مشاهدة النسخة كاملة : الدخول الجامعي علوم و تقنيات النشاطات البدنية و الرياضية
السلام عليكم
أود الاستفسار عن موعد الدخول الجامعي بالنسبة لطلبة معهد علوم و تقنيات النشاطات البدنية و الرياضية لمن لديه معلومات يوافينا بها و شكرا جزيلا
جامعة خميس مليانة و مشكور أخي
أخي أنا الخميس الماضي كنت في الجامعة ، سجلت سنة ثانية و سحبت كشف النقاط ،
الجامعة شبه فارغة ،
احتمال كبير الدراسة لن تنطلق قبل أسبوع أو أسبوعين ، أو حتى الى ما بعد العيد ،
للاشارة أنا سنة ثانية علوم و تقنيات النشاطات البدنية و الرياضية ،
اي سؤال أنا مستعد للمساعدة ،،
انا سنة أولى علوم و تقنيات النشاطات البدنية و الرياضية
وقيلا نسحقك شويا مع لي أنا راني جديد ههههه
كيف احزن و الله ربي
2012-10-07, 15:31
السلام عليكم انا من نفس الشعبة سنة اولى لكن بولاية قسنطينة متى تبدا الدراسة علما اني لم اسجل مطلقا بعد عملت تحويل
أنيس 7
الدخول الجامعي راح يكون الأحد الجاي 14 أكتوبر
شكرا جزيلا على المعلومة الله يحفظك :19:
https://fbcdn-sphotos-b-a.akamaihd.net/hphotos-ak-ash3/545307_365083100245158_2079008690_n.jpg
لا شكر على واجب اخي
ان كان هنالك جديد ساوافيكم به
ammar dz
2012-10-18, 19:59
اريد قائمة الناجحين في ماستر التربية البدنية و الراضية النظام القديم
affre-ville
2012-10-20, 23:17
خويا أنيس راك معايا
أنا ايضا في خميس مليانة
هل من معلومات عندك حول هذه الشعبة ؟؟
اهلا بك أخي أنا سنة أولى وأنا مثلك لا أملك معلومات كافية ربما أخي دراغاو يستطيع الافادة
خويا أنيس راك معايا
أنا ايضا في خميس مليانة
هل من معلومات عندك حول هذه الشعبة ؟؟
أهلا أخي ، أنا هنا للافادة ،
هل من أسئلة محددة تريد اجاباتها ؟؟
affre-ville
2012-10-21, 20:51
دراغاو (http://www.djelfa.info/vb/member.php?u=320172)
شكرا أخي
أولا ما هي طريقة التدريس ؟
يعني هل هي في مدرجات أو في أقسام أو تطبيقات في الخارج
ثانيا
هل تعتمد الشعبة على الحفظ أو الفهم ؟؟
وشكرا جزيلا أخي
سأجيبك أخي :
أولا الدراسة تكون على 3 اشكال
المحاضرات تدرسها الدفعة الكاملة يعني جميع طلاب السنة الأولى في المدرج
الاعمال التطبيقية و تكون مرتين في الأسبوع كل فوج يدرس وحده و تكون في الملعب الخاص بالجامعة أو في المركبات الجوارية
الاعمال الموجهة td قليلة حوالي 3 حصص فقط يدرسها كل فوج وحده في قاعات
المقاييس التي تدرس في السداسي الأول :
كيمياء حيوية
احصاء
علم التشريح
تاريخ و فلسفة التربية البدنية و الرياضية
التخطيط و البرمجة
علوم التربية
علم الاجتماع
لغة حية
بالنسبة للأعمال التطبيقية :
ألعاب القوى
كرة سلة أو كرة قدم
جمباز أو جيدو
بالنسبة للأعمال الموجهة :
غالبا : احصاء و بيوكيمياء و اعلام ألي
الدراسة تكون حسبما درسنا في السنة الأولى و لاتتغير غالبا :
يوم الأحد محاضرات
الاثنين أعمال تطبيقية
الثلاثاء محاضرات
الاربعاء اعمال تطبيقية
الخميس اعمال موجهة + محاضرات
هذا التقسيم لا يتغير في كثير من الأحيان
و سأضيف لكم معلومات أخرى ،
فقط أخبروني عن أسماء الاساتذة الذين يدرسونكم و سأخبركم بطريقة كل أستاذ و ما يفضله
affre-ville
2012-10-22, 22:10
معلومات مفيدة جدا أخي
شكرا لك
و ماهي الحصص التي يتم فيها تسجيل الغيابات ؟
هل الاعمال التطبيقية أم td ??
