لوكان جيتو في بلاصتي وش ديروا راني حايـرة ؟؟

[staifia]

الســــــلام علــــيكم يا جمـــاعة الخـــير والخمـــير


مشكلتي تتمثل في ولد عمي ....
عندي 15 يوم ملي جا خطبنـــي ... خدام لاباس بيــه ... دارهم ناس ملاح , يعني ولد عمــي نعرف عليه كلشي ....
انا في الاول ما كنتش دايرتها في بالي ولا عمري حطيت عيني عليــه ,,, يعني اولاد عمومي كامل كي خاوتـي ...
وكنت رافضة زواج الاقاربـ ... المهم لما جا خطبني في الاول جاتني صدمـة وبعدين تأقلمت مع الوضع ,.
مشكل العائلة نحيـــتو .... المشاكل مع العايلة تاني نحيتهم خاطر حنا الحمد لله متفاهمين مع العائلة كامل ....
انا رفضتـ ,,,,علاه ...؟
- اولا يسكنـ في الدوار لكن عندهم التاويل يعني بسيارتهم ودارهم ..ما يخصو والو ,,, انا منيش نشوف للمادة خاطر الحمد لله متخلعنيش .... يعني محبيتش الدوار وهو قالي اصبري معايا شوي وندير دار في جهة اخرى ...
- كاين واحد نعرفو بصح ما نحكي معاه في التليفون ما نتلاقى بيه ما والو يعني جا هدر معايا وقالي اصبريني لعام الجاي حتى نحكم خدمة ويعدل امورو و يجي هو مش من سطيف ....
- ولي نشاورو يقلي اقبليـ بابن عمكـ، مكاش واحد لي قالي متقبليشـ ... حتى امي وابي عاجبينو وقالي واحد تعرفي اصلو احسن من واحد متعرفيهش ....
ضرك انا رانــي حايرة .,,, كيفاش ندير صليت صلاة الاستخارة بصح ما بانلي والو ....
استخرت وشاورتـ ومزالني حايرة .... وهو ماهوش طالقني خلاص قالي وراك وراك والزمن طويل :confused:
المهم جيت طرحتلكم مشكلتـي ونشوف رأيكم و نصيحتكم علابالي هادي حياتي وانا لي نقررها لكن حبيت نعرف ارائكم
نتمنى كل واحد منكم يحط روحو في بلاصتي ويقرر ....
بارك الله فيكم وشكـــرا ...

[sarah1424]

انا يا اختي مفهمتش قصتك مليح اذا كاين شخص اخر في حياتك وواعدك بالزواج تخليه وتروحي لولد عمك؟؟ والله معرف قصتك مفهمتهاش مليح مدى ارتباطك بالشخص الثاني؟؟؟ المهم نصيحتي ليك اقبلي بولد عمك لانو خطبك على سنة الله والرسول واقطعي علاقتك بالشخص الثاني واعتذريلو (لخاطر يقول ك جاها خير مني باعتني ) ربي يسهلك في حياتك كامل

[staifia]

انا يا اختي مفهمتش قصتك مليح اذا كاين شخص اخر في حياتك وواعدك بالزواج تخليه وتروحي لولد عمك؟؟ والله معرف قصتك مفهمتهاش مليح مدى ارتباطك بالشخص الثاني؟؟؟ المهم نصيحتي ليك اقبلي بولد عمك لانو خطبك على سنة الله والرسول واقطعي علاقتك بالشخص الثاني واعتذريلو (لخاطر يقول ك جاها خير مني باعتني ) ربي يسهلك في حياتك كامل

بارك الله فيك اختي ع النصيحة ..
وش مفهمتيش قصتي راهي واضحة
الشخص الاخر يعني منحبوش اعجــاب بركـ ... لكن مش واجــد ....
شكرا لك وربي يحفظكـ

[موج و صخر]

اختي ابن عمك تقدم لك و الحمد لله
و عائلته نا س ملاح و راكم متفاهمين معاهم و كل شيء لاباس و الحمد لله
إذا اتكلي على الله و اقبلي و ما يكون غير الخير ان شاء اللله

