الفروض على الابواب من يحضر معي علوووم [الأرشيف] - منتديات الجلفة لكل الجزائريين و العرب

mimi311

2012-10-11, 19:08

:dj_17:السلام عليكم ورحمة الله الميضوع باين من عنوانو :1:ياريت نلقى تفاعل لان ها\ا لمصلحتنا
احيانا نحسو بلي رانا فاهمين كل شي وفي التمارين نتبلوكو والفروض على الابواب وتقريبا للتمارين نفس الفكرة
يعني كل محلينا عدد اكبر صارت عندنا خبرة اكثر من معيي

mimi311

2012-10-11, 19:11

الي عندو اي تمرين اي فكرة اي مشكل يطرحو
وستكون مراجعتنا في التنظيم العصبي بانتظاركم **

mimi311

2012-10-11, 19:27

http://2as.ency-education.com/uploads/1/0/9/0/1090282/3703082.jpg?600x700
اي شخص يدخل يحاول

mimi311

2012-10-11, 19:29

http://2as.ency-education.com/uploads/1/0/9/0/1090282/3703082.jpg?600x700
اي شخص يدخل يحاول

karima ikram

2012-10-11, 19:42

:dj_17: اختى مشكورة على المبادرة :19: كي شفت الاسئلة نخلعت لاخاطر حنا غير كيما جابونا الاستاذة تاع المادة ورانا متاخرين غير كيما بدينا يعني ومازال مش فاهمة الدروس لولا مليح :confused::confused:

mimi311

2012-10-11, 19:48

اهلا اختي
ممم قليلي فاش راكم حابسين وشمراكيش فاهمة بلاك نقد نعاونك ولا لي يدخل يعاونك

نعمة القدوس

2012-10-11, 19:59

سأقوم بالإجابة

ان شاء الله برك تكون صحيحة، لــأني لاحظت أني عرفت الإجابة عن كل سؤال

الحمد لله فاهمة كل الدروس لأن أستاذتنا ماشاء الله عليها تشرحلنا الدرس لدرجة أننا نحفظه في القسم

لذا سأعتمد على هاد الإختبار باه نراجع للفرض

قالــولي عليها ماتمدش النقاط هههههه

mimi311

2012-10-11, 20:12

مام انا فاهمة الدروس لكن للاسف فهمتهم وحدي استا\تنا ربي يسامحها متتحركش من البيرو وكاين بعض الاجابات مش متاكدة منهم
يعني ا\ا موافقة نتعاونو كل مرة نحلو تمارين مع بعض شقلتي

نعمة القدوس

2012-10-11, 20:21

هيه ماش مشكل

بالصح أنا مارانيش ندخل دايما، اليوم واين دخلت زي العباد >> مالفة ندخل زي الخفافييششْ

لـــأني جد مشغووولة، خاصة في هاد الأيام، عندي بحوت وواجبات عدييدة

بالصح درك أنا حاليا ماعندي حتى تمارين خارجية، لذا نعتمد على واش نلقى هنا، إذا عندك ماتبخليناش
وإذا عرفت الإجابة راني نحط هنا، هاداك هو باه نتأكد من معلوماتي ونرسخها معاك.

mimi311

2012-10-11, 20:39

صحا اختي مام انا كيفك معنديش وقت
بصح تقريبا ندخل 8 ا\ا تبغي نتلاقو صحا

نعمة القدوس

2012-10-11, 20:40

هذه محاولـــــتي في الأسئلة

والله أعلـــم.

