ما الذي كنتم ستفعلونه لو كنتم مكاني؟؟؟؟

[أمينة1994]

السلام عليكم

أنا طالبة في السنة الأولى بالمدرسة العليا للأساتذة فرع فرنسية معلم مدرسة ابتدائية

حصلت على شهادة البكالوريا السنة الماضية بمعدل 14.80 شعبة علوم تجريبية وسجلت في هذا الفرع مضطرة غير باغية وأريد الآن أن أعيد اجتياز البكالوريا كمترشحة حرة

أردت أن اطلب رأيكم حتى لا أندم فيما بعد

ما رأيكم؟

هل أجمد السنة الدراسية وأتفرغ للبكالوريا أم أدرس هنا وهناك؟

علما أنني لا أملك أي رغبة لدراسة هذا الفرع أو حتى التدريس

كما أنني أخشى ان لا أحصل على معدل عال وأضيع

أشيروا علي من فضلكم

[الزهرَاء~]

وعليكُــم السَّلآم ورحمَــة الله تعَــآلى وبركَــاتُه ،،

أحسَــن حلِّ في هده الحَــالة هو أن تصلِّي صَلاَة استخَــارة فالله أعلَــم بمَــا هُو أحسنُ بالنسبَــة إليكِ
أمَّــا إن أردتِ رأيي فأنَــا أرى أن تجمِّدِي السنَــة الدراسيَّــة وتتفرغِــي للدرَاسَــة لأنَّــه سيصعُب عليكِ قليــلاً التوفِيق بين الدرَاسَــة في الجَــآمعَة والتحضِِير لشهَــآدة البكآلُوريَـآ
لكن أنصحُكِ بصلآة الإستخَــآرة فكثيــر ممن أعرفُهُم جمدوا السنَّــة وتفرغوا للبكَــالوريا لكن معدلهم كَان أدنَــى بكثير من معدل المرة الأولَى
وفي الأخِيــر أتمنى لكِ التَّوفيق أختٍي ..دَعوَاتُكِـ :)
---
--
-

[Hind_dz]

نعــــم، أنا أوافق الاخت الزهراء.. عليك بالاستخارة فهي الحل الوحيد أمامك لتعرفي الصواب

[أمينة1994]

جزاكم الله خيرا على المرور الطيب

[sarah milano]

-تفكرتك لانني انا تاني جبت 14.82 و الرياصيات هي لي هبطلتلي المعدل و رغم اني نحب الرياصيات و كنت متيقنة نجيب 18.5 لكن كنت عيانة هداك النهار لانني نهار عربية رقدت 2س و السوجي غاع راح اخطاء حسابية تامني مكاش حاجة منعرفهاش مي اخطات ف حساب دالتا و خدمت بالمسودة و بديت بتمرين متتاليات و ماقلتش بسم الله و غلطت فب حساب الاشعة معنتها معادلة مستفيم محورس كي نعوص ...و المسافة كبيرة و ...و


يا اختي اول حاجة توكلي على ربي و دعي ربي كل ما تصلي و ماتسمعيش لخراطين لي يقولولك كيفاش تضمني جيبي مليح ا...و لكاسيتا تعرفيها بلا منقولك .
يعني تجي في بالك نتي راكي نحيتي هده الفكرة نتاع نجيب معدل اقل و رانا في اكتوبر و مزلتي معلابلكش واش ديري انا نقولك انت مسؤولة لزم نتي تقرري لروحك .و علابلك بلي نفس الافكار تؤدي الى نفس النتائج كيما قاللهم انشطاين "الجنون هو فعل نفس الاشياء و انتظار نتائج مختلفة " حتى الله لا يغير ما بقوم حتى يغيروا ما بانفسهم .بطريقة اخرى ادا بقيتي عام كامل تخمي بفكرة كما أنني أخشى ان لا أحصل على معدل عال وأضيع متتخلعيش ادا جبتي 14.12 .

لكن نقدرو نستعملو القانون هدا باش نحافظوا على 14.82 و نحسنو واش بقالنا و يجب التفكير في الأشياء لي تخليك تقدمي ماشي الأشياء لي تخافيها

والله لايصضيع اجر المحسنين

ووعلاش تروحي تقراي حاجة متحبيهاش

[rimalarose]

انا انصحكي با ان تدرسي هنا وهناك حتى ولو قدر الله ولم تحصلي عاى شهادة الباكلوريا كي لا تندمي

[zizou93]

اهلا خيتوووووووو

مازلتي راكي تعاني ربي يكون معاك

شوفي ياختي واحد ماراهو ضامن ختى في حاجة تخيلي بلوكيتي العام عام كامل ونتي توجدي للباك

تقراي تقراي تحفظي المهم كلشي واجد نهار الباك طحتي مريضة فالفراش "الله لا يقدر بعيد الشر عليك"

واش راح يكون موقفك

اذن نتيا اضربي عصفورين بحجر واحد اقراي منا و منهيه

ربي يوفقك

[Aicha1994]

انا لوكان جيت في بلاصتك نقراهم في زوج يا اختي هذا رأيي الشخصي...وتوكلي على ربي وصلي وديري الحاجة الي مقتنعة بيها وماتسمعيش لكلام الناس **كلام الناس غاية لا تدرك**

[Al-Wassim]

صلاة الاستخارة


هل أجمد السنة الدراسية وأتفرغ للبكالوريا ؟


اقول لك نعم حسب رأيي الشخصي


معدل 14 من المفروض تكون دراسة راقية


فرنسية هي قمة الانحطاط .


الله يوفقك ويسعدك .

[silya28]

أختي صلي صلاة استخارة .... و أنا نظن بلي لازم تبعي l'envie تاعك .... ماديريش حاجة من فوق قلبك .... خاطر ما نظنش بلي راكي رايحة تنجحي في حاجة ماكيش حابتها ....... و أنا نقترح عليك تبلوكي العام و دير واش راكي حابة ...............
بالتوفيق ........... ســــــــــــــــلآآآآآآآآآآآآم

[أمينة1994]

أشكركم على التفاعل

[أمينة1994]

اهلا خيتوووووووو

مازلتي راكي تعاني ربي يكون معاك

شوفي ياختي واحد ماراهو ضامن ختى في حاجة تخيلي بلوكيتي العام عام كامل ونتي توجدي للباك

تقراي تقراي تحفظي المهم كلشي واجد نهار الباك طحتي مريضة فالفراش "الله لا يقدر بعيد الشر عليك"

واش راح يكون موقفك

اذن نتيا اضربي عصفورين بحجر واحد اقراي منا و منهيه

ربي يوفقك


آآآآآمين

يا أختي خايفة يطيح الحجر في نص الطريق ما نضرب لا ذاك لا ذاك

أصلا الفرنسية ماشي داخلة في راسي خلاص تصوري لما يدخلوا الأساتذة أنا نرقد دائما لأني ما عندي أي اهتمام باه نقراها

++ تعرفي الفرنسية لي كنا نقراوها في الليسي 3 سوايع في الأسبوع هنا رانا نقراوها يوميا بتوسع كبير والأدب الفرنسي وتاريخ اللغة ومعلاباليش وشنو ثاني

أنا في الليسي هاذوك 3 سوايع نفوتهم بالسيف الحمد لله نفهم الفرنسية مي ماكنتش متصورة نتخصص فيها

أصلا حتى لوكان منجيبش الباك المرة الثانية مانكملش فيها ندير ترونسفار رياضيات وإعلام آلي

وش رأيك ضرك حنونة

[zizou93]

والله ياختي واش راح نقولك مادام مابغيتيهاش وراح تحولي منها عاجلا ام اجلا

تقدري امالا تبلوكي العام و تتفرغي للباك و ياجات يا راحت و ان شاء الله تجيبيه بمعدل مليييييييييييييح

راني نتخيل روحي في بلاصتك ولكن رياضيات و ليست فرنسية

لانو رايك فالفرنسية نفسو رايي فالرياضيات

امالا لوكان جيت في بلاصتك و كنت نقرا تخصص مانحبوش (رياضيات)

كنت نبلوكي العام و نتفرغ للباك وكيمة جات جات وواش كتبهولي ربي راح يكون

زيدي ديري استخارة و قرري

ربي يوفقك وان شاء الله تحققي طموحك فالباك هاذا

[♫ وهج الأمـل ♫]

