استفسار عن الشريك (خبيزات) من فضلكم

[بيلسان11]

السلام عليكم
أنا تذوقت نوع من الخبز اسمه الشريك و لما استفسرت قالولي يديروه في قسنطينة, راني حابة نخدمو في الدار أرجو مساعدتي بالكيفية و بارك الله فيكم,

[ام ملاك.]

ان شالله لبنات يفيدوك ماعرفتش كيفاش داير لوكان برك حطيتي صورتو بالاك كاين اللي يعرفه بصح بتسمية ثانية

[بيلسان11]

[quote=مونية ك;11897273]ان شالله لبنات يفيدوك ماعرفتش كيفاش داير لوكان برك حطيتي صورتو بالاك كاين اللي يعرفه بصح بتسمية ثانية[/quote
شكرا أختي لكن أنا ما عنديش الصورة تاعه المهم هو يشبه خبز الدار و يجي كويرات صغيرة

[ام ساجد]

:dj_17:اختي هذا الخبز دائما تخدم سلفتي في العيد الكبير ان شاء الله نسالها ونردلك الخبر
هو نوع تاع خبز بالفرينة مثل خبز الهمبورغر

[بيلسان11]

:dj_17:اختي هذا الخبز دائما تخدم سلفتي في العيد الكبير ان شاء الله نسالها ونردلك الخبر
هو نوع تاع خبز بالفرينة مثل خبز الهمبورغر

شكرا على مرورك أختي راح ننتظر الاجابة

[عروبة2003]

السلام عليكم ورحمة الله تعالى وبركاته هناك العديد من الوصفات تاع الشريك وهذه الوصفة لقيتها في النت و جربتها اكثر من مرة خصوصا في رمضان للسحور
الشريك
المقادير:
500غ فرينة
500غ سميد
كأس زيت المائدة
كأس خليط بين الحليب الدافئ و ماء الزهر
2 ملاعق اكل خميرة فورية
ملعقة صغيرة ملح
3 ملاعق اكل سكر عادي
مبشور حبة قارص
كأس صغير من جلجلانية

طريقة التحضير:
تخلطي كل المقادير واذا وجدت العجينة يابسة زيدي القليل من الماء الدافئ حتى تتحصلي على عجينة مثل المطلوع وتتركيها ترتاح لمدة 30 دقيقة.
بعد ذلك تعجنيها مليح مثل المطلوع وانتي تعجني اضيفي الحليب الدافئ حتى تتحصلي على عجينة طرية مثل المطلوع ثم تشكلي كريات بحجم حبة بطاطا صغيرة
وتخليها تخمر لمدة 30 دقيقة ثم تدهنيها بصفار البيض وتذري الجلجلانية من فوق وتحطيها تطيب.
ويمكن استبدال مبشور الليمون بعطر الفانيليا كما انني اضيف بياض البيض الى المقادير والصفار ندهن به.


اتمنى ان اكون قد افدتك.

[ام ملاك.]

:dj_17:اختي هذا الخبز دائما تخدم سلفتي في العيد الكبير ان شاء الله نسالها ونردلك الخبر
هو نوع تاع خبز بالفرينة مثل خبز الهمبورغر
اذا كيما قالت الاخت
ديري فرينة وخميرة الخبز والملح ومغرفة سكر و2 مغارف نتاع حليب غبرة وشةيى زيت واعجنيهم مليح لازم تكون طرية وخليها تخمر وكل ماتخمر هبطيها بيدك 2 مرات ولا 3 وفي اللخر سخني الفرن و شكليهم كويرات صغلر وخليهم يزيدو يخمرو وغير يخمرو ادهنيهم بالاصفر نتاع البيض ودخليهم للفور
مانعرف اذا هذي ولا لا

[بيلسان11]

شكرا لك أخت عروبة 2003 على الطريقة و جزاك الله كل خير على كل من تقرا مشاركتك عندي سؤال واحد فقط الكأس اللي تكيلي بيه كيفاش يكون و بارك الله فيك

[بيلسان11]

اذا كيما قالت الاخت
ديري فرينة وخميرة الخبز والملح ومغرفة سكر و2 مغارف نتاع حليب غبرة وشةيى زيت واعجنيهم مليح لازم تكون طرية وخليها تخمر وكل ماتخمر هبطيها بيدك 2 مرات ولا 3 وفي اللخر سخني الفرن و شكليهم كويرات صغلر وخليهم يزيدو يخمرو وغير يخمرو ادهنيهم بالاصفر نتاع البيض ودخليهم للفور
مانعرف اذا هذي ولا لا

جزاك الله كل خير أختي و شكرا لتفاعلك و راح نجرب حتى طريقتك و اذا اعطاتني نتيجة مليحة نولي نخدم هذا النوع,

[عروبة2003]

شكرا لك أخت عروبة 2003 على الطريقة و جزاك الله كل خير على كل من تقرا مشاركتك عندي سؤال واحد فقط الكأس اللي تكيلي بيه كيفاش يكون و بارك الله فيك
العفو بالنسبة للكاس انا استعمل كاس عادي اللي نشرب فيه الحليب يعني حوالي 250غ هذا بالنسبة لخليط الحليب و الماء زهر اما للزيت ماتعمريش الكاس يعني 3/4 او يكون الكاس متوسط
نتمنى تكوني فهمتي الشرح واي استفسار انا في الخدمة.

[ام ملاك.]

اما عن الكيل الكاس اللي تكيلي بيه الفرينة كيلي بيه كلشي الزيت والحليب
كاس حليب ولا كاس لاتاي المهم تكيلي بيه كلشي مايهمش الحجم

[عروبة2003]

اما عن الكيل الكاس اللي تكيلي بيه الفرينة كيلي بيه كلشي الزيت والحليب
كاس حليب ولا كاس لاتاي المهم تكيلي بيه كلشي مايهمش الحجم
الفرينة مانكيلهاش بالكاس بل 500 غ .

[ام ساجد]

السلام عليكم
أنا تذوقت نوع من الخبز اسمه الشريك و لما استفسرت قالولي يديروه في قسنطينة, راني حابة نخدمو في الدار أرجو مساعدتي بالكيفية و بارك الله فيكم,

:dj_17: اختي بيلسان هاي ليك الوصفة كيما وعدتك من عند سلفتي دايما تخدم ويجيها ناجح
المقادير***1 كيلو مخلط سميد وفرينة + ملح
مغرفة ونص خميرة خبز نحطها في نص فنجان حليب دافئ مع مغرفة صغيرة سكر
فنجان حليب
ماء دافي
ملعقة كبيرة سكر
2 غناجي زبدة
4 بيضاة
الطريقة***نخلط سميد+ فرينة + ملح + زيت ونخليط مليح بين اليدين+ خميرة لي خلطها بالسكر والحليب ونخلط ونزيد نلم بماء دافي حتى نتحصل على عجينة كيما تاع الكسرة ونخليها تتخمر
وبد ما تخمرت العجينة نخلط البيضاةمع مغرفة السكر مليح ونعجن بيها العجين ونذوب الزبدة في الحليب ونعجن بيه حتى نتحصل على عجينة طرية ومتماسكة يعني معجونة مليح ونقرصها ونحطها في سنيوة مدهونة بالزيت ونخليها تخمر
وبعد ندهنها بصفار بيض مخلط مع مغرف صغير زيت وشوي قهوة ونذرذر جلجلان ونحط يطيب
صفار البيض لي تدهني بيه نحيه من 4بيضاة لي في المقادير ان شاء الله تجربيه ويصلحلك :mh31: