مشكلتي

[مشكلتي]

السلام عليكم
مشكلتي هي اني تائهة بين افكار متفرقة بالاول انا قتاة ف 18 سنة .... المهم انا لاحظت انو كي نكون نمشي فالطريف كاين واحد يتبع فياا يبقا غير يعس فيا لاكن انا مهتميتش ..البارح جاني ميساج في الفاايسبوك ديالي من طرف شخص قالي راني حاب نهدر معاك وبعتلي رقم الهاتف انا مرجعتلوش ومعيتلووش زاد بعتلي وقالي انا الي كنت نتبع فيك هدوك اليمات وكنت لابس كدا وكدا زدت مرجعتلوش زاد بعتلي وقالي على اسمي وعلى اسم بابا وانه كان يخدم عندوو و كي شافني عجبتوو و راه حاب نكونو لبعضانا زعما كيما قال علاقة سيريوو الي تكمل للزواج منبعد انا قتلو انا ماشي تاع هد العفايس وسمحلي ومتستنا مني والوو وغير شووف وحدة اخرى لان مارانيش حابة دوك نكون في علاقة وانا نحب العلاقات الجدة الى تكمل للزواج و دوك مرنيش مستعدة للزواج "" في هد اللحظة حسيت باني قسيت عليه و راني حاسة بلي غلطت كي قتلو هكداك وهديك الطريقة و ندمت منبعد هو قالي ادا محبيتيش معليش خد راحتك والبنات مزالوو كايننين مدامك انت محبيتيش و الزواج قمة ونصيب راني عرفت بلي انا مانسوا والو عندك انا دوك راني حاايرة التصرف الي درتوو صحيح ولا غالط ارجوكم جاوبوني والوااقع اني في حياتي مهدرتش فالهاتف مع شباب ولا ميت مع واحد انا قلت بيني بين نفسي كل هد المدة و الاغراءا مقبلتش دوك نقبل لالا و راني حابة كل حاجة تكون بيني وبين الزوج المتقبلي

[الحطاب سهام]

يا الحنونة ويا الحنونة ...هذي الهدرة قاع راهن يهدرهوها الرجال للبنات باه يصايدوهم ...مسكييييييييييييين شفك ياك؟؟؟قعدتي تقولي في راسك ....اخااااه راحلي راجل خلاص!!!!!
راكي غالطا يا الحنونة هذا غير ثعلب راهو يحوس يجوز الوقت معاك ....والي عجبتيه يروح عندباباك يخطبك بالشان والشنشان ماشي يشب عكمنك في الفايس وفي الهاتف ومن بعد يقولك ...عذرا ماتوالمينيش
اختي اسمعي مني ...ياو اخطيك من حب الانتارنات ...والله مايجيك منه الا وجع الراس....والي حبك باباك راو كاين ويتقدم كي الرجال ....ماتمرمديش روحك مع وجوه الميزرية الي يصطادو بنات الفاميلا ويتمسخرو بيهم في الفايس
اذا كنتي فحلا احذفيه من قائمة اصدقاءك نتاع الفايس وهني راسك

[ANWAR 11]

بما انه يعرف والدك كان من المفروض ان يذهب مباشرة له اذا كان قصده شريفا........ و الله اعلم بالنوايا

يا اختي ما يغرك ما والو اذا كان مكتوبك يطول ولا يقصر راح تتزوجيه........... و كلام الهاتف و النت ووووو غير اخطيك

ربي يرزقك بالزوج الصالح اختي

[♥' سندس الفردوس ♥"]

يا أختي في الاول يلعبوها ملائكة و لكنهم ذئاب و الله
عادي اختي انتي فعلتي الصح و لي يحبك يعرف داركم وين
الله يرزقك بزوج الصالح يا رب

[AMINA.Z]

من المفروض تحذفيه من اول رسالة بعتهالك باه يفهم روحو
و نمدلك نصيحة روحي صفي قائمة الاصدقاء اللي عندك و خلي فيها غير اللي تعرفيهم
ما تجيبيش لروحك المشاكل
و زيد راكي صغيرة و هادا راهو حاب يتعرف بيك قبل زعما
يا اختي حرام العلاقة بين الشاب و البنت
و حتى في المستقبل و ما تغلطيش ربي هو الاول ديما حطيها في راسك
و الزواج ماهوش كلش ماكالاه تكسري راسك بزاف
التهاي بقرايتك خيرلك
ربي يحفظك ان شاء الله

[الواثق]

يروح يلعب على روحو..........وعلاه اذا كان باغيك يبعثلك رقم هاتف ؟؟؟؟..............هذه حماقة .............يروح يتقدم لوالديك وخاصة قال انه يعرف والدك وعائلتك

ونصيحة لايشفك هذا لاوالو .............هو صح يشف لانه احمق او يدعي الحماقة لكن احترزي واعلمي ان كل علاقة قبل الزواج هي محرمة ولانية سليمة ابدا فنحن في مجتمع الذئاب.......................والله يهدينا ويهديك ويثبتنا على الحق

[زكرياء الأوراسي]

