جزاكم الله كل خير

[مشكلتي]

السلام عليكم إخوتي و أخواتي
أنا مشكلتي كبيرة ما عندها حتى حل و ما عندي لمن نشكي غير لربي سبحانو
بصح حبيت نحكيها بصح أني في وضعية يرثى لها فالرجاء عدم التجريح و الإكتفاء بعدم الرد او الدعاء لي بالستر ولا الموت.
انا امرأة مطلقة كنت ذات مبادئ و أخلاق عالية و الكل كان يشهدلي بذلك والله العظيم قريت في الجامعة في بلاد الناس نبات في دار وحدي والله واحد ما مسني قبل طليقي
بعد الطلاق شوية تصدمت تجربة قاسية جدا لكن بديت نتأقلم مع العلم عندي طفلة دخلت نخدم في منصب محترم بداو مشاكل من نوع اخر تعرضت للظلم والظغط من طرف المسؤول تاعي يساومني على الشرف تاعي ما قبلتش كل يوم نروح نبكي للدار حتى خرجني من الخدمة زكارة
انا ما قيمتوش و رحت نحوس علي خدمة اخرى لقيت ووقعت في نفس المشكلة
صبرت شوية لكن إنهرت و سلمتلو نفسي كل مرة حتى جا نهاركرهت و حبيت نجبد روحي ماحبش تعاركت معاه قالي درك تشوفي واش ندير
بعد مرور عام في الصيف عيطلي واحد في البورتابل يعرض علي الدراهم مقابل علاقة قتلو درك نباصيك قالي الصور تاعك عندي صاحبك اللي كنت معاه صورك قالي تجي ولا نمدهم لباباك رحت شكيت بيه دخل للحبس والله مديت رشوة باش اسمي مايتجبدش المهم زاد عيطولي 2 اخرين والله سكتهم بالدراهم وماشي تاعي دراهم دارنا مخبيين عندي بعد ما بعت ذهبي كامل وكل مرة نحب نقتل روحي بصح نخاف نموت كافرة والله دايما ندعي في ربي و نبكيلو مانرقدش في ليل نشوف لبنتي تغيظني والله هملتها مالقيت وش ندير ادعيولي ربي يفرج عليا
و يسترني ولا الموت تديني.
سامحوني طولت عليكم

[مراد12345]

لن أقول لك شيئا
ربي يهديك

[علـــياء]

يا أختي صح مشكلتك كبيرة

لكن اللي اكبر من مشكلتك هو رب العباد

وربي سبحانوا يقول ومن ينق الله يجعل له مخرجا

وانتي على حساب ماراكي تقولي انوا الشخص الاول هو اللي عندو صورك ومن اجله بداو يبتزوك الناس

انا نقول تروحي تشتكي بيه هو

واللي راه يتصل بيك ويهددك ويبتزك هذو كامل يعاقبهم القانون وراكي كبيرة وواعية

لو خليتيهم يبتزوك راح يبقى كل يوم يجي ليك واحد شكل

وانتي خلطتيها وزدتي دفعتي رشوة

يا اختي لازملك تسألي رجل قانون مليح باش يعطيك رايو في القضية وهو اعطيه الدراهم باش يخرجك منها

ومشي غير اللي يقلك على حاجة تعطيلو مرادو

ياختي حتى واحد مامات بالشر

واذا كان ربي كاتب عليك الشقى واحد من الناس ماينحيهولك

انا نقلك قوي ايمانك بالله

وماتقوليش الدنيا ظلمتني ودارت عليا

اللي درتيه من قبل توبي عليه واستغفري الله

هو الغفور الرحيم والتواب

وهو الحنين علينا اكثر من امهاتنا

ماتصحيش غلطة بغلطة اكبر

وماتخافيش من الناس مادام ربي معاك اذا قررتي تستسلمي لواحد راح تستسلمي دايما

لكن اذا قاومتي ربي راح يكون في صفك

ومن يتقي الله يجعل له مخرجا

ربي يكون في عونك اختي

[ما فهمت والو]

يا اختي شوفي محامي خير ولا راجل قانون هو ينصحك

[نور الملاك]

