في نظري هي مشكلة

[مشكلتي]

السلام عليكم
انا فتاة ابلغ من العمر 22 سنة
مشكلتي هي انو للان لم يتقدم احد لخطبتي مع ان جميع صديقاتي تقدم الخطاب لخطبتهم مرتين و ثلاثة و ربما اكثر
مع اني اجمل و اذكى منهن
هل هذا طبيعي
و كيف اتعامل مع تلميحاتهن
صديقتي تقول ان التي لم يتقدم احد لخطبتها في سن العشرين لا تحلم بهذا في المستقبل

[الزهرة المضيئة]

اذا كنتي تدرسين
غاكيد هذا احد الموانع لان البعض لا يحبان يتقدم الى الفتاة حتى تنهي دراستها
و كلش بالمكتوب اختي
كل واحدة و نصيبها

[ramiusma]

كل شئ قسمة ونصيب

[soheib+206]

ذرك ولا الزواج يخوف

خاصة

مين كثرت عقلية القور

ولا حتا واحد ما يحب يتحمل المسؤولية

و هناك سبب أخر

الرجل كي يحب يتزوج يتجنب الجميلة يخاف

من الحسد أو من نظرات الرجال لزوجته

شحال من واحد تزوج بواحدة شابة وولا موسوس

[♥' سندس الفردوس ♥"]

الله يرزقك بزوج الصالح يا رب

[narimane1991]

متستعجليش مكتوبك اخيتي وكون واثقه في الله بحسن الخلق نتاعك وعفتك وحجابك راح يجيك المكتوب الي ملاين النساء يتمناوه
وكوني علي يقين في خير ربي
ياك هو الي قال في معنهي الحديث القدسي انا عند حسن ظن عبدي بي فإن كان خير فله وان كان شر فله
ومتنسايش حنونة راكي في اروع لحظات العمر ومزالك صغيرة مفتكش القطار
ربي يفرج همك ويسعد قلبك ويحفظك بسترو

[yasmina31]

ما تديريش على هدرة لبنات و خلي ثقتك بنفسك كبيرة كاين لي حتى تفوت الثلاثينات وهوما يخطبوها بزاف المهم ماتديريش الزواج هو محور حياتك لانو مكتوب من عند ربي و ان شاء الله ربي يفتح عليك عاجلا غير آجل

[AMINA.Z]

هههههههههههههه
و الله ضحكتيني انا من نفس عمرك و عمري ما خممت في الزواج
و حتى عندي صحابات قل مني و بولادهم كل مرة نبارك لوحدة
هوما فضلو يتزوجو و انا نفضل نكمل قرايتي علا بيها بالنسبة لي ماهوش مشكل
درك علا حساب تفكيرك و رغباتك ادا حابة تتزوجي هنا نقولك اصبري كلش بالمكتوب
و ادا غير باه تسكتي صحاباتك و راكي غايرة منهم نقولك ولي لعقلك الزواج ماهوش لعبة
وجدي روحك سع و اضمني مستقبلك و من بعد ربي و رحمتو
مازلنا صغار يا اختي

[ام مريومة]

ختي حاجة عادية جدا انا صراتلي و خممت كيما انتي و اول مرة خطبوني كان في عمري 22سنة و مرة ثانية في 23 سنة و الحمد الله كان هو مكتوبي و عندي الان بنت
متتفلقيش انشاء الله مكتوبك يجيك و متعمريش راسك بالهدرة ديري ثقة في ربي و ادعيه باه يرزقك بالزوج الصالح عاجل غير اجل

[ما فهمت والو]

ان شاء الله يرزقك ربي بالزوج الصالح

[زكرياء الأوراسي]

هذي صحبتك مسكينة متعرفش بلي الرزق على ربي سبحانو ماشي بيدها وهل هي تعلم الغيب كي قاتلك بعد 20 سنة واحد مايجي يخطبك؟؟؟
كاين بنات يهدرو برك لا علم لا والو على الاقل الانسان يكون يعرف ابسط الامور مايكونش حابس
المهم ختي حاولي تكوني عفيفة لانك جميلة اكيد ناس بزاف يديرونجيوك في الطريق المهم نتي حاولي تكوني عفيفة ومتخلي حتى واحد يوصلك وبربي ان شاء الله يرزقك ربي براجل لي يستاهلك
ولمرى الجاية لوكان صحبتك هذي تعاودلك لكلام هذا قوليلها كاين مثل يقولك من كثرة خطابها ححتى بارت
قوليلها انا نرضى يجي يخطبني واحد ونزوج خير منك نتي لي يجيو يخطبو 3 ولا 4 ومكان والو
المهم ربي يرزقك وربي يثبتك

[harague]

اذا لم يتقدم لك احد فلا تخافي هناك العديد من النساء مثلك 11 مليون في الجزائر

[مناد بوفلجة]

22 سنة !!!!

