فارق السن

[مشكلتي]

السلام عليكم ورحمة الله وبركاته اولا صحة عيدكم وكل عام وانتم بخير
مشكلتي راهي باينة من العنوان الي هو فارق السن في الحقيقة كنت ديما نتمنى الي يجي يخطبني لازم يكبرني على الاقل ب 5 سنواات ولذالك راني متحيرة بزااف تقدم ليا شاب خدام مصلي وليد فاميليا وتاع مواقف رزيين الله بارك و رتحتلو المشكل انو اكبر مني ب 6 أشهر فقط حبيبتي قالتلي انو المرة تكبر قبل الراجل والمرة لازم تكون ديما صغيرة في عينين الراجل بااش ميبدلهااش علبيهاا راني خااايفااا وفي نفس الوقت تقدملي واحد اكبر مني ب 6 سنواات حتى هو خداام لكن من ناحية الدين شوية شوية مرتحتلوش لا هو ولا عايلتو مع العلم اني صليت صلاة الاستخارة مي مفهمت والو؟؟؟؟؟ وااش رايكم لو تحطيتو في نفس الموقف شكون تختارو

[aissam .3820]

السلام عليكم ورحمة الله وبركاته اولا صحة عيدكم وكل عام وانتم بخير
مشكلتي راهي باينة من العنوان الي هو فارق السن في الحقيقة كنت ديما نتمنى الي يجي يخطبني لازم يكبرني على الاقل ب 5 سنواات ولذالك راني متحيرة بزااف تقدم ليا شاب خدام مصلي وليد فاميليا وتاع مواقف رزيين الله بارك و رتحتلو المشكل انو اكبر مني ب 6 أشهر فقط حبيبتي قالتلي انو المرة تكبر قبل الراجل والمرة لازم تكون ديما صغيرة في عينين الراجل بااش ميبدلهااش و

وعليكم السلام وعيد مبارك لك ولكل المسلمين....


....


يظهرلي ذكرتي صفات نتاع واحد محال يبدلك ولا يشوف مع غيرك...


...


بالتوفيق..


..

[الزهرة المضيئة]

توكلي على الله
لوكان اقل منك نقلك لا لكن لا بأس اختي
بالعكس يقولوا الزواج الناجح للانداد
الله يوفقك و يهنيك

[Floona]

أين المشكلة
المهم ولد فاميلية ومدين
لاتنسي أن الحلم شيء والواقع شيء آخر
وستة أشهر نوووورمال

[AMOLAS45]

صراحة انا كذلك بصراحة عندى نفس المشكل و هو مصر انا انا فخائفة كثيرا من هذا المشكل هو يتيم و لديه طفل يتيم يعنى زوجته متوفية لا ادرى ما افعل مع انى احس بالشفقة اتجاهه

[كوثروا]

عاودي صلي استخارة بصح لقدك خبر تتفاهمي معاه

[AMINA.Z]

شوفي اختي العمر مسالة نسبية
يعني قادر يكون الفارق الكبير سبب نجاح زواج بعض الناس و قادر يكون سبب الفشل
انا صديقتي امها اكبر من باباها و الله تشوفيهم تقول سبحان الله ماتبانش عليهم خلاص
و نزيدك اختي ماهوش الصغر اللي يخلي المرا تحافظ على راجلها و لا تكبر في عينو
المهم المعاملة الحسنة
انا نتمنى نتزوج بواحد من عمري ماكالاه تسمعي للناس بزاف خلي ربي و عقلك دليلك
ربي يوفقك ان شاء الله

[اسعى لرضى الله]

نورمال اختي مش مشكلة كبيرة

كي يكون مدين ومتخلف يخاف ربي غير متخافيش منو

واش هي الفايدة كي يجيك واحد كبير عليك بقداه من سنة وهو لا علاقة مع الدين والاخلاق ؟؟

لا كما ذكرتي من صفات اتكلي على ربي ومتخافيش ان شاء الله, راكي تودريه من يديك تندمي مالا متخليش هدرة الناس تاثر عليك

وقتنا هدا باش تلقاي ولد فاميليا والله صعيبة

[شاملة لينة]

زيجات كثيرة ناجحة ...... تكون فيها المرأة أكبر من الرجل............... فلا داعي من الخوف

[lilou f lilou a]

ربي معاااااااااااااااااااااااااااااااك

[بنت الرّحّل]

