تحب تولي تيارتي ارواح نخبرك

[طالب نورة]

حنايا في تيارت الولايه الرابعه عشر
شويا هدرتنا مختافله عليكم

حنايا حرف الغين نردوه قاف

مثلا نقولو واش راكي قاية (غاية)
كل الكلمات اللي فيها حرف الغين نقولولها قين

وكذلك العين مانقولوش زعما نقولو زأما

وكلمة اصبحت نقولولها عشات

وهاكا ان شاء الله تكونوا استفدتوا
واللي يدخل لازم يهدرلي لهجتنا شويا اوك

مع خالص حبي

[ratibal]

زاعما عند روحك فهمتنا فهمت قير طويل لعمر.

[طالب نورة]

يئطيك الصحه أْلى هادا الرد

[medjahed14]

واه اختي معاك حق هدرت تيارت مختلفة شوية بصح ما شي قاع نقولو لحرف الغين قين
غير في بعض البلديات
كيما انا
فرندي ونهدر نورمال الحروف قاع نلفضها عادي

يعطيك الصحة اختى على هاذ الموضوع وان شاء الله نشوف الجديد من عندك

تحياتي

اخووووووكي مجاهد 14

[bou]

تبارك الله الهدرى نتاعنا شابا بزاف بزاف

[bou]

السلام عليكم خويا انا من بلديةتيارت والهدرى نتاعنا تشبه الهدرى نتاع الوهارنى كتيرا وشكرا

[bou]

واش خويا بركا متقساح

[بشرى18]

واه اختي معاك حق هدرت تيارت مختلفة شوية بصح ما شي قاع نقولو لحرف الغين قين
غير في بعض البلديات
كيما انا
فرندي ونهدر نورمال الحروف قاع نلفضها عادي

يعطيك الصحة اختى على هاذ الموضوع وان شاء الله نشوف الجديد من عندك

تحياتي

اخووووووكي مجاهد 14
معك حق أخي مش قاع التيارتيا يهدرو كيما هاك أختي طالب نورة استثني قولي بعض البلديات في ولاية تيارت سافا
تقبلي مروري مشكووووووورة حبيبتي على الموضوع
اللفظة الجديدة لي دخلت تيارت (التبرقيق ) تعني تخزري فيا أيا نقولك بركايك من التبرقيق هههههه

[*-شهرزاد-*]

الهدرة التيارتية مثل الهدرة الوهرانية

و مشي قاع التيارتية يرجعوا الغاء قاف

فانا من فرندة و نتكلم عادي

بصح ناس كرمس واه

يرجعوا الغاء قاف

ما يقلوش مغرف

يقولوا مقرف.

[احلام الورد]

عندك احق تيارتشابة و زايدينها ناسها mè منيش معاك فا القاف و الالف كيما انا نسكن في تيارت villeاي والحروف ننطقوهم normalىىىىىىىىىىىضنهnormalتحياتي ايه تفكرت قاع تيارت و ناسها هدا مكان ها وي راكم ا تيارتيا راكم قاع راقدين

[CAPZOU]

بهدلتو رواحكم انا عايشة في تيارت من 20 سنة بصح منيش تيارتية, عطيتو انطباع ماشي مليح على ولايتكم و ولايتي عكس ما هي في الواقع,ناس تيارت ناس ملاح و كرما و يبغو البراني

[mnmn]

واه تيارت شابةبصح مش قاع الناس تقلب الغاء قاف و العين ألفانا من السوقر بصح نسكن في غرداية ولكن كي نروح للسوقر في الصيف نلقى الناس يهدرو نورمالو أعتقد ان اصحاب لي les environ هوما لي يقلبو الغين قاف و العين الفتحياتي

[حميدي احمد]

تبارك الله على المعلوملت المفيدة

[امينة 1996]

انا تيارتيا عايشت لمدة 50 سنة و منقولش مقرف نقولو مغرف وهذا كلام لي سمعته ماشي في تيارت صاي روح انت عروبي جاي تزعق علينا ونزيدك باش نزعق علينا يليقلك يا عروبي هاذي غي هدرتك راك تزعق عليها ماشي علا ناس تيارت ملا كي تسقم هدرتك نطق غي حرف تاء مبدا كلمة تيارت وبعد هدر فهمت ملا يليقلق 50عام باش تعرف هدرتنا يا عروبيييييييييييييييي

[dred]

موضوع غير مفيد نرجوا من الاخوة المشرفين غلق هذه المسخرة
الله يهديكم

[minar_2]

واش راكو قاية ياو خلاص الام(العام) الدراسي

[mnmn]

بركاو من التمسخير الصامط يا العروبية

[SALIMA JUVENTUS]

الله يهديكم على بعضكم البعض

[امينة 1996]

انت يامينار2 بلع فمك انتم الوهران شتا راكم حاسبين رواحكة احنا خيرمنكم احنا كرما عليكم و ناس خيرمنكم
viiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiive tiaret
تحياا تيارت يا ناس تيارت عاودو معايا تحيا تيارت تجيا تيارت تجيا تيارت
كونطرا على جبور و عروبيا تع وهران
هههههههههههههههههههههههههههههههههههههههههههههههههه هههههههههههههههههههههههههههههههههههههه
يا مينار 2 عروبييييييييييييييييييييييييييييييييييي
هههههههههههههههههههههههههههههههههههههههههههههههههه هه

[مرام أ]

أختي أنا تيارتية دوريجين و jamais سمعت واحد تيارتي يهدر كيما راكي تقولي راااااااااااااااااااكي غالطة و +++++++++ ............نسكن فالفولاني بالا ك السوقر يقولوها بصح الكبار برك يعني الشيوخ

[جلول العيساوي]

السلام عليكم اولا نشكر جميع المشاريكين وجميع الاعضاء تانيا اود ان اقول ان اللهجة الجزائريه جميلة جمال الجزائر ثالث لهجة الغرب بصفه عامه تهبل شابه بالبزاف
وتشبه بعضها بعض الا هناك كلمات او اختلاف صغير لا يهم اما بخصوص ناس تيارت نحبهم ونموت عليهم ونموت على عباس السوقري يا دغا كانش اجديد هههههه هههههه هههههه

[ايمان الزهر]

انا تيارتية بسح منهدرش هاك..........هاد الهدرة غير تاع العروبية تاوع بكري

[ايمان الزهر]

اختي مارام انت من الفولاني وينها بلاسا

[ssamia14]

وهااااااااااااااااااااا حوجي نندبه مالكم غي الخير شتاهي هادي الغين نرجعوها الف وماعلاباليكش كيفاه اي اسمع اسمع نقولك حاجة تقريبا الغرب قاع يحكو كيف كيف ماكاش اختلاف كبير بزاف سيرتو تيارت وغليزان ومستغانم وهران شوي برك بعض الكلمات مش كيف كيف معانا بصح عندهم نفس اللهجة زعما كيما فرندة في تيارت يحكو بزاف كما الوهارنة

[ثيزِيرِي]

تحيا تيارت

--------------------------
قلتها خاطرش خطيبي تيارتي هذا ماكان
كلنا جزايريين

[عاشق المستحيل]

يا اخواني انا خنشلي
لا تحيا خنشلة لا تيارت لا باتنة لا ام بواقي لا والو تحياا الجزائر احنا جزائريين نتوما في بعضاكم والي راهي تقول في الفظة نتاع (بلع)
اترباي اختي راك في منتدى موش في شارع وماذبينا نكونو خوان انا شاوي وانتوما تيارتين نعرف التيارتي ناس ملاح بصح الفايدة كامل ياخي رانا اولاد بلااد لواش نتعاركو على جال لهجة تهدنو شوية واحتارمو راي الآخرين وان شاء الله رايي ما يقيس حتى واحد فيكم ونحبكم بزاف تيارتين ناس ملاح

[ssamia14]

الله يخليك عاشق خويا حتى حنا نبغوووووووووووكم حتى لتم

[محاربة الصحراء]

انا تاني تيارتية بصح نهدر نورمال

[مملكة الحنان]

السلام عليكم


نورة شولااااااااااا هادا حنا قاع هاكا بركي ماتمسخير ياااااااااا لمجنونة الااااااااااا ادا نتي تحكحي هاكا مي مشكيتش باسكوو نتي صحبتي


