كل ام تحكيلنا اصعب موقف مر عليها مع طفلها...

[ام مريومة]

اكيد كل ام مرت باوقات صعيبة في تربية اولادها كما انها واجهت مشاكل في التاقلم مع الحياة الجديدة في وجود المولود الجديد خاصة للام لاول مرة ،لماذا لا نحكي تجاربنا اولادنا و نتكلم على مواقف صعبة واجهتنا حتى نستفيد من تجارب بعضنا و نتعلم في حالة ما واجهنا نفس المشكل في المستقبل
بسم الله رح نكون انا اول واحدة نحكيلكم على موقف صعيب مر عليا خاصة انني ام لاول مرة و ضعت ابنتي كان عمرها خمسة اشهر في العربة دون ان اضع لها الحزام حتى احضر لها الطعام و لكن في رمشة عين و قفت في العربة و سقطت على راسها و سمعت صراخ و لكن حتى الان لم يحدث شئ و لكن بعد مرور ست ساعات بدات يغمى عليها و بدات تتقبا و استمرت هكذا مدة ساعة و انا ارشها بالماء و لكن بدون جدوى فاخذتها على المستشفى و عملولها راديو على راسها و لكن. الحمد الله لم تصب بكسور و مرت الحادثة يسلام لذلك لاتنسي الحزام في العربة مهما كان طفلك. امام عيناك
ارجو تفاعل من الامهات :mh92::

[*أمة الله*]

hhhhhhhhhhhh mazalte manwili oum hhhhhhh

[ام مريومة]

إنشاء الله ربي يزقك بالزوج الصالح والذرية الصالحة
وينكم ياأمهات؟

[شمس 15]

أنا خطرة كانت بنتي حوالي 4 أشهر حطيتها فوق السرير و رحت ديت خوها يرقد في ظرف أقل من 2 د نسمع حس صحيح عرفت بلي بنتي لي طاحت وليت شغل فاقدة الوعي نعيط يا يمة بنتي طاحت أنا قلت خلاص و هي صغيرة بيبي مع الطيحة كشما صرا فراسها و لات هي سكتت و نا ولا زوجي يسكت فيا و شربلي فالماء نقول أنا لي طحت هههههه.يا أمهات غير صغير يقفل 3 شهوز ما تحطوهمش فسرير يبداو يتحركو يعودو يطيحيلكم.
و الثانية مع وليدي رحنا نشرو فواحد لحانوت شرينا شية حوايج و دايرين لفوق دروج تع تريسيتي لحوايج لرججال وقفت أنا وزوجي نعلقو صاشيات فلبوسات ووليدي غفلني وراح يجري و الكارثة و أطلع فدروج لي هبطوكي عاد خفيف أطلعهم و ختك تجري و تخطفو وش نقولك تكركبت معاه ولحقتو شحال صعيبة تطلعي فدروج يهبطو ما يطلعوش زوجي.جامي لندييرو لامان فيهم.

[الغيورة على دينها]

شكرا أم مريومة على الموضوع.
أصعب موقف مر علي هو عندما وجدت إبنتي الباب مفتوح وخرجت ولم نلاحظ خروجها أنا وأبوها، عادة لا نترك الباب مفتوح لكن ذلك اليوم كان أصدقاء زوجي ينتظرونه عند الباب فترك الباب مفتوحا كان عمرها آنذاك حوالي سنتان لا يمكنكم أن تتصورو كيف أصبحت، جُن جنوني وكدت أخرج للبحث عنها بدون حجاب -بالبدعية نتاع الدار- وبعد بحث طويل وجدناها تلعب مع بنات في مكان بعيد عن المنزل
المواقف كثيرة، لي عودة للموضوع إذا تذكرت موقف آخر.

[sarra5]

rabi yahmi awladkom men kol char ya rab

lazem managhaflouch 3lihom khlas pask les bebes f ramchet 3in ydiro la3jab

[ام مريومة]

أنا خطرة كانت بنتي حوالي 4 أشهر حطيتها فوق السرير و رحت ديت خوها يرقد في ظرف أقل من 2 د نسمع حس صحيح عرفت بلي بنتي لي طاحت وليت شغل فاقدة الوعي نعيط يا يمة بنتي طاحت أنا قلت خلاص و هي صغيرة بيبي مع الطيحة كشما صرا فراسها و لات هي سكتت و نا ولا زوجي يسكت فيا و شربلي فالماء نقول أنا لي طحت هههههه.يا أمهات غير صغير يقفل 3 شهوز ما تحطوهمش فسرير يبداو يتحركو يعودو يطيحيلكم.
و الثانية مع وليدي رحنا نشرو فواحد لحانوت شرينا شية حوايج و دايرين لفوق دروج تع تريسيتي لحوايج لرججال وقفت أنا وزوجي نعلقو صاشيات فلبوسات ووليدي غفلني وراح يجري و الكارثة و أطلع فدروج لي هبطوكي عاد خفيف أطلعهم و ختك تجري و تخطفو وش نقولك تكركبت معاه ولحقتو شحال صعيبة تطلعي فدروج يهبطو ما يطلعوش زوجي.جامي لندييرو لامان فيهم.