[السي محمد]

لا يمكنني ابداء لراي في هذا الموضوع

ولكن اتمنى لك السعادة و الهناء

ربي يهنيك يوفقك للخيار الصحيح

اكثر من الصلاة و الدعاء

[sarah1424]

بارك الله فيك اختي ع النصيحة ..
وش مفهمتيش قصتي راهي واضحة
الشخص الاخر يعني منحبوش اعجــاب بركـ ... لكن مش واجــد ....
شكرا لك وربي يحفظكـ


أختي قصتك واضحة بالنسبة ليك لاني انا منعرفش مدى علاقتك بشخص وعدك بالزواج يعني اكيد اتكلمتي معاه وبعد اعجابك قلك اصبري عليا ونزيدك يا اختي نعرف انسان قربي ليومنا هذا متزوجش لانو اعجب بوحدة وطلب منها الانتضار وهي وافقتك لكن ك جاها واحد خير منو راحت وخلاتو هو جاتو صدمة وكره النساء كامل وعاد يقول لا ثقة في النساء يحبو الواجد ويحبو المادة نتمنى تراعي مشاعر هذا الانسان اذا كان صادق وانت ادرى بنفسك وبحالتك انا نتمنالك كل خير ربي يسهلك

[staifia]

اختي ابن عمك تقدم لك و الحمد لله
و عائلته نا س ملاح و راكم متفاهمين معاهم و كل شيء لاباس و الحمد لله
إذا اتكلي على الله و اقبلي و ما يكون غير الخير ان شاء اللله

ربي يحفظك اختي على النصح ...
ونقولو ربي يجيبـ الخـــير ... نزيد نخمم ونشوف
شكـــرا

[staifia]

لا يمكنني ابداء لراي في هذا الموضوع

ولكن اتمنى لك السعادة و الهناء

ربي يهنيك يوفقك للخيار الصحيح

اكثر من الصلاة و الدعاء

اسعدنــي مروركـ خيو ,,, و ربي يخليكـ و يهنيك انت تاني ويجيبلك بنت الحلااااااااااااااال
هانا ندعيو و نصليو وربي يجيب الخير
دمت بخير
سلام

[amirateljazayer]

ياحبيبتي كما يقول المثل "احكمي فالخيط الصحيح واخطيك من الخيط الراشي "
ابن عمك خطبك من اهلك وهكذا يفعل كريم بن كريم من دون مقدمات الى درجة انك انصدمت لأنه لم يظهر لك قط بأنه مهتم بك
اما الآخر فقد وعدك بالزواج فقط
+
ابن عمك له عمل يستطيع به فتح بيت اما الىخر فهو ينتظر العمل الذي لا أحد يدري ان كان سيحصل عليه ام لا
انا لا اقارن بين الاثنين الاّ من ناحية موضوعية وواقعية
وعليه أرجو ان تكثري من الاستخارة لان الله سبحانه وتعالى سيرشدك وما يختاره لك فارضي به
ادعو لك بالتوفيق كله عزيزتي
يسّر الله امورك
ودعك من التشاؤم من فكرة "الدوار" لانه لا يعني ان الفتيات المتزوجات في الدواوير تعيسات
صحيح ان جل الناس يفضلون المدينة لتوافرها على معظم وسائل الراحة
ولكن الراحة الزوجية تضع كل تلك الامور على الهامش ..

[assia81]

السلام عليكم ورحمة الله وبركاته
اختي استفت قلبك ولمن يميل مهما كانت النتيجة فمستحيل ان تتزوجي واحدا منهم وقلبك معلق بالاخر
وباينتلي بلي تميلي لي قالك انتظريني

[مسلم سني]

السلام عليكم
كان الله في عونك أختي
الله يسهلك
احترماتي

[مريم الصابرة]

السلام عليكم اختي
هي شوفي قضية دوار عادي يا ختي الدنيا طورت وبما ‘نو عندو ذونوبيل تتنقلي فيها يعني تروحي للمدينة عادي ويا اختي المرا بلاصتها الدار الدوار او لا غير كيفكيف المهم الراجل مليح
إنت وليد عمك تعرفي عليه كل شي مي راني نشوقك مايلة لاخر كان تخافي تدي وليد عمك وتندمي إستناي لاخر كان قررت تدي ولدي عمك لكن تنساي لاخر اكيد لكن تعرفي روحك تندمي لا هذي نوع من الغش يعني تتزوجيه وتندمي على غيرو وانا صراحة ضد زواج الأقارب وإنت حرة موفقة تهمنا سعادتك قبل كل شي وصحا عيدك

[شيء من رجاء !]

أكثري من الصلاة والدعاء ليهديك الله للصواب .
لكن ما معنى الدوار ؟

[الواثق]

نظرتك غير مادية ؟؟؟ ولاتحبين الدوار ** القرية ** ؟؟؟...................................وابن عمك تعرفيه والرجل الاخر لاتعرفينه جيدا ؟؟؟؟ ابن عمك جاهز والاخر في الانتظار ؟؟؟................الله اعلم

[زنجبيل11]

انا من حيث قصتك اعجبني ابن عمك
اولا والديك راضيين به و كيما قالت االاخت ما تعرضلكش من قبل
كون انا في مكانك نقبل ابن العم
الدوار ليس مشكل كاين ناس في الدوار مثقفين احسن من المدينة
ثانيا الدوار انقى من المدينة لانه خال من كثرة السيارت و الدخان المتولد منها و الضجيج
المهم ان يكون ابن عمك ذا خلق و دين
اما الاخر مجرد وعد لا تعرفي ككيف ينقلب الحال قالك اصبري سنة
كاين الي صبرت سنين و في الاخر اختار اخرى
كيما قالت الاخت استفتي قلبك
نستناو البشارة ان شاء الله زواج مبارك

[sarl02]

ازوجي بولد عمك وخليك مالحسابات بزاف ..لانو على ما حساب ما قلتي راه مناسب ليك جدا والله اعلم.

[الحطاب سهام]

اختي الانسان الثاني ماتعرفيه ما تعرفي عائلته ماتعرفي عقليته على صح...ومن ادراك بلاك راه غير يجيب الوقت بيك ..وعلاه تخلي الصح وتتعلقي بخيوط الوهم ...الصراحة وليد عمك من دمك وما يفرطش فيك اتزوجي خير لك ما تقعدي تجري مرا الصراب...ونصيحتي اخطيك يا الحنونة من عشق البورتابلات والله وهم بوهم ...وفي الاخير انت الي رايحا تخصري

[staifia]

ياحبيبتي كما يقول المثل "احكمي فالخيط الصحيح واخطيك من الخيط الراشي "
ابن عمك خطبك من اهلك وهكذا يفعل كريم بن كريم من دون مقدمات الى درجة انك انصدمت لأنه لم يظهر لك قط بأنه مهتم بك
اما الآخر فقد وعدك بالزواج فقط
+
ابن عمك له عمل يستطيع به فتح بيت اما الىخر فهو ينتظر العمل الذي لا أحد يدري ان كان سيحصل عليه ام لا
انا لا اقارن بين الاثنين الاّ من ناحية موضوعية وواقعية
وعليه أرجو ان تكثري من الاستخارة لان الله سبحانه وتعالى سيرشدك وما يختاره لك فارضي به
ادعو لك بالتوفيق كله عزيزتي
يسّر الله امورك
ودعك من التشاؤم من فكرة "الدوار" لانه لا يعني ان الفتيات المتزوجات في الدواوير تعيسات
صحيح ان جل الناس يفضلون المدينة لتوافرها على معظم وسائل الراحة
ولكن الراحة الزوجية تضع كل تلك الامور على الهامش ..


