مخطوبة ولكن [الأرشيف] - منتديات الجلفة لكل الجزائريين و العرب

مشاهدة النسخة كاملة : مخطوبة ولكن

مشكلتي

2012-10-23, 16:48

السلام عليكم
اولا اريد النصح لا التجريح
انا فتاة عمري 25 سنة مخطوبة عندي عام ونص والله نحب خطيبي بزاف وتخطبتلو عن قناعة ولكن كي قرب العرس ولات عندي افكار ماشي مليحة نحس روحي تسرعت ولاو شباب اخرين يعجبوني وليت نحاول نخلي شباب يشوفو معايا وخصوصا اني جميلة والحمد لله افكار شيطانية والله ظميري مؤنبني شور وعليا واش ندير ودعولي بالهداية تحدثت مع ماما في هدا الموضوع كلاتني ملقيتش معامن نهدر وشكرااا لكل من ينصح اختا له في الاسلام لعلها ترجع الى طريق الصواب

aissam .3820

2012-10-23, 18:29

ربي يهديك برك؟؟؟

...

حلاوة الإسلام

2012-10-23, 18:34

أسأل الله لك الهداية

اختي دائما الخير فيما اختاره الله

مراد12345

2012-10-23, 18:46

بصراحة

أنت تقولين بدأت للنظر لشباب آخرين أعجبوك

بالمعنى خطيبيك وبعد فوات الأوان أكتشفت فيه عيوبا ...............وأنك ندمت

سأقولها لك بصراحة

مادمت مخطوبة وما دمات الأمور في بدايتها توقفي عن كل شيء وألغي كل شيء

ينتهي الأمر هنا أحسن من أن تصير في أمور أخرى بعد الزواج

قوليها بصراحة لأهلك ولخطيبك أريد توقيف كل شيء

وينتهي الأمر

أحسن من أن تفكري في خيانته فيما بعد

السي محمد

2012-10-23, 18:49

لو اعلم ان خطيبتي تحب ان ينظر اليها الشباب

افسخ الخطوبة و يا من عاش

الفقيرة الى الله

2012-10-23, 18:51

تقربي من ربي وأدعي كثيرا لكي يبعدك عن هاته الوساوس واحفظي خطيبك في الغيب لأنه سيصبح زوجك بادن الله ....تأكدي هدا كله بسبب الشيطان يريد أن يبعدكما عن بعضكما لأن هده هي وظيفته والله المستعان ...أسأل الله ان يجمعك بخطيبك على خير ويزيد بينكما المودة والرحمة يا الله

MHM18

2012-10-23, 19:21

اني خايف نلقى شيرة كيما انتي ..رغما انه تكوني جميلة ملاك.......... الايمان ما بقاش الله يهدينا و يهديكم

sarah1424

2012-10-23, 19:32

يا اختي متقلقيش روحك هذا تفكير سلبي ووسوسة من الشيطان زكل انسان قادر يتعرض لافكار ووسوسة كيما هكا
ننصحك تتقربي لربي سبحانو اكتر ومتخليش هاد الافكار تسيطر عليك وربي يهدينا كامل وربي يسهلك

Amouna.DZ

2012-10-23, 19:38

أستغفري ربك وبلاك تغلطي غلطة تندمي عليها عمرك كامل صدقيني الشباب يموتو فالفتاة المائعة يعني التي تحب أن تتدلل أمهم و تريهم انوثتها و جمالها تفكيرهم في نظرك و تمتع بكي فقط

nesma.sabah

2012-10-23, 19:44

يا اختي نصيحة اخت لا تخطاي هي وساوس الشيطان تمسكي بخطيبك لن تجدي رجل كامل ان كنت تحبينه تمسكي انصحك و الله عن تجارب حدثت لبعضهن هو الشيطان يريد ان يفرق بينكما لا تستمعي اليه الجاي الى القران واحرقيه بالاذكار اياكي ثم اياكي صوني خطيبك لن تجدي احسن منه اخاف ان تندمي من بعد اشد الندم ربي يوفقك

hnina

2012-10-23, 19:58

انصحك اختاه ان لاتتركي خطيبك فكل هاته الأفكار هي من عمل الشيطان فهو لايحب الجمع بين الزوجين في الحلال ويزين لك الأمور السلبية والمحرمة
اتمنى ان تستعيني بالله وتستعيذي من الشيطان الرجيم وجهزي أمورك وخلينا نفرح بك في اقرب الآجال .

AMINA.Z

2012-10-23, 20:20

فترة الخطوبة الهدف منها التعرف على الطرف الاخر لنخلص الى نتجة القبول و الاستمرار او الرفض و الانفصال
انت تعلمين ان ما تفكرين فيه خطئ و لا تحتاجين لان يخبرك احد بذلك
الاهم هو ان تراجعي نفسك في ما يخص خطيبك و ان تفكري بروية فمستقبلك و حياته ليست بلعبة

استغفري ربك و لا تغتري بجمالك كثيرا

nadineisraa

2012-10-23, 20:53

والله انني اتاسف على خاطبك المسكين ربما يظن انه خطب امراة فاذا به خطب ....لن اقولها ولكن اقول لك والله ماتستاهلي ظفر راجل فحل