السلام عليكم اولا احيي فيك هذه الاخلاق الطيبة التي تملكينها ففي الف فتاة نجد واحدة فقط لا تلكم حبيبها او زميلها في الهاتف
فاسال الله ان يحفظك من كل سوء وان يثبتك على ذلك
اما بخصوص انه شفك وغاضك مسكين فهذا مدخل من مداخل ابليس يدخلك من باب التربية والاخلاق يقولك نتي ماكيش متربية تاذي الناس ولا تحرجيهم مافيها والو لوكان تهدري معاه وتفهميه بادب واخلاق ....هكذا تكون نيتك مع الاول لكن هنا يبدى الشيطان يخدم وتولي تهدري معاه كل يوم خاصة انه ماعندكش تجربة في هاذ العلاقات يعني راح تكوني ساهلة بويسك ماتعرفيش لكن الشيطان خبيث ويعرف افكار بنو أدم كيف لا وهو من وقت ادم وهو يحارب فينا
يعني وش حبيت نقولك اختي انه هذا مدخل من مداخل ابيلس نعوذ بالله منه
فعملك طيب وما قمتي به جميل جدا لكن بقالك غير تزيدي تنحيه من قائمة الاصدقاء لان الراجل اذا رفضاتو مرى ومحبتش تهدر معاه يبقى غير يحاول ويفكر كيفاش تهدري معاه ولهذا اقطعي كل السبل لي راح تخليه يخدشلك في حياءك....
وفقكم الله اختي الكريمة واسال الله ان يحفظك من كل سوء فامثالك قليلات والله المستعان....

[الدر المكنون]

تهنيتي منو راهو يتمسخر بك برك

وهذا الكلام اللي قولتيه هو حديث النفس الامارة بالسوء يعني الشيطان يلعب بك هذا ما يشفش بالعكس


الله لا يردو زيد باين لعوب مومالف بالتمسخير امالا يروح يلعب بعيد عليك ماتزديش تهدر يمعاه وال تردي راهو ينشرك ويسمع قع الخلق وتولي اسفل السافلين

مكاش الي تحب تذل باباها

[مناد بوفلجة]

الذي يريد الزواج ، يأتي من الباب

و ليس من النافذة

أخطيك منه

و إبتعدي عن تلك الأوهام

[imi02i]

شوفي أختي
باش يكون في علمك بلي الشاب إذا حطّ عينو على طفلـة راه يجيبها بكل الطرق وإن دعى ذلك إلى أن يهين نفسـه ويتحمل كل إهانـة تقولها له الفتاة وفي الأخير كي تلقاه مصر عليها يبدا يرق قلبهـا وتحكي معاه ويغرها ويلعب بيها ومن بعد يرميها
اللي ناوي فيك راه يجيك من باب داركم ،
وديري في حسابك بلي أذا كان راه يخدم عند بوك ، بالاك متفاهمش معاه وخرجو من الخدمـة وحاب ينتقم منو على طريقك أنتي
{خمي في هذا الأمـر ثاني} لأن قبل أيام صرات قصة مشابهة في منطقتنا أودت إلى فضيحـة كاملة لأهل الفتاة
أنتي رديتي عليه وجاوبتيه ، هذا الشيء يخليه مصر باش يعاود يتصل بيك في كل مرة لذا ننصحك تجاهليه تماما
وخليك من تفكير القلب والعاطفة لأنه يؤدي بك إلى مالاتحمد عقباه

[بلسم غرام2018]

صحيح ماقاله الاخوة قبلي
وازيد على كلام ايمي
اياك ترد على نمرو تاع تلفون متعرفيهش قادر يعيط بنمروات بزاف والا هزيت رحت فيها او يهبلك ووصي صديقاتك الي عندهم نمروك ميمدوهش اصلا لاي كان

[السيدة كرمين]

قد ما تكون قسوتك - طبعا دون تجريح في الشخص - يظهر معدنه على أصله

[amirateljazayer]

السلام عليكم
اذا كنت فعلا غير مستعدة للزواج الآن وهذا هو الارجح فلا عليك
كان جوابك في محلّه ولم تخطئي في حقه l ..بالاضافة الى ان الطريقة التي تكلّم بها معك تستحق منك نفس الرد
كيف يبعث لك في الفايسوبوك بهذه الطرقة التي تقلق ..
اذا انبّك ضميرك وأرجو ان لا يفعل هههه فانظري الى قوله
*ادا محبيتيش معليش خد راحتك والبنات مزالوو كايننين مدامك انت محبيتيش و الزواج قمة ونصيب *
ليس متمسكا بك ان أراد الزواج بك ..او انه لا ينوي الزواج أصلا..

