المتزوجات و ال ******** [الأرشيف] - منتديات الجلفة لكل الجزائريين و العرب

مشاهدة النسخة كاملة : المتزوجات و ال ********

milka40

2012-10-11, 17:22

السلام عليكم و رحمة الله

ربي يخليكم قوليلي انا اللي معقدة ولا الدنيا الي سابقتني راني نشوف في الشات ولات حاجة عادي بالنسبة للمتزوجات و المخطوبات قصدي اللي مرتبطين الراجل يشوف مرتة تحكي مع اخرين و تحط التعليقات لرجال اخرين خاصة في الفايسبوك و عااااااااااااااااااااااادي قال واش قال او عندي كلمة السر تاعها و اي تحكي مع البنات برك .....واشي هاذا الرجلة ربي يبارك فرات

سارة البوسعادية

2012-10-11, 18:30

لالا ماكيش معقدة العباد الي جات تتفتح طاحت في حفرة

انا ضد هذه المواقع وصراحة الي يخلي مرتو تدخل ليه (.................)

المرا كي تتزوج تضهر اهتمامات في حياتها ودخولها للنت ينحصر في ضروريات

مثل تعلم اشياء مفيدة او ايجاد حلول لمشاكلها

وليست الدردشة مع الرجال او الاطفال

والله راحت الدنيا

كاميلا

2012-10-11, 19:56

صح عندك الحق انا امتلك حساب فيسبوك لكن فيه الا العايلة والصديقات ومعنديش خلاص رجال

الدر المكنون

2012-10-11, 22:29

ياو النخوة بح ماتت

المراة ماهي مراة والراجل مهو راجل

انا شخصيا ما نستعرفش بوسائل الاتصال هذه ***** وفايس وما عنديش لا ختر ما نحتاجهاش وقتي عزيز علي

Anis_2012

2012-10-11, 23:53

صح هذا الشيء راه كاين منه بزاف وحدة متزوجة ولا نقولو مخطوبة ودردش مع الرجال في face book او msn ولا حثى في المنتديات .ياختي راهم يقولو عادي مجرد اصدقاء لكن نقولك كاين رجال مايسمحوش بهذا الشيء وأنا واحد منهم ومانسمحش مرتي دير هذا الشيء.

sarl02

2012-10-12, 12:21

للاسف توجد هذه الظاهرة وانتشرت لكن التي تاكدي انها تفعل هذا خلسة عن زوجها او خطيبها وخاصة المخطوبات اتقولك ها انحي ضيقة الخاطر حتى نتزوج والله لامر مؤسف .

ما فهمت والو

2012-10-12, 14:38

انت راكي عادية هاد النوع من الناس هم اللي فهمو الدنيا بالعكس
ربي يثبتنا على الدين

panpouna

2012-10-12, 15:54

الفايسبوك يجيب غير الهم و المشاكل و لي حب يهدر مع العائلة و الاصدقاء كاين تيليفون و لا يزورهم ادا كانو قراب احسن هادي نصيحة عن تجربة وكل واحد حر

السيدة كرمين

2012-10-13, 20:40

لي نعرفوا أن المحترمة محترمة سواء متزوجة أو لا لأن مش راجلها راجل وباباها أو خاوتها لا هذا عن التمييز بين المتزوجة وغيرها.

بالنسبة للفايسبوك هو مثله مثل المنتدى لما يكونوا اشخاص كثر يناقشوا موضوع بدون خصوصية ونحوها ودون خضوع في القول
حتى لا يطمع الذي في قلبه مرض وين المشكل؟
والثابت في السنة و التابعين ان النساء كن يجادلن في أمور دينهم وحياتهم حتى الخاصة و العامة ولنا في قصة المجادلة مع رسول الله صلوات ربي عليه وقصة الشفاء مع سيدنا عمر المثال وغيره كثير

..أما الشات فكلامك صواب ربي يهدي وفرات

حزن بحر

2012-10-13, 21:37

ربي يهدي ماخلق
كثرت الفتن ولازم الواحد يحكم في روحو

بنت غليزان

2012-10-13, 21:58

للاسف هدي الظاهرة طغت بقوة

جمال الدين الأفغاني

2012-10-14, 16:18

فانتظر الساعة

لميس اميرة

2012-10-15, 10:08

الله يسمح لناس السكا لانك تقدري تحصريه فالاتصالات فقط

اما الفايس راهو غول من الافضل الواحد او الوحدة ما يسجلوش فيه

همسة مشاعر

2012-10-21, 15:51

والله مضنيتش كاين بنات يشوفهم ازواجهم يدخلو للفايسبوك ويشاتيو مع رجال ويسكتو خاطر يسمى دايوث

لؤلؤة الفردوس

2012-10-25, 12:39

اللهم اغفر لهم فانهم لا يعلمون مايفعلون

http://sphotos-g.ak.fbcdn.net/hphotos-ak-ash4/602522_378532635559480_1728812442_n.jpg

مريم الصابرة

2012-10-25, 13:53

السلام عليكم اختي
شوفي كل شي من الصراحة لو مثلا انا راني مشاركة او أنت في منتدى الجلفة وتنخطبي لازم تصارحيه وتقوليلو قبل كان بها ولما تنخطبي تولي ما تناقشيش الرجال ادخلي لركن الطيخ تجهيز العرائس وحتى لو ناقشت في امر ما تناقشيش الرجل وكلمة السر عند خطيبك اكيد كان يقبل كان لا خلاص عادي أما متزوجة فلا وألف لا حتى هذي خيانة فكرية ربي يبعدنا عليها واللي يخلي مرتو تحكي مع الرجال هذا ما نحكوش عليه لا تعليق الله يهدينا.

الفقيرة الى الله

2012-10-25, 14:29

لا حول ولا قوة الا بالله ....والله يا أختي حتى أنا لاحظت هدا الأمر ومخلوعة كيما يقولو ربي يستر

moham630

2012-10-25, 14:45

الله يهدينا ويسترنا

staifia

2012-10-25, 15:03

ماشيـ انتي اللي معقدة ... الناس لي تغيرت عقلياتهــم ,,, وانا في نظري اللي يخلي مرتو تشاتي مش راجــل ,,, وين راحت الغيرة تاعو على شرفو ,,,
النت مش عيب لكن في حدود ومفيدة عند اللي تعرف تستغلهـــا
شكرا

Amir 1993

2012-10-25, 15:12

السلام عليكم يسمى هذا النوع من الرجال بالديووووووووووووووث حيث اسماهم الرسول صلى الله عليه وسلم بهذا الاسم وهم الذين لا غيرة لهم على زجاتهم وبناتهم

ربي لا يجعلنا منهم ويقينا شرهم

آمييييييييييييين

*سيرتا *

2012-10-25, 20:20

نفس الشئ يتعلق بالرجال كما هو الحال بالنسبة للنساء .. على ما اظن اصبحت الدردشةفي المنتديات والمواقع الاجتماعية واجهة التحضر لكلا الجنسين...لست بالمعقدة يا اخيتي فتفكيرك سليم .. الله يهدينا و يهدي الجميع

ملاك الامل

2012-10-25, 20:25

انا ما تحيرنيش المرة كيما يحيرني الراجل المتزوج الي يششاتي

ام ايمان1

2012-10-30, 20:37

الحمد الله مانيش مسجلة في الفايسبوك واولادي كذلك انادائما استعمل هده الوسائل غير في الخير ربي يلطف بينا