مشكل يحرجني جداااا

[كبسولة الاحلام]

السلام عليكم ورحمة الله وبركاااااااااااته
اخوتي في الله مشكلتي تحتاج الى نصائحكم ودعاتكم لي بالهداية
فانا والله فكامل لياقتي البدنية والصحية ولكنني اعجز عن القيام بنشاط تحبهم كل بنات حواء وهو الطبخ فانا ليست لي رغبة اطلاقا في دخولي المطبخ
رغم توبيخي امي لي غدا ستتزوجين ولا تعرفين اعداد كوب قهوة
العجيب انني اجيد الاعمال الشاقة وتسياق وغسل الاواني اللا الطبخ والله كانه معمول لي سحر ليست لي اطلاقا رغبة كباقي فتيات في طبخ اوااعداد الحلويات تخبرني اختي انه تنقصني الانوثة لاني احب الاعمال الشاقة فقط التي هي من شيم الرجال

اتمنى ان تتفهمو مشكلتي وتنصحوني وتدعو لي

[مراد12345]

ستعانين

مع زوجك

الطبخ من الضروريات

في الحياة الزوجية

ديري الكوراج وأدخلي الكوزينة

راح تخلطيها مع الأول

ومبعد تتعلمي

ههههههههه

[mohamed160]

والله الاخت بيك العين الانسان كى يكون ما شاء الله العين انصيبوا لزام تشربى الماء المرقى

[كبسولة الاحلام]

شكرا اخي مرااد والله كل توبيخات امي واواخواتي الا انه ليست لدي رغبة اطلاقا ولا احب حتى التفكير رغم انني في مقتبل العمر

صدقوني افضل حمل الحجارة على ظهري ولا احبذ لمس الخضر والسكين
ارجوكم ادعولي وادعولي

[كبسولة الاحلام]

والله الاخت بيك العين الانسان كى يكون ما شاء الله العين انصيبوا لزام تشربى الماء المرقى


والله لهده كاين منها انا لحمد لله ارقي كل صباح ومسا لنفسي وارقي حتى لاخواتي وابناء الجيران
اظنه انها عين او سحر لانه مند كنا نبني منزلنا صدقني انا التي ساعدته ابي في بنائه وبعدها راتني عمتي قالتي لي انه لي جهد رجل مند دلك الوقت نقص وزني مرتين
شكرااااا على المشاركة

[الواثق]

حاولي تتعلمي الطبخ ماعليش اخدمي لطبخات اللي فيهم اعمال شاقة ههه...........والطبخ راهو يزيد في المرأة 50 بالمائة ..............بالنسبة لي النسبة اكثر ههه .......................ولاعلاقة بالاعمال الشاقة بالرجال او النساء فكثير من الرجال من يجيد الطبخ فهل نقول ان له صفات انثوية ؟؟؟؟...........الطبخ حرفة من اراد تعلمه سيتعلمه ايا كان ........................وفقكم الله

[mohamed160]

عليكى بالرقية

[شيء من رجاء !]

عزيزتي أنت تحبي الأعمال الشاقة ، جربي طبخ الأكلا التي تتطلب منك جهد
مثلا قومي بالعجن هذا تفرغي طاقتك فيه ، كل مرة حاولي فعل شيء بسيط داخل المطبخ ، في البداية ستشعرين بالكره ، لكن غالبي نفسك وأكملي ... مع الوقت ستسعدي بالطبخ ، صدقيني وقتها ستشعرين بشعور مختلف
أن الآن ترسلين رسائل سلبية لنفسك أنك لا تقدري ولا تحبي ووو
لكن لو غيرتي هذه الرسائل ستطبخين وتسعدين بطبخك ، وتعرضينا ناكلوا :)
الرجال كلهم يشتركون في شيء واحد ، حبهم للزوجة الطباخة ، أحيانا ليس فقط من أجل الأكل ، بل بالتباهي بهذا الأمر أمام أصدقائهم

[كبسولة الاحلام]

اين انتن يا بنات اريد ارااكم
رانا فوقت لعشا مقلولوليش راكم كامل فلكزينة طيبو وانا برك لراني هنا ههههه

[zineb_saib]

هههههههههههههههه متتقلقيش أمر عادي
أعفسي على روحك وادخلي تعلمي دوك توالفي
أول مرة برك تجيك ثقيلة ومن بعد نورمال

[الواثق]

أحيانا ليس فقط من أجل الأكل ، بل بالتباهي بهذا الأمر أمام أصدقائهم


ايه صح التباهي .............لكن نادرا ماوجدت رجلا يتباهي بطبخ زوجته .............لانه المغلوب على امره زوجته عاملة فلا يرى وجبة الا في العطل ونهاية الاسبوع

[شيء من رجاء !]