الله يسترنا يارب

[chira-dz]

لم اجد ما اقول يا اختى هل الومك ام الوم اهلك ام الوم المجتمع ام....
ما اعليك سوى التوبة و عدم تكرار ماوقعت فيه
التوبة ثم التوبة ثم التوبة
ونسال الله ان يتوب علينا
ويسترنا دنيا واخرة


http://www.youtube.com/watch?v=WWyk5R577tU

[فاستبقوا الخيرات]

لمن نشكي غير لربي سبحانو



إِنَّا للهِ وَ إِنَّا إِلَيْهِ رَاجِعُونَ
لَنْ يَسْتَطِيعَ أَحَدٌ هُنَا أَنْ يُسَاعِدَكِ مَهْمَا أُوتِيَ مِنْ عِلْمٍ
أَنْتِ مَنْ تَسْتَطِيعِينَ إِنْقَاذَ نَفْسِكِ بِنَفْسِكِ
فَاللَّهُمَّ عَفْوَكَ يَاربِّ
....

[chira-dz]

اللَّهُمَّ أَصْلِحْ لَنَا دِينَنَا الَّذِي هُوَ عِصْمَةُ أَمْرِنَا،
وأَصْلِحْ لَنَا دُنْيَانَا الَّتي فِيهَا مَعَاشُنَا،
وَأَصْلِحْ لَنَا آخِرَتَنا الّتِي إِلَيْهَا مَعَادُنَا،
وَاجْعَلِ الْحَيَاةَ زِيَادَةً لَنَا فِي كُلِّ خَيْرٍ،
وَاجْعَلِ الْمَوْتَ رَاحَةً لَنَا مِنْ كُلِّ شَرٍّ

[nesma.sabah]

السلام عليكم
احترت جدا قبل الرد لكن صديقيني لا استطيع ان الومك لانك في موقف محرج من الاحسن ان لا تصغي اليهم و مسالة الصور ربما مفبركة عليك بابلاغ الشرطة كلما هددوك هدديهم الومك يا اختي في شيء واحد لو اقتنعتي حق اليقين ان الله هو الرزاق لن تصل الامور لهذا الحد لو انتظرتي حتى ياتي من يسترك وصنتي عفافك احسن لكن احفظي ما بقي و حاولي البدء من جديد اقول لك احفظي نفسك باللباس الشرعي لانه حافظ للمراة و التوبة ارجعي الى سيجد الله لكي مخرجا

[milka40]

ربي يفرج عليك و يسترك
اميييييييييييييييييييييييييييييييييييييييييييييييي ييييييييييييييييييييين

[ام يوسف 2737]

لا حول ولا قوة الا بالله

[zekri abdennacer]

الحمد لله الذي عافاني مما ابتلاك به.. وفضلني على كثير ممن خلق تفضيلا............نسأل الله أن يفرج عنك..

[بني بلعيد]

السلام عليكم
احترت جدا قبل الرد لكن صديقيني لا استطيع ان الومك لانك في موقف محرج من الاحسن ان لا تصغي اليهم و مسالة الصور ربما مفبركة عليك بابلاغ الشرطة كلما هددوك هدديهم الومك يا اختي في شيء واحد لو اقتنعتي حق اليقين ان الله هو الرزاق لن تصل الامور لهذا الحد لو انتظرتي حتى ياتي من يسترك وصنتي عفافك احسن لكن احفظي ما بقي و حاولي البدء من جديد اقول لك احفظي نفسك باللباس الشرعي لانه حافظ للمراة و التوبة ارجعي الى سيجد الله لكي مخرجا

أختاه :
السلام عليكم
لن أقول لها أكثر مما قلتيه أنت
المرأة مهما علت ، فهي لن تكون شئا بدون شرف تدافعي عليه حتى الموت ، وهي أيضا بدون رجل ( زوج) لاتساوي شئا
على هذه الأخت أن تأخذ من تجربتها السابقة ما يحمي شرفها ، كان الله في عونها
...........والسلام

[النجمة القطبية]

