بكالوريا بعد 20 سنة مارايكم

[أم احمد3]

بكالوريا بعد 20 سنة مارايكم
السلام عليكم ورحمة الله
اريد ان اسال المتعلمين منكم عن رايكم ان ما اجتزت البكالوريا بعد 20 سنة ممكن ام لا من حيث العمر ومن حيث طلب العلم ومن حيث المجتمع الذي لا يرحم الذي يظهر في اراء الجميع هنا
علما انني اجتزت البكالوريا الاولى عام 1993
وهذه السنة 2013 قد مرت عليه الكثير من السنوات و شعبة الادب العربي
اليكم الخط

[أم احمد3]

علما انني تزوجت في 19 من العمر ولي 4 اولاد
وعمري اليوم 37 سنة

[لؤلؤة الفردوس]

ايه وين راه المشكل عادي جداااا
راهم 50 سنة يجوزو في الباك أحرار
بالتوفيق

[مريم الصابرة]

السلام عليكم اختي
عادي وين المشكل نقولك حاجة دايما ديري اللي ترضي ربي ووالديك وتقنعك إنت واش دخلك فالناس كانك متزوجة وزوجك وافق علاه لالا وين المشكل وعاودي إقراي انا شفتهم كبار فالستين وعاودو الرسول الكريم قالنا اطلبو العلم من المهم إلى اللحد يعني حتى وين نموتو ماكانش مشكل فالسن وواش من نظرة المجتمع وعلاه عندهم نظرة اصلا المجتمع راه يشوف فمول الدراهم وليمافيا يا اختي تعاودي الباك او لا ماكان اللي يحوس عليك عاوديه وعلى ربي إن شاء الله موفقة.

[أم احمد3]

الكل يقول واش ديري بيه في العمر هذا

[hazar dz]

http://www4.0zz0.com/2012/10/08/09/333451714.jpg

[شيء من رجاء !]

عادي لا أراها مشكلة ، مدام زوجك موافق لا يهمك رأي البقية ، في السنة قبل الماضية في حراسة باكلوريا الأحرار وجدت امرأة فوق الخمسين ، قالت بعدما زوجت بناتها رغبت في تحقيق حلمها في الحصول على الباكلوريا

[أم احمد3]

شكرا لكم جميعا
لكن ما الاجابة للسؤال المطروح دائما واش ديري بها

[sali-sali]

شكرا لكم جميعا
لكن ما الاجابة للسؤال المطروح دائما واش ديري بها


انا نقولك جوزي الباك حتى و لو كان عمرك 60 سنة
اما هدي نتاع واش ديري بيه راح يكون عندك مستوى و كدلك تجربة راح تعاوديها بعد مرور وقت راح تكون تجربة رائعة خاصة و ان كان هناك تشجيع من طرف العائلة

والعلم مش شرط انك تتحصل على شهادة و لا تجور الباك باش تنجح و تخدم لالا نتعلمو باش نستفادو و نتثقفو

ونقولك ربي يوفقك

[fares rog]

السلام عليكم ،، أنا درست في الجامعة أو دوركا كملت .. لي قراو معايا قاع كيما راهم نتاجك في العمر بالبنات بالرجال .. عادي جدا .
اصلا الجامعة ذوركا راهم قاع كبار انا في راني صغير يضحكوا علي ويشوفوا فيا باستغراب .
ياختي مشاء الله مزالك صغيرة . انا علابالي في عمرك 60 سنة هههههههههه ،، عادي جدا اذا تركك زوجك تدرسين اتكلي على الله . وبعد ما تدخلي للجامعة تولي تضحكي على هذا الموضوع . الله يوفقك اختي

[fares rog]

واش ديري بيه ؟ لا لا ختي ما تحكيش هكذا ، ماتعرفي زمان عقوبة . زيدي مع الوقت ولادك يولوا يشوفوا في ماماهم قارية ماشي نيفو تارمينال .
اتكلي على الله الباك راهوا ساهل بزاف في هذا العوام غير البروفيتي راهوا من هب ودب يديه .. هذا هو زمان الغفلة غير قراي وديه .

[شيء من رجاء !]

