أمر هام لأعضاء منتدى الجلفة

[Anis_2012]

السلام عليكم
حبيت نكتب هذا الموضوع من مشاركتي في منتدى الجلفة. قد لاحظت أنو في بعض الأقسام التي يكون فيها النقاش بين أعضاء المنتدى مرات يخرجو بعض الأشخاص عن الموضوع ويصير فيه نوع من الدردشة وينساو الموضوع ويحدث كلام ومجاملات بين الأعضاء وهنا أنبه كل الاخوة والأخوات من بعض السلبيات النقاش والمشاركة في المنتدى :
الكل يعرف أن الانسان بطبيعته يحب يسمع الكلام الجميل والنصيحة من الشخص الأخر وحنا كلنا عندنا مشاكل وهموم ونحبو نعبرو واش في قلبنا ولمى يلقى الشخص ليسمعلو وينصحو هنا راه الشخص يرتاح ليه ويحب يسمع منوا...حتى الدرك عادي لكن مين يكون هذا الكلام ونقاش بين فتاة وشاب !!!!! صح الكل يقول رانا كيلخاو لكن الشيطان شاطر ولانسان ضعيف .بمروري على عدة اقسام لاحظت انو شخص وصل حتى قال عجباتو بنت لكن ميعرفش كيفاه يتعرف بيها وهو قال نيتي الزواج ...نهضرو بصراحة شاب أو فتاة
لما تشوف في عدة مواضيع في المنتدى ليتناقشو فيه الأعضاء. الزواج. الحب. العلاقات. العمل العنوسة...الخ. ينجدب الشخص لبعض جمالية الردود وبالوقت يصير ينجدب لصاحب الردود وهنا يمكن يصير تعلق بشخص.
أكيد درك عرفتو علاه كتبت هذا الموضوع........حبيت نذكر الاخوة و الأخوات على بعض سلبيات المحادثة بين الجنسين والتهاون بيها لأن كلنا سمعنا بقصص كان مبدأها النية الحسنة وقال رانا نتناقشو في الدين ووو حتى صار تعلق ثم تحول الى حب ثم لقاء ثم .... وماينخدعش الواحد ويقول راني عارف روحي وأنا وأنا ؟ شعال من ناس أخيار وملتزمين وطاحو في الغلطة بسبب حسن النية ومجرد كلام وكلنا نعرف أن المنتدى هو غير الواقع يعني فيه وفيه ؟
أخيرا نقول صح واحد يحسن النية لكن التذكرة مليحا وهذا مجر رأي من أخ ونتمنى مانكونش ثقلت عليكم .

[الواثق]

لافض فوك اخي.............كلام جميل ونصيحة اجمل ............بارك الله فيك

[محمد...عبد النور]

السلام عليكم أخي أنيس 2012
بارك الله فيك على النصيحة و جزاك الله كل خير
ســـــــــــــــــــــــــــــلام

[SOUSOU. DZ]

السلام عيكم ورحمة الله

والله اخي عندك الحق وبارك اله فيك وهادي النصيحة قبل ماتقولها قالها خطيب اختيبعد ماحكتلو على المنتدى والقسم هدا بظبط كانت تدخل في نقشات طبعا كان احترام متبادل لكن قالها والله مع لوقت يعجبك تفكيرو وتصرفو ومام العضو يعجب للطفلة تفكيرها و و و ومبعد كيما قلت طيحو في يد شيطان ربي يحفظك على النصيحة ويبارك فيك جزاك الله كل خير

[سليلة الغرباء]

جزاك الله عن الجميع خيرا ولا خير في من لم ينتصح

الله يهدي الجميع إلى سواء السبيل

[شيء من رجاء !]

لا أظن أن الإعجاب بأسلوب عضو أو عضوة مشكل في حد ذاته ، فالأرواح جنود مجندة ماتعارف منها إئتلف وما تناكر اختلف ، سواء في الحياة الواقعية أو الافتراضية ، فقط يحتاج المرء لضبط الأزرار حتى لا نحرف الموجة .
بخصوص الاستشهاد بصاحب القضية ، لا أعتقد أنه كان من المناسب ذكرها ، وبالمناسبة هذه من بين العيوب التي تجعلني مقتنعة بضرورة إغلاق هذا القسم ، فالبعض يطرح مشاكله للمشورة والتنفيس ، لكن ينسى أن طول المكوث في نفس المكان يجعل أساليب أصحابها معروفة .
وبوركت ..