السلام عليكم
كيف الأحوال أختي ؟
صلاة الاستخارة أول شيء ينبغي عليك فعله
ثم أنت الأدرى بمصلحتك منا
برأيي لا تستطيعين أن تضمني المستقبل
لذلك عليك الاحتياط له ..
قصدي هو أن تدرسي التخصص الي اخترته و في نفس الوقت تحضري للباكالوريا
فحسب ما قلت لي سابقا التوقيت ليس مكتظا و سيساعدك على توفير الوقت للمراجعة
+ اجتزت الباكالوريا من قبل و هذا سيجعل اجتيازها للمرة الثانية أمرا سهلا
فبالنسبة للمواد العلمية سيكون عليك مراجعتها مراجعة خفيفة لا غير ثم التوجه إلى حل أكبر عدد ممكن من المواضيع
أما المواد الأدبية تقريبا نفس الشيء .. ما عدا العلوم الاسلامية و الاجتماعيات
فإن كانت ذاكرتك قوية فستكون مراجعة الدروس سهلة جدا و ستظمنين 18 أو 19 بسهولة بإذن الله مادمت تريدين ذلك أختي
+ معك عام بأكمله و سيكون كل شيء على ما يرام
أنت صلِّ صلاة الاستخارة ثم اختاري ما يناسبك
موفقة بإذن المولى
سلآ~~مـ

[أمينة1994]

والله ياختي واش راح نقولك مادام مابغيتيهاش وراح تحولي منها عاجلا ام اجلا

تقدري امالا تبلوكي العام و تتفرغي للباك و ياجات يا راحت و ان شاء الله تجيبيه بمعدل مليييييييييييييح

راني نتخيل روحي في بلاصتك ولكن رياضيات و ليست فرنسية

لانو رايك فالفرنسية نفسو رايي فالرياضيات

امالا لوكان جيت في بلاصتك و كنت نقرا تخصص مانحبوش (رياضيات)

كنت نبلوكي العام و نتفرغ للباك وكيمة جات جات وواش كتبهولي ربي راح يكون

زيدي ديري استخارة و قرري

ربي يوفقك وان شاء الله تحققي طموحك فالباك هاذا

إن شاء الله يا أختي كامل نحققوا طموحاتنا

تفكريني بدعوة في صلاتك حنونة

موفقة بإذن الله

[أمينة1994]

السلام عليكم
كيف الأحوال أختي ؟
صلاة الاستخارة أول شيء ينبغي عليك فعله
ثم أنت الأدرى بمصلحتك منا
برأيي لا تستطيعين أن تضمني المستقبل
لذلك عليك الاحتياط له ..
قصدي هو أن تدرسي التخصص الي اخترته و في نفس الوقت تحضري للباكالوريا
فحسب ما قلت لي سابقا التوقيت ليس مكتظا و سيساعدك على توفير الوقت للمراجعة
+ اجتزت الباكالوريا من قبل و هذا سيجعل اجتيازها للمرة الثانية أمرا سهلا
فبالنسبة للمواد العلمية سيكون عليك مراجعتها مراجعة خفيفة لا غير ثم التوجه إلى حل أكبر عدد ممكن من المواضيع
أما المواد الأدبية تقريبا نفس الشيء .. ما عدا العلوم الاسلامية و الاجتماعيات
فإن كانت ذاكرتك قوية فستكون مراجعة الدروس سهلة جدا و ستظمنين 18 أو 19 بسهولة بإذن الله مادمت تريدين ذلك أختي
+ معك عام بأكمله و سيكون كل شيء على ما يرام
أنت صلِّ صلاة الاستخارة ثم اختاري ما يناسبك
موفقة بإذن المولى
سلآ~~مـ



وعليكم السلام

أنا الحمد لله واعذريني لأنني انقطعت عنكم ليس بيدي والله ...........في الإقامة كاين الويفي مي أنا مقدرتش ندخل للمنتدى من بورتابلي

سأصلي صلاة الاستخارة بعد صلاة العشاء بإذن الله وأرى ما علي فعله رغم اني متأكدة أني لن أستطيع إكمال الدراسة فيها

