حاااائرة...من لديه فكرة ؟؟؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : حاااائرة...من لديه فكرة ؟؟؟

kenda.liza

2012-10-23, 15:47

السلام عليكم
هذا العام راح نتخرج ان شاء الله ليسانس اعلام الي و لونكادرور تاعي اقترح عليا موضوع اللي هو
recherche sur les document
يعني un logiciel يقوم بالبحث عن وثائق مخزنة في القاعدة تاعو عن طريق عنوان اللي يوضعو المستخدم ..لكن انا حبيت كون نضيفلو كاش fonction اخرى يعني نزيد كاش عفسة مليحة لهاد اللوجيسيال .انشالله تقدرو تعاوني وتقتروحو عني افكار اضافية ..رجاءا

dellaadz

2012-10-25, 19:44

ختي ننصحك ديري واش قالك الأستاذ وراكي رايحة تدي كاش 20/14 في الميموار خيرمن تزيدي حاجات للميموار و تصعبيها على الأساتذة و يسخطوك في النقطة، خاصة أن نقطة الميموار راها تعاون في الماستر.
كي تكملي قرايتك حاولي طوري روحك في المنزل أو بالمشاركة في المنتديات، ديري في بالك الجامعة ماهي إلا شهادة تديها منها و إلي قرى قرى في وقت بومدين.

adsense

2012-11-01, 17:50

database access????????

SYSTEM PY

2012-11-01, 23:39

السلام عليكم ورحمة الله وبركاته
فكرة البرنامج خليها كيما قالك الأستاذ ولكن زيديلها طرق تنظيم بحث مثلا :
البحث عن طريق العنوان ، البحث عن طريق نوع الملفات ، البحث عن طريق تاريخ إنشاءها و هكذا
يمكنك ايضا تعديل خاصية عرض الوثائق ( النتائج المحصل عليها ) إلى : إما بالتاريخ أو الحجم وهكذا
الخلاصة : الفكرة الأساسية خليها مثلما قالك الأستاذ مي طوريها وبالتوفيق :))

issam58

2012-11-01, 23:44

اختي انا كان موضوع تخرجي برنامج طبيب الي يعني برنامج تعطيه واش راهو يوجع فيك وهو يعطيك اسم المرض وهدى من قاعدة بينات انتي تعمليه ومن بعد فرميلار انتي تعمريه هي الفكرة تصلح لعدة اختصاصات ادى عجبتك الفكرة انا موجود نعطيلك كل شئ تحتاجينه

ronaldo imad

2012-11-03, 13:47

الله يوفقك و يوفقنا احنا تان

zaki_yagami

2012-11-04, 11:11

السلام عليكم ختي و الله صح كيما قالك الاخ انا هدا العام التاني و مزالني ضعيف شويا في برمجة ان شاء الله ختي تكملي و تدي ليسانس و ان شاء الله نلحقوقك

zaki_yagami

2012-11-04, 11:21

omarsky

2012-11-21, 12:48

لا زيادة و لا نقصان في مواضيع التخرج ... نصيحة مجرب

MHDM

2013-05-15, 14:41

ان كانت خوارزمية البحث تعتمد على الكلمة كاملة تستطيعين اضافة اكواد لتغيير منضومة البحث مثلا عندما يكتب الحرف الاول يبدا باعطاء الكلمات الافتراضية

استطيع مساعدتك ادا كنت تعملين على VB.net 2010