[الواثق]

لا أظن أن الإعجاب بأسلوب عضو أو عضوة مشكل في حد ذاته ، فالأرواح جنود مجندة ماتعارف منها إئتلف وما تناكر اختلف ، سواء في الحياة الواقعية أو الافتراضية ، فقط يحتاج المرء لضبط الأزرار حتى لا نحرف الموجة .
بخصوص الاستشهاد بصاحب القضية ، لا أعتقد أنه كان من المناسب ذكرها ، وبالمناسبة هذه من بين العيوب التي تجعلني مقتنعة بضرورة إغلاق هذا القسم ، فالبعض يطرح مشاكله للمشورة والتنفيس ، لكن ينسى أن طول المكوث في نفس المكان يجعل أساليب أصحابها معروفة .
وبوركت ..

وما الضير ان عرفت اساليب البعض ؟؟ ............المشكلة ليست في اعجاب او لا اعجاب ................المشكلة ما بعد الاعجاب ..........فالذي يدخل بحرا هائجا قد تغرقه الموجة وان كان من المحترفين ................وفقكم الله

[فتـ حييةـاة]

جزاكم الله عنا كل خير اخي

[شيء من رجاء !]

وما الضير ان عرفت اساليب البعض ؟؟ ............المشكلة ليست في اعجاب او لا اعجاب ................المشكلة ما بعد الاعجاب ..........فالذي يدخل بحرا هائجا قد تغرقه الموجة وان كان من المحترفين ................وفقكم الله

بالنسبة لي لا توجد مشكلة ، فقط حرصا على أصحاب المشاكل المطروحة و تجنيبهم إحراجات كهذه التي هنا ، من طرح مشكلته كان يطلب النصح ، ولم يكن غرضه أن يصبح نموذج تشبيه .
الإعجاب وما بعده ، قلت على العضو ضبط أزراره حتى لا تحيد موجاته ، وفق الله الجميع

[Anis_2012]

لا أظن أن الإعجاب بأسلوب عضو أو عضوة مشكل في حد ذاته ، فالأرواح جنود مجندة ماتعارف منها إئتلف وما تناكر اختلف ، سواء في الحياة الواقعية أو الافتراضية ، فقط يحتاج المرء لضبط الأزرار حتى لا نحرف الموجة .
بخصوص الاستشهاد بصاحب القضية ، لا أعتقد أنه كان من المناسب ذكرها ، وبالمناسبة هذه من بين العيوب التي تجعلني مقتنعة بضرورة إغلاق هذا القسم ، فالبعض يطرح مشاكله للمشورة والتنفيس ، لكن ينسى أن طول المكوث في نفس المكان يجعل أساليب أصحابها معروفة .
وبوركت ..

سبحان الله. الى الأخت رجاء الخير انا كتبت هذا الموضوع أولا للنصيحة والتذكير.ثانيا اذا معجبكش شي شغلك ؟ اما تقولي فقط يحتاج المرء لضبط الأزرار حتى لا نحرف الموجة .وشعال ناس قالو هذا الكلام ومانيش نقصدك لان هذه تذكرة ليا قبلكم والفاهم يفهم....اما قولتي : بخصوص الاستشهاد بصاحب القضية ، لا أعتقد أنه كان من المناسب ذكرها !!!! ياك الشي لقلتو ماهوش عيب ..........

[الواثق]

بالنسبة لي لا توجد مشكلة ، فقط حرصا على أصحاب المشاكل المطروحة و تجنيبهم إحراجات كهذه التي هنا ، من طرح مشكلته كان يطلب النصح ، ولم يكن غرضه أن يصبح نموذج تشبيه .
الإعجاب وما بعده ، قلت على العضو ضبط أزراره حتى لا تحيد موجاته ، وفق الله الجميع

انا فهمت انا قصدك من معرفة الاسلوب سببه التواجد في قسم معين فقط.................وانا لم اقصد التشهير بما يفعل البعض او يخطأ فكلنا معرضين للخط والنصيحة لانجعلها فضيحة ...........في هذا انا معك ولانختلف