الغيابات يتم تسجيلها في الحصص التطبيقية و في الأعمال الموجهة
أما المحاضارات فيتم تسجيل الحضور فقط من بعض الاساتذة
عيدكم مبارك
كل عام و انتم بخيــر
affre-ville
2012-10-26, 11:59
شكرا أخي
عيدك مبارك و كل الأعضاء
ألف ألف مبروك تعيدو بالصحة و الهناء انشاء الله
http://i620.photobucket.com/albums/tt283/dj28988/Events/Eid/Flash/2.swf
أخي انيس هل هناك أخبار من الجامعة!!
لا جديد يذكر حتى الان يا أخي
اخي دراغاو لم اذهب للجامعة احتمال كبير غدا ستنطلق الدراسة أنا شخصيا لن اذهب غدا
affre-ville
2012-10-28, 13:31
رحت اليوم للجامعة
و ماكان والو
أفيشاو لي gـــــــروب و حطو التوقيت
بصح القرايا ماكاش
--------------- أخي دراغو
غدوا عندنا كرة قدم و ألعب القوى في كداوي
نروحو للجامعة و هوما يدونا
ولا نروح ديراكت ؟؟
affre-ville
2012-10-28, 15:21
ندرس في في مدرج ba4
و bs32 bs33 bs34
وين راهي لي td
رحت اليوم للجامعة
و ماكان والو
أفيشاو لي gـــــــروب و حطو التوقيت
بصح القرايا ماكاش
--------------- أخي دراغو
غدوا عندنا كرة قدم و ألعب القوى في كداوي
نروحو للجامعة و هوما يدونا
ولا نروح ديراكت ؟؟
لا ، تروح ديراكت لمركب كداوي
هو مركب يقع مقابل حي السلام ، حذا الرومبوا نتاع السلام ، تعرفوا ؟؟
ندرس في في مدرج ba4
و bs32 bs33 bs34
وين راهي لي td
ba4
هو المدرج الرابع في البلوك B يعني مع ليكونومي ،
BS32 33 34 هي القاعات 32 33 34 في البلوك B
المدرج 4 تدرسوا فيه المحضارات hes cours
القاعات 32 33 34 تدرسوا فيهم لي تي دي td
غريبة العام الماضي كنا ندرسوا في البلوك C و هذا العام في B!!
أخي لو سمحت سؤال هل أفيشاو التوقيت لجميع السنوات ، و كيف الأحوال في الجامعة؟
أعتقد الدراسة ربما لن تنطلق فعليا قبل الأسبوع القادم !!
affre-ville
2012-10-28, 20:10
إيه خويا نعرفوا
يسموه سياسبي
--------------------------
نعم أخي
كل السنوات دارو التوقيت نتاعهم
و انتم السنة الثانية أفيشاو الأفواج تاع كرة القدم و كرة السلة ....
+ يعني وين نصيب ba4 نعرف بلي محاضرات
و وين نصيب bs .... نعرف بلي td
أما عن الأحوال
ما شفت والو
رحت على 8 كتبت التوقيت و شفت الأفواج و خرجت
..
