احتجاج سلمي تحول الى ضرب واستدعاء اولياء اي قانون هدا

[نَازِكْ]

السلام عليكم
لقد قمنا باحتجاج سلمي في ساعة فراغنا دلك بعدم صعودنا للاقسام لان استادتنا لمادة العلوم غائبة مند شهر ولم تضع حتى شهادة مرضية وتكلمنا مع المراقب العم ولم نابى الصعود فاخرجنا عنوة من الثلنوية عنوة وضرب طالبان يدرسان معي اي اعتدى عليهما واخرجنا لكن نحن رفضنا المغادرة واخيرا جاء المدير ولما وصلنا الى حل معه وقف المراقب في طريقنا واغلق الباب في وجوهنا وتفوه بكلمات وقية لاتمت للاخلاق بصلة وطلبوا نا احضار الولياء وكاننا اصبحنا الظالمين
لو كنتم مكاننا ما كنتم لتقوموا به
هده صورة ثانويتنا الغير عاديةhttp://t1.gstatic.com/images?q=tbn:ANd9GcQSBp0_iTDTjhYMfoFjeAYBlqUhY2lsi kBvTFgJLa3DNoFK63Gt
والله كرهت حياتي كي راني نقرى ثم
اللهم الهمنا صبرك

[old young miss]

ربي يكون معاكم اختي

لا داعي للقلق

ان بعد العسر يسرا

وكلوا اموركم على الله

[نَازِكْ]

لكن فاض الكيل بهم درعا اخيتي على العموم شكرا لك

[hanna25]

أختي
نتوما معندكمش استاذة
اتسوري هنا عندنا استاذة بصح ملي تدخل وهي قاعدة وهنا نحكيو ومنبعد جابت دروس استاذة اخرى وتملي علينا هكلك برك
والله ملي ندخلوا وهنا نحكيو
وحنا تاني رانا نخمموا ندير اضراب على اساتذة العلوم والرياضيات والفيزياء
ربي يجيب الخير برك

[sihem1095]

السلام1

و الله معك حق أختي "تقوى" فلا حق للتلميذ في الجزائر...و نحن حدث معنا نفس الأمر :mad: و كالعادة لااااااااااااا حياة لمن ينادي !!

[issac noway]

ماذا اقول نحن في 48 تلميذ في قسم تقول سجن
واش تحب هذه بلاذنا ماذا
عسانا نفعل

[noohae]

wé c vrai y a ce genre de phénomène
mais dans notre lycée tt marche selon les règles

[نَازِكْ]

;اعاننا الله على تعليم كهدا

[الجزائرية 2010]

نتوما اوموا غائبة
حنا قالولنا ماكانش من اول العام
لا رياضيات لا علوم
وش رايك فينا
وكي هدرنا قالولنا عجبكم الحال صحا ماعجبكمش ربي يسهل عليكم

[نَازِكْ]

لكنها اختي غائبة دون مبرر ولم تضع شهادة طبية ليتم استخلافها
حالتكم احرج حقا كان الله في العون

[zineb chibani]

السلام1

و الله معك حق أختي "تقوى" فلا حق للتلميذ في الجزائر...و نحن حدث معنا نفس الأمر :mad: و كالعادة لااااااااااااا حياة لمن ينادي !!

اتفهم موقفك اختي لكن لا تلقي اللوم على الجزائر لك كل الحق في الدراسة. الجزائر احتضنتك فلا تنكري الجميل لماذا كل هذا التشاؤم هذه مشكلة الادارة و المدير ان شاء الله تحل مشكلتكم جميعا
نحن في الف نعمة كل الاساتذة في القمة

[zineb chibani]

إحتضتنتنا فشكرا لها ولكننا بقولنا الجزائر نقصد مسيريها الذين يعبثون فيها


ولو كنت أختي مكاننا لقلت ما قلناه


أساتذة ليسوا أكفاء ويدرسون تلامذة ربما قد يكونون أعلم منهم

إدارة ؟؟ لم أدري أننا نملك إدارة ..:mad:


أتدرين أختي كم مرة نذهب في الأسبوع لنشتكي في هذه الإدارة ؟؟:confused::confused::confused::confused:

احمدوا الله كثيرا صباح مساء على النعمة التي أنعم بها عليكم فهناك كثيرون يفتقدونها ومنهم نحن


على العموم سهل الله طريقنا

وفرج الله همنا
كان الله في عونكم الظاهر ان جميع التلاميذ في معاناة الله يسامح الاساتذة المقصرين و يهديهم

[جزائرية حرة جميلة]

هههههههههه و يقلك الدراسة بالكفائة هذا البرنامج داوه من دول عندها 25 في القسم مشي 50

[✿❀سًجّْـدًةْ خٌشٌـوُعٍـ ❀✿]

لا نملك استاذ فيزياء
والعلوم جات اليوم باه درنا حصة تعارف
رانا متاخرين بشهر في العلوم كااااااارثة حقيقية
الله يستر يا ستار
ان شاء الله تتحل مشاكلنا كامل

[f0rest]

ربي معاكم اختي وللجميع ان شاء الله ،، لو كنت في مكانك ندير نفس الشيء

[fr95]

نحنا كيفكم نحنا ما عندناش استاذ فيزياء و لا علوم

[zoubidaas]

ربي معاكم

باش نكونوا صرحاء .......... في الجزائر بالاستاذ او بدونه لازم ليكور زيادة باش تدي علامات ممتازة

[إكرام16]

الله يصبرنا اختي لان حالتك مثل حالتي تماما لاننا حتى الان لا يوجد لدينا اساتذة منهم استاذة التاريخ و الجغرافيا و استاذة الرياضيات و زدنا ختمناها قسم متنقل ساعة نقراو و ساعة لالا المهم ربي يصبرنhttps://encrypted-tbn0.gstatic.com/images?q=tbn:ANd9GcQT24_mGPvj2JETydO4qm4EX84-Ky_wqgQq3NG2mfrRrOS4huZX5gا

[نَازِكْ]

صبرا جميلا لكن الى متى
قمنا باحضار الاولياء فبرر المدير ما قام به المراقب قصد ضبط الامور كما قال المراقب لنا ان التحريض على الفوضى ستكون ملاحظة مدونة بالملف"قالبي بابا لحب يكتبها فالحيط" لكن نحن لن نستسلم والاساتدة الاخرون معنا

[نَازِكْ]

صبرا جميلا لكن الى متى
قمنا باحضار الاولياء فبرر المدير ما قام به المراقب قصد ضبط الامور كما قال المراقب لنا ان التحريض على الفوضى ستكون ملاحظة مدونة بالملف"قالبي بابا لحب يكتبها فالحيط" لكن نحن لن نستسلم والاساتدة الاخرون معنا

[romaissa07]

ربي يكون معاكم اختي
مام حنا عندنا مشكلة مع استاذة تاع الرياضيات بببف متفهمش و متسمععش مليح و زيــد مقلبين القسم في حصتها

درنا احتجاج جا المراقب طلعنا مي مقريناش باسكو روحت حسبلها غياب جماعي :p و حصة 2 جانا المراقب العام و الناضر و المدير قلنالو قدامها بلي منفهموش و قالنا رانا ندرسو في الاشكالية هذي يييييععععععععع قريب الفروض و حنا مانا فاهمبببببببببببببن والو

[noohae]

^^^^^^^^^^^^^^^^^^^^^

[sara96]

اسفة على اتدخل لكن ما رايته هو انكم كلكم لما قمتم بالاضراب لم ينجح بل و رفضه الطاقم الاداري

نحن قمنا باضراب الاسبوع المنصرم لكن ليس قسما او قسمان بل من سنه اولى الى البكالوريا جميع التلاميذ لم ندخلو

حتي تحقق لنا جملة من المطالب اتفقنا عليها

حاول المدير و المراقب العام ادخالنا لكنه فشل في ذلك هددنا باستدعاء اولياء الامور فاحضرناهم بدون استدعاء
و كان اول شيء ركزنا عليه هو اننا غيرنا الهيئة و اعطيناهم فرصة 15 يوما لتحقيق ما نريد ان لم تتحقق فيوم الثلاثاء القادم سنستأنف الاضراب
و كانت من بلدتنا صحفية في جريده الجديد المختص باخبار الولاية استدعيناها و دونت ما جرى في مقال رائع
و كذلك اوصلنا اصواتنا للمديرية و غيرها من السلطات

كل ما انصحكم به هو الاصرار و طلب المسانده من باقي التلاميذ

و اسفة ثانية على الاطاله

[نور الهدا]

حبيبتي هذا المشكل راهو وطني مام حنا رانا صرالنا كيفكم
لذلك اتفقنا جميعا مع تلاميذ ثانية بغضراب يعني ما رحناش اسبوع لدرجة و لاو يحوسو علينا بالشمعة
و في اخير هههههههه انتهى باحل انه كل يوم يجينا استاذ يقرينا ساعة و يروح مبعد يجي واحد جديد يكمللنا حتى تشتت افكارنا كامل
اما عدد تلاميذ ما نقولكش باش ما تتخلعيش
تخيلو قسم صغير فيه
.
.
.
.
.
.
.
.
.
.
.
.
61 تلميذ كارثة
حسبنا الله و نعم الوكيل فيهم و بالأخص هذا وزير الجديد هو لي خربها كامل

[نَازِكْ]

اختي ندا 61 تلميد هده كارثة حقيقية حنا 25 برك والفوضى كاينة
بخصوص الاضراب الموحد هي تقري غير 3 اقسام صاف يقدر واحد يطوع ويقرينا لعام ليفات درنا اضراب عام لمدة شهر ولباونا المطالب بص منقدروش كامل الليسي يوقف معانا والله كارثة التعليم في الجزائر

[نور الهدا]

صح لازم كامل يوقفو
ملاحظة / 61 تلميذ للأولى ثانوي علميين و حتى اقسام ادبيين
اما نحن قصدي ثانية فعدد تلاميذ يترواح ما بين 39 الى 49 تلميذ في قسم يعني كل قسم و كيفاش

[نَازِكْ]

حتى 39 عدد كبير جدا تصعب فيه الدراسة

[نور الهدا]

صح هذا بسبب المستوى ما كانش قاعدين غير يطلعو برك
هذاك بيام هذاك الغاشي كامل طلع و زيذ طلعو كامل تاع اولى لذلك ولى الغاشي

[lalib40]

التعليم في الجزائر كارثة حقيقية ، لقد تقدمت لتدريس مادة اساسية في احدى الثانويات وهذا منذ بداية السنة لكن الى حدنا الان لم يستدعوني والطلبة لم يدرسو الى حدنا الان ، ونصيحة الى كل الطلبة لاتقبلو باستاذ غير كفىء

[نَازِكْ]

شكرا استاد هدا هو الحال لكن هيهات ان يسمعوا لشكاوينا

[faracha touta]

اختي اشجعكم على هذه المبادرة استمروا في ذلك واقترح عليكم كتابة عريضة ورفعها الى مديرية التربية

[MOHONZ]

الحل الوحيد اختي روحي نتي والتلاميذ لي يقرو معاك لل لاكاديمي وديرو شكوا وشوفي ولله يخلصو قاع هاذا من حقك