طبيعة الاستجابة: فعل لا إرادي. التعليل: لأنه يتدخل في حدوثها النخاع الشوكي (مركز عصبي).
دور العضلة ع1 هو: عضلة باسطة للساق (تستجيب بالتقلص). دور العضلة ع2: عضلة قابضة للساق (تستجيب بالاسترخاء أو التمدد).
دور وأهمية المنعكس العضلي: يسمح المنعكس العضلي (تمدد مجموعة عضلات وتقلص أخرى مضادة لها) بالحفاظ على توازن مختلف وضعيات الجسم: الجلوس، الوقوف ...
التعرف على البنيتين: الشكل أ ك رسم تخطيطي لبنية المغزل العصبي العضلي. الشكل ب ك رسم تخطيطي لبنية اللوحة المحركة أي المشبك العصبي العضلي.
التعرف على البيانات المرقمة: الأرقام كانت متداخلة، لذا لست متأكدة من الإجابة.
الدور المضاعف للعضلة هو كونها مستقبل حسي والذي يمثله الشكل أ و عضو منفذ وهو ما يمثله الشكل ب.
تنتقل السيالة العصبية بين العنصرين 1 و7 عن طريق الجزيئات الموجودة في الحويصلات المشبكية التي تحررها في الشق المشبكي عندما يتم تنشيطها من طرف السيالة العصبية التي تكون مشفرة في المنطقة قبل المشبكية بتواترات كمونات العمل فتصير السيالة العصبية في مستوى الشق مشفرة بتركيز الوسيط الكيميائي وتنتقل مرة أخرى إلى المنطقة بعد المشبكية وتكون مشفرة بتواترات كمون العمل.

اسلامنا هو النور

2012-10-11, 20:42

معكم بادن الله.

mimi311

2012-10-11, 20:44

mimi311

2012-10-11, 20:49

اختي هنا

طبيعة الاستجابة: فعل لا إرادي. التعليل: لأنه يتدخل في حدوثها النخاع الشوكي (مركز عصبي).
درتي غلط قد ياديكي للهلاك هه باسكو كي يعطونا وثيقة نجوبو على حساب شفيها اما تحليل او استخراج معلومات
وفي الوثيقة مكانش نخاع شوي بصح قالونا يؤدي دوما الا تمدد عضلة الساقة
يعني الضلة لي نبهوها هي لي استجابت والله اعلم ننتظر اجابة اخرى

mimi311

2012-10-11, 20:50

اهلا همسة بانتظار محاولتكي

اسلامنا هو النور

2012-10-11, 20:52

ممكن اختي تتفضلي في موضوعي و تجيبي على سؤالي لانني احتاجه ضروري
وان قاطعتكم ...
هدا هو الموضوع ...و عدرا على المقاطعة..

http://www.djelfa.info/vb/showthread.php?p=11865411#post11865411

karima ikram

2012-10-11, 21:07

اهلا اختي
ممم قليلي فاش راكم حابسين وشمراكيش فاهمة بلاك نقد نعاونك ولا لي يدخل يعاونك

الدعامة التشريحية للمنعكس العضلي حابة نفهم التجربة الوثيقة 4

ahlemmaths

2012-10-11, 21:07

انا صدقوني ما عرفت نجاواب على خاطر ماني فاهمة والو

mimi311

2012-10-11, 21:09

تم اختي في انتظار محاولتك

mimi311

2012-10-11, 21:24

الدعامة التشريحية للمنعكس العضلي حابة نفهم التجربة الوثيقة 4
**************************************************
حتى انا مكنتش فاهمتها مي هي ساهلة غير راكي معقدتها
قالولك في الاول قطع العصب الشوكي شلل وفقدان الاحساس يعني مكاين لا رسائل حركية لا حسية
خرجنا بنتيجة بلي العصب الشوكي مختلط في حسية وحركية
وكي قطعنا الج\ر الامامي شلل بصح كاين احساس وكي نبهنا في الجزء المحيطي دار تقلص يعني حركة خرجنا بنتيجة بلي ه\اك الج\ر تتمشى فيه الياف حركية وسمينا ه\اك الطريق بالنابد يحتوي على الياف حركية
وكي درنا قطع في الجدر الخلفي وين كاين العقدة الشوكية مكانش احساس بصح كاين حركة
وكي نبهنا الجزء المركزي كاين الم يعني احساس
والنتيجة هي الج\ر الخلفي ينقل سيالة عصبية في الاتجاه النابد

نعمة القدوس

2012-10-11, 21:27

ممكن راكــــي محقة أختي.

بالصح نسأل أولـــا ونتـأكد.

بالتوووفيق.

mimi311

2012-10-11, 21:28

وفي الاستحالة على حساب مفهمت هي نفصلو حاجة على حاجة ودرنا ها\ التجربة باش نعرفو وين راهي الاجسام الخلوية
كي طبقناها على الجزء المحيطي لقينا بلي الاجسام الخلوية في النخاع الشوكي
وفي 2 لقينا الاجسام الخلوية للالياف المحركة في المادة الرمادية
وعرفنا بلي السيالة العصبية تنتقل في اتجاه الجسم الخلوي
اما الحسية لقينا الاجسام الخلوية تاعها في العقدة الشوكية ه\اك الانتفاخ
يعني بسطة ان شاء الله تكوني فهمتي ولو شوي

mimi311

2012-10-11, 21:29

انا صدقوني ما عرفت نجاواب على خاطر ماني فاهمة والو
************
شماراكيش فاهمة اختي رانا هنا قاع نتعاونو

mimi311

2012-10-11, 21:30

ممكن راكــــي محقة أختي.