affre-ville
2012-10-28, 20:12
أنيس
واش من الفوج راك ؟؟؟
مرحبا اخي انا لم اذهب الى الجامعة و لا ادري في أي فوج أنا على كل حال هل اهناك اقبال من طرف الاساتذة و الطلبة ؟ و هل الدراسة لا تزال لم تبدا بعد ؟ و هل من اخبار عن الاقامة الجامعية من فضلك أخي
تحياتي :1:
affre-ville
2012-10-28, 20:45
أنا رحت على 8 و مادخلتش
قالولي بلي قراو على 8 حتى لـ 9.30 و خرجو
بصح انا ماقريتش
بصح نورمالمو بدات القراية
-
أما الإقامات ماعلاباليش
واش نسقسيلك ؟؟
نهار كامل قراو غير ساعة و نص ؟! أم هذا في الفترة الصباحية ؟ على كل أنا منقدرش نجي parce que لازم لي الاقامة و بالنسبة للمركب هو الذي يقع بمحاذاة الاقامة حي الاسلام ؟ أرجو الافادة اخي لاني لا اعرف المنطقة جيدا و شكرا جزيلا
affre-ville
2012-10-28, 21:06
في الفترة الصباحية فقط
و في المساء لم أذهب
---
بالنسبة للمركب نعم هاذاك هو
جاي عند مفترق الطرق
---- بصح كل فوج و الأنشطة تاو
كيما أنا فوج 9 عندنا كرة قدم و ألعاب قوى و جيدو
و كاين لي عندهم كرة سلة و جمباز و ألعاب قوى
affre-ville
2012-10-28, 21:08
عفواااااااا
المركب ليس بمحاذاة الإقامة
جاي قدام الطريق الرئيسي
و بالنسبة للافواج الأخرى الدراسة بالجامعة ؟ على فكرة اذا كان بالامكان أن تزودني ولو بلمحة خفيفة عن جدول التوقيت بالنسبة les cours أو td و جزاك الله خيرا أخي
affre-ville
2012-10-28, 21:16
أوكي درك نكتبلك
-
السلام عليكم
اليوم كنت في الجامعة و لا أعرف بصراحة اذا كانت هناك دراسة أو لا لأني وصلت متأخر ،ذهبت الى المدرج في وقت الكور و وجدته فارغ ،،
لكن أعتقد فعليا لن يبدؤوا الدراسة قبل الاسبوع القادم
بالنسبة للتطبيقات يا اخواني هناك مركب كداوي الذي بجانب الطريق الوطني رقم 4 عند مفترق طرق حي السلام ، النقل الجامعي من الجامعة الى السلام يحبس بجانبه تماما ، و هناك مركب السلام الذي بجانب الاقامة .
affre-ville
2012-10-29, 18:43
نعم أخي
ذهبت اليوم لمركب كداوي
ووجدته فارغا
لم يأت أحد
سألت في الإدارة عندهم قالولي مازال
و وينتا ؟ الله أعلم
affre-ville
2012-10-29, 18:45
يعني التطبيقات مازال
أما المحاضرات بدأت
و td الله أعلم
affre-ville
2012-10-30, 22:22
.........................
السلام عليكم
هل هناك جديد ؟؟
affre-ville
2012-10-31, 23:45
ماكان والو
رحت نقرا ما صبت حتى واحد
ربما الأسبوع القادم ستنطلق الدراسة
أنا أيضا مثلك لم اجد أحد
حتى بلوك العلوم الاقتصادية شبه فارغ
st فقط من انطلقوا في الدراسة فعليا
ربما الاسبوع القادم كما قلت
affre-ville
2012-11-01, 20:31
المهم الأسبوع القادم نروحو و نشوفو
ويلا ماكاش نزيدولها سمانة ^^
+ قتلي يدفعو ملفات المنحة في السلام ؟؟
نعم أخي ، في الاقامة الجامعية اللي في حي السلام
+ احنا واش خصنا ،
اذا نزيدو سمانة نزيدو
رانا ملاح هكذا
affre-ville
2012-11-07, 22:21
راني غير هنا
عندك أنيس ماراهوش يبان
دارو كونكور و راهم رايحين يزيدو عندنا
المهم السمانة الجاية ندخلو
و أنيس علا حسابو راح يقرا كي ماراهوش يكونيكتي
affre-ville
2012-11-07, 22:21
و الإضراب كيفاش
وينتا يحبسو
وي عندهم احق يزيدو في السنة الأولى لأن العدد الحالي 170 قليل
في عامي الأول كنا اأكثر من 400
القراية راهي ماشية بالشوية ،
عندك الأساتذة ماراهمش يجو برك ،
راني في سمانة كاملة قريت كور واحد برك
الاضراب هذا نتاع الماستار يوم واحد فقط ، وهو في الحقيقة ما يعطلش التدريس لكن يعطل الادارة
affre-ville
2012-11-08, 17:52
400 ؟!!!!! بزاف
أنا قلت 170 و بزاف
المهم حنا كيما جات نقراو