ما تتقلقيش

ربي و رحمتوا

[yacine-08]

هناك الملايين من البنات في متل سنك ، لم يتزوجوا او لم يفكروا بعد حتى بالزواج

وليس هناك اي مشكلة في دلك لان 22 سنة في هدا الوقت ، مازالت صغيرة

[imi02i]

كل شيء قسمـة ونصيب
و22 سنـة مازالك في عمر الزهور
أنا نعرف اللي راهم في 37 والفوق مزال واحد ماتقدم ليهم ومحتسبين وصابرين عل في الأمر خير
أما صاحبتك غير ماكان علاه تديها فيها
فخّرها واحد ولا اثنين حبت تتكبر عليك
وإن شاء الله ربي يجيبلك نصيب أحسن منها

[بلسم غرام2018]

انشاء الله مكتوبك يجيك و متعمريش راسك بالهدرة ديري ثقة في ربي و ادعيه باه يرزقك بالزوج الصالح عاجل غير اجل

[قطر الندى48]

السلام عليكم

صديقتي تقول ان التي لم يتقدم احد لخطبتها في سن العشرين لا تحلم بهذا في المستقبل


و عليكم السلام

صديقتك هادي بالذات بلا عقل و هي المشكلة في نظري

ماكانش قاع منها هاد الهدرة

زواج ربي كاتبلك وينتا غادي تتزوجي و معامن

راهي تجهل زميلتك هادي

قولها تستغفر و تتقي ربي

و حتى انتي اختي راكي كبيرة الله يبارك

من المفروض ماتسمعيش و ماتعمريش راسك بالكلام التافه هدا

...
حيروني بعض البنات ....تخمامهم مازال فالارض

ربي يهدينا اجمعين

[sali-sali]

الزواج مكتوب و زاد واش راه مقلقك مزالك صغيرة

تحسبي زواج ساهل راه مسؤولية كبيرة وادا قعدتي تسمعي للبنات وتعمري راسك ماتدي منها والو
خمي في قرايتك و لا خدمتك و زواج خليه حتى يجي وحده

[اسعى لرضى الله]

ايه ياو قوليلها علاه انتي حاكمة الرزق ؟ ولا كيفاش؟

قولها انا نقدر نتزوج وانتي متتزوجيش

زيد راكي صغيرة

والفايدة مشي في عدد الخطاب الفايدة كي يجي راجل صالح يخطب

صحا نسقسيك واش الفايدة كي يجيو 10 يخطبوك وهوما كامل مش مدينين ومش متربيين يعني كي بكري

بصح كي ميجي حتى واحد ومن بعد كي يفتحلك ربي الرزق يجيك واحد محلمتيش بيه واش تخيري ؟

راح تخيري الثانية مالا متقلقيش روحك وزيد لا راكي تخمي في الزواج ويعني باغياتو مش غير باش تفوخي ولا

قومي الليل وادعي ربي وكثري من الاستغفار وادعي ربي يرزقك رجل صالح

كيعاد لا الزواج تاع التمسخير مكان لاه ريحي في دار باباك مكرمة معززة خير مايحي كاش واحد ميستاهلكش يمرمدك

زيد نقولك قصة وحدة وين نسكن زوجت على 20 سنة وطلقت على 21 سنة

ووحدة خرى مكتبلهاش ربي تزوج حتى7 2 سنة تبالي وكي زوجت زوجت سيد الرجال راها عندها لولاد وبدارها وهانية ولاباس بيها

يعني متقلقيش روحك مبقاتش وكتاش تزوجي بقات كي تزوجي اسكو راح تعيشي هانية ولا راح تجيبي حياتك في المشاكل ؟