مع صعوبة القصة اجد صعوبة فى الرد
ولكن ساحاول ان ابدا من حيث انتهت قصتك
التوبة الى الله سبحانه وتعالى والاستقامة والثقة بالله هى الحل
مهما كان الانسان مذنبا فعليه ان يثق برحمة الله وغفرانه
الثقة هى التى تجعل الانسان قويا ويشعر فى هذه الدنيا بالحماية
جددى قوتك وثقتك والثقة المطلقة تعنى طرد الشيطان والتوكل على الله
اختى لم تجدى احداا يمد يده اليك فى محنتك لكن باب الله مفتوح
فكرى جيدااا
وربى يسترك ويصلح احوالك

[اسعى لرضى الله]

اختي واش نقولك متيأسيش من رحمة ربي توبي وارجعي عندو قومي الليل والله الحل في قيام الليل ادعي ربي يرزقك ربي زوج صالح يكون سند ليك في الدنيا ويحمي بنتك متقوليليش مستحيل لانو والله حاجة ماراه مستحيلة وادعيه يهديك ويرجعك لطريق الصواب ويحميك من ولاد الشر

متخليش الشيطان يوسوسلك انك تقتلي روحك لانو مش حل يا اختي صدقيني كيعاد اللي راه يسنا فينا اعظم من مشاكل الدنيا كاااااامل بالاكي يغرك الشيطان وتخسري اخرتك على جال دنيا فانية بالاك ديريها وتندمي وثم والله مينفعك الندم
http://islamqa.info/ar/ref/70363

صح غلطتي بصح مش نهاية العالم توبي واكيد ربي يقبل توبتك هو ارحم عليك من امك وباباك والناس كامل وراح يرزقك باذن الله

ارجعي ليه ومستحيل يخيبك ومتخافي حتى من واحد توكلي عليه فهو حسبك سبحانو متتاخريش خلاص في التوبة

هدا ابتلاء اعرفي كيفاش تخرجي منو باقل الخسائر مش تخرجي منو وانتي خاسرة الدنيا والاخرة تاعك الدنيا لا خسرتيها مش مشكل المشكل في واش جاي من بعد

ربي يفرج عليك ويرزقك ويحميك

[hamza touazi]

اختي كوني قوية ومتكونيش ظعيفة هوما كي شافوك مرا وخيدة راهم يديرولك المشاكل علاجال بنتك كوني قوية ومتسمحي لحتى واحد يديرلك هكا علاش مغيرتيش رقم هاتفك وكل شيئ علاقة بالماظي سمحيلي نتي حبيتي روحي صلي وقومي الليل حنا كمل نغلطوو ومكاش لمغلطش ادعي ربي يفرج عليك والله ربي سميع عليم ونشاء الله تلقاي الراجل ليسترك وغلطتي غلطة كبيرة كي مديتيلهم دراهم دوك ميخطوكش ختي يبقاو موراك حتى يقظو عليك لازم تواجهي الامربشجاعة ومتخافيش ربي معاك كوني قوية بالايمان وقدام الناس لازم تكون عندك هيبة نتمنى تدخلي المرة الجااية تقولينا تبدلت ولقيت خدمة شريفة وجاراجل يخطبني وعلاجال بنتك كوني قوية اخوك حمزة

[بلسم غرام2018]

ربي يسترك...............

[la perle noir]

ربي يسترك و يبعد عليك ولاد الحرام و يقرب ليك ولد الحلال لي يسترك

[zalamite]

ربي يدمرهم الناس ولات ما عندها لا رحمة لا شفقة علاش الواحد يخاف على مرتوا و على بنتوا من الخدمة ابتزاز المراة في لاحظة ضعف ..المهم عليكى ابلاغ الشرطة بهدا الابتزاز من الشخص الدي كنت معه في علاقة ..اولا اخضاع هاتفك الى المراقبة من طرف الشرطة و استدراجه هو و من معهم الصور للايقاع به... فهده جريمة في نظر القانون .

