مشكلتي مع خطيبي الغامض

[مشكلتي]

السلام عليكم ، لقد تقدم شخص لخطبتي ما شاء الله عليه ،فلقد وجدت فيه كل المواصفات اللتي تتمناها المرأة في زوجها ، رغم أنه أقل مني في المستوى الدراسي، كما أنه يعيش في الخارج ، فوافقت عليه و بدأت الأمور تسير على ما يرام ، و لكن سرعان ما بدأ يثبت أشياء لم أكن أتصورها إذ أنه يحب السيطرة و أن يثبت أنه أحسن مني ، تخيلوا لما طلب مني أن أحدد له قيمة الصداق و قال أنه من حقي أن أحدد قيمته ،طلبت منه 15 مليون سنتيم و هي قيمة المهر العادي عندنا ،ذهل و لم يعد يكلمني مع العلم أننا حددنا يوم العقد الشرعي ،كما أنه مرتاح ماديا ، لا أعلم ما الذي أغضبه ،أنا في دوامة ، لا أدري ما الذي حدث؟ ما رأيكم؟

[faty05]

اختي به تنحي اي مشكل خلي الرجال يتكلموا في امور تحديد المهر من الاول
انتي ما تحكي معاه لا تكسري راسك
مثلا أنا خطيبي كلم مباشرة ابي في هذا الامر و ابي لي حدد المهر و تراضاو و الحمد لله
فهمتيني
شوفي اذا زاد عاودلك قوليلو حنا عندنا الرجال لي يتكلموا في هذ الشي مش النساء

[بلسم غرام2018]

قليلو الرجال الي يحكو في المهر

[cady-gx]

15 مليون ؟ و مع كل هذا الغلاء الموجود في وقتنا ؟ لو توقفت مصاريف الزفاف عند الصداق لقلنا لاباس بالمبلغ لكن الجميع يعرف انه مازال هناك الكثير لانفاقه . انا مثلا لو أتقدم لفتاة و يطلب مني والدها 15 مليون نقولوا ربي يهنيك انت و بنتك !! انا جيت نتزوج ماشي جيت نشري سلعة . و ماتنساوش قول الرسول صلى الله عليه و سلم : أقلهّن مهرا أكثرهنّ بركة .

[زاد اليقين]

كم راكي ماردتيش عليه بويسك كاين لحبو يسقصو زعما باه يشوفك
اسمعي يدور ويدور ويرجعلك لو اراد الرحيل فليرحل ممكن تجدين احسن منو

[نيروز الجزائرية]

انا و خطيبي عمرنا ما تكلمنا على موضوع المهر و لما لمحلي مرة قتلو هدا كلام بين الرجال انا خاطيني المهم انت راكي قلتيلو خليها على ربي وشوفي الايام واش راح تبين

[samirovich]

السلام عليكم ، لقد تقدم شخص لخطبتي ما شاء الله عليه ،فلقد وجدت فيه كل المواصفات اللتي تتمناها المرأة في زوجها ، رغم أنه أقل مني في المستوى الدراسي، كما أنه يعيش في الخارج ، فوافقت عليه و بدأت الأمور تسير على ما يرام ، و لكن سرعان ما بدأ يثبت أشياء لم أكن أتصورها إذ أنه يحب السيطرة و أن يثبت أنه أحسن مني ، تخيلوا لما طلب مني أن أحدد له قيمة الصداق و قال أنه من حقي أن أحدد قيمته ،طلبت منه 15 مليون سنتيم و هي قيمة المهر العادي عندنا ،ذهل و لم يعد يكلمني مع العلم أننا حددنا يوم العقد الشرعي ،كما أنه مرتاح ماديا ، لا أعلم ما الذي أغضبه ،أنا في دوامة ، لا أدري ما الذي حدث؟ ما رأيكم؟
يعيش في الخارج ويقول أن 15 مليون كثير؟؟؟
اذن ماذا نقول احنا اللي نعيش في الداخل؟؟؟؟؟؟؟
قولي له أنا طلبت 15 مليون سنتيم جزائري وليس أورو يا أخي
وهاذا قليل عليا
ربما انت تركت الجزائر منذ ان كان المهر 2 مليون
الآن تبدل الحال والأسعار ولات نااااار

[sarah1424]

quinze millions mahich bzfff l rahom y9oloubzfff ay maandha madir le3roussa ymdelk bentou wyzidek yaw 9oftan chratou ma cousine letesdira b 5 million wchourtek tji ghalia wzid ida houa stakhser fik men dukka makallah malgré y9olk iltamiss li2akhak 70 3odra balak 3andou dorouf mahouch ykalm walla andou des pbs alr hbibti madiri walou f balkosbri bark wmat9al9ich rohk wala chart hna f dzeyr wnochrtou 15 millions wm3ahom dhab alr ma9oltich l3ib

[chira-dz]

السلام عليكم اختي

لا اخفيك المهر الذي طلبته غالي جدا
صح هو شرط من الزواج و لكن يستحب فيه التخفيف و التيسير
فاهم اساس لاختيار الزوج هو خلقه و دينه و بعد ذلك كل شيء يهون

ويعني لو حبذا تقولي له يعطيك قدر استطاعته حتى لا تعسري عليه امر الزواج خصوصا ان كان متخلقا و متدينا
و بالنسبة للمستوى الدراسي لا يهم اختي المهم الاخلاق و الديني
فالمستوى الدراسي لا يعكس دوما عن مستوى الانسان الحقيقي

تبقى الاخلاق هي من ترفع الانسان و تحطه
المهم ان يكون صاحب اخلاق و دين

و هذه فتوى في حكم غلاء المهور



هذا لا ينبغي وهو خطأ. بل يجب على أولياء البنات أن يختاروا لبناتهم ولمولياتهم الرجل الكفء من غير أن ينظروا إلى ثروته. فإن النبي قال: ((إذا جاءكم من ترضون دينه وأمانته فزوجوه. إلا تفعلوا تكن فتنة في الأرض وفساد كبير))( فالحديث يدل على أن الرجل إذا عرف بالأمانة والتقى, فعلى الولي أن يزوجه ابنته ولو بأقل شيء. وفي الحديث: ((خير النساء أيسرهن مهورًا)) وقد جاء رجل إلى الحسن البصري فقال له: يا أبا سعيد: إن عندي بنتًا كثر خطابها, فمن ترى أزوجها؟ قال: يا ابن أخي زوجها من يخاف الله ويتقيه, فإنه إن أحبها أكرمها. وإن أبغضها لم يظلمها. فيتعين على أولياء البنات أن لا يغالوا في المهور وأن يختاروا لمولياتهم الرجل الكفء الذي يخاف الله ويتقيه كما كان عليه السلف الصالح. وأي مصلحة في غلاء المهر؟ فإن النساء شقائق الرجال, فكما أن الرجل محتاج إلى المرأة, كذلك المرأة محتاجة إلى الرجل, فغلاء المهر لم يرد في الشريعة, ولم يؤيده عقل، والرجل متى زوج ابنته أو أخته أما علم أنها عورة سترت ومئونة كفيت، فغلاء المهور لم تأت به الشريعة ويجب على المسلمين ترك الغلاء والتساهل في المهور وهو أن المتزوج يدفع ما تيسر, وولي البنت يقبله ويزوج ابنته على الشاب الكفء التقي, ومن ابنته مثل فاطمة وأبوها مثل رسول الله ؟! فقد زوج الرسول ابنته على علي بشيء قليل لا يساوي ست دراهم اليوم. والله أعلم.

[تقوى 16]

اسمعي اتصلي به وقولي له ما قاله الاعضاء

[wafaa26]

راح نحكيلك قصة واقعية صرات لواحد فاميلتي راح يخطب وحدة نهار الخطبة تفاهمو بصح نهار قطيع الشرط طلبولو 18 مليون زعف و قال نخليها انا رحت نخطب ماشي نشري و ماولاش حتى راحو ليه والديها و قالولو قلنا هكدا قدام الحاضرين برك و جيب كيما اداو خاوتك باش رضى و اتزوجوا و اليوم راهم بولادهم ماشي عيب اذا شفتي بلي انسان مليح اهدري مع داركم و ساعدوه الوقت راه صعيب و كلش غالي .

[*نآدرة~]

غريب فعلا،والله غير حوايج يحيروا رانا نسمعوا فيهم،هذا لكافي روحو وعايش في فرنسا وجاه المهر غالي وزعف معناتها لي عايشين هما وفقراء كيفاه رايحين يديروا
في الحقيقة هذي الهذرة هذرة رجال المفروض ماتدخليش انت فيها،هو بلاك كي قلتيلو على 15 مليون بانتلو راكي طامعة فيه،علا هكذاك كان الزعاف رد فعله،حاولي تقولي لامك تكلم باباك ويتفاهم هو أبوه وانت خرجي منها،وزيد حاجة واحدة أخرى هذرة التلفون تجيب غير المشاكل،خلي حتى تعقدي وهدري معاه وماشي دائما
بالتوفيق اختي والله ييسرلك ويسهلك امورك ويجمع بيناتكم بالحلال

[bladi dz]

هذا الموضوع لست انتي من تتحدثين به بل الاب او الشخص المسؤول عنكي لانو هذي هدرة الرجال ويلا معجبهش الحال ربي يسهل هذا مكان

[masmer]

kima galoulek l akhawat.khali rjal yafriwha

[masmer]

khali l hadra l rjal dima

[طيب القلب]

الله يجعل الخير دوختينا مكانك....

[Lydia istanboul]

سبحان الله..15مليونجاتو بزاف؟؟ انا اخي عمرو 20 و في بداية حياته العملية يعني لسع بدا يخدم عند ابي وهكاك وراح نعطو لخطيبتو 20 مليون وطبق وخلي الهدايا ووو ورانا نقولو قليل...وهذا مغترب والله يبارك خدام ينصدم لي قلتي 15 ؟؟؟ يا ختي انا نقولك ماطيحيش بروحك بزاف...نتي ماغلطتيش و ربي يهديك ويجيك ولا يديه ويهنيك...سلامو

[lilou f lilou a]

ربي يجيب الخير

[سامي العالم]

لا حول و لا قوة إلا بالله
يا بنات أطلبوا الهناء و السعادة قبل كل شيء
أكيد أنه يغضب منك لأنه أي رجل واع فطن راح يختبر المرأة إن كانت مادية أم لا فإن طلبت مهرا غاليا فإنه سيغضب حتى و إن كان ميسور الحال لأنه سيعلم أن هاته المرأة لا تحبه بل تحب نفسها
الله يهديكم
الرجل رجل فله الكلمة الأولى و الأخيرة على المرأة و الرجل الذي لا يسيطر على النساء فهو ليس رجلا
يا بنات لا تهتموا بالمادة بل اهتموا بالهناء و السعادة, فالمادة لا تدوم و كل ساعية خلف المادة لن تنجح في حياتها
أنا إحداهن طلبت مني مهرا 15 مليون و رفت و كان هذا علامة على أنها مادية و لا تستحق أن أكمل معها حياتي
السلام عليكم

[حلاوة الإسلام]

حسن من رأيي هو حقك 15 مليون سنتيم

الإخوة قالوا مع غلاء المعيشة طلبت 15 مليون سنتيم

طبعا وماذا تطلب 5 مليون

ماذا يمكنها ان تفعل بها لن تقضي لها أدنى الحاجيات

ربي يهدينا

لا طلبوا مهر مش غالي و على مقدورهم يقولولك راهي شاتية غير تعقب المهم يديها واحد ما نديهاش

ويلا طلبت غالي يقولولك طماعة

الله يهيدنا ويفرج علييك اختي

[‏ღمجنون غزةღ]

هذا موضوع خاص بالرجال
والدك وخطيبك
ومكانش لازم عليك تقوليلو

ربي يسهل وجيب الخير

[و.وحيد]

قلت " خاصة وانه يبدوا كافي ماديا "
لربما كانت نظرتكم اليه مادية بحتة
وربما فهم انكم استغلتم وضعه فغضب

[zineb_saib]

متتقلقيش
اطلبي منو السماح وقوليلو جيب قدر المستطاع برك
وقد ماجاب يجيب
بصح لي حيرتني وعلاش بانلو المبلغ كبير ؟؟؟ مادام ميقري ولاباس بيه
اسمحيلي بصح اذا كان عندو الدراهم صح نورمالمو تجيه عادي