ربي يوفقك حبيبتي ويرزقك بالزوج الصالح في الوقت الذي ترين نفسك فيه مستعدة لبناء هذه العلاقة المقدسة.
تحياتي

[شاملة لينة]

أنت لا تريدينه ورفضته وأنهيت الأمر............... عم تسألين الآن؟؟؟؟؟؟؟؟ سؤالك غامض جدا.................
1/ هل تريدين القبول؟ إن كنت كذلك قولي له يتصل بالوالد
2/ هل تحسين بذنب؟؟ المرأة يخطبونها عشرة وتأخذ واحدا فقط. فأذا كان كل واحد ترفضه تشفق عليه إذن تبقى مشفقة على الجميع...........
ضحكتيني ولا أريد أن أظلمك بظنوني................................ الله يوفقك

[قطر الندى48]

السلام عليكم
اذا كنت فعلا غير مستعدة للزواج الآن وهذا هو الارجح فلا عليك
كان جوابك في محلّه ولم تخطئي في حقه l ..بالاضافة الى ان الطريقة التي تكلّم بها معك تستحق منك نفس الرد
كيف يبعث لك في الفايسوبوك بهذه الطرقة التي تقلق ..
اذا انبّك ضميرك وأرجو ان لا يفعل هههه فانظري الى قوله
*ادا محبيتيش معليش خد راحتك والبنات مزالوو كايننين مدامك انت محبيتيش و الزواج قمة ونصيب *
ليس متمسكا بك ان أراد الزواج بك ..او انه لا ينوي الزواج أصلا..

ربي يوفقك حبيبتي ويرزقك بالزوج الصالح في الوقت الذي ترين نفسك فيه مستعدة لبناء هذه العلاقة المقدسة.
تحياتي

عجبني رد الاخت

هادا واحد من الشباب اللي باغيين يتمسخرو ببنات الناس

و زعما قالك هاك باه يغيضك

و انتي تغيري تقولي كيفاش رايح يروح لوحدة اخرى

و ترجعي تخمي فيه و توافقيه
....

ماتعمريش راسك بيه خلااااص
...
تصرفك في محلو....الله يكثر من امثالك
و
ربي يهدينا اجمعين

و يثبتنا على الدين

الله يوفقك لكل خير اختي

[islam girl]

ههههههههههههههههههه


ضحكتيني ...


شفك ؟!!


الله يهدي ما خلق هذا الفيس بوك فسد كامل البناات والشعب الجزائري

يا أختي حراااااااااااااام أفهموووووووووووووووواااا


كيفاه تهدري مع واحد خاطيك


الله يهدينا

[islam girl]

ههههههههههههههههههه


ضحكتيني ...


شفك ؟!!


الله يهدي ما خلق هذا الفيس بوك فسد كامل البناات والشعب الجزائري

يا أختي حراااااااااااااام أفهموووووووووووووووواااا


كيفاه تهدري مع واحد خاطيك


الله يهدينا

[نيروز الجزائرية]

صغيرة وعاقلة متوسخيش روحك بهاد العلاقات ادا كان يخدم عند باباك يروح يقصد باباك ماشي يجي يهدر معاك في الفايس بووووك
وميغيضكش الرجل اللي يتمسكن
اصلاا لوكان جا يستهل صح ميقولكش كاينين لبنات يرووح ويسكت

[faty05]

لالا لا لا
لا تندمي و لا شي درتي مليح يا بنت الناس
ارمي عليك الهم
هذا كان يخدم عن باباك مممممم و ما ادراكي حاب ينتقم من باباك بايذاءك انتي
و اصلا لوكان جا ناوي الحلال يحكي مع باباك ,,ياك يعرف العنوان و سامع بسمعتكم
اخطيك منو
هذا ما يغيضش خلاص
انتي لي نية
حلي عينيك

[قاتلة الصهاينة]

عندك حق 100/100
اذا عاد جاد يجي لداركم
يجي من باب الدار مش من ظهرها

[chira-dz]

يا الحنونة ويا الحنونة ...هذي الهدرة قاع راهن يهدرهوها الرجال للبنات باه يصايدوهم ...مسكييييييييييييين شفك ياك؟؟؟قعدتي تقولي في راسك ....اخااااه راحلي راجل خلاص!!!!!
راكي غالطا يا الحنونة هذا غير ثعلب راهو يحوس يجوز الوقت معاك ....والي عجبتيه يروح عندباباك يخطبك بالشان والشنشان ماشي يشب عكمنك في الفايس وفي الهاتف ومن بعد يقولك ...عذرا ماتوالمينيش
اختي اسمعي مني ...ياو اخطيك من حب الانتارنات ...والله مايجيك منه الا وجع الراس....والي حبك باباك راو كاين ويتقدم كي الرجال ....ماتمرمديش روحك مع وجوه الميزرية الي يصطادو بنات الفاميلا ويتمسخرو بيهم في الفايس
اذا كنتي فحلا احذفيه من قائمة اصدقاءك نتاع الفايس وهني راسك

بارك الله فيك :19:

[عميروش الحر]

لم اعرف ان الناس ولاو يخطبو فالفايسبوك و بالزيادة يخطبو طفلة من نفسها ههههههههههههههه
سيريو تعني جاد و الجاد يعني راجل والراجل يهدر مع الرجال ومادام ما وقفش عند باب الدار ودق دق معناها لم تتأكد بعد سيريوزيته
لذا لا تندمي على ما فعلتي و أي واحد هكذا افعلي معه نفس الامر