حزن بحر

2012-10-23, 21:06

هذا مايسمى بالغرور
راكي تغريتي بنفسك كي شفتيه يحبك وناويك للحلال
نفسك تقوللك راكي مليحة وجميلة كيما جبتيه تيجبي غيره
وهذا كله من الشيطان
انصحك ابتعدي عليه اسبوع وخمي انكما تفارقتما
والله راح تخافي وتعرفي قيمتو
ممكن انك تكثري من الكلام معه حتى اصبح بالنسة لك مملا
يخطيك هو راكي قعدتي وواحد من هاذو الشباب مايشوف ليكي
اصلا لوكان جيتي جملة في عيونهم لوكان راهم يتقاتلو عليكي عند باباك ماشي البرا في الشارع
لاتغتري بنفسك هذا من الشيطان والشيطان راح يديكي في تهلكة
خمي في زوجك وبيتك الصغير واولادك الصغار وحياتك

حزن بحر

2012-10-23, 21:14

¨°o.رغـ{د الاسلامـ .o°¨

2012-10-23, 21:41

السلام عليكم
أختي إجتنبي الذهاب الى الاعراس ومن الافضل أنك تتقربي من الله عز وجل لانه البعد عن الايمان هو الي يخلي الشيطان يوسوس للبنت
صراتلي مرة كيما حالتك مي الحمد لله تقربت من الله وريحت

muslimone

2012-10-23, 21:47

سامحيني على الكلام هذا ولكن سمحيلي خلاص 25 سنة واش بقالك تزيدي وزيد الحمد لله ربي زقك بخطيب وراه صبر معاك سنة ونص يعني الله يبارك راه وليد فاميليا خايفة تروحيه من يدك وتندمي وحذار ثم حذار يسمع أحد من صديقاتك ولا عايلتك المقربين يعني خالاتك عماتك هذا الكلام لأنو فيما بعد قادر توقعي في مشاكل كبيرة استغفري الله واذا كان معيار الرجل الجمال والشهامة لي تحسبي راها كاينة في شباب اليوم فأنت مخطأة شوفي برك مشاكل الناس رايحة تقتنعي كاين لي زوجها الله يبارك جمال ودين وأخلاق ومال وجاه وسلطة ولكن ماشي سعيدة معاه باينة هاذ الراجل راه فيه الخير لأنو كامل المؤمنين لي فيهم الخير ربي يمتحنهم وإذا معتقدة رايحة يجي واحد من فرسان الأحلام يخطبك غير راكي جنيتي على نفسك بيدك الجمال يزول والمال يفنى والصفاء والإيمان والصدق يبقى انعلي الشيطان وروحي ديري دار كيما الناس وخطيك وإذا حابة تقطعي علاقة معاه ما تقطعيهاش على أساس انو ما راهش معمرلك عينك لأنك تحلمين حلما لن يتحقق أبدا

اسعى لرضى الله

2012-10-23, 21:55

انعلي الشيطان ختي انعلي الشيطان

الزواج راه دارو ربي باش المرا تعف روحها والراجل هكاك

لا راح تزوجي وتقعدي تشوفي عند الرجال وترجعي تبروفوكي فيهم فنقولك

راح تدخلي لدائرة والله صعيبة باش تخرجي منها

مالا انعلي الشيطان من دك خيرلك وقوي علاقتك مع ربي

وديري في بالك يا اختي انو الزواج نعمة راهم بنات بزاف يتمناو يخبطو بابهم وزيد مخصهم والوووووووو زين وكلش بصح مكانش شكون يخطبهم

والثانية اعرفي كيفاش تشكري ربي على نعمتو

هكذا تشكري ربي ؟؟؟ كي عطالك زوج ؟؟؟؟؟

والله مش هكا عيب كما مدهالك يقدر ينحيهالك مالا ردي بالك

راه عبد كي يمدلك حاجة تقعدي حاشمة منو فمابالك برب العباد

والثالثة يا اختي خلي نعمة ربي عليك تكون خطوة باش تزيدي تتقربي منو اكثر واكثر خير انتي وزوجك وبالاك تكون سبة تدخلو للجنة

وصحا عيدك وربي يهديك ويهدينا ويرجعنا لطريق الصواب

lilou f lilou a

2012-10-24, 07:30

أسأل الله لك الهداية

اختي دائما الخير فيما اختاره الله

أم رقية نسرين

2012-10-24, 10:21

استعيذي بالله من الشيطان الرجيم كل ما تجيك هذي الأفكار و أكثري الدعاء أن ربي سبحانه و تعالى يثبتك على الصراط المستقيم

واسألي الله العفو

بساوى

2012-10-24, 11:29

العني بليس وما تتغريش بجامالك وعيب عليك الشء لتعملي فيه اك على ذمت راجل وخطيبك لازم تحترميه حاضر ولا غايب
ربي يكون في عون لخاطبك وربي يهديك

7anine 87

2012-10-24, 11:34

هذا عمل من الشيطان اكثري الاستغفار

شاملة لينة

2012-10-24, 11:59

عمرك 25 سنة وانخطبت في 23 يعني امرأة نا ضجة......
أخناه أعرف أن الخطبة يعني فيها فاتحة ... يعني أنت زوجته حتى وأن لم يدخل بك.
فكيف تسمحين لنفسك أصلا بالنظر إلى الغير.
استغفري الله ........... وتوقفي عن هذه التصرفات فأنت يجب أن تصوني عرضه...................................
ويكفينا إلقاء اللوم على الشيطان......... هل نسيتم النفس الأمارة بالسوء................. لأنك أنت من نظرت للشباب وليس هم لأنك غررت بجمالك والجمال يزول ويندثر مع الأيام