شكرا حبيبتي على النصيحة فعلا الاطفال مافيهمش الامان ربي يحفظهم
بصح ضحكتيني كي تغاشيتي هههه صح الخلعة تع الذراري واعرة

[ام مريومة]

شكرا أم مريومة على الموضوع.
أصعب موقف مر علي هو عندما وجدت إبنتي الباب مفتوح وخرجت ولم نلاحظ خروجها أنا وأبوها، عادة لا نترك الباب مفتوح لكن ذلك اليوم كان أصدقاء زوجي ينتظرونه عند الباب فترك الباب مفتوحا كان عمرها آنذاك حوالي سنتان لا يمكنكم أن تتصورو كيف أصبحت، جُن جنوني وكدت أخرج للبحث عنها بدون حجاب -بالبدعية نتاع الدار- وبعد بحث طويل وجدناها تلعب مع بنات في مكان بعيد عن المنزل
المواقف كثيرة، لي عودة للموضوع إذا تذكرت موقف آخر.

لا شكر على واجب اختي لازم نتعلمو من تجارب بعضنا هذه هي الحياة
يا يمى مااصعب الموقف اللي عيشتيه الحمد الله كي وجدتوها

[ام مريومة]

rabi yahmi awladkom men kol char ya rab

lazem managhaflouch 3lihom khlas pask les bebes f ramchet 3in ydiro la3jab



انشاء الله ختي و انشاء الله ربي يرزقك بالزوج الصالح اللي يفرح قلبك و يعمر دارك بالذرية الصالحة يا رب
صح الاطفال واعرين بزاف و رانا واقفين معاهم بصح شوفي واش راهو يحدث الله يعطينا القدرة

[hadyle]

ربي يكون في عونكم

ان شاء الله ربي يرزقني بولد الحلال والذرية الصالحة

[salam algeria]

اصعب موقفين فاتو عليا هو ولادتي الاولى في بلاد الغربة و ماعرفتش حتى نهز ابني كلما ينوض نبدا غير نبكي خاصة انو كان ضعيف بزاف كانت ماما تنعتلي كيفاش نديرلو في الس ك ا ي ب و كي نغلط تصححلي
و في ولادتي الثانية زاد ابني قبل الوقت و حكموه ٢٥ يوم في المستشفى و انا روحت للدار فوت هاذوك الايام غير نبكي خاصة كي نشوف سريرو فارغ و درك الحمد لله راهم بخير و كبرو الاول ثلاث سنين و الثاني ٥ اشهر الله يبارك لكن في هادوك الاوقات كنت نقول مستحيل نقدر نتصرف معاهم وحدي
ربي يحفظ اولادنا و اولاد المسلمين

[sabi.k]

أنا عندي زوج توام وعلابالكم التوام تربيتهم صعيبة
المهم كي كبرو شوية كنت تحطهم في المشاية كي نحط واحد واحد منهم نحطو في الكرسي أو لابوسات
ولدي اللي في المشاية خطرة ما علاباليش كيفاش حتى تحل الباب وراح حتى الدروج ونزل عليهم بالمشاية
مسكين ما بكا ما دار والو كي جريت ليه لقيتو في جهة والمشاية في جهة قعدت أنا اللي نبكي وهو ما بكى ما دار والو
اديتو للطبيب ودارولو سكانير والحمد لله مابيه والو وراهم كبرو كيف كيف يشبهو لبعضاهم وكي يقولك ربي يستر الأولاد الصغار راهي حقيقة ماش كذب
ربي يحميهم ويحمي أولاد المسلمين كامل

[ام مريومة]

ربي يكون في عونكم

ان شاء الله ربي يرزقني بولد الحلال والذرية الصالحة

انشاء الله ختي عاجل غير اجل

[ام مريومة]

اصعب موقفين فاتو عليا هو ولادتي الاولى في بلاد الغربة و ماعرفتش حتى نهز ابني كلما ينوض نبدا غير نبكي خاصة انو كان ضعيف بزاف كانت ماما تنعتلي كيفاش نديرلو في الس ك ا ي ب و كي نغلط تصححلي
و في ولادتي الثانية زاد ابني قبل الوقت و حكموه 25 يوم في المستشفى و انا روحت للدار فوت هاذوك الايام غير نبكي خاصة كي نشوف سريرو فارغ و درك الحمد لله راهم بخير و كبرو الاول ثلاث سنين و الثاني 5 اشهر الله يبارك لكن في هادوك الاوقات كنت نقول مستحيل نقدر نتصرف معاهم وحدي
ربي يحفظ اولادنا و اولاد المسلمين

صح الولادة في بلاد الغربة صعيبة راني جربتها بصح الحمد الله راهم كبرو ربي يحفظهم

[ام مريومة]

أنا عندي زوج توام وعلابالكم التوام تربيتهم صعيبة
المهم كي كبرو شوية كنت تحطهم في المشاية كي نحط واحد واحد منهم نحطو في الكرسي أو لابوسات
ولدي اللي في المشاية خطرة ما علاباليش كيفاش حتى تحل الباب وراح حتى الدروج ونزل عليهم بالمشاية
مسكين ما بكا ما دار والو كي جريت ليه لقيتو في جهة والمشاية في جهة قعدت أنا اللي نبكي وهو ما بكى ما دار والو
اديتو للطبيب ودارولو سكانير والحمد لله مابيه والو وراهم كبرو كيف كيف يشبهو لبعضاهم وكي يقولك ربي يستر الأولاد الصغار راهي حقيقة ماش كذب
ربي يحميهم ويحمي أولاد المسلمين كامل

ربي يشدهملك حنونة و يفرح بيهم الموقف هادا صعيب بزاف الحمد الله ربي سترهولك

[ام شيمو]

السلام عليكم ورحمة الله تعالى وبركاته

انا اصعب موقف مر عليا هو اني مرو خرجنا نحوسو انا وراجلي وبنتي كان عندها عامين وانا كنت حامل

وكي جينا خارجين من المحل ركبنا في الاسنسور بنتي حطت يدها والباب تبلعت عليها بديت نزقي وهي تبكي وراجلي يحاول يحل الباب والحمد لله حلها وماصرالها والو غير حمارت برك هاذاك النهار مننساهش


ولحسن الحظ راجلي خدمته في الاسنسور وعليها عرف يحل الباب

يارب يخلينا اولادنا اجمعين

[رشــــ81ــــا]

السلام عليكم

يا البنات غير قريت المواقف نتاوعكم حبطتلي الدمعة

انا الحمد لله بنتي مريمومة عمرها عام و مسراليش حادث كبير معاها الحمد لله يا ربي

ساعات تطيح كي بدات تحبي يصح خفيف برك

صح لازم نعسوهم بزاف

ربي يحفظ جميع الاولاد ان شاء الله و ما يقيسهم حتى سوء

انا الصح ما نقدرش للحوادث انا اول مرة تديرلها الطبيبة ابرة نتاع التلقيح برك و بكات انا شبعت بكا

وين يا تتأذى

يا ربي احفظ اولادنا يا رب

[ahlam2060]

مشكورة اختي على الموضوع
انا وحد المرة في الصيف حطيت بنتي الصغيرة في البنوار مع خاوتها خرجت دقيقة رجعت لقيتها طاحت تجرحت شوي بصح ما بكات ما والو لقيتها قاعدة تشوف غاضتني بزاف .
من هاذاك النهار ما نخطيهاش طول .وربي يسترنا اجمعين.

[lyna2007]

شكرا على الموضوع لانها تجارب حقيقية تحدث للامهات والاباء وبالتالي نذكر بعضنا البعض وخاصة الامهات الجدد حتى لا يتكررمعهن مثل هذه المواقف

[ام مريومة]

السلام عليكم ورحمة الله تعالى وبركاته

انا اصعب موقف مر عليا هو اني مرو خرجنا نحوسو انا وراجلي وبنتي كان عندها عامين وانا كنت حامل

وكي جينا خارجين من المحل ركبنا في الاسنسور بنتي حطت يدها والباب تبلعت عليها بديت نزقي وهي تبكي وراجلي يحاول يحل الباب والحمد لله حلها وماصرالها والو غير حمارت برك هاذاك النهار مننساهش


ولحسن الحظ راجلي خدمته في الاسنسور وعليها عرف يحل الباب

يارب يخلينا اولادنا اجمعين

وعليكم السلام و رحمة الله و بركاته
اختي لحمي تشوك من الموقف اللي مررتي بيه لاني انا عايشة في الخارج و راكي عارفة ميستعملوش الدرج يستعملو غير الاسانسير صافي كل مرة نطلعو نخاف يصرا واش حكيتي يايما الحمد الله على سلامة بنتك

[ام مريومة]

السلام عليكم

يا البنات غير قريت المواقف نتاوعكم حبطتلي الدمعة

انا الحمد لله بنتي مريمومة عمرها عام و مسراليش حادث كبير معاها الحمد لله يا ربي

ساعات تطيح كي بدات تحبي يصح خفيف برك

صح لازم نعسوهم بزاف

ربي يحفظ جميع الاولاد ان شاء الله و ما يقيسهم حتى سوء

انا الصح ما نقدرش للحوادث انا اول مرة تديرلها الطبيبة ابرة نتاع التلقيح برك و بكات انا شبعت بكا

وين يا تتأذى

يا ربي احفظ اولادنا يا رب
ربي يحفظها لك من كل مكروه و يحفظ اولاد المؤمنين كامل :mh92:

[ام مريومة]

شكرا على الموضوع لانها تجارب حقيقية تحدث للامهات والاباء وبالتالي نذكر بعضنا البعض وخاصة الامهات الجدد حتى لا يتكررمعهن مثل هذه المواقف

العفو حبيبتي صح هادو تجارب حقيقية ولازم علينا نتعلمو من بعضانا باه المرة الجاية نتفادو المواقف على قد منقدرو