المرأة تكبر قبل الرجل ويجب أن تبقى صغيرة في عينيه
ياااااااااااااااااه ألهذه الدرجة أصبح هذا الفكر ساريا حتى في النساء أنفسهن ..
لا جرم أننا ننعاني لما أصبحت المرأة بحد ذاتها تؤمن بهذه الأشياء ...
يا للأسف !
عموما أختي أنت تذكرين أنه تقدم إليك شخصان واحد ملتزم والثاني كما عبرت (شوية شوية )
لا مجال للمقارنة الملتزم أفضل ويقدم على غيره .... وفارق الأيام والسنين غير مؤثر ولا يعتبر أصلا ...
لأنك تحتاجين في حياتك أخلاقه وقيمه وأفكاره أكثر بكثير من سنه والأعوام الذي يكبرك بها فهذه لا تقدم ولا تؤخر إن كانت مجرد أعوام في سجل ميلاده ولم تزده شيئا في كمال العقل وسعة الاطلاع وفهم الحياة وما شابه ذلك
هل ستنفع السنون والأيام إن كان عقله عقلا ضيقا وأخلاقه أخلاقا أضيق من عقله !
إنها لا تنفع شيئا ألبتة
لذلك فلا تحتاري !
أما مسألة المرأة تكبر وما شابه ذلك فأتصور إن كان الرجل يراك بهذه الطريقة فلا بد يوم يرى شعرة بيضاء على مقدمة رأسك سيصيبه الهلع منك ويقول: يا ولتاه زوجي صارت عجوزا أغيثوني حتى لو كان الفارق بينك وبينه 20 سنة:) ...

الحياة الزوجية هي الكفيلة بأن تصنعك في عين زوجك سواء كبيرة وصغيرة
إن أحسنت العشرة و كنت له مطيعة وحفظته في الغيب و صبرت معه ... فأنت ستكونين كبيرة في عينه بمعنى الإكبار والإجلال مهما بلغت من العمر !
وإن لم تحسني العشرة ولم تقومي بحقها كنت صغيرة جدا جدا في نظره .. والصغر بمعنى الاحتقار !
أتمنى أنك فهمتني ...
أسأل الله لك التوفيق أختي

[wafaa26]

ان الزواج هو منحدر يمر منه كل من المرءة و الرجل لتمام ما تبقى من حياتهما مع بعضهما و استلام مسؤولية الحياة . بمجرد ان يفكر الانسان انه سيعيش مع هذا الشخص بقية حياته فانه لا يعتمد في قبوله او رفضه اي معيار اخر خلاف الدين و الاخلاق و الاشياء المهة للعيش الكريم لكن لا اضن ان السن يؤثر في حياة الانسان سلبا الا اذا كان سن الرجل او المرءة جد كبير عن الطرف الثاني او جد صغير عنه . اما اذا كان السن متقارب فلا اضن انه يؤدي باي فتاة الى رفض الزواج لهذا السبب فانا اعرف كم من امرءة متزوجة من رجل اصغر منها و كان زواجها ناجح و لا يمكن الاعتماد على مقولة .... المرا تكبر قبل الرجل ......فهذه ليست معلومة اكيدة فاعتمدي في اختيارك لزوجك على معايير اهم ....و الله يوفقك و يكتبلك زوج مناسب يا رب

[faty05]

اختي انتي قلتي مدين آمالا هذا يخاف ربي و مستحيل يظلمك
اختي اختاري لي ترتاحيلو مش لي كبير عليك بزااف

[داعي الله ياسين]

أصلا شحال راح تعيشوا في هاد الدنيا إدا كان المشكل هو السّن أصلا ؟
نصيحة لله " المتديّن " ولو يصغركِ سنّاً طلبكِ للزواج قبلي بيه والله
شوفي فقط خديجة بكم تكبر الرسول ؟ بحوالي 20 سنة عاشوا عادي وحتى الرسول كامل أولاده منها
مادام أعطانا الله الرسول كالمثل الأعلى الحمد لله
ننصحك المتديّن أفضل والله ولا تسمعي للتفاهات وأنه يرى لغيرك وووو
مادام متديّن دعونا من التفكير السلبي وتهم الناس قبل معاشرتهم !!
حتى صراحتُكِ بأنّ شاب بتلك الصفات تقدّم لكِ هناك من الفتيات من يحسدونكِ ... فهنّ يتمنّين ولو القليل من تلك الصفات وملقاوش
وبعضهنّ يرزقهنّ الله بدلك ( ومن الفوق يشّرطوا ويشكّوا !! )

أكيد أنتِ مقتنعة بالأوّل لِدى إخلصي نيّتكِ لله وتبارك الله

[zizou93]

شاب خدام مصلي وليد فاميليا وتاع مواقف رزيين الله بارك و رتحتلو


راكي جاوبتي روحك ختي

انا رايي اقبلي بيه لبنات هاذوك راهم حسدوك ربي يهدي الناس قاعدين غير يفرقو فالدنيا هاذي

ربي يوفقك

[z.abdo]

زوجة اخي تكبره بسنتين

[مريم الصابرة]

السلام عليكم اختي
حتى لو يكبرك بيوم واحد او راكم في نفس السن المهم مدين خلوق وقلت صاحب مواقف واللي يعرف ربي محال يخلي مرتو ويروح لواحدة نتاع حرام ماكانش منها إتكلي على ربي وخليك من الخرافات واش دخل السن فالوسط إمالا واش تقولي فاللي يدي مرا كبيرة عليه المهم راجت البال و الهنا إتكلي على ربي وأقبلي بيه موفقة.

