لنزع صوف الخروف دون معانات

[chahrazedberrichi]

لنزع صوف الخروف دون معانات اغسيل جلدة الخروف وهي لاتزال فيها الصوف لاتغسيليها حتى تصفا غير شوي برك ومن بعد اتلركيها تقطر شوي سرحيها ورشي من جهة الجلدمسلك المجاري راهو يجى غبرة فلي بوات واتركيها بعض الوقت مرة على مرة حاولي تنزعي الصوف كي تبدا تتنحى واصلي النزع واغسلي الصوف والله الطريقة سهلة ومن دون رائحة عيد اضحى مبارك

[sondse1]

الف شكر ليك حبيبتي شهرزاد

عيد اضحى مبارك

[shimafodda513]

win yetab3 had ( مسلك المجاري )

[أم معاذ أم معاذ]

مسلك المجاري
قصدك إسبري دو سال
esprit de sel ؟؟؟؟؟؟؟؟؟؟؟؟؟؟؟؟؟؟؟؟؟

[مراد44]

يتباع عند الكانكايري يجي غبرة و يدير 50 دينار جزائري

[fafi05]

شكرا اختي جزاك الله كل خير

[ام البنتين]

الف تحية للحراير مثلك انا من مدة بطلت نغسل صوف الجلد يعطيك الصحة

[nina.16]

شكرااااااااا

[موسى2207]

يتنحى الصوف في نهارهولا عدة ايام

[sarra5]

merciiii

n9ol l mama tjarabha w nchouf

[chahrazedberrichi]

باش ينقلع في نهارو غطيوه بجلد من فوق راها تتنحى الصوف بسرعة

[fleur I]

لنزع صوف الخروف دون معانات اغسيل جلدة الخروف وهي لاتزال فيها الصوف لاتغسيليها حتى تصفا غير شوي برك ومن بعد اتلركيها تقطر شوي سرحيها ورشي من جهة الجلدمسلك المجاري راهو يجى غبرة فلي بوات واتركيها بعض الوقت مرة على مرة حاولي تنزعي الصوف كي تبدا تتنحى واصلي النزع واغسلي الصوف والله الطريقة سهلة ومن دون رائحة عيد اضحى مبارك

merci ma chere mais eske hadak le deboucheur dans une boite verte il n'est pas en poudre c'est des petites graines

[ميرثا]

طريقة نتاع ماما وانا راني نخدم بيها اكيــد

تخلي صوف فلجلد 3 ايام او اكثر فساشس وخلقس عليها مليح وجبديها مي سدي نيفك لانو رائحة تبارك الله

وبعدها نصلي تم تم متديش منك نص ساعة وتكوني خلصتي وبعدها بداي غسليها ب واش تحبي كل واحد وكيفاش

ديرلها اكثر من تصوبينا باش تصفى وتروح ريحة لمش مليحة

[ms.racha]

مشكورة الاخت على الطريقة ولو غريبة ممكن نجربها.انا منجهتى حياتى كامل نعمل الهيدورة او الجلد في لجافيل من جهة الريحة متكونش وتانى تتنسل تمتم وترجع بيضاء تتصفى من الدم الدبيحة ملاحظة ندهن الجلد فقط ونعملو فى ساشي ومنداك نطل عليها

[loudjeine2000]

عندي طريقة ساهلة بصح يلزم واحد يساعدك .
اول ماينزع الجلد اديه للطبونة ودوروه جهة الجلد حتى يسخن جيدا ثم انزعي الصوف طريقة ساهلة بدون ان تغلقي انفك

[loudjeine2000]

عندي طريقة ساهلة بصح يلزم واحد يساعدك .
اول ماينزع الجلد اديه للطبونة ودوروه جهة الجلد حتى يسخن جيدا ثم انزعي الصوف طريقة ساهلة بدون ان تغلقي انفك

[jijou g]

مليح انا دايما نرميها

[أم معاذ أم معاذ]

فعلا أختي جربت طريقتك و الله نحيتو في ليلة العيد و كنت روطار خاطر رحت نعيد على عجوزتي و كي رجعت نحيتو في الساع
و صايي غسلتو و راهو يشيح درك
ربي يحفظك
و يرزقك من حيث لا تحتسبين

[nounoudjs]

بارك الله فيكم على المعلومات

[dadoua]

نعم انا اعتمد طريقة لجين منذ بضع سنوات اي طريقة تسخين الجلد على الطابونة ولكن لاني وحدي في البيت نسخن بالطرف ونسل حتى نكملوا ولا استغرق فيه اكثر من ربع ساعة او 20 دقيقة وفي نهار العيد بالذات نغسل ا لصوف ونخليا تتنقع في الصبون ثم نخرج بعد الزوال للمغافرة وهذالان الطريقة جد فعالة ..

[ام ملاك.]

يعطيك الصحة طريقة مليحة

[maiar]

بارك الله فيك