اناااااااااااااا أميييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييينة


المهم ماديروش عليها هادي هيا تحب تضحك مع الناس


وشرااااااااااااكم ça va

غاااااااية ********* نتمنى تكونو بخير

[مروان34]

مقرفة وقرفية الحرف قاف ينطقه سكان مهدية سبعين سي حواس حمادية ....
بصح مجيش كما لهجة نتاع شرق
vive bba

[salima.h]

mech ga3 nahdro haka balak nta lblad li teskon fiha yahdro kima ok

[miriam38]

كاين بلايص يقولو لل'' غ" "ق"
عندنا بلدية يقلولها بورباكي يقولو للمغرف مقرف
و للغرفية قرفية

[mazouzrachid]

تصبحي على خيريا .... طالب نورة.....واللهي راكي غير تخلطي ناس أغواط وجلفة يقولو ا غ وق كيف كيف مي كيمهاك أرواحي لتيارت وشوفي هدر و دبازي

[djauida]

انا من تيسمسيلت ونعرف بزاف تيارتيا وميهدروش هاكا بلاك شي بلايص والله اعلم .......شكراا على الموضوع

[ssamia14]

اودي تيااااارتية هدرتهم فور قاع شتا كاين رانا ولاد تيارت ونعرفو هدرتنا كي داااااااااااااااااااااايرة

[سلمى93]

ما تحشموش بهدرتكم عيييييييييب

[مملكة الحنان]

اخواني واخواتي


نورة حبت تدحك معااااكم شويااااااااااا انا نعرفها ومتحكيش كيماهاك راهي غير تتمسخر ونتوما ظنيتوها بصح
علااااااااه احنا قاع ولاد الجزائر والعيب مشي في الكلام العيب في الاخلاق

متلا انا تيارتية ومنحكيش كيما هاك


نورة مدبيييييييييييييك تصححيلهم باسكو كاين ناس حابييين يتعلمو وانت يمكن خربطتيلهم كل شييييييييييييي

[مملكة الحنان]

أختكم في الله أمينة

[نبض الوفاء]

هههههههه و الله غير ضحكتيني وانا ماهوش نافحلي فالضحك
ياو باينة تيارتية طايوان نتيا
تبراي نشالله

[0602 - امين]

http://aqarcity.org/up092/images/opt1275568175b.gif

[سندس نهاد]

وااااااااااااااااااااااااه يا اختي انا تيارتية من السوقر و ما عدناش قاع هدي الهدرة هدرتنا شابة و لاباس عليها علاه يقولو علينا هاك صح انا من تيارت مي هدرتي قاع مشي كيمن راهم قالو علينا شكرا ولي يقول غير هاكا و علاه يكون ناسي روحه

[aicha tiaret]

انتي باينة من مهدية ولا مالسوقر حنا التيلرتية منهدروش هاك نهدرو عادي هدي معلومة خاطئة ارجو تغييرها لكي لا يكون انطباع خاطئ على التيارتية

[nanix]

http://www.djelfa.info/vb/images/icons/b2.gif http://www.djelfa.info/vb/images/icons/Hourse.gif في تيارت عاصمة الفروسية و عاصمة الرستميين و اول دولة اسلامية في المغرب العربي ينطقون الغين غينا و حرف القاف قافا . و لكن في بعض المناطق البعيدة على مدينة تيارت ك قصر الشلالة و عين الذهب مثلا ينطقون الغين قاف.

[nanix]

لا عيب في كل اللهجات المنتشرة عبر جميع القطر الجزائري

[NRMIN]

oui kima ana tiartia mais manahdarch haka

:p

[نزار الونشريس]

لازم تفرقو ... أنا زرت تيارت و شفت المناطق نتوعها، و االهدرة تختلف ف مثلا ف السوقر يقولو واه و يميلو للوهراني
أما في مهدية ف يميلو بهدرتهم لصحاب القبلة أو الجلفة نتوع القاف و الألف: أنا قير أييت .
أما في تيارت وسط فكلامهم عادي جدا يفهمه الجميع.

[NASRI2]

السلام عليكم اختي مي حنا ثاني في قصر الشلالة ما نهدروش كيما نتوما ننطق كل حرف كيما هو مشكورة على الموضوع