عندكـ الحق يا ختــي حتى انا منـحكمش في الخيطـ الراشــي وما ني مزروبــة عالزواجـ .. لكــن انا في الاول قلت لالا
وهو مخلانيـش يعنـي قالي انا حاط عيني عليك من قبــل وعلابالي بلي راح نعيش معاه حياة سعيدة وهانيـة
صح كي نولي نخمم مليح ومن الجانبـين هدا تقدملي للدار والاخر مكان حتى حاجة تربطني بيــه ...
ربي يجيب الخــير
بارك الله فيك ع المرور العطر

[staifia]

أختي قصتك واضحة بالنسبة ليك لاني انا منعرفش مدى علاقتك بشخص وعدك بالزواج يعني اكيد اتكلمتي معاه وبعد اعجابك قلك اصبري عليا ونزيدك يا اختي نعرف انسان قربي ليومنا هذا متزوجش لانو اعجب بوحدة وطلب منها الانتضار وهي وافقتك لكن ك جاها واحد خير منو راحت وخلاتو هو جاتو صدمة وكره النساء كامل وعاد يقول لا ثقة في النساء يحبو الواجد ويحبو المادة نتمنى تراعي مشاعر هذا الانسان اذا كان صادق وانت ادرى بنفسك وبحالتك انا نتمنالك كل خير ربي يسهلك

معاك الصح ,,,, راني زدت وضحتلك القصة تاعي اختي العزيزة .....
لازم الواحد يختار الصحـ وانا اكيد منقدرش نخدع حتى واحد ... لوكان منكونش مقتنعة منقدرش نكمل ...
بارك الله فيك
تحيتي

[staifia]

السلام عليكم
كان الله في عونك أختي
الله يسهلك
احترماتي
وعليكم السلام اخي
بارك الله فيكـ و ربي يسهل للجمـــيع
اسعدني مروركـ الطيبـ
تحيتيـ

[staifia]

السلام عليكم ورحمة الله وبركاته
اختي استفت قلبك ولمن يميل مهما كانت النتيجة فمستحيل ان تتزوجي واحدا منهم وقلبك معلق بالاخر
وباينتلي بلي تميلي لي قالك انتظريني

وعليكم السلام حبيبتي ...
في الاول والاخير نرجع لقلبي يعني وين يرتاح هداك هو
انا في الاول جاتني شوي وممبعد رتاحلو قلــبي ,,,
نقلك الصح انا مش من عادتي نصدق حاجة مش صحيحة يعني منميلش ليه بزاف
لكن كي نخمم مليح ,, نفكر فيما يرضي الله ... هدا رجائنا
شكرا لمروركـ الراقي
سلامـ

[staifia]

السلام عليكم اختي
هي شوفي قضية دوار عادي يا ختي الدنيا طورت وبما ‘نو عندو ذونوبيل تتنقلي فيها يعني تروحي للمدينة عادي ويا اختي المرا بلاصتها الدار الدوار او لا غير كيفكيف المهم الراجل مليح
إنت وليد عمك تعرفي عليه كل شي مي راني نشوقك مايلة لاخر كان تخافي تدي وليد عمك وتندمي إستناي لاخر كان قررت تدي ولدي عمك لكن تنساي لاخر اكيد لكن تعرفي روحك تندمي لا هذي نوع من الغش يعني تتزوجيه وتندمي على غيرو وانا صراحة ضد زواج الأقارب وإنت حرة موفقة تهمنا سعادتك قبل كل شي وصحا عيدك


وعليكم الســــلأَإم ...
قصة الدوار نقدر نتغاضى عليـــها .... يعني علابالي واحد ما يقعد كيما كانـ والرزق على ربـي سبحانه ..
شوفي حبيبتي ,,, الاخر ما تربطني بيه حتى علاقة , ورفضت اني نحكي معاه في التيليفون قتلو كي تحب ارواح للدار
, راني مشوشة التفكير ,,, مخي تقلبـ .... وزيد والديا شوي متخوفين من زواج لافامي وانا كنت رافضتو من قبل بشكل تام
يعطيك الصحة ع النصيحة وفي الاخير نقولو ربي يهدينا للصوابـ
شكرا لمروركـ المبهج ....
تحيتيـ

[staifia]

نظرتك غير مادية ؟؟؟ ولاتحبين الدوار ** القرية ** ؟؟؟...................................وابن عمك تعرفيه والرجل الاخر لاتعرفينه جيدا ؟؟؟؟ ابن عمك جاهز والاخر في الانتظار ؟؟؟................الله اعلم

