مشكلتي ساعدوني

[مشكلتي]

السلام عليكم

انا فتاة عمري 20 سنة مديتش لباك مرتين وهدي الثالثة اللي راح نعاود

مشكلتي هي اني نحشم من كلش

اتخيلو كي مديتش لباك رجعت نحشم نخرج ودرت في بالي بلي يقولو ايه شوفو هديك مداتش الباك وحشمت ورجعت من الدار منخرجش غير ساعات نخرج مع ختي ولا بنت خالتي ولا عمتي

وكي مديتش لباك المرة الاولى حشمت نعاود نسجل في الدروس الخصوصية على اساس اني كبيرة على اللي راح نقرا معاهم وراح يتمسخرو بيا ومسجلتش وتعقدت عليها مديتش الباك للمرة الثانية

وانا ناقصة في ليلونغ خاصة الفرنسية وقالتلي خالتي ديري ليكور فيها راح يعاونوك وثاني حشمت نروح

العام هدا بغيت نبدل تخمامي ونروح نسجل في الدروس الخصوصية ودروس تقوية اللغات بصح حشمت ومازالني مترددة


كيفاش ندير يا ناس حياتي دمرت من الحشمة ؟

وكون نروح نسجل في دروس تقوية اللغات فيها عيب هدي حاجة يحشمو منها؟

دبرو عليا كيعاد لا بقيت هكا راح نتعقد منيش باغية تدمر حياتي

[nasser26]

أختي الدراسة ما فيهاش حشمة ولو 100 سنة

توكلي على الله

[aissam .3820]

الحشمة حاجة مليحة يا اختي قلال الناس اللي يحشموا....
..


بصح ما تخليهاش تأثر فيك وديري ثقة في نفسك وتوكلي على ربي سبحانو...
...
ديري ليكور واقراي عادي وشاركي فالحصة وتناقشي بالعكس رايحة تكوني مفيدة لزملائك...
...
ورايحين يستفادوا من خبرتك..
..
والعلم ما عندوش سن..وربي يوفقك ان شاء الله...
...
وتروحي للجامة وتأكدي بلي رايحة تلقاي روحك من اصغر الطلبة فالقسم او المدرج...
...


بالتوفيق مرةاخرى..


..

[*أمة الله*]

هههههه يا ختي الحشامة هدا مستقبلك كان يدير معايا ليكور واحد عنده٢٦ ني حشمة ني والو زيري رحك قراي ديري ليكور حوسي سكسي شيخة و لا يهمك أحد و نقارعولك تفرحينا

[z.abdo]

السلام عليكم

انا فتاة عمري 20 سنة مديتش لباك مرتين وهدي الثالثة اللي راح نعاود

مشكلتي هي اني نحشم من كلش

اتخيلو كي مديتش لباك رجعت نحشم نخرج ودرت في بالي بلي يقولو ايه شوفو هديك مداتش الباك وحشمت ورجعت من الدار منخرجش غير ساعات نخرج مع ختي ولا بنت خالتي ولا عمتي

وكي مديتش لباك المرة الاولى حشمت نعاود نسجل في الدروس الخصوصية على اساس اني كبيرة على اللي راح نقرا معاهم وراح يتمسخرو بيا ومسجلتش وتعقدت عليها مديتش الباك للمرة الثانية

وانا ناقصة في ليلونغ خاصة الفرنسية وقالتلي خالتي ديري ليكور فيها راح يعاونوك وثاني حشمت نروح

العام هدا بغيت نبدل تخمامي ونروح نسجل في الدروس الخصوصية ودروس تقوية اللغات بصح حشمت ومازالني مترددة


كيفاش ندير يا ناس حياتي دمرت من الحشمة ؟

وكون نروح نسجل في دروس تقوية اللغات فيها عيب هدي حاجة يحشمو منها؟

دبرو عليا كيعاد لا بقيت هكا راح نتعقد منيش باغية تدمر حياتي


السلام عليك أختي انظري كم مرة كررت الحشمة أختي انت معقدة نفسك فوق اللزوم وطلب العلم ليس محدد بسن معين

وإذا لم تدرسي اليوم وانت في هذا السن وتري نفسك أنك كبرتي فستدرسي لما تكبري صح في محو الأمية


أختي انت بصراحة تنقصي من قيمتك

ومشكلتك والله ليست في الدراسة وإنما شخصيتك متذبذببة وتعطي قيمة لكلام الناس فوق اللزوم وهذا يحطمك


عليك ان تصنعي من نفسك بنت قوية تتحدى الصعاب وترسم طموحات واضحة ومحددة للنجاح ولا يهمك كلام الناس

لأنك مهما فعلتي لن ترضيهم


انصحك أن تقراي قصص النجاحات التي تزيد من عزيمتك وقوي نفسك في اللغات والمواد التي تري نفسك انك

ضعيفة فيها . ولايمهك كلام الناس


حددي أهادف في حياتك قريبة المدى متوسطة المدى وبعيدة المدى و بحيث تكون أهداف واقعية

مثلا ان تدخلي للدروس الخصوصية وهذا هدف قريب المدى أن تنجحي في الباكالوريا هدف متوسط المدى

أن تتخرجي من الجامعه وتبني أسرية خاصة بك هذا هدف بعيد المدى ومرتبط بنجاحتك الأولى

اختي نمي قدراتك ولا تستضعفي نفسك وفجري طاقاتك التي بداخلك

وربي يوفقك أختي

[mehdikolea]

