زيجات عابرة للحدود

[soha1987]

السلام عليكم يا اعضاء المنتدى
زواج الجزائريات بالاجانب هذا الزواج انتشر بشكل مثير وهذه الظاهرة لم تكن منتشرة في ثماننيات وتسعينيات القرن الماضي لكن مع قدوم الشركات الاجنبة انتشرت وصبح الشينوي يتزوج جزايرية ويدخل الاسلام على جالها ومن بعد كي تعيش معاه مسكينة يذبح القطة نتاعها وياكلها ههههههه وانا لي محيرني كيفاه هاد البنت تقبل بواحد مختلف عليها فالعقيدة والعادات لاو التقاليد وحتى اللغة وكيف العائلة نتاعها تقبل بواحد غريب ودخلو للدار ووتمدلو بنتهم والله غريب هاد التصرف وربما يكون هاد الزواج مصلحة اي محطة عابرة يعني يتزوج البنت فقط لانو فالجزائر ومن بعد كي تخلص المدة يطلق او ربما يكون هاد الشخص جاسوس لجهة معينة الايشكل هادا خطر على امن البلاد
اخوتي كيف تنظرون الى هاد النوع من الزواج؟
وهل يجب منعه او تقنينه؟
تحياتي :mh31:

[اسلام انس]

واش نقولك هاذ الزواج غي على جال المصلحة برك............والدراهم......وتقريبا لي تلقيهم متزوجين من هاذ النوع غي بنات الشارع

وفليلةا الاصل.......وحدة مسلمة وتخاف مولانا ومتربية ماتتزوجش بهاذ الناس الا في حالات معينة..تقبلي مـــــــــــروري

[soha1987]

واش نقولك هاذ الزواج غي على جال المصلحة برك............والدراهم......وتقريبا لي تلقيهم متزوجين من هاذ النوع غي بنات الشارع

وفليلةا الاصل.......وحدة مسلمة وتخاف مولانا ومتربية ماتتزوجش بهاذ الناس الا في حالات معينة..تقبلي مـــــــــــروري
شكرا ولكن ماهي هاديه الحالات ؟

[fares rog]

علابالك بلي الزواج هذا الي راك تحكي عليه ،، يعني زواج مدة معينة فقط لسبب العمل أو الهجرة هو مباح في القانون الأسرة الجزائري بعد التعديل الأخير .
بشرط هذا الراجل مايحددتش المدة علنيا قدام الطفلة ووالديها . المهم يخليها في قلبوا هذي النية .
بصح مع شنوازي والله غير شوية برك ،، صح العنوسة أثرت فيهم بصح ماشي لهذه الدرجة . ني دين ني ملة غير يمدو . لي جا يمدلوا .
الله يهديهم

[soso sirin]

يا اختي حنا مع الجزايريين و ماسلكناش نتزوجو بالاجانب.واش نقلك يا سهى وحدا بنت اصل و عايلة مسقمة ماتمدش بنتها لواحد ماتعرف لا اصلو و لا فصلو و زاد قاوري علاه الدنيا خلات من الرجال العرب و زاد راجل عندو عادات مختلفة كيما قلتي و الدين و يكون ماشي كيما دينها و اذا دخل للاسلام بلاك يدخل هكا وخلاص و كيما قلتي انتي كي تكمل الخدمة تاعو يطلقها و لا بلاك يرؤوح و يخليها و مايطلقهاش حتا و الوخذة اذا كانت جابت كاش طفل.مي تتزوج بجابوني هاذي شوية صعيبة تقعد عام باه تحفظ غير اسمو.سهى راه عندك خيال واسع جاسوس و الامن القومي الجزائري الحالة راهي صعيبة .اودي اذا مالقاتش كامل تروح تتزوج بواحد من افريقيا على الاقل كاين حدود بيناتنا اذا هرب تروح تحوس عليه ههههههههههه.اليتقبل بزواج كيما هاذا مهبولة نيشان و هي باغية الميزيرية

[مريم الصابرة]

السلام عليكم اختي سهى مليحة هذي نتاع يذبح قطتها وشعال نعيف الصينيين يا اختي ولول يكون واش يكون هو او غيرو ويا اختي لو نتزوجو بالاوروبين والشباب نتاعنا لمن نحلوهم للسوريات لالا يا اختي زيتنا في دقيقنا إحنا في إحنا الجزائريين فالخارج معروفين بالرجلوة نتاعهم والاوروبيات يحبوهم رنا محسودات عليهم كيفاه نخلوهم ونروحو نتزوجو بشنوي او تركي او فرنسي واش جاب الشوك لليسمين اختي سهى وان تو ثري فيفا وليد بلادي ولو يكون ما عندوش مية دورو معليش الرزاق ربي شكرا اختي.

[soha1987]

علابالك بلي الزواج هذا الي راك تحكي عليه ،، يعني زواج مدة معينة فقط لسبب العمل أو الهجرة هو مباح في القانون الأسرة الجزائري بعد التعديل الأخير .
بشرط هذا الراجل مايحددتش المدة علنيا قدام الطفلة ووالديها . المهم يخليها في قلبوا هذي النية .
بصح مع شنوازي والله غير شوية برك ،، صح العنوسة أثرت فيهم بصح ماشي لهذه الدرجة . ني دين ني ملة غير يمدو . لي جا يمدلوا .
الله يهديهم
صح واش قلت اخي شكراعلى مرورك

[soha1987]

يا اختي حنا مع الجزايريين و ماسلكناش نتزوجو بالاجانب.واش نقلك يا سهى وحدا بنت اصل و عايلة مسقمة ماتمدش بنتها لواحد ماتعرف لا اصلو و لا فصلو و زاد قاوري علاه الدنيا خلات من الرجال العرب و زاد راجل عندو عادات مختلفة كيما قلتي و الدين و يكون ماشي كيما دينها و اذا دخل للاسلام بلاك يدخل هكا وخلاص و كيما قلتي انتي كي تكمل الخدمة تاعو يطلقها و لا بلاك يرؤوح و يخليها و مايطلقهاش حتا و الوخذة اذا كانت جابت كاش طفل.مي تتزوج بجابوني هاذي شوية صعيبة تقعد عام باه تحفظ غير اسمو.سهى راه عندك خيال واسع جاسوس و الامن القومي الجزائري الحالة راهي صعيبة .اودي اذا مالقاتش كامل تروح تتزوج بواحد من افريقيا على الاقل كاين حدود بيناتنا اذا هرب تروح تحوس عليه ههههههههههه.اليتقبل بزواج كيما هاذا مهبولة نيشان و هي باغية الميزيرية
ههههههههه سوسو نتي وحدك مالا نقولك تجي فالجابوني وماتجيش فلكحلوش يالطيف لكحالش مالين لميزرية والوسخ ماعندهومش النظافة مي الشينوي التطور والنظافة هههههههههه
صح هاد النوع من البنات مهابل كيفاه تقبل بهاد الزواج
شكرا سوسو على المرور الطيب

[soha1987]

السلام عليكم اختي سهى مليحة هذي نتاع يذبح قطتها وشعال نعيف الصينيين يا اختي ولول يكون واش يكون هو او غيرو ويا اختي لو نتزوجو بالاوروبين والشباب نتاعنا لمن نحلوهم للسوريات لالا يا اختي زيتنا في دقيقنا إحنا في إحنا الجزائريين فالخارج معروفين بالرجلوة نتاعهم والاوروبيات يحبوهم رنا محسودات عليهم كيفاه نخلوهم ونروحو نتزوجو بشنوي او تركي او فرنسي واش جاب الشوك لليسمين اختي سهى وان تو ثري فيفا وليد بلادي ولو يكون ما عندوش مية دورو معليش الرزاق ربي شكرا اختي.
هادي شوية نتاع يااكل القطة راهم تاني ياكلو الحمار والله حنا في باتنة خلاصو لحمير لي يلقاوه ياكلوههههههههههه واللله قريب ياكلو لقرلو يالطيف ههههههه
مالا القاوريات يشوفو فالرجال نتاع الجزائر شباب :mad:وحنا واش يشوفو فينا بشوعة وختها ههههههههههه
شكرا مريم على الرد الطيب

[alger1]

السلام عليكم ربما اللي تزوج بشينوي تحب التغيير ولكن الشناوة ياكلون البشر الا تخاف ان يجوع وينقض عليها في اية لحظة

[soha1987]

السلام عليكم ربما اللي تزوج بشينوي تحب التغيير ولكن الشناوة ياكلون البشر الا تخاف ان يجوع وينقض عليها في اية لحظة
هههههههه ملا ياكلو لعباد يالطيف مسكينة واش من الزهر لي عندها هادي ههههههههههه
ربي يستر بنات بلادي
وشكرا على مرورك الطيب اختي

[الواثق]

بالنسبة لي لا استطيع ان ازوج ابنتي او اختي لاجنبي وان كنت ظلمته بهذا .......وانا ارى والله اعلم ان اغلب الزيجات التي تكون لرجال اجانب من نساء ربما قسى عليهم المجتمع اثر اخطاء اقترفوها في الماضي فحكم عليهم المجتمع بالعزوبية والله المستعان ........هذا ان تابو ولا اتكلم عن الذين لم يتوبو .............