ما قلته لك عن البرنامج صحيح لكن عنما بدات الدراسة عرفت كل شيء بنفسي

الإقامة بعيدة جدا عن المدرسة حوالي ساعة في الحافلة )ساعة ذهابا وساعة إيابا) أضف إلى ان الدراسة ليست ممتعة لا توجد فيها أي حيوية تجعلك تحبينها خاصة لأنني كنت علمية أحب التطبيق لكن المواد التي ندرسها كلها كلام وإملاء وكتابة

وأنا من الناس لي لما نسمع بزاف ننعس ونرقد

سأخبرك بقراري غدا بإذن الله

وأدعو الله ان يوفقني لاختيار القرار الصحيح وان لا اندم بعدها

أحتاج دعائك لي بظهر الغيب

سلااااااااام

[RADJA RYM]

بخصوص هاد الموضوع انا استخرت شحال من مرة و بانتلي نعاود و نقرا قي الجامعة و مبعد عاودت بانتلي ما نقراش في الجامعة على خاطر اللي نتلاقا بيه يقلي بلوكي العام فاحترت و الله ما عرفتش واش نتيجة استخارتي لانه في الاول تلاقيت بناس قالولي ما ضيعيش العام و مبعد ناس اخرين كل قالوا العكس فماذا افعل

[intissar ben]

يا اختي انا من راي تكملي تقراي متجمديش العام باسكو تقدري تجمديه وتعودي الباك وتتحصلي علي معدل ميش مليح و يروحلك العام هكذاك
والله شحال من وحدة قرات معايا جمدو العام و عاودو الباك ومتحصلوش عليه وراح العام
واذا مكيش حابة هذ الشعبة شوفي كيفاه تبدلي معا انك ماكيش رايحة تلقاي احسن من المدرسة العليا ناس بزاف تمناوها و ماوصلولهاش
وربي ويوفقك وان شاء الله تأخذي قرار لي متندميش عليه

[miloud3]

السلام عليكم
أختي انا راني في نفس المكان نتاعك بصح ان شاء الله راح نكمل قرايتي و ديجا سجلت للباكالوريا في الموقع و رايح نقرى على الجيهتين ان شاء الله
و ثاني الفرع انتاعك ما تفرطيش فيه لخطراش كاينين لي بلوكاو الجامعة و قراو للباك بصح و الله ما داوه
انتي توكلي على رب و على روحك و ان شاء الله نكونو من الموفقين

[أمينة1994]

أتقدم بكل الشكر لمن مر بهذه الصفحة وترك فيها رأيه

أشكر كل من حفزني وكل من طلعلي المورال

جزاكم الله خيرا

سأذهب إلى الطبيب اليوم بإذن الله ليمنح لي شهادة طبية لا أدري إن كان الأمر سينجح أم لا لكن أنا صليت صلاة الاستخارة ووجدت أن التجميد أفضل لي والله أعلم

على العموم سأخبركم بما سيحصل معي بإذن الله تعالى

تحياتي

[zizou93]

أتقدم بكل الشكر لمن مر بهذه الصفحة وترك فيها رأيه

أشكر كل من حفزني وكل من طلعلي المورال

جزاكم الله خيرا

سأذهب إلى الطبيب اليوم بإذن الله ليمنح لي شهادة طبية لا أدري إن كان الأمر سينجح أم لا لكن أنا صليت صلاة الاستخارة ووجدت أن التجميد أفضل لي والله أعلم

على العموم سأخبركم بما سيحصل معي بإذن الله تعالى

تحياتي
ربي يوفقك اختي

المهم ان شاء الله يكون هاذا القرار صحيح و يساعدك

ربي يوفقك

وارجعي قوليلي واش درتي فيها

موفقة

[k_takoua]

ربي يوفقك و يوفقنا كامل انا راني ديجا حايرة كيفك و لكن العايلة قررت اني منبلوكيش
و ملزوم عليا نقرا فارماسي
و لي تسقسيه راح يقولك بروgرام تاعنا شارجي
و الباك من جهة
ربي يستر

[zizou93]

ربي يوفقك تقوى

[k_takoua]

ان شاء الله حنونة
حقا نسقسيك انت من باتنة ولا لالا؟

[zizou93]

ان شاء الله حنونة
حقا نسقسيك انت من باتنة ولا لالا؟
نعم انا من باتنة و بالتحديد من المعذر