مشكلتي اختي المراهقة

[مشكلتي]

السلام عليكم و رحمة الله

انا فتاة و لي اخت مراهقة اصغر مني ،،

وجدتها تتحدث الى شاب على النت عدة مرات و لم اخبر اهلي ،فقط نبهتها و لكنها بفضل عصبيتها استطاعت ان تغير مجرى الكلام و تقول انه لا يهمها

لكن وصل بها الحد الى افعل أشياء محرمة ،هذا ما اثار قلقي اكثر اليوم ولا ادري ماذا افعل

ارجوكم هل اخبر اهلي اخشى ان يقتلوها او يمنعوها من الدراسة

علما انها جد عصبية ولن تسمع لكلامي

ماذا افعل ؟

[/زهرة عصفور الجنة/]

اختي سارعي باخبار أمكي

[الأمنيات]

واش راكي تستني خبري امك احسن قبل ما يكبر الامر ويقولوا راكي معاها مشتركة

[sisiii]

ادعيلها ربي يهديها وحاولي تتناقشي معها بليونة ولطافة وتفهميها بان الذي تفعله خاطىء وانه لا يرضي ربنا وبالتالي راح يجيبلها عواقب وخيمة وانو المراة لازم تصون نفسها وتحفظها حتى ربي يجيبلها مكتوبها الي رح تكون سعيدة معه

[فاستبقوا الخيرات]

السَّلاَمُ عَلَيْكُم وَرَحْمَةُ اللهِ وَبَرَكَاتُهُ
أَوَّلاً : قَبْلَ أَنْ تَشْرَعُوا فِي مُعَالَجَةِ الأَمْرِ
يَجِبُ أَنْ تَنْظُرُوا فِي السَّبَبِ الذِّي جَعَل البِنْتَ تَقُومُ بِمُحَادَثَةِ الشَّابِ
قَدْ تَكُونُ مَحْرُومَةً مِنْ آذَانٍ صَاغِيةٍ تَسْمَعُ لِمَشَاكِلِهَا وَ قُلُوبٍ مُحِبَّةٍ
تَتَفَّهَمُ أَحَاسِيسَهَا وَمَشَاعِرَهَا خَاصَّةً فِي هَذَا السِنِّ الحَسَّاسِ
إِنْ وُجِدَ خَللٌ فِي ذَلِكَ يَجِبُ أَنْ يُتَدَارَكَ بِتَصْحِيحٍ عَاجِلٍ.

أَيْضاً يَجِبُ أَنْ يُنْظَرَ فِي صَوَاحِبِهَا وَ زَمِيلاَتِها
هَلْ هُنَّ مُسْتَقِيمَاتٌ ذَاوتُ خُلُقٍ وَتْربِيَةٍ
أَمْ هُنَّ عَلَى العَكْسِ مِنْ ذَلِكَ عَائِجَاتٌ مَائِلاَتٌ مُمِيلاتٌ
فالمَرْءُ عَلَى دِينِ خَلِيلِهِ يَجِبُ أَنْ يُتَنَبَّهَ لِذَلِكَ
يَجِبُ أَنْ تُعْطَى حَقَّهَا مِن الاهتِمَامِ والتَّفَقُدِ خَاصَّةً مِنْ إخْوَانِهَا الذُّكُورِ.

كَمَا يُرَاعَى فِي نُصْحِهَا التَّـلَطُّفُ وَاللِّينُ وَبَيَانُ الخَطَرِ الذِّي عَلِيه هِيَ
وَأَنْ تَتَدَّرَّجُوا مَعَهَا فِي ذَلِكَ وَ إِنْ لَمْ يُجْدِ ذَلِكَ يُخْبَرُ الوَالِدَانِ بِذَلِكَ
نَسْأَلُ اللهَ لَنَا وَلَهَا وَلِجَمِيعِ شَبَابِ المُسْلِمِينَ وشَابَّاتِهِ الهِدَايَةَ والرَّشادَ آمِينْ
..........

[يونس معبدي]

اظن انه في البداية عليك بتهديدها باخبار الاهل
ربما تقتنع

ربي يقدر الخير

[soheib+206]

فترة المراهقة فترة حساسة روحي معاه غير بلعقل

و ادا ما فادش معاه اللطف و العقل أخبري أمك

قبل ما يطيح الفاس على الراس

[lola22]

اختي احكي معاها وفهميها بلي ما يليقش ادير هكة واذا منفعش معاها اللطف عيطي عليها

[MaJdOuLiN]

ماتخبرييييش
تصوري روحك في مكانهاا
سير تكون عندها مشكلة نفسية
اجبديها لروحك وسقسيها
كلشي باللطف
وماترتاكبييش غلطة وتخبري

اكي فالجزاير

[knives55]

عصبية ولا موش عصبية خبري بباك يعطيه طريحة هذي أمور مفيهاش لعب

[samirovich]

ياختي جربي تبحثي على اسم هذا السيد فالموقع
وادخلي قوليلو أترضاه لاختك
واذا عرفت أختك وتعصبت عليك أضربيها بكف يهدي اعصابها

[selsabil paradis]

السلام عليكم .
اختي حاولي تحكي معاها بالهدوء وبجرئة اكثر ووعيها وجبيلها امثلة على البنات لي غلطو كيما راهي تغلط هي وش صرا معاهم كي عرفو والديهم حاولي حتى انك تخترقي حتى قصص من عندك.لا تخبري اهلك ممكن يخطؤون التصرف .فمهما كان هي لاتعلم عواق هاته الاشياء كثير. وشكرا وربي يكون معاك اختي

[sabrawi2009]

اخبري اباك لانه رب العائلة فالام تتصرف بالعاطفة

[hamza touazi]

لالا اختي متقوليش لاهلك اخطيك نتي احكي معاها وفهميهاا

[شيراز 3>]

اختي ننصحك بالاكي تخبري العائلة و راني جادة , لوكان تخبرييهم تصرا مشكلة كبيرة
انا نقولك اهدري معا اختك فهميها و حبسيها عند حدها حتى لو كانت عصبية اكيد لو تعرفي تتعاملي معاها تشوفي كيفاش ,
و اعرفي كيفاش تتعاملي ما تخليهاش تهربلك ,
و عسيها دائما تبعيها و شوفي اذا تصلحت و لا لا , و اذا ما نفعش قولي لماماك بكل صراحة و فهميها واش لازم تدير و قوليلها روحو معاها غير بلاعقل و قوليلها ما تضربوهاش ...الخ

[pHo3NiX]

أحسن حل هة تكلم مع الصديق قوليلو روح بعدها فقط

[بلسم غرام2018]

فهميها والا مرجعتش للطريق عليك بامك وبلاك تضربوها لا

[أحبك يا الله]

أختي متقوليهاش لداركم ....... نتي احكي معاها بالعقل و قولها احكيلي وحاولي تقوليلها بالسياسة أن هاذا حرام ....

[khno33]

السلام عليكم
اخبر والدتك فورا

[Dr GENIO]

allah yehdiha ou yehdina ajema3ine

[عكس التيار]

روحي معاه غير بلعقل