[* الحلم سكر *]

عـــن تـــجربة ....... و لأنـــي مـــثلك آمــنت بــفارق الـــسن و جــعلتـه شرط أســاسي و رفضت كــثير بنـفس عــمري على أساس تفكيرهم يبقى صغير بالنـسبة ليا و قـــبلت بلي أكــبرمـني بــعدة سـنوات لــقيت روحــي نخــمم وحدي و عايشة مع روحي رجــعت نادمـــة و لقيتو أصغر من عمرو كــــثير و تأكدت بلي كنت غالطة نـصيحة أخت ما تغلـطيش و ترفضي لهذا السبب اللي ما عندو حتى معنى ...
لمرا كي تـكون فـحلة و مــهتمة بروحـها و راجلها مــهما يــكبر عمرها راح تـكبر بعينو مع الوقت اللي كبير كبير بعقلو ماشــي بعـمرو
و عــادة الراجل هو اللــي يــفضل لــمرا الـصغـيرة و هو أكيد ماعــندوش مـــشكل ... ما دام خطبك و مــقتـنع خلـيك مـن وساوس الشيطان اعــتمدي ديـنه و خلقه و تــوكلي على اللـه ..... مــوفــقـة

[هدى الجيجلية]

والله العمر
ما هو مشكلة
المهم انه إن سان
خايف ربي
واخلاقه عالية
الإنسان لا يقاس
لاعمر ولا بالعقلية
الإنسان يقاس
باخلاقه
ربي ايوفقكم يارب

[*قطر الندى*]

إتكلي على ربي ........و أدي اللي راكي مرتاحتلو و أدعي ربي يهنيكم

[وفية زاد]

السلام عليكم ورحمة الله وبركاته اولا صحة عيدكم وكل عام وانتم بخير
مشكلتي راهي باينة من العنوان الي هو فارق السن في الحقيقة كنت ديما نتمنى الي يجي يخطبني لازم يكبرني على الاقل ب 5 سنواات ولذالك راني متحيرة بزااف تقدم ليا شاب خدام مصلي وليد فاميليا وتاع مواقف رزيين الله بارك و رتحتلو المشكل انو اكبر مني ب 6 أشهر فقط حبيبتي قالتلي انو المرة تكبر قبل الراجل والمرة لازم تكون ديما صغيرة في عينين الراجل بااش ميبدلهااش علبيهاا راني خااايفااا وفي نفس الوقت تقدملي واحد اكبر مني ب 6 سنواات حتى هو خداام لكن من ناحية الدين شوية شوية مرتحتلوش لا هو ولا عايلتو مع العلم اني صليت صلاة الاستخارة مي مفهمت والو؟؟؟؟؟ وااش رايكم لو تحطيتو في نفس الموقف شكون تختارو



اكيد تختاري الشاب الصالح حتى لو كان اصغر منك... :19: بالتوفيق

صراحة انا كذلك بصراحة عندى نفس المشكل و هو مصر انا انا فخائفة كثيرا من هذا المشكل هو يتيم و لديه طفل يتيم يعنى زوجته متوفية لا ادرى ما افعل مع انى احس بالشفقة اتجاهه



اذا كان صالح. وين هو المشكل؟؟ انه يتيم و عنده ابن هذا ماشي مشكل يا اختي... المشكل كيفاه تعرضيني للعرس :) خاطر حابة نحضر

[*نآدرة~]

حبيبتك ما كذبتش الناس كامل علابالها بلي المرأة تكبر قبل الرجل صح،بالصح صدقيني نعرف واحد الانسان متزوج بمرة هي كبيرة عليه بعامين وعايشين أحلى حياة،وبالمقابل واحد قريب ليا،متزوج بمرة صغيرة عليه ب 11 سنة شابة وصغيرة بالصح للاسف هو ما هو هاني معاها وهي ثاني،فارق السن ما هوش سبب للتعاسة او السعادة،وافقي على المتدين وماديري حتى حاجة في بالك هو علابالو شحال في عمرك ايه مالا ماتخليش هاذ السبب يأثر على موافقتك
ربي يوفقك أختي ويسهلك ويسعدك
وان شاء الله نسمعو عليك غير الاخبار السعيدة