؟؟
إذا كان مستعد يسعدك؟؟؟؟؟


وجاوبي روحك و الشكل إذا كان مقبول إلى حد ما أحسن .....ولا حابا واحد خير منك حتى يولي متكبر عليك و يشوف أخرى شباب عليك

و إستخيري ربي و شوفي الأقرب إلى قلبك

وهدرة لبنات ما ديريش عليها ما تعرفي راهم غايرات منك لأنو من الجمارك كيما قلتي

وش نقولك ربي يوفقك و خممي مليح ......و شاوري أمك هي اللي تقولك على الصح والسلالالالالالالالالالالالام

[mima_]

للأسف هناك بعض الناس يستخدمون أقدامهم للفهم و ليس عقولهم الطفلة قالت كنت أعرفه من\ 3 سنوات و ليس كنت على علاقة به ل 3 سنوات
المهم أختي العزيزة لا يستطيع أحد إجابتك إلا الله عز و جل إستخيري الله و كان الله في عونك

[السيدة كرمين]

السلام عليكم


تعرفت بشخص هادي 3سنوات عندو مستوى دراسي و علمي مقبول وهو اطار في الجمارك وراه حاب يجي يخطبني هاد الشهر ولكن انا المشكل تاعي راني مترددة وخايفة بزاف مع العلم اني كنت نعرفو هو و العائلة تاعو رغم انهم ماهومش من ولايتي فقط بناتنا اتصالات وعائلتو ناس ملاح بزاف
انا و الله العظيم اعلم ان الشكل ليس بالشيء المهم لكن لحد الان لم اتقبل شكله هل هدا مشكل او مع الزواج نوالف
اغلبية صديقاتي قالولي بهاد العبارة **ماهوش تاعك***صراحة هاد الكلمات اثرت فيا
وحاجة اخرى يعصب على اتفه الاسباب



للأسف هناك بعض الناس يستخدمون أقدامهم للفهم و ليس عقولهم الطفلة قالت كنت أعرفه من\ 3 سنوات و ليس كنت على علاقة به ل 3 سنوات
المهم أختي العزيزة لا يستطيع أحد إجابتك إلا الله عز و جل إستخيري الله و كان الله في عونك


للأسف لم نرد إستخدام عقولنا للترقي نحو مناقشة حضارية تتقلب الرأي الآخر وتناقشه برقي بعيدا عن الألفاظ الهابطة ، يا ريت تستعملي قدميك في تأويل ما أشرت إليه باللون الأحمر .