بالصح نسأل أولـــا ونتـأكد.

بالتوووفيق.
****************************************
شفتها في انال و بغيت نتاكد كثر
حاطين الاجابة لان العضلة المنبهة بالتمدد هي التي تقلصت

mimi311

2012-10-11, 21:45

انا عندي بروبلام في المقوية العضلية للان مفهمتهاش الاستادة مجبدتلناش عليها والفرض موحد
ياريت احد يساعدني

نعمة القدوس

2012-10-11, 21:45

أهــــا ..

شكرا أختي ع المعلوومة

ممكن تقوليلي اسم هاد الأنال ؟ باه نشريه

mimi311

2012-10-11, 21:53

سموه المتميز بصح لقيت فيه غلطة على ه\ا بغيت نتاكد هه
صح يفهم شوي مي لالقيتي خير منو احسن

يُوسفـہ

2012-10-11, 22:12

انا عندي بروبلام في المقوية العضلية للان مفهمتهاش الاستادة مجبدتلناش عليها والفرض موحد
ياريت احد يساعدني

المقوية العضلية هو ادنى نشاط تحافظ عليه العضلة اثناء استرخاءها معناه . ان العضلة لا تكون في حالة راحة تامة اثناء استرخاءها اي تستقبل رسائل عصبية منتظمة

هذا ما اعرفه عيها

mimi311

2012-10-11, 22:20

بارك الله فيك اخي في الصفحة الاولة حاطين موضوع رانا نتناقشو عليه ا\ا اردت
تجاوب باش نجمعو قاع الاجابات ونخرجو باجابة وحدة *-*

صائمة لله

2012-10-12, 09:48

شكرا اختي اختبار هايل اجابتي لاتختلف عن اجابتكم لكن في الاول لما اجيب انها لاارادية والتعليل ان النخاع الشوكي هو المركز الاجابة كافية ام لا

عاشق الريال

2012-10-12, 10:41

1 فعل غير ارادي انعكاسي
ع1 عضلة باسطة
ع2 غضلة قابضة
دور النعكس العضلي الحفاط على وضعية الجسم وتوارنه
احدوث النعكس يتطلب
مستقبل حسي
ناقل حسي
مركز عصبي
ناقل عصبي حركي
اغضاء منفذة العضلة القابضة و الباسطة

3alaa bouali

2012-10-12, 10:46

انا شعبة الرياضيات ماقريناش هذا الدرس قرينا على الخلية

souhila245

2012-10-12, 14:03

انا محتاجة الاجابة تاع الجزء التاني الع المنحنيين و الرسم التخطيطي تاع العصبونات

لانو الاستا\ اعطاهولنا واجب

و في الحقيقة معرفتش التسجيل الثاني ادا كان فرط في الاستقطاب و لا كمون راحة و حابة نعرف كيفاش نفرقو بيناتهم

و ممكن اجابو عن هده الاسئلة بخصوص نفس التمرين

ماهي التغيرات الكهربائية على مستوى الالياف ??

و اي العصبونين متصل بالعضلة المتقلصة ????

ارجوكم اريد الاجابة لانو ممكن يديرولنا نفس التمرين في الفرض و انا مارانيش فاهمة التجربة

ممكن تفهموني ارجووووكم :sdf::sdf:

mimi311

2012-10-12, 16:43

شكرا اختي اختبار هايل اجابتي لاتختلف عن اجابتكم لكن في الاول لما اجيب انها لاارادية والتعليل ان النخاع الشوكي هو المركز الاجابة كافية ام لا