[Lydia istanboul]

كلام جميل بارك الله فيك.....خاصة أنك لم تعب النوايا بل همك الخوف على اخوانك واخواتك من خبث الشيطان ومكره....سلام

[Anis_2012]

بالنسبة لي لا توجد مشكلة ، فقط حرصا على أصحاب المشاكل المطروحة و تجنيبهم إحراجات كهذه التي هنا ، من طرح مشكلته كان يطلب النصح ، ولم يكن غرضه أن يصبح نموذج تشبيه .
الإعجاب وما بعده ، قلت على العضو ضبط أزراره حتى لا تحيد موجاته ، وفق الله الجميع

ياختي انا ماقصدت حتى واحد بعينو .اما راكي تقولي احراجات ونمودج للتشبيه لالا والله العظيم انا هذا الموضوع راه في بالي مندا شعال وقلت نكتبو للنصيحة والتذكرة وماقصدت والو وربي شاهد وكيما قال الاخ الواثق مكانش الي مايغلطش

[شيء من رجاء !]

سبحان الله. الى الأخت رجاء الخير انا كتبت هذا الموضوع أولا للنصيحة والتذكير.ثانيا اذا معجبكش شي شغلك ؟ اما تقولي فقط يحتاج المرء لضبط الأزرار حتى لا نحرف الموجة .وشعال ناس قالو هذا الكلام ومانيش نقصدك لان هذه تذكرة ليا قبلكم والفاهم يفهم....اما قولتي : بخصوص الاستشهاد بصاحب القضية ، لا أعتقد أنه كان من المناسب ذكرها !!!! ياك الشي لقلتو ماهوش عيب ..........

دعائي لك بالبركة يعني موافقتي لك فيم نصحت وذكرت " وذكر فإن الذكرى تنفع المؤمنين " " وكلنا نحتاج من يذكرنا ويصوبنا إن انحرفت مراكبنا .
وضبط الأزرار هو الحل المنطقي فالمنتدى مختلط والمواضيع متاحة للجنسين ، قد يعجبك أسلوب شخص مع أنك لا تشارك في مواضيعه قط ، فقط تكتفي بالمتابعة من بعيد ، ما علاجها حينها ؟ لذلك قلت نجتهد وإن زللنا نؤوب وننيب .
أما استشهادك ليس عيبا ، ولكنه محرج لصاحب المشكلة ، وقد رأيت هذه الظاهرة في أحد المواضيع أحدهم يستشهد بمشكلة طرحتها عضوة ، في هكذا ظروف دائما أحاول وضع نفسي في مكان الشخص لأقيس الأمور على نفسي ، فوجدت لو كنت طرحت مشكلة وأخفيت اسمي ، ثم أجد شخص يستشهد بها سأشعر بالضيق والحرج ، أحب العمل بالمثل " حط ايدك وسط عينك كما تحس روحك حس غيرك "

[شيء من رجاء !]

انا فهمت انا قصدك من معرفة الاسلوب سببه التواجد في قسم معين فقط.................وانا لم اقصد التشهير بما يفعل البعض او يخطأ فكلنا معرضين للخط والنصيحة لانجعلها فضيحة ...........في هذا انا معك ولانختلف

لا الأسلوب ، هو فكر الشخص الذي يظهر في كتابته ، بالإضافة لأسلوبه وطريقة تنسيقه وأخطاءه اللغوية وغيرها ، هذه لا تتغير سواء كان الشخص مرابط في قسم معين ، أو يشارك في أقسام عديدة

ياختي انا ماقصدت حتى واحد بعينو .اما راكي تقولي احراجات ونمودج للتشبيه لالا والله العظيم انا هذا الموضوع راه في بالي مندا شعال وقلت نكتبو للنصيحة والتذكرة وماقصدت والو وربي شاهد وكيما قال الاخ الواثق مكانش الي مايغلطش

أدري قصدك ، وذكرت ملاحظتي لأن الموضوع للتناصح بيننا
بوركتم

[nibrasse76]

عادي يا جماعة ...اذا كان معنا فالمنتدى هنا أطفال ...فالذنب ذنب اولياء امورهم ما دخلنا بهم ...أسوء شيئ نعانيه فالانترنت هو الاطفال والذري ...يخلوا الالعاب ..والرسوم المتحركة ...ويدخلوا اقسام الحوار والنقاش ..وقتاش يوصل 2050 ويصبح بامكاننا استعمال المبيد او الفليطوكس في التعليقات والردود.

[نورسين.داية]

عادي يا جماعة ...اذا كان معنا فالمنتدى هنا أطفال ...فالذنب ذنب اولياء امورهم ما دخلنا بهم ...أسوء شيئ نعانيه فالانترنت هو الاطفال والذري ...يخلوا الالعاب ..والرسوم المتحركة ...ويدخلوا اقسام الحوار والنقاش ..وقتاش يوصل 2050 ويصبح بامكاننا استعمال المبيد او الفليطوكس في التعليقات والردود.

رد في القمة ...............يضرب معنيين في نفس الوقت ...............................بارك الله فيك

[خولة لبابة]

الدين النصيحة..............فبارك الله فيك..............اللهمّ انّا نستغفرك و نتوب اليك..........

[مريم الصابرة]

السلام عليكم اخي
نصيحتك شكرا عليها وبارك الله فيك ولكن اخي ما تضخموش الأمور ممكن راني معاك الدردشة تروح لطريق اخرى لكن يا اخي ماشي اللي ناقش عضو او والف يحطلو رد في موضوعو يعني العضو عاجباتو العضوة هذيك او هو عاجبها ممكن إعجاب بطريقة التفكير بالراي بالحكمة بالتفقه في امور الدين لكن ليس إعجاب اللي راكم تفسرو فيه يا اخي هي صح النية تلعب دور كبير إذا كان ربي قال الأعمال بالنيات علاش الناس تفسر الأامور على هواها وزدت راك تقول خاصة فالقسم هذا علاش واش راه يضير فالقسم هذا عادي إحترما كبير بين الأعضاء كون نحطو راي او رد لكل موضوع لذاك العضو او شكر هذا ما يعنيش حب يا اخي الله يهديكم صح والله بارك الله فيك راني معاك وموافقتك لكن ما نمدوش للامر اكبر من حجمو كوني مثلا نسقسي على عضو غائب منذ مدة هذا ما يعنيش كاين إعجاب او حب او كوني عضو دائما نحطلو رد حتى لو ما نتفقش معاه فهذا من باب الإحترام ومن باب العضو هذاك والفت تواجدو في مواضيعي وانا نتواجد في مواضيعو يعني عادي وبزاف بالنسبة ليا لا ارى اي دردشة مازال ما درتوش فرق بين الدردشة العادية في سياق الموضوع ودردشة بين راجل ومرا هذاك يكون فيها كلام مباشر بالنسبة للعضو اللي قال عضو عجباتو عضوة يا اخي ممكن راك عليا لانو صرات وقال عضو حاب نتزوج بيك والإدارة دخلت وين المشكل صح المنتدى ما راهش منتدى تعارف وزواج هذي اللي خلاتنا كلنا نحبو المنتدى لأانو صارم فالمجال هذا والامر حل وخلاص و لكن ما حسيتش بإهانة ليا او للعضو على العكس طلب امر وشرحتلو الإدراة وشرحولي الموقف والحمد لله ومشا الحال والغحترام للعضو زاد من طرفي و مازلنا هنا ونشاركو وماكان حتى مشكل يعني اخي في يدنا نتحكمو في انفسنا ونعرفو اخلاقنا لا اكثر ولا اقل شكرا ومبادرتك نوافقك عليها لكن بلاما تطرق لنوايا الناس شكرا.

[عبد الله 31]

جزاكم الله خيرا

[Anis_2012]

السلام عليكم اخي
نصيحتك شكرا عليها وبارك الله فيك ولكن اخي ما تضخموش الأمور ممكن راني معاك الدردشة تروح لطريق اخرى لكن يا اخي ماشي اللي ناقش عضو او والف يحطلو رد في موضوعو يعني العضو عاجباتو العضوة هذيك او هو عاجبها ممكن إعجاب بطريقة التفكير بالراي بالحكمة بالتفقه في امور الدين لكن ليس إعجاب اللي راكم تفسرو فيه يا اخي هي صح النية تلعب دور كبير إذا كان ربي قال الأعمال بالنيات علاش الناس تفسر الأامور على هواها وزدت راك تقول خاصة فالقسم هذا علاش واش راه يضير فالقسم هذا عادي إحترما كبير بين الأعضاء كون نحطو راي او رد لكل موضوع لذاك العضو او شكر هذا ما يعنيش حب يا اخي الله يهديكم صح والله بارك الله فيك راني معاك وموافقتك لكن ما نمدوش للامر اكبر من حجمو كوني مثلا نسقسي على عضو غائب منذ مدة هذا ما يعنيش كاين إعجاب او حب او كوني عضو دائما نحطلو رد حتى لو ما نتفقش معاه فهذا من باب الإحترام ومن باب العضو هذاك والفت تواجدو في مواضيعي وانا نتواجد في مواضيعو يعني عادي وبزاف بالنسبة ليا لا ارى اي دردشة مازال ما درتوش فرق بين الدردشة العادية في سياق الموضوع ودردشة بين راجل ومرا هذاك يكون فيها كلام مباشر بالنسبة للعضو اللي قال عضو عجباتو عضوة يا اخي ممكن راك عليا لانو صرات وقال عضو حاب نتزوج بيك والإدارة دخلت وين المشكل صح المنتدى ما راهش منتدى تعارف وزواج هذي اللي خلاتنا كلنا نحبو المنتدى لأانو صارم فالمجال هذا والامر حل وخلاص و لكن ما حسيتش بإهانة ليا او للعضو على العكس طلب امر وشرحتلو الإدراة وشرحولي الموقف والحمد لله ومشا الحال والغحترام للعضو زاد من طرفي و مازلنا هنا ونشاركو وماكان حتى مشكل يعني اخي في يدنا نتحكمو في انفسنا ونعرفو اخلاقنا لا اكثر ولا اقل شكرا ومبادرتك نوافقك عليها لكن بلاما تطرق لنوايا الناس شكرا.

السلام عليكم
الى الأخت مربم الصابرة .أولا نتأسف اذا ضايقتك أو حسستك بشيء راني نقول والله غير نيتى كانت صافية وهي مجرد نصيحة وتذكير .ثاني شيء رني شرحت لأخت رجاء الخير النية تاعي.
ياأخي والله ماقصدت حتى عضو من الأعضاء بهذا الموضوع وقلتي اني قلت خاصة هذا القسم وانا نقولك عاودي قري موضوعي لأني قلت من ملاحظتي لأقسام المنتدى .وماشي غير هذا المنتدى راه كاين الكثير من المواقع. وأنا راني عضة جديد ودخلت كل الأقسام والشخص لذكرته والله ماني عاقل عليه ولا انو أنت صاحبة هذا الكلام .أنا ستدليت بتعليق برك بدون اهانة أو شيء أخر .لأني قريت في عدة مواقع سلبيات المنتديات و الكلام بين الجنسين وأنا حبيت نفيد الكل .
رغم أني ماحبيتش نزيد موضوع أخر لهو : ما حكم التحدث بين الجنسين في المنتديات و الاجابة نخليها ليكم لأنو الكل عندنا أنترنيت ونقدر ندخل مواقع الفتاوي أو حتى نسأل أهل العلم ؟
وأخير نقول لأخت مريم الصابرة سمحيلي بزاف ولكل شخص تحسس بلموضوع ونعاود نقول والله مقصد غير النصيحة لأنا كلنا بشر وضعاف وكلنا نقدرو نغلطو .كما قالت امرأة العزيز في سورة الكهف: وَمَا أُبَرِّئُ نَفْسِي إِنَّ النَّفْسَ لأَمَّارَةٌ بِالسُّوءِ إِلاَّ مَا رَحِمَ رَبِّي وحبيكم تاخدو الحيطة برك مع العلم الكل يعلم بنفسه....كم أطلب من ادارة أنو اذا موضوعي فيه شيء أو راح يدير مشاكل يحذفوه لأريح ضميري و شكرا

[amine2004]

ربي يبارك فيك

[amine2004]

ربي يبارك فيك