الزواج راه مسؤولية ومش راح تلعبي العشايش مالا خدمي عقلك ومتشوفيش لهدرة الناس راهي متدي متجيب وكي يجيك الرزق كوني متاكدة وحدة متوقفو بهدرتها الفارغة

ونورمالمون متكتبيلناش على المشكل هدا ياو قولينا مشكلتي انو عندي صحبتي حاطة روحها تقسم لرزاق

[lilou f lilou a]

كلش بالمكتوب نتاع ربي

[شاملة لينة]

[]رسالتك ناقصة[/iz
[[أنت لم تخبرينا عن نوعية الخطاب الذين تقدموا لهذه الفتاة ... هل هم رجال أم أصناف رجال أم أرباع رجال أم ............( عجبني عضو في المنتدى كاتب كاين راجل وكاين رويجل .........) المشكل ليس في وجود الخاطب وعدد الخطاب . المشكل أين هو الزوج الصالح الذي سوف يصونك (إن أحبها أكرمها وإن كرهها لم يظلمها).. هذا النوع هو الذي يجب أن تبحثي عنه حتى وان انتظرت طويلا وأن تسألي الله أن يكرمك به.... فالأفضل كما يقال أن أنتظر القطار أحسن من أن يدحسني قطار .
صغيرتي اصبري واستعيني بالدعاء لا تكترثي لكلام صويحباتك الحمقاوات....... فالزواج مقدر نحن علينا فقط الأخذ بالأسباب المشروعة.
و أقول لك غيرك كثير يعانين وصابرات.... وأهمس في أذنك أنا أيضا أنتظر هههههههههههههههه
لعل الفرج قريبا .......................................والله الموفق
[size="6"][[/siz[/center]e]/size]

[hfhgffgvf]

عادي و كل شي بالمكتوب ماتعمريش راسك بهاد شي على خاطر كل ماتخمي فيه صدقيني نسيتك رح تتعب و بشوي رايحة تتعقدي و اصلا مازلتي صغيرة و الدليل اني نطلب منك تسالي نفسك هاد السؤال هل نقدر نتحمل مسؤلية راجل و عايلة و اولاد جاوبي نفسك بكل صراحة و هاد شي ممكن يريحك مؤقتا و في الاخير نقولوا كل شي بالمكتوب الواحد لازم يصبر

[حكايا القمر]

السلآم عليكُم ورحمة الله وبركآته
22 سنة لآزلتي في عمر الزهور أختي =)
إذآ كنتِ تدرسين ، فأحرصي على درآستك أولـآ فالزوآج رزق كمآ الأكل ، والمآل .. كل شيء بحسبآن
فالله هو الرآزق وليس البشر ..

والحكمة ليست في كثرة الخطآب " وكمآ نقولوآ البنت يخطبوهآ عشرة وتتزوج وآحد "
فمآ الفآئدة من فتآة خطبهـآ عشرة أو عشرين ولم يكتب لهآ الزوآج بأحد منهم ، إمآ لعدم صلآحهم " إذآ كآنت البنت تبحث عن ذلك طبعآ " وإمآ لأسبآب أخرى ... وأخرى أول خآطب لهآ كآن نصيب مليح دين ومآل ومآتتمنآه !! قولي من الأحسن ؟؟

نعم الأمر طبيعي وطبيعي جدآ ..

ربي يثبتك ، ولآ تستعجلي وتتزوجي من أجل شيء إسمه زوآج وحتى يقآل أن فلآنة مخطوبة أو متزوجة لإسكآت النآس ، فالزوآج عمر .. عليكِ التمهل والتريث في إختيآر شريك حيآتك ..

ربي يرزقك الزوج التقي النقي وكل بنآت المسلمين ...




مجرد نصيحة بسيطة ، لكل مهموم ، لكل مذنب ، ولكل محروم من الذرية أو الرزق أكثروآ من الإستغفآآآر مصدآقآ لقوله عزَ وجل " إستغفروآ ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا "

[عادل إن شاء الله]

اختي ديري ربي في بالك كل واحد و مكتوبو....ربي يجيب لي فيه الخير

[ميرال هبة الرحمان]

السلام علكم و رحمة الله و بركانه ......
اختي الكريمة سنك في هذا الوقت صغير جدا لا تقلقي الزواج بمكتوب ربي .