[مريم الصابرة]

السلام عليكم اختي
شوفي إنت خلاص طاحت الفاس فالراس والغلطة من نهار الأاول نهار قبلت ديري علاقة مع اللي صورك انا نقولك روحي إشكي بيه لأانو الصور عندو شوفي ديري حل ونهائي وجذري حير من كل مرة يخرجلك واحد تعقبي حياتك هكذا وبنتك خمي فيها وتقتلي روحك راكي تزيدي غلطة فوق غلطة إنت إشكي بيه او هديه وصور وهو متزوج اوكي روحي هديه كيما راه يهدد فيك تبلغي زوجتو وتحكيلها كل شي ما يخوقك ما والو الموت بيد ربي لازم تسلكي روحك كيما راهم يديرولك ديري هذا هو الحال لازم التصاور ينجبدو من عندو كان كانو كاينين إنت شفتيهم ما نعرفوش كان وراوهملك ام مجرد هدرة راهم يهدو فيك بيها المهم روحي إشكي بيه وتوبي لربي يسامحك ويغفرلك وقت الذئاب والمجتمع ما يرمحش وإنت إستسلمت لو مت بالجوع ولا الطريق هذي لكن معليش ربي يسامحك موفقة

[كبسولة الاحلام]

يا اختنا لسنا نحن من نحاسبكي هذه نفسكي ان شئتي احرقيها وان شئتي احفظيها اما انكي اعترفتي بخطئكي فهذا هو الصواب اما مشكلتكي فباتت في عملكي يعني توقفي عن العمل بما انكي تعرضتي للمضايقات ومن ترك شيءا لله ابدله خيرا منه
تفادي المشاكل بالمكوث فلبيت
ومن ثما ميزيد حتى واحد يديرونجيك
اما تصحيح الخطء الذي يتمثل في معصية الله فان الله يغفر الذنوب جميعا وتوبي توبة لارجعة فيها للذنب واستمري في الدعاء في سجودكي ان يرزقكي الله بزوج لا يفرط فيكي ويحفظكي
اسال الله ان يرفع عنكي هذا الغبن وان يجنبنا ما فتنكي به الشيطان
ونشاء الله يتقبل الله توبتكي اما ان تنتحري من اجل كلام الناس فلا تقلقي كل الناس لديهم كوارث ومجازر من العيوب والاخطاء وربي ستر عليهم
توبي الى الله وابتعدي عن الرجال واسال الله ان يخسف به الارض كل مسؤول او مدير يطالب بالدنيئ من اجل قضاء شهوة زائلة الله اخسف بامثاله الارض
الحل الوحيد البقاء فلبيت وعدم الخروج لكي لاتعيدي نفس الخطء
ولا تضيقو رحمة الله فانها وسعت كل شيء ولو تعلمون ماذا ينتظرني من عذاب تحت التراب لبتتم ولظليتم تعبدون وتتعبدون دون انقطاع
اما الخطء فمفروغ منو فالتوابون يحبهم الله وخير الخطائين التوابين

[جيهان13091991]

و الله يا أختي إحترت ماذا أكتب صحيح أنك إرتكبت خطأ فادح و لكن هذا نتيجة الصعوبات فالمرأة بطبعها ضعيفة الشخصية و مع المشاكل التي واجهتك بالإضافة إلى أنك توعيلين بنت صعيرة إستسلمت , فمجتمعنا لا يرحم المطلقات كأن كل مطلقة هي فاسقة , ربي يهدي ما خلق و إن شاء الله يفرج همك و أرجو أن تتوقفي عن دفع المال لهؤلاء الحيوانات فهم ليسوا ببشر ، المهم كوني قانونية سأقول لك بأنك لا بد من اللجوء إلى محامي و من ثم ممكن ينصحك بالجوء للشرطة لرفع دعوى فصورك عندهم بدون إذنك إن كان ما يدعونه صحيح ، حاجة أخرى إن شاء الله تكوني إحتقظت بأرقامهم و هذا لإستعمالها وسيلة إتصال كأنها مكيدة ، و أخيرا إن شاء الله مايكون غير الخير و أنت ضعفت مرة لازم هاذ المرة توقفي على رجليك و ماتمشيش معاهم فالخطة أؤكد لكي أنهم لن يفعلوا شيئ، أختي إن كان بإمكانك الإتصال بصدييقك السابق لي أحذ الصور بالاك راهم يكذبوا