ماهي مقادير و طريقة عمل البرك التركية.اللي جربتهم ؟؟

[حنان89]

السلام عليكم اخواتي ...البرك هي اكلة تركية مشهورة ..كنت نسمعها بزاف في المسلسلات .. طريقة تحضيرو يشبه البقلاوة يعني بين الطبقة و الطبقة نضيفو الحشو و فيها انواه ..منها البرك بالجبن او اللحم او السبانغ يعني متنوعة كيما عندنا احنا البوراك ...و مؤخرا عدت نشوفوا بزاف يتباع عند محلات اللي يبيعوا الحلويات مثلوا مثل السوفلي وانا حابا نجربوا في الدار ..اللي جرباتوا من قبل ياريت تعطينا طريقة تحضيروا بالتفصيل و شكرا

[راجية غفران ربها]

شكراااااااااااااااااااااااااا لافادة

[myrime]

بالفعل أختي البرك التركي من أهم الأطباق التركية عندهم
لم زرت تركيا أكلت منها كثيرا و أختي هي التي كانت تحضرها
سوف أحضر لك الوصفة و لارزم الطبقيها

[soumeya_cons]

نسمع بيهم بصح جامي جربتهم نتمنى الأخوات يفيدوك

[sahima]

حتى انا سخفت عليهم
نشوفو الاخت بالاك تجيبلنا الوصفة

[المستغفرة]

السلام عليكم مرت خويا دارتهم العام ليفات البرك بالجبن
جيبي علبة ديول وجيبي كمية من الجبن كل الانواع الجبن الكريمي القشطة انا لم اجدها عوضتها بالبتسويس
حلي الديول واحدة واحدة. و اخلطي كاس حليب ثلاث
بيضات شوي ملح فلفل اسود ملعقة خل خلطي مليح
ادهني البلا بالزبدة ضعي ورقة الديول شمخيها مليح
بخليط حليب بالبيض ومن بعد الثانية حتان تلحقي لسادسة ترنخيهم مليح ومن بعد خلطي الاجبان مع بعض
ودريهم على شكل حشوة وزيدي الطبقات الستة ورنخيهم مليح في الخليط والباقي من الخليط حطيه من فوق
ودخليه للفرن ومن بعد رابي الجبن من فوق وحمريها
والله تهبل جربوها اسفة مصورتهاش

[رباب08]

السلام عليكم مرت خويا دارتهم العام ليفات البرك بالجبن
جيبي علبة ديول وجيبي كمية من الجبن كل الانواع الجبن الكريمي القشطة انا لم اجدها عوضتها بالبتسويس
حلي الديول واحدة واحدة. و اخلطي كاس حليب ثلاث
بيضات شوي ملح فلفل اسود ملعقة خل خلطي مليح
ادهني البلا بالزبدة ضعي ورقة الديول شمخيها مليح
بخليط حليب بالبيض ومن بعد الثانية حتان تلحقي لسادسة ترنخيهم مليح ومن بعد خلطي الاجبان مع بعض
ودريهم على شكل حشوة وزيدي الطبقات الستة ورنخيهم مليح في الخليط والباقي من الخليط حطيه من فوق
ودخليه للفرن ومن بعد رابي الجبن من فوق وحمريها
والله تهبل جربوها اسفة مصورتهاش

:mh31: :mh31: :mh31:
ربي يحفظك حنونة

[shanese hanane]

هااااااااااايلة