كما ان هناك زيجات ماشاء الله يعني نعم الرجل وان كان اجنبيا ونعم البنت لكن ارها قليلة وربما ترجع لترابط اسري سابق بين العائلتين ونتج عنهما هذا الزواج .....................وكل هذا لانعلم الخير اين سواء في ابن البلد او اجنبي والاكيد ان صاحب الدين هو الافضل بلا نقاش

بالنسبة لتقنين هذا الزواج ان كان في الامور الشرعية فالقانون الاساسي انه من ترضون دينه وخلقه فزوجوه ..........واظفر بذات الدين تربت يداك ...........فان ظمنا هذا لا اظن ان القانون الوضعي سيمنع اشياء اخرى لقدر الله

[شيء من رجاء !]

ههههههههه سوسو نتي وحدك مالا نقولك تجي فالجابوني وماتجيش فلكحلوش يالطيف لكحالش مالين لميزرية والوسخ ماعندهومش النظافة مي الشينوي التطور والنظافة هههههههههه
صح هاد النوع من البنات مهابل كيفاه تقبل بهاد الزواج
شكرا سوسو على المرور الطيب

" ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون "
ومابهم " لكحالش " ؟ على قولة المثل : " أسود من لفحم يجيب الخبز واللحم "

[knives55]

باينا كي تكون الطفلة مفضوحا ولعبا بعمرها تاع الصح تقبل بشينوي ما يعرفهاش وما يعرفش فعايلها

على كل حال ربي يسهل تدي شينوي تدي هندي كل واحد حر في نفسوا هذ المجتمع دمرة كامل من كثرة جهل وطمع هذ الشعب

والله تابلي نقدع عازب حتي نموت وخلاص نساء اليوم تجازوا هذ الخط ــــــــــــــــــــــــــــــــــــــــــــ

باعوا كرامتهم من أجل لاشيئ

************************************************** ************************************************** ********************************


وما يضحكني هو أن بعض الرجال ونساء بعد ماضي أسود مليئ بتحراميت يجيوا يحوسا على ولاد ولا بنات الفاميليا

هههههههههههههههههههههههههههههههه

أقسم بالله ما تفهم والوا مع هذ القوم حابين دنيا تمشي كيما يحبوا وهما



ومن فضلكم ما تزعفوش مني هذي طرقتي في التعبير وشكرا

[soha1987]

بالنسبة لي لا استطيع ان ازوج ابنتي او اختي لاجنبي وان كنت ظلمته بهذا .......وانا ارى والله اعلم ان اغلب الزيجات التي تكون لرجال اجانب من نساء ربما قسى عليهم المجتمع اثر اخطاء اقترفوها في الماضي فحكم عليهم المجتمع بالعزوبية والله المستعان ........هذا ان تابو ولا اتكلم عن الذين لم يتوبو .............

كما ان هناك زيجات ماشاء الله يعني نعم الرجل وان كان اجنبيا ونعم البنت لكن ارها قليلة وربما ترجع لترابط اسري سابق بين العائلتين ونتج عنهما هذا الزواج .....................وكل هذا لانعلم الخير اين سواء في ابن البلد او اجنبي والاكيد ان صاحب الدين هو الافضل بلا نقاش

بالنسبة لتقنين هذا الزواج ان كان في الامور الشرعية فالقانون الاساسي انه من ترضون دينه وخلقه فزوجوه ..........واظفر بذات الدين تربت يداك ...........فان ظمنا هذا لا اظن ان القانون الوضعي سيمنع اشياء اخرى لقدر الله

شكر اخي انت الوحيد الذي فهمت القصد من الموضوع
لكن اخي الا نضع في الحسبان ان ذلك الشخص الذي اسلم قد يرتد ويصبح كافرا فكيف يكون مصير البنت ؟
شكرا على مرورك اخي

[soha1987]

" ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون "
ومابهم " لكحالش " ؟ على قولة المثل : " أسود من لفحم يجيب الخبز واللحم "
شكرا يارجاء على النصيحة
بصح والله ماني نعاير فلكحالش نتاع دزاير رجال ونص وهاداك لمثل سور ينطبق على لكحالش نتاعنا و انا راني نتكلم على الافارقة تاع الغابون ولا النيجر هوما لي يحبو لوسخ ههه انا كنت نتفرج الاشرطو نتاع الحرة بكري كي كنت نقرا فالليسي وفالجامعة لكحاش يعيفو يالطيف
قوليلي رجاء نتي كحلوشة عليها غاضك الحال عليهم ههههههههههه عندك لا تغضبي مني راني نضحك معاك
شكرا على مرورك الطيب

[soha1987]

باينا كي تكون الطفلة مفضوحا ولعبا بعمرها تاع الصح تقبل بشينوي ما يعرفهاش وما يعرفش فعايلها

على كل حال ربي يسهل تدي شينوي تدي هندي كل واحد حر في نفسوا هذ المجتمع دمرة كامل من كثرة جهل وطمع هذ الشعب

والله تابلي نقدع عازب حتي نموت وخلاص نساء اليوم تجازوا هذ الخط ــــــــــــــــــــــــــــــــــــــــــــ

باعوا كرامتهم من أجل لاشيئ

************************************************** ************************************************** ********************************


وما يضحكني هو أن بعض الرجال ونساء بعد ماضي أسود مليئ بتحراميت يجيوا يحوسا على ولاد ولا بنات الفاميليا

هههههههههههههههههههههههههههههههه

أقسم بالله ما تفهم والوا مع هذ القوم حابين دنيا تمشي كيما يحبوا وهما



ومن فضلكم ما تزعفوش مني هذي طرقتي في التعبير وشكرا
هههههه اخي باين بلي مقلق بلعقل اخي علاه هاك اخي مازال بنات الفامليا فدزاير ماخلاصوش ان شاء الله يرزق ربي بنت حلال علاه تتشائم ومايروحش لمليح في جرت لقبيح وشكرا على ردك اخي

[اريج16]

شينوي لالا تركي الماني ممكن









































امزح فقط ولد بلادي كفيني رغم انهم الذكور ولو يحوسو على الاجنبية لكن يبقى ولد البلاد افضل

[خولة لبابة]

ابن بلادي............

[badis104]

سلامي على المسلمين فقط الكافر واللي يتبعه راه مثله اتمنى يصدرو قانون ما يقبلوا المرأة اللي تتزوج كافر راه خرجت من الملة قادرة تخون حتى بلادها في حالةحرب تروح معاه لبلاده والله والله العظيم كن ابنتي تتزوج شنوي قرد هو يأكل القط وأناآكله هو أعوذ بالله . لكن توجد جزائريات عندهم النيف صح ربي يحفظكن يا بنات بلادي أفتخر بهن بلاك يغلطوكم واش يخص الشباب الجزائري كذلك بنات الجزائر أجمل شعب من كل ناحية والله والله مانبدل بنت بلادي باأجناس العالم العفاف و الكفاف يحياوولدات بلادي الجزائر نحبكم يا أبناء وبنات الجزائر.

[محمد...عبد النور]

السلام عليكم أختي سهى 1987
ظواهر نشهدها تتسارع في مجتمعنا و هو مجتمع انفتح مباشرة على أمور لم يتحضر لها أولياؤنا سواء أباؤنا أو من عليهم سلطة علينا من حكام فلم يحسبوا ان الأمور ستتسارع بهذا الريتم المتسارع يوما بعد يوم فنرى دخول الاسلام من طرف الاجانب من أجل استحلال الزواج بجزائريات و يمكن الشخص لا علاقة له بالاسلام و لا في نفسه عقيدة و لا توحيد
المهم أن يقدر على الزواج أي ينحي المانع لي ما يخليه يتزوج من جزائرية
و أيضا هناك أمور كثيرة مثل زواج شبابنا بالسوريات و الاجنبيات و غير ذلك
أيضا مدى تأثر الشباب بأزياء الشباب الطائش من الغربيين و ليس الشباب المستقيم من الاربيين -- يعني العاديين و الناجحين في عملهم و يحتلون مراتب راقية في العلوم و الاختراعات -- حتى سمعت أن السروال الذي يظهر عورت بعض من انحطوا عن درجة الرجولة الى درجة الدياثة >>>>>قد تم منعه في الاماكن العامة في كندا...يعني في كندا ممنوع و هنا في بلاد من يدعون الاسلام راه مودة و الله المستعان و من يحكموننا في نهل من الدنيا و من يتم نصحه يقول الناس في الفضاء و انت تتكلم على اللباس و الاخلاق .......ربي يلطف بينا و يقبضنا و ذرياتنا مسلمين
بارك الله فيك أختي سهى و ربي يقر عينيك بما تحبين على موضوعك الجميل
ســـــــــــــــــــــــــــــــــــــــلام