لالا تعتبر اجابة خاطئة اختي تعرفي الاسات\ة معقدين
لاحضي الوثيقة مكانش مركز عصبي فيها
الجواب هو
استجابة لا ارادية **منعكس عضلي** لان العضلة المنبهة هي التي استجابة الا التنبيه

mimi311

2012-10-12, 16:45

ببالنسبة لجزء التاني
http://2as.ency-education.com/uploads/1/0/9/0/1090282/6724404.jpg?600x700

mimi311

2012-10-12, 16:48

mimi311

2012-10-12, 16:50

اخي عاشق الريال ركز في اجاباتك ناقصة نوعا ما
++++++++++
اهلا بك اختي للاسفة دروسنا مش كيف كيف

souhila245

2012-10-12, 17:04

جاري الحل اختي اعت\ر مكملتش التمرين كنت باغيا الجزء الاول وممبعد 2 حاولي فيه اختي ولمعرفتيش نعاونوك
كي تحاولي احسن :19:

حاولت اختى وهادي هي الاجابة و لكن مش متاكدة لربما تقدرو تصححوهالي

تحليل النتائج

في التسجيل 1
نسجل كمون عمل احادي الطور ابتداءا من كمون راحة

في التسجيل 2

نسجل فرط في الاستقطاب

التفسير

1/ انتقال السيالة العصبية من ل1 الى الليف 2 عبر المشبك ا 1

2/ التفسير التاي معرفتش لمادا فرط في الاستقطاب

و الاسءلة الاخرى ايضا

و انا عندي نفس التمرين و طارحين هاداين السؤالين

ما هي التغيرات الكهربائية المتوقعة في ل1 ل 2 و ل3 علل اجابتك

احد العصبونات متصلة بالعضلة المتقلصة من هو علل اجابتك

:confused::confused::confused:

mimi311

2012-10-12, 17:45

ه\ا هو تحليلي اختي
في الوثيقة 3 تنبيه لليف العصبي 1 وتسجيل كهربائي لكل من الالياف ل2ول3 بحيث يتفرع الليف 1 ليمر عبر العصبون الف فيتم تسجيل كمون عمل
ويمر على عصبون ن ال\ي هو العصبون الجامع تم العصبون الحركي ب فيتم تسجيل كمون راحة
مقالوناش فسير نتقيدو بالاجابة
2 العلاقة
اثناء مرور الرسالة العصبية الحسية عبر العصبون الف تتحول الى رسالة حركية منبهة لتتجه الى العضلة الباسطة فتتقلص ع1
اثناء مرور الرسالة العصبية عبر العصبون الجامع تصبح رسالة عصبية حسية مثبطة لي تنتقل الى العصبون الحركي ب فتصبح رسالة عصبية حركية مثبطة
تتجه الى العضلة القابضة المضادة للاولى فتامرها بالاسترخاء
اثناء تمدد الساق
3 الفرضية التي يمكن اقتراحها ينتج عن تبيه الليف العصبي تتولد رسائل عصبية حسية التي تتحول الى رسائل عصبية حركية منبهة ومثبطة .
ا\ا هناك خطا ممكن تصحيح
بحيث نلاحظ تسجيل كمون كمون عمل في ل2 وتسجيل كمون راحة في ل 3

mimi311

2012-10-12, 17:55

اين هو نشاااطكم

ابن خلدون 27

2012-10-12, 18:02

مرحبا
هذه الفكرة رائعة اذ انني واقعة في مشكلة في فهم درس الادماج العصبي خصوصا فكرة ان الدماغ يرسل رسالة عصبية مثبطة للعضلة الباسطة فسؤالي هو لما لا يرسل رسالة منبهة للعضلة القابضة لتتقلص و اريد شرحا مفصلا للمخطط ص29.
ولكم مني كل التقدير لجهودكم و جعلها الله في ميزان حسناتكم ان شاء الله.

الدرة المصونة‎

2012-10-12, 18:17

التمرين الاول
طبيعة الاستجابة منعكس عضلي التعليل لان العضلة المنبهة هي التي قامت بالتقلص
ع1 عضلة باسطة دورها التقلص
ع2 عضلة قابضة دورها الاسترخاء
3 دور المنعكس العضلي المساهمة في توازن الجسم اجابتي ناقصة هنا
بانتظار محاولتك اختي

السلام عليكم ...

احنا في العلوم ماكنش عندنا استاذ مزالنا في الدرس الأول

لكن بالنسبة للعضلات المتضادة

الباسطة هي التي تتمدد

و القابضة تتقلص

أليس كذلك أختي ؟؟