الأخت الكريمة لا داعي لتهويل الأمر
ان شاء الله السنة تجيبي الباك و تلقاي في الجامعة عيباد بزاف كبار عليك
و يجو يقراو و حاجة عادية
حاولي تديري ثقة أكبر في نفسك و نعانوك ماشي مشكل
+
بخصوص اللغات و خصوصا الفرنسية نظن ماشي حاجة صعيبة ، خصوصا و أن المجتمع الجزائري فرانكوفوني
بسبب الإستعمار الفرنسي
و لهذا ديري في بالك بلي تقدري تتعلميها بسهولة لكن عليك تحطي راسك شوية حاولي تقراي الجرائد و االكتب المفرنسة
اكتبي واش يجي في بالك و تكلمي فرنسية كل ما سنحت لك الفرصة
+
يكون عندك مشكل في الفرنسية أنا في الخدمة الأخت ماشي مشكل
و ربي يفرج عليك ان شاء الله

[mehdikolea]

الأخت الكريمة لا داعي لتهويل الأمر
ان شاء الله السنة تجيبي الباك و تلقاي في الجامعة عيباد بزاف كبار عليك
و يجو يقراو و حاجة عادية
حاولي تديري ثقة أكبر في نفسك و نعانوك ماشي مشكل
+
بخصوص اللغات و خصوصا الفرنسية نظن ماشي حاجة صعيبة ، خصوصا و أن المجتمع الجزائري فرانكوفوني
بسبب الإستعمار الفرنسي
و لهذا ديري في بالك بلي تقدري تتعلميها بسهولة لكن عليك تحطي راسك شوية حاولي تقراي الجرائد و االكتب المفرنسة
اكتبي واش يجي في بالك و تكلمي فرنسية كل ما سنحت لك الفرصة
+
يكون عندك مشكل في الفرنسية أنا في الخدمة الأخت ماشي مشكل
و ربي يفرج عليك ان شاء الله

[amirateljazayer]

ياحبيبتي الحشمة في الحاجة تاع العيب والحرام برك
اما القراية لاّ
انا تخرجت من الجامعة وخدمت وحبيت نروح للخارج كنت ندير دروس تقوية لغات وانا في عمري 25 وكانو يدرسو معايا من جميع الاعمار
من سن 11 سنة حتى ل48 سنة
علاش الحشمة ؟
توكلي على الله وحاولي تتخلصي منها بنفسك ..راها مشي حاجة كبيرة
ربي يوفقك وتجيبي الباك هاذ العام ان شاء الله
--------------------------
بالمناسبة عندي بنت خالة رسبت فالباك 7 مرات وكي خذاتو كانت الاخيرة في القائمة
وطول المدة اللي كانت تعاود فيها الباك قرات شحال من حاجة من اعلام آلي الى لغات ما خلاّت والو
والله العظيم كانت الاول في دفعتها في الجامعة والىن راها تشغل اهم المناصب ..
يعني عسى ان تكرهو شيئا وهو خير لكم+ الانسان يستغل هاذ الوقت اللي راه يضيع في الباطل

[siyoucef]

ساهلة ماهلة و الحل غي هنا. شوفي اختي، أنا كنت نحشم كثار منك. بل كنت أكبر حشام في العالم و لكن كل شيء تبدل من اليوم اللي قررت نتبدل. و ذا حبيتي معلومات زيادة راسلسنة.

[شوق الجنة]

شوفى يا اختى نقولك حاجة نحى هاذ الافكار منبالك وللى بغا يهدر خليه يهدر بينو وبين مولاه المهم انت متتخلايش على مستقبلك على جال هدرة ولا زوج تلعبة ب 14 سنة قراية على جال عام والقراية الناس اكل تقرا تلقايهم عمارهم فى الخمسينات ويقراو وعمرو ماكاان هذا الشىء عيب انت متحطميش مستقبلك على جال حاجة متستاهلش منك هاذ التصرفات كامل انت روحى تقراى يا اختى ديرى دروس خصوصية تعاونك فى اىشىء شفتى روحك ناقصة فيه ولا تبالى للى يقول هاذى كبيرة وتقر وهاذى وهاذى لانك ستحطمين نفسك وهوما يدو غير ذنوبك فى الكلام عليك كونى قوية يا اختى والحشمة ماشى فى لقراية الحشمة فى حوايج اخرى معروفين بلا منذكروهم والقراية هذا حقك وربى طلب من الناس اكل العلم مقال لا كبير لا صغير لا والو احيطك علما اختى انى من سنك تماما 20 سنة وحدث لى مثل هذا حيث انى اعدت شهادة التعليم الابتدائى وسخر منى الجميع وكانو لدرجة يحقرونى لكن بفضل عزيمتى عاودت وقريت والعام لى عاودتو كنت نجيب معدل جيد ودرت القلب وها انا هذا العام تحصلت على شهادة البكالورياء ولى نجحو كامل وكانو يقراو معايا فى الابتدائى فى العام لى قبلى زعما كانو يقراو احسن منى الا انى فى البكالورياء تحصلت على معدل احسن من تاعهم كامل وهذا اكل بعزيمتى وعدم اكتراثى لما يقولون لانى مجربة يا اختى لهذا انصحك بمثل هذه النصائح وفى الاخير اتمنى لك التوفيق وانشاء الله مثل هذا الوقت تفرحينا بنجاحك يارب فى شهادة البكالورياء باحسن معدللللل يارب ادعو لك من الله ان يوفقك ماعليك سوى بنزع الافكار التى تفكرين بها من راسك

[بلسم غرام2018]

مفيهاش عيب لعام الي ات كانت تقرى معانا وحده متزوجه وكبيره