ايه صح التباهي .............لكن نادرا ماوجدت رجلا يتباهي بطبخ زوجته .............لانه المغلوب على امره زوجته عاملة فلا يرى وجبة الا في العطل ونهاية الاسبوع

ويل للنساء منك ، في كل موضوع تذكرهن :)
ومع ذلك صديقاتي المتزوجات كل سبت وجمعة يطبخن طبخات ثقيلة طعام ، محاجب ، شخشوخة ...
وفي سائر الأيام يطبخن الغداء فجرا والعشاء بعد العودة مساء
يعني يوميا الغداء والعشاء جديد " صابح "

[soriaalg]

هذا وين جيت من الكوزينة هههههههههههه ما تزعفيش كنت نذوق برك راني نشبهلك شوية انا لا اكره الطبخ بصح ما نعرفش الله غالب كلما نحاول نفشل بصح ماعليش ان شاء الله رح نتعلم شوية بشوية ربي يوفقك اختي

[كبسولة الاحلام]

ساقول لكم شيءا انا كبسولة الكبيرة واجيد الطبخ السهل مثل قلي البطاطا واعداد القهوة ولكن لديا الرغبة في تعلم الطبخ شوفي يا مشرفة منتدى المجتمع هذي اختي كبسولة الصغيرة متعرفش تطيب وحصلتها فيا دخلت في عضويتي مثل اللص المتسلل اما ماقالته عني اني اعمل اعمالا شاقه مثل الرجال فانها زودتها من راسها لاني والله مريضة ولا اقدر على رفع عشرة كيلوغرامات
والله اني احب الطبخ كثيرا ولكن لست طويلة الخبرة مثل الامهات ومن بعد نعطيلها طريحة اختي راحت بيعتني قدام اخوتي اعضاء منتدى الجلفة وضركا يضحكو عليا

[الواثق]

ويل للنساء منك ، في كل موضوع تذكرهن :)
ومع ذلك صديقاتي المتزوجات كل سبت وجمعة يطبخن طبخات ثقيلة طعام ، محاجب ، شخشوخة ...
وفي سائر الأيام يطبخن الغداء فجرا والعشاء بعد العودة مساء
يعني يوميا الغداء والعشاء جديد " صابح "

بببببب والله دارو مزية في راجلتهم بصح وعلاه يتعبو في رواحهم لخاطر كلش يتباع برا ...........وحمي يالراجل كاش شكشوكة نصها محروق لخاطر المخلوقة بايتة تصحح في الاوراق ..........ومن الاخير يقلك احنا متزوجين ؟؟؟.............راني عند امي خير...............

وراني نشوف فيهم عندنا استاذات رافعين الخبز في قاعة الاساتذة ياكلو لاحشمة لا والو الراجل يكمل حتى 12 والهربة للدار وهوما يقعدو في المؤسسة باش يتهربو من خدمة رجالتهم ؟؟؟..........والعشية ترجع مكسرة لدارهم ونتحداها اذا دارت العشاء .............تصلحلكم يالرجال

والله المستعان

[Lydia istanboul]

ههههههه اخوات جميلات...ربي يحفظكم لبعض....انا تان ماعنديش بزاف ملي ارغمت نفسي على التعلم و الحمد لله ليوم شخشوختي يضرب بيها المثل هههه... في الاول تخسريها لكن مع الوقت تولي متمكنة في مطبخك ياكبسولة الكبيرة اماالكبسولة الصغيرة الشقيه فاقول لها لا تختبري صبر اختك الكبيرة يجي يوم و تعطيك طريحة ههه سلام اختي

[شيء من رجاء !]

بببببب والله دارو مزية في راجلتهم بصح وعلاه يتعبو في رواحهم لخاطر كلش يتباع برا ...........وحمي يالراجل كاش شكشوكة نصها محروق لخاطر المخلوقة بايتة تصحح في الاوراق ..........ومن الاخير يقلك احنا متزوجين ؟؟؟.............راني عند امي خير...............

وراني نشوف فيهم عندنا استاذات رافعين الخبز في قاعة الاساتذة ياكلو لاحشمة لا والو الراجل يكمل حتى 12 والهربة للدار وهوما يقعدو في المؤسسة باش يتهربو من خدمة رجالتهم ؟؟؟..........والعشية ترجع مكسرة لدارهم ونتحداها اذا دارت العشاء .............تصلحلكم يالرجال

والله المستعان



يتعبوا في رواحهم لأنه البيت مسؤوليتهن ، نحن عندنا هذه العقلية ، تاع الصحرا متخلفين ربما، تخدم وإلا قاعدة ، زوجها وأولادها تطبخلهم غداهم وعشاهم
قبل أيام رأيت صديقتي مستعجلة في الذهاب بين الفترتين سألتها عن السبب قالت أولادها ( صغار ) طلبوا تعمل لهم " مسقي/ طعام أحمر " وإذا ماطبختوش ، راح يعايبها زوجها " كون ما جييش خدمي ما تخليش الاولاد مشتاقين " فحتى لو تعطيه فرصة تفعل لهم ما يريدوا

