اريد رايكم

[مشكلتي]

السلام عليكم ورحمة الله وبركاته

زوجي في ضائقة مالية و انا اردت مساعدته و لكن لم اعرف كيف؟؟؟؟
اريد ان تشيروا علي بمشاريع طبعا يمكنني انجازها و انا في البيت

و الله ماعرفت واش نقول
قاعدة ونفكر في واش نساعدو و نقص عليه

[علـــياء]

ممكن تعملي كروشي وتبيعي للناس

وممكن تصنعي قاطو للناس

مسمن، بوراك و تفتلي طعام

حتى لو ماكنتيش تعرفي اتعلمي وابداي

ويوم عن ويم راح يزيدوا الزبائن تاوعك

واش هي الحرفة اللي في يدك؟؟؟ هاديك عاوني بيها راجلك


ربي يفك كربكم اختي

[sali-sali]

كيما دكرت الاخت علياء اي حرفة تعرفيه يمكن ان تساعدك

ربي يفرج عليكم

[ريحانتي]

الحرفة لي تعرفيها خدميها

[بلسم غرام2018]

بيعي الذهب تاعك وشوفي حرفه توالمك لخياطة مثلا

[hamza touazi]

نعم خيطي للناس طيبي الحلويات كاين مهن المهم مش عيب الخدمة ومافيها والو المرا تعاون راجلها

[la perle noir]

ربي يعاونك اختي و يرزقكم من الطيبات .المهم اي خدمة تقدري عليها و تكون فالحلال ربي يباركلك فيها
و ما تحشمي ما والو توكلي على ربي و بداي
تقدري تصنعي الحلويات او المسمن او les barquette et les cornet vide او الكوشي و المكرامي .............اي حاجة تعرفيها ................................................رب ي يفرج عليك

[نور اليقين جيداء]

ربي يعاونك اختي اخدمي لي تعرفيها المهم بالحلال و ربي يعوض عليكم ان شاء الله

[مريم الصابرة]

السلام عليكم اختي بارك الله فيك ربي يقدرك ويكثر من امثالك واجب عليك تساعديه ديري القاطو او الخياطة او الكروشي أي شي ماشي عيب او حرام وساعديه وهكذا فالدار وتتعاملي مع النساء وفقط ربي يفرج همكم موفقة

[*نآدرة~]

فرّج الله عنكم ورزقكم من فضله
واش نقولك ياختي أمثالك قلال في هاذ الدنيا ربي يفتح عليك ويرضي عليك زوجك ويجعل ذريتكم صالحة
اذا عندك ذهب كافي تقدري تبيعي شوية منه حتى تفرج وهو اكيد رايح يعوضهملك مرة أخرى ان شاء الله،وثاني حاولي تتعلمي كاش صنعة الي تكون موادها ماشي غالية بزاف كيما المكرامي ولا الصدورة توع الكروشي لي راهم يطلبوهم بزاف وراهم ماشيين هاذ الايام
ربي يفتح عليكم

[حلاوة الإسلام]

أختي ممكن تشوفي مثلا كاش نساء يحتاجو مثلا قاطو ولا خدمة وعندهم عرس وتساعديهم بمبلغ مالي طبعا


تقدري تبدعي في قداش نحاجة خياطة كروشي طبخ


ربي يفرج علييك