أنا ثاني راني قاري كور واحد
علم الإجتماع
+ الشعبة تعتمد على الفهم أو الحفظ ؟؟
باش نوجدو روحنا
كيف احزن و الله ربي
2012-11-09, 08:22
السلام عليكم
احنا في قسنطينة مازالنا مابديناش البراتيك في الملعب ممكن هذا الاسبوع نبداو ان شاء الله
400 ؟!!!!! بزاف
أنا قلت 170 و بزاف
المهم حنا كيما جات نقراو
أنا ثاني راني قاري كور واحد
علم الإجتماع
+ الشعبة تعتمد على الفهم أو الحفظ ؟؟
باش نوجدو روحنا
دراسة التخصص ليس بالشيء السهل الذي يعتقده الجميع
هناك بعض المقاييس تعتمد على الفهم الجيد مثل الاحصاء ، يجب عليك أن تفهم الدروس و تحفظ القوانين ،
كذلك البيوكيمياء ،
بينما هناك مقاييس تعتمد على الحفظ مثل علم التشريع و غيره م المقاييس التي تكون فيها الكتابة كثيرة ههه
لكن يستطيع أي طالب النجاح بالفهم فقط و التعرف على الخطوط العريضة لكل درس ،
و هناك اساتذة يعتمدون بشكل كبير على ما يقولونه داخل المحاضرة و ليس ما يطتبونه
المهم مع الوقت سأعطيكم المزيد من النصائح
السلام عليكم
احنا في قسنطينة مازالنا مابديناش البراتيك في الملعب ممكن هذا الاسبوع نبداو ان شاء الله
أهلا بك اخي معنا و تابعنا للافادة و الاستفادة
و بالتوفيق
affre-ville
2012-11-09, 21:40
أوكي
صح سمعت بلي الإحصاء واعر
المهم كي ندخلو نشوفو
لا أخي
الاحصاء أسهل مقياس
و لديك الحظ لأنك ستدرسه في السداسي الأول و الثاني
أنا في السداسي الأول حصلت 18.25
و في السداسي الثاني حصلت 20/20 لكن الاستاذة أعطاتني 19.75
و هذا بالفهم الجيد لكيفية حل التمارين و حفظ القوانين فقط
affre-ville
2012-11-10, 22:29
الله يبارك خويا
سمعت أنه في السداسي الثاني يتغير التوقيت
؟؟
هل هناك شعب تضاف و أخرى تزال ؟؟
في السداسي الثاني تتغير تقريبا جميع المقاييس التي تدرس
تصبحون تدرسون الاصابات الرياضية ، البيوميكانيك ، ثقافة العولمة ، علم النفس الحركي ،علم الترويح ،الادارة و التسيير الرياضي
بعض المقاييس التي تبقى نفسها : الاعلام الألي من النظري الى التطبيقي أو العكس
الاحصاء من التطبيقي الى الاستدلالي
اللغة الحية تبقى نفسها
في التطبيقات كرة السلة تعوض بكرة القدم
الجمباز يعوض بالجيدو و العكس صحيح
ألعاب القوى تبقى نفسها
سمعت اليوم كاين اضراب في الجامعة و ماعرفتش علاه و شحال المدة ؟؟
affre-ville
2012-11-11, 17:58
إيه كاين إضراب
أنا قريت كل سبعة أيام كاين إضراب
و صاحبي قالي سبعة أيام من الإضراب
و الحقيقة لا أعلم
اليوم ثان كاين اضراب راهم يقولو سمانة كاملة و الله أعلم
في جريدة الشروق لهذا اليوم
http://www14.0zz0.com/2012/11/12/14/196375703.jpg
affre-ville
2012-11-12, 20:51
إيه سمعت بلي الأربعاء تبدا القراية
يسما نقراو الأربعاء فقط
الخميس 01 محرم
affre-ville
2012-11-12, 22:03
بعد اجتماع ممثلي الطلبة الاحرار ومدير الجامعة ومناقشة جميع المشاكل المثارة أبدى هذا الاخير استعداده الكامل للنظر في جميع المشاكل و البدأ في معاجتها شريطة الفتح الفوري لجمبع مداخل الجامعة و ترك الاساتذة و الموظفين و الطلبة مزاولة مهامهم و دروسهم بصفة عادية و منه تم تعليق الاضراب و سيتم استئناف الدراسة ابتداءا من الغد 13/11/2012 بصفة عادية حتى تتمكن كل الاطراف من معالجة القضايا المطروحة بهدوء
affre-ville
2012-11-12, 22:05
راهم يماركو الغيابات ؟؟؟
أنا مازلت مادخلتش les td
...
اليوم فتحوا الجامعة
لكن أغلب الطلبة ماجاوش و أغلب الاساتذة ماقراوش
أخي les TD من الضروري حضورها ، بعض الاساتذة ما يعذرش الطالب
لذا تمنى أن تكونوا درستم أقل من 3 حصص أو لم تبدؤوا بعد لان الأستاذ حