أنوي بوقالة للعضو ألي يجي بعدك.......

[ايمان الشاوية]

السلام عليكم ورحمة الله تعالى وبركاته

هذه لعبة أعجبتني وددت من خلالها

أن ينوي كل عضو بوقالة للعضو الذي يأتي بعده
وراني نوتي على ليجي بعدي هذي البوقالة



إذا انت ليل أنا نجمة اضويك , و إذا انت بحر أنا موجة أقويك , و إذا انت ربيع أنا وردة أبهيك , و حلفت غير

أنا إلي نديك:)
في انتضاركم
ارق تحية للجميع
يا سعد اللي يجي مور هاد البوقالة
ههههه هاد البوقالة تاعي انا

[البلسم الشافي]

ربي يخليك بوقالة راااااائعة

للي بعدي:
ماتقطع الواد حتى تبان حجارو، وماتمشي فالليل حتى يطلع نهارو ، وماتصاحب صديق حتى تعرف خبارو


شكرا على اللعبة

سلامي

[ايمان الشاوية]

يعطيك الصحة اخت بلسم بقالة هايلة
سلميلي بزاف على هديك البراءة الجميلة
ماشاء الله ربي يحفضهالكم

[oussama adrari]

الشمعة يا الشمعة يا الضواية لوكان نعرف واش بيك نمسح هذيك الدمعة من خديك و نرد وجهك مرايا

يا ربي يا معبود اقبل دعايا رجعلي زهو الزمان و يعيا لحبيب قاعد معايا

[minaflower]

" أنا شابة و مهري غالي و اللي بغا يديني يحسب النجوم و يسهر الليالي و يبنيلي لقصور في لعلالي "

[asma simata]

بوقاله رائعه شكراااا للي بعدي ....يدي في يد خويا ويد خويا بالحنه اليوم سعدو هو وغدوا انا نتهنا

[بنت الساورة]

الله يعطيك الصحة بوقالة رائعة شكككككككككككككككككككراااااااااا

[هبوب]

احمد يا احمد اذا ضاقة بيك الدنيا ارواح نديرو حانوت مفتاحو ذهب و بابو ياقوت

[nour nina]

هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.
شكراا على اللعبة فوووووور

[TK.MRD]

ممكن شرح ما معنى بوقالة ؟؟

[minaflower]

هبطت للبحر صبت ثلاث خطاب واحد فارس الفرسان و الثاني كاشف الأحلام و الثالث يتمناك ترجعي في يوم من الأيام

[لجين93]

طلبت من الله العافي يرسي كل مغبون بمينا ،ويكسي كل عريان وحافي ويبعد لهموم علينا،رد الفال لا تخافي عندي تخلاص الغبينة، دير النية بالقلب الصافي والنية باقية في القلوب الزينة،ياربي بارك في كل وافي وغرس الخصايل فينا، بالفال تعود وافي وبالنية باقيا الدنيا زوينة.

[minaflower]

على ذيك الزينة راه قريب يهبل و كي طلب يدها قالولوا زيد أصبر

[لجين93]

السفينة اللي جات باش أنكافيها باللوز والسكر نطعم غاشيها (أي ناسها) وبالزباد والعطر نطلي سواريها ونطلب ربي العزيز للحج يدّيها

[minaflower]

دارنــــــا عــــــــلات و شمعتنــــــــــا ضوات و الطفلــــــــة اللي نحبهـــــــا جـــــــــات

[nour nina]

* عندنا شجرة معمرة بالياقوت وعندنا فوّارة معمرة بالحوت اعطوني ابنتكم ولا نطيح نموت

[aya hanan]

علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة

[minaflower]

رفدت كاس و حطيت كاس و الله ما ننساك يا ولد الناس ، ما نرقد ما يجيني نعاس حتى تحط خاتمك في يدي و نبنو الساس.

[nour nina]

قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو:)

[أسامة الزمالة]

اممممممميييييييييييييييييييييييييييييييييييييييييي يييييييييييييييييييييييييييييييين ان شاء الله الطفل اللي نحبو يمشي معايا

[amin_alg02]

ماتمشي في الجنازة وانت القاتل وما تصفق في العرس وانت العريس وما تصدق الكذبة وانت مخترعها

[nour nina]

طلعت للجنان و غرست ورده مسكية
شافني واحد ا...لشاب و قاللي أهديها ليا
، قلتلو نخليها تيبس حتى يوللي الي عزيز عليا
.