حتى انا عندي نفسـ التساؤلاتـ ... لكن اين الحل الصحيحـ ...؟
علابالي الهناء والصحة هما الصح خاطر الرزق على ربـــي ,, والمادة تجي وتروحـ ...
راني مترددة وحايرة بزافـ ....
بصح ربي يديرلها طريـق ان شاء الله .....
شكرا لمروركـ الطيـــبـ خيو ....
تحيتيــ

[staifia]

أكثري من الصلاة والدعاء ليهديك الله للصواب .
لكن ما معنى الدوار ؟

لازم اختـي ,,
ربي هو اللي يسير كل امورنــا ,,,
حنا نديرو حاجة وهي مكتبتلنا حاجة اخرى
ولي جات من الله مرحبا بيهــا ....
الدوار يعني قريـــــة ...
شكرا لكـ حبيبتي

[staifia]

انا من حيث قصتك اعجبني ابن عمك
اولا والديك راضيين به و كيما قالت االاخت ما تعرضلكش من قبل
كون انا في مكانك نقبل ابن العم
الدوار ليس مشكل كاين ناس في الدوار مثقفين احسن من المدينة
ثانيا الدوار انقى من المدينة لانه خال من كثرة السيارت و الدخان المتولد منها و الضجيج
المهم ان يكون ابن عمك ذا خلق و دين
اما الاخر مجرد وعد لا تعرفي ككيف ينقلب الحال قالك اصبري سنة
كاين الي صبرت سنين و في الاخر اختار اخرى
كيما قالت الاخت استفتي قلبك
نستناو البشارة ان شاء الله زواج مبارك
كلامك صحيح اختي
حتى انا عجبــني ولد عمــي وكي قبلـتـ ,, ظهر القيــل والقال في لافامــي ... الغيرة دايرة حالــة ....
كل واحد يقول حاجة .... حتى اهلي رجعو مترددين ,,,,
والله ما فهمتـ ... ربي يجيب الخـــير ,,, يا ربـ وكل شي بالمكتوبـ
بارك الله فيك على المرور العطر
شكرا

[staifia]

ازوجي بولد عمك وخليك مالحسابات بزاف ..لانو على ما حساب ما قلتي راه مناسب ليك جدا والله اعلم.

شكرا لكـ اختي ع النصيحـــة ,,, والله ما علابالي وش ندير ,,,,
شكرا لك على مروركـ العطر

[staifia]

اختي الانسان الثاني ماتعرفيه ما تعرفي عائلته ماتعرفي عقليته على صح...ومن ادراك بلاك راه غير يجيب الوقت بيك ..وعلاه تخلي الصح وتتعلقي بخيوط الوهم ...الصراحة وليد عمك من دمك وما يفرطش فيك اتزوجي خير لك ما تقعدي تجري مرا الصراب...ونصيحتي اخطيك يا الحنونة من عشق البورتابلات والله وهم بوهم ...وفي الاخير انت الي رايحا تخصري

صح الاخر منعرفوش ما والو ,,, يحتى انا منيش رايحة نطيش روحي بركـ ومنيش مزروبـة ع الزواجـ
لكن الواحد باغي الحلالــ ,,,,
وانا مش من عقليتي اني ندير علاقاتـ وهميـة و نقعد نتوهم و نتخيــل ,,,
اما عشق البورتابلاتـ خاطيني والحمد لله .. وكل الامور نديها بعقلانية ,,,, حتى نخرج بالقرار الصح ...
وربي يجيب الخير
بارك الله فيك على المرور العطر
تحيتي

[fatimabo]

تزوجي ابن عمك احسن ، لان هناك من الرجال الدين يعدون ويكدبون ، خاصة الدين يتكلمون في الهاتف ، فلا صادق الا من رحم ربك .

[MIWAKE]

اتخاد القرار الصحيح يتطلب منك الموازنة بين العقل و القلب و انت الوحيدة التي تعرف من هو الرحل الانسب فانا لا استطيع مساعدتك لانني لا اعرف الرجلين و لابد ان اوضح شيء
1- الكل يقول لك اختاري ابن عمك لانه من عائلة و لن يتركك و انه تقدم لخطبتك لكن هذا ليس دليل على انه سيكون زوج صالح و صراحة اي مشكل يحدث بينكما سيؤثر على كل العائلة و يخلق توترات
2-الرجل الثاني مشكلته ليس لديه عمل و سكن وهو مخطئ لانه طلب منك الانتظار فانا لا افهم هذا التفكير فاذا لم يكن مستعدا للزواج لماذا يبحث عن الفتاة ثم يطلب منها الانتظار
3- من يقول لك اختاري من رضى عليه والديك (ابن عمك) صحيح و ليس صحيح فلايجب ان ننسى ان الوالدين هما بشر قد تكون قراراتهم صائبة و قد تكون قرارتهم خاطئة

[assia81]

وعليكم السلام حبيبتي ...
في الاول والاخير نرجع لقلبي يعني وين يرتاح هداك هو
انا في الاول جاتني شوي وممبعد رتاحلو قلــبي ,,,
نقلك الصح انا مش من عادتي نصدق حاجة مش صحيحة يعني منميلش ليه بزاف
لكن كي نخمم مليح ,, نفكر فيما يرضي الله ... هدا رجائنا
شكرا لمروركـ الراقي
سلامـ

اختي انا تحدثت من خلال تجربتي
لانك ان لم تفعلي هذا فستخسريهم الاثنين

[المتيقنة بالله سارة]

السلام عليكم اختي ربي يكون في عونك وتقدري تتخذي القرار لي يتهنى بيه قلبك..لك مني كل الدعوات الطيبة بالتوفيق والسداد وان شاء الله نسمعوا قرارك النهائي فاقرب وقت ونفرحوا بيك..تقبلي مروري

[حزن بحر]

يا اختي احسن واحد انك تسقسي الواحد الاحد هو الادرى استخيري واستخيري وكل شيئ راح يمشي نحو الافضل
هو ابن عمك احسن لكن شخصصيا انا ضد زواج الاقارب بصح في الاخير كل شيئ مكتوب

[touta2010]

اختي العزيزة تقولين انك تعرفين ابن عمك جيدا وتقدم لخطبتك وهدا هو المهم اماالاخر لمادا طلب منك الانتضار :confused:]

[هدى الجيجلية]

الرجل لا يقاس لا بالمال ولاربالجاه
الرجل يقاس باخلاقه
مش المهم الدوار او المدينة
المهم ولد عمك
دخل من الباب الواسع
ربي ايوفقكم يارب

[Dr GENIO]

الاخت اتكلي على مادام ابن عمك ذا خلقي ودين فلن تندمي ان شاء الله حتى اذا ظهرت مشاكل في المستقبل فهي واقع كل عائلة

[عميروش الحر]

المشكل اذا كنتي وعدتي الشخص الثاني و هو بنا عليك كل احلامو ... والا قوليلو خطبوني وقوليلو ربي يجيبلك من جيهة اخرى ...
و الجاضر اجسن السيد واجد وتعرفيه و عائلتك قابلة ولاباس عليه وقصة انو ساكن فالدوار ماشي مشكل ....

ويبقى القرار قرارك ...

[concer]

الاستخاارة

[سعاذ]

السلام عليكم
انا حبيت نسقسيك
هذا الشخص الثاني انتي وعدتيه باش تسنايه و لا
دمت في رعاية الله و حفظه

[hfhgffgvf]

صارحي نفسك انتي رراكي تقارني بين ابن عمك و الشخص الاخر و لا بين الدوار و لافيل لازم تعرفي واش راكي حابة و لمن راكي مايلة اكثر و لازم تتاكدي ادا الشخص الاخر راهو صح ناويك و لا راه يتمصخر باش من بعد ما تندميش وقت لا ينفع الندم اخي هادي حياتك و انتي حرة فيها لازم تشوفي انتي واش راكي حابة ماش الناس واش يقولولك