[sarah1424]

اممم انا عكسك فرصتي ديما في رمضان لاني منيش عايشة في لدار والله نقول لماما خليلي طياب نستمتع ونحب ونحس بلي مهمة لازم نديرها عاجلا ام اجلا نقلك الطبخ سهل من كل الاعمال ولازم تحبيه باش تقدري تمارسيه استمتع بيه ربي يعينك

[اريج16]

الامر ليس انك تحبين الاعمال الشاقة او تشبهين الرجال
فهي ايضا من واجبات المراء لكن كل وحدة كفاه يجي نهار وتتحتمي تتعلمي طيبي لكن حولي من الان ابداي ابحثي في النت وشوفي اي حاجة تعجبك حولي طيبيها وهك باذن الله راح تتعلمي وتحبي الطبخ انا ثاني منحبش طبخ لكن ماما دخني للكوزينة بالسيف لكن الحمد لله مزالولي حوايح قلال فقط نعرفهمش وهو ديجا صعاب

[محمد...عبد النور]

[quote=كبسولة الاحلام;11934866]ساقول لكم شيءا انا كبسولة الكبيرة واجيد الطبخ السهل مثل قلي البطاطا واعداد القهوة ولكن لديا الرغبة في تعلم الطبخ شوفي يا مشرفة منتدى المجتمع هذي اختي كبسولة الصغيرة متعرفش تطيب وحصلتها فيا دخلت في عضويتي مثل اللص المتسلل اما ماقالته عني اني اعمل اعمالا شاقه مثل الرجال فانها زودتها من راسها لاني والله مريضة ولا اقدر على رفع عشرة كيلوغرامات
والله اني احب الطبخ كثيرا ولكن لست طويلة الخبرة مثل الامهات ومن بعد نعطيلها طريحة اختي راحت بيعتني قدام اخوتي اعضاء منتدى الجلفة وضركا يضحكو عليا

أوَّااااااااااه يا كبسولة الأحلام أمرك مشكوك فيه هههههههههههه
مرة تقولي أخي استعمل عضويتي للبحث عن فتاة للزواج
مرة تقولي أنا كتبت له الموضوع بعلمه
مرة تقولي أختي اخذت عضويتي
المرة الجاية الله أعلم واش تقولي ولاد الجيران أخذوا عضويتي هههههههه
مجرد ملاحظة ......فقط الطبخ عند النساء فطرة ممكن ما تعرفش لكن تحب الطبخ و تعلمه
ســــــــــــــــــــــــلام

[النجمة القطبية]

انا عكسك تماما
لا احب الاعمال الشاقة او حمل الاثقال ههه
لكنى احب الطبخ والحلويات
ان كنتى تدخلين مرة على مرة اعتقد المشكل ممكن يحل مستقبلا
اما ان كنتى ترفضين الطبخ رفضا باتا هنا تبانلى مشكلة
ولازم تحوسى على الاسباب
موفقة

[النجمة القطبية]

ساقول لكم شيءا انا كبسولة الكبيرة واجيد الطبخ السهل مثل قلي البطاطا واعداد القهوة ولكن لديا الرغبة في تعلم الطبخ شوفي يا مشرفة منتدى المجتمع هذي اختي كبسولة الصغيرة متعرفش تطيب وحصلتها فيا دخلت في عضويتي مثل اللص المتسلل اما ماقالته عني اني اعمل اعمالا شاقه مثل الرجال فانها زودتها من راسها لاني والله مريضة ولا اقدر على رفع عشرة كيلوغرامات
والله اني احب الطبخ كثيرا ولكن لست طويلة الخبرة مثل الامهات ومن بعد نعطيلها طريحة اختي راحت بيعتني قدام اخوتي اعضاء منتدى الجلفة وضركا يضحكو عليا

واش هذا
كبسولة كبيرة وكبسولة صغيرة معندكمش كبسولة متوسطة هههه او حبة اسبرين
ههه امزح بصح مفهمت والوا
المهم جوابى للكبسولتين تقاسموه وخلاص

[تالا تسنيم]

ما فهمتش يا أختاه .......... قريت الموضوع من الأول حتى للان ...............

http://alternateeconomy.files.wordpress.com/2012/05/question-mark.jpg

[رقة قلب]

لالا يا اختي ما بينا لا عين و لا سحر رانا كيف كيف ههههه والفنا التفنيين نتكلو على امهاتنا هما لي يطيبو مالا نعجزو مي غير ما تتقلقيش يجي الوقت لي تتعلمي فيه بسيف و كي يجو يخطبوك زعما راح تروحي هكداك لعجوزتك ولله غير جيبنا برا هههههه