شكرا لكم جميعا
لكن ما الاجابة للسؤال المطروح دائما واش ديري بها

الجواب عندك ، لماذا قررت اجتيازها مجددا .
هل لتحقيق رغبة كانت لازمتك دائما ، وهنا ردك سيكون لن افعل بها شيئا لكن تحقيق شيء تمنيه وزوجي وافق ، فما لكم ومالي
,غن كان لسبب آخر أيضا يمكنك ذكره و ليس لهم عندك شيء، العلم ليس مرتبط بسن

[خولة لبابة]

بكالوريا بعد 20 سنة مارايكم
السلام عليكم ورحمة الله
اريد ان اسال المتعلمين منكم عن رايكم ان ما اجتزت البكالوريا بعد 20 سنة ممكن ام لا من حيث العمر ومن حيث طلب العلم ومن حيث المجتمع الذي لا يرحم الذي يظهر في اراء الجميع هنا
علما انني اجتزت البكالوريا الاولى عام 1993
وهذه السنة 2013 قد مرت عليه الكثير من السنوات و شعبة الادب العربي
اليكم الخط
لقد اجتزتي الباكالوريا سنة 1993 السنة التي ولدت انا فيها............الله بارك........تمر السنين بسرعة.........لا اعرف ما الداعي لكي تجتازينها اليوم.......لكن هناك أخي بطل دراسته 10 سنوات.......و في السنة التي اجتزت فيها أنا الباكالوريا هو ايضا اجتازها .....و نجح و الحمد لله............هو رجل ربما يحتاج الى هذا........لكن أنتي كيما قلنا........مهما درست المرأة......الداردائما الأقرب لها.......وفقكم الله...........اتمنى أن لا يزعجكي كلامي.......:)

[fares rog]

لقد اجتزتي الباكالوريا سنة 1993 السنة التي ولدت انا فيها............الله بارك........تمر السنين بسرعة.........لا اعرف ما الداعي لكي تجتازينها اليوم.......لكن هناك أخي بطل دراسته 10 سنوات.......و في السنة التي اجتزت فيها أنا الباكالوريا هو ايضا اجتازها .....و نجح و الحمد لله............هو رجل ربما يحتاج الى هذا........لكن أنتي كيما قلنا........مهما درست المرأة......الدار ديما ليها.......وفقكم الله...........اتمنى أن لا يزعجكي كلامي.......:)
-----------------------------------------------------
صح عندك الحق ، بصح ديري في بالك مليح بلي مكاين حتى راجل مايحبش تكون مرتو قارية .

[ANWAR 11]

ماشاء الله عليك........ جوزتي الباك في العام الذي ولدت فيه

عادي جدا ...... طلب العلم ليس له سن أختي..........منها تتعلمي و فيه فائدة كبيرة لك و منها تعلمي أولادك و تحفزيهم اذا هم الآن في سن البكالوريا
الباكالوريا اصبحت سهلة للغاية .......لكن عليك أولا الاطلاع على البرنامج و دروس السنوات السابقة......

موفقة بإذن الله أختي

[خولة لبابة]

-----------------------------------------------------
صح عندك الحق ، بصح ديري في بالك مليح بلي مكاين حتى راجل مايحبش تكون مرتو قارية .
ليس الجميع...........لم اقل لا يجب على المرأة ان تدرس..........لكن هي درست ما عليها.......و الآن البيت اقرب لها.........كذالك هناك من الرجال من يختار غير المتعلمة على المتعلمة..........كل واحد كيف يفكر......و الله اعلم........

[fares rog]

ايه بصح تقريبا قاع يحبوها قارية ،

[خولة لبابة]

ليس الكل.........على فكرة اذا قلت قاع يحبوها قارية......الى أي مستوى؟؟؟ متوسطي؟؟ ثانوي؟؟؟ جامعي؟؟

[z.abdo]

اشجعك أختي لهذا وادعو لك بالتوفيق

[fares rog]

انا مدابيا جامعية بصح ولا كانت بنت فاميليا

[خولة لبابة]

اشجعك أختي لهذا وادعو لك بالتوفيق
شكرا.............لكن تشجعني في ماذا؟؟؟؟؟؟؟؟؟؟

[خولة لبابة]

انا مدابيا جامعية بصح ولا كانت بنت فاميليا
تريدها جامعية...............هل تريدها ايضا عاملة؟؟؟؟؟

[fares rog]

لا لا ختي عاملة لالا ،، انا قتلك بلي ولا كانت بنت فاميليا .. مرانيش مسرح لهذه الدرجة !!

[خولة لبابة]

لا لا ختي عاملة لالا ،، انا قتلك بلي ولا كانت بنت فاميليا .. مرانيش مسرح لهذه الدرجة !!
حسنا فهمت.........الله يرزقك الزوجة الصالحة.....كما تتمناها.........و جميع الاخوة ان شاء الله.........اللهم آمين.........

[fares rog]

امين يارب انتي كذلك ختي

[خولة لبابة]

اللهم آمين.........

[knives55]

أذ أردتي أجتياز بكلورية 2013 عادي جدا ماعليكي الى توجه الى وزارة التربية في ولايتك وتسجيل في البكلويا أحرار

لا يهم العمر

[أم احمد3]

شكرا لكم جميعا هو انا كنت اريد ان اعيد البكالوريا ككان عمري عشرين لكن مكتبش ربي اليوم ولادي كبار
واحد ثاني ثانوي
واحدة رابعة متوسط
واحدة ثاني متوسط
واحد ثانية ابتدائي
واليوم نولي لروحي ونحقق حلم مفارقنيش لكن الناس دائما تهدر

[أم احمد3]

نظام قديم مزالوا ؟؟؟؟

[ANWAR 11]

نظام قديم مزالوا ؟؟؟؟


لا أختي
النظام المدرس حاليا هو الجديد فقط...... هو أسهل بكثير من القديم

موفقة

[انا الذي]

السلام عليكم اختي

لفت انتباهي موضوعك وتساؤلك

حبيت برك نقلك

انا اخر باك ليا كان في 1997

وفي عام 2012 قررت نعاود الباك

لكن بعزيمة قوية

15 سنة بعيد على دراسة
كنت نظام قديم ودك ولا جديد
كنت هندسة ميكانيكية
وعاودتو اداب وفلسفة

تعرفي مسؤولية كبيرة + الخدمة + العقل اصلا ما ولاش يرفد كي قبل

لكن

لما قررت وعزمت

رحت سجلت ودفعت الملف

الكل ضحكو عليا .... قالو راهي نفحة برك ودك تروحلو خلوه

قالو لي قرا قرا بكري

وقالو كي شاب داوه لكتاب

وقالو وقالو ......

واهم حاجة كيما قلتي انت......وكي تقرى وش رح دير بالباك

مي هدا كامل ما خلانيش نفقد ثقتي في نفسي وعزيمتي لانو انا لي حبيت

وقلتها بيني وبين نفسي انا هاد العام مش رح نفوت الباك ...انا رح نجيب الباك

خطوة خطوة ومع الوقت ومع منتدى الجلفة واعضاء تاوعو لي نفعوني بزاف

قدرت ندخل في عالم الدراسة من جديد

وتعبت لكن الحمد لله نلت

وربحت الباك بمعدل 12.08

ورح ندخل للجامعة بعد 15 سنة غياب عن الدراسة

وبهادا ....كل واحد ضحك قبل ولا يقلي نستعرف بيك

المهم اختي شوفي انت...لانو هدا مصيرك وهدا شي يخصك انت

على كل حال ربي يوفقك وينجحك

واي شي تحتاجيه خوك راه تحت امرك

بالتوفيق

وديري ربي في بالك وكورااااج برك

[ويناروز]

صح عيدك سمرة كل عام وانت خير

العلم لا يحدده لا المكان ولا الزمان .........سمرة سجلي وحضري للبكالوريا

وبعد الحصول الشهادة لكل حادث حديث .اهم خطوة هي التسجيل والتحضير

لو ننظر للام الناس فلن نتقدم ولا خطوة الى الامام .........موفقة سمرة نتمنى تكوني سجلتي لانه اخر اجل في 30/10/2012

وقبل ما يغلق الموقع ؟؟؟؟؟؟؟؟

[انا الذي]

صح عيدك سمرة كل عام وانت خير

العلم لا يحدده لا المكان ولا الزمان .........سمرة سجلي وحضري للبكالوريا

وبعد الحصول الشهادة لكل حادث حديث .اهم خطوة هي التسجيل والتحضير

لو ننظر للام الناس فلن نتقدم ولا خطوة الى الامام .........موفقة سمرة نتمنى تكوني سجلتي لانه اخر اجل في 30/10/2012

وقبل ما يغلق الموقع ؟؟؟؟؟؟؟؟





بارك الله فيك اختي

وماتخافيش راهي سجلت

وكان الشرف ليا اني قدرت نسجلها

ونتمنالها التوفيق

[مناد بوفلجة]

بكالوريا بعد 20 سنة مارايكم
السلام عليكم ورحمة الله
اريد ان اسال المتعلمين منكم عن رايكم ان ما اجتزت البكالوريا بعد 20 سنة ممكن ام لا من حيث العمر ومن حيث طلب العلم ومن حيث المجتمع الذي لا يرحم الذي يظهر في اراء الجميع هنا
علما انني اجتزت البكالوريا الاولى عام 1993
وهذه السنة 2013 قد مرت عليه الكثير من السنوات و شعبة الادب العربي
اليكم الخط

الله يبارك

بكالوريا في أي سنة ، جيدة

أما بالنسبة لك فأنت تملكين عدة بكالوريات

بكالوريا الزواج
بكالوريا الأولاد " 04 بكالوريات "
بكالوريا راحة البال و العائلة الكريمة
بكالوريا ربة بيت و مسيرة منزل

و تريدين بكالوريا الدراسة

سجلي و حضري و ثابري و إلى الأمااام

و راكي رابحة إن شاء الله

فأنت بدأتي حياتك من النهاية ،
و ستصلين إن شاء الله للبداية

[طيبة نفس]

ربي يسهلك عادي وين راهم المشكل والناس تهدر تهدر لكن انت ديري الحاجة لي تحبيها وحقي امنيتك ربي يسهل

[محمد...عبد النور]

السلام عليكم و رحمة الله أختي الكريمة
ربي ييسر لك أمورك
ليس للعلم سن معين و لكن عائقه الوحيد عدم وجود الارادة
بالتوفيق و ان شاء الله تعالى راكي من الناجحين فقط الى الامام
ربي يوفقك و يهون عليك كل امر صعب و يقر عينيك بما تحبين
ســـــــــــــــــــــــــــــــــــــلام

[اسعى لرضى الله]

دك اليكي الخيار اما تريحي ومديري والو وراح يفوت عمرك

واما تعاودي الباك ويفوت عمرك ثاني بصح الفرق انك درتي حاجة ونجحتي فيها وماراحش وقتك هكاك

[aihemsara]

يا حسراااااااااااااااااه انا اول عام ليا في الجامعة قرا معايا راجل في عمر بابا يعني في 50نات
و امراه في 40نات
يعني عادي,, ربي يوفقك

[الامل بالله]

ربي يوفقك اختي

بصح بالاك تلقاي صعوبة بسبب البرنامج مشي كيف مي نظن تلقاي روحك بسبب المستوى تع بكري و تع دوك مشي كيف كيف و الله اعلم

[كاميلا]

بارك الله فيكي راهي نورمال ومافيها والوا بالعكس رح تكون انجاز كبير طلب العلم فريضة على كل مسلم ومسلمة وزيد راهم قراو معانا في عمر 50 اذا المهم تكون ارادتك قوية فقط موفقة باذن الله

[كاميلا]

ارادتك هذه دليل على ان الانسان مهما دار في حياته رح بالفطرة يولي ينمي في العقل تاعو لانه الله خلقهوله باش يميزوا عن سائ المخلوقات

[مناد بوفلجة]

بارك الله فيكي راهي نورمال ومافيها والوا بالعكس رح تكون انجاز كبير طلب العلم فريضة على كل مسلم ومسلمة وزيد راهم قراو معانا في عمر 50 اذا المهم تكون ارادتك قوية فقط موفقة باذن الله



الله يبارك :
ليسانس ماستر التجارة الدولية والقانون البنكي وشهادة الكفاءة المهنية للمحاماة وليسانس في الانجليزية

ما شاء الله

إرادة قوية و عمل ممتاز

[أستاذة منار]

بالتوفيق لك أختي الكريمة والله يكتبلك النجاح ان شاء الله

[nadineisraa]

اهم شيء في حياتك راكي حققتيه اختي وهو الزواج والاولاد هذه دنياك الامور الاخرى كلها سهلة

[الجليس الصلح]

http://3.bp.blogspot.com/-Kp9jsbB1qm0/T5iTvSUwEII/AAAAAAAAAHM/O_cAVkZBNc0/s1600/aflaton2.jpg