أسئلة

[مشكلتي]

السلام عليكم
لا أدري اذا كانت المشكلة فيا أم فيهم، فأنا فتاة أنهيت دراستي و فضلت المكوث بالبيت، لا أريد العمل بدوام 8 ساعات كل يوم، هدفي اكمال دراساتي العليا عاجلا أم آجلا ان شاء الله، أمي امرأة عاملة و والدي متوفي رحمه الله فأنا أفضل القيام بأعمال البيت على العمل حتى ترتاح أمي عندما تأتي الى المنزل، لكن أتعبتني تعليقات الأقارب و الجيران " ربي يفتح عليك" " حياتك كامل تقراي حتى تقعدي" كأنني اشتكيت لهم، حتى زميلاتي في الدراسة كلهم بدأوا العمل و لم أسلم من تعليقاتهم، حتى قطعت الاتصال بيننا، أنا مرتاحة نفسيا هكدا و لا اريد أن أسمع تلك التعليقات..... الأمر متعب.

[شقراء سوف]

وعليكم السلام // المشكلة فيهم ومدام مقتنعة بمكوثك في البيت تعليقاتهم اخر حاجة تهمك متقلقيش روحك الي كيما هاذم راهم في كل بلاصة مش سالمين من هدرتهم

[الواثق]

هذا هو الاصل اختي ..........مدام انك غير محتاجة للعمل فلما تضيعين دينك وحياتك في العمل الذي تكثر فيه المحرمات والشبهات والنزوات في مجتمع مليء بالذئاب .....................اخلصي لله عزوجل اختي واصبري واحتسبي الاجر .........فهم ضيعو اجر الله واستبدلوه بأجر الدنيا الزهيد .........بل رضو ذلك بغضب الله

والله المستعان

[radouche]

انت مرتاحة نفسيا هكدا ............ لا تهتمى المهم مقتنع بقراراتك ....

[بسمة العمر]

كلام الناس غاية لا تدرك
عادي لوكان تخدمي يقولولك مسكينة على دورو راهي تدل في الزنق
ماتخدميش يقولو حابسة قرات في باطل
المهم انت و شخصيتك

...افهمي روحك ...ادا ماحبيتيش تخدمي لانك تخافي الخدة و تخافي اول خطوة....ام انك ماتخدميش اقتناعا منك....تم تديري ثقة فنفسك اكتر واحد ما يبدلك رايك
لست اول و لا اخر وحدة تقرر المكوث بالبيت بعد التخرج...

[7anine 87]

اختى اعلم تماما كيف يسرى كلامهم المسموم فينا ولكن مادمت مقنعة فلك ان توقفى ثاثيره عليك صمى اذنيك واملى وقتك بالمفيد ولا تتوقفى عن التعلم ووفقك الله

[حضنية28]

كتحوسيش على هدرتهم لان ارضاء الناس غاية لاتدرك صمي اذنيك عن سماع كلام الناس المسموم

[imi10life]

حنونة ربي ينجحك ان شاء الله في دراستك العليا انت مثال رائع ربي يشدلك فالوالدة ويخليكمم لبعض

[knives55]

أختي شوفي لتخرج عليك ناس أضربهم في 0

[ما فهمت والو]

يعطيك الصحة اختي
البنات اللي كيما انت قلال امشي كيما تكوني مقتنعة و ما تهمكش هدرة الناس

[مناد بوفلجة]

من إستمع لآراء الجيران و الناس

بقي بلا رأي

فكري و قرري و شاوري من والديك و خذي التجارب من الحياة

و بالتوفيق

[اسعى لرضى الله]

ايه اختي ريحي في الدار خير عندك الحق

الطفلة كي تقرا مش غير على جال الخدمة

سيرتو كي متكونش محتاجة للخدمة

مكانش قد الدار

ومتشوفيش للعباد كيعاد كون تبعيهم تتبعبيييي بزاااااااااااااف

[اسعى لرضى الله]

ايه اختي ريحي في الدار خير عندك الحق

الطفلة كي تقرا مش غير على جال الخدمة

سيرتو كي متكونش محتاجة للخدمة

مكانش قد الدار

ومتشوفيش للعباد كيعاد كون تبعيهم تتبعبيييي بزاااااااااااااف

[ilosa23]

ارضاء الناس غاية لاتدرك و

ارضاء الله غاية لا تترك

[imi02i]

عــَادِي جـِدًّا ...
أغْلِقِي مَسْمَعَك وَتَجَاهـَلِي أيّ تَعْلِيق

[علي بابا واللصوص]

يا أختي مافهمتيناش إذا قرار مؤقت ولا دائم

إذا أنت ماحاباش تخدمي طول حياتك فهذا مشكل وأنت حرة

أنا أتفق مع عائلتك علاش قريتي وعلاش حابة تكملي دراسات عليا كي ماراكيش حابة تخدمي في المستقبل

خلي البلاصة لواحد يحتاجها أكثر منك

البعض يقول الطفلة تقرأ مش في طوع الخدمة

نفترضو أنت طبيبة ؟ أليس المجتمع في حاجتك ؟

أو أني بدأت أفهم أن كل فتاة تدرس حاليا هروبا من أشغال البيت ؟؟!!!

[hana15]

إذا كنت مقتنعة بمكوثك في البيت ديري هدرتهم كيما لكلام لوخر
داخة من وذن خرجت من الأخرى

[بلسم غرام2018]

معندهم مدخلهم انت وقناعتك متبعييهمش

[lilou f lilou a]

ارضاء الناس غاية لاتدرك و

ارضاء الله غاية لا تترك

[الدر المكنون]

شوفي اللي يرحيك انت وهدرة الناس اضربي بها عرض الحائط

لانه ارضائهم غاية لا تدرك اما ارضاء الخالق فهو غاية لا تترك

[mohamed160]

الاخت هدى حياتك انتى برك والناس الله غالب عليهم يعرفوا غيرى يهدروا برك المهم عيشى حياتك وما اديرى على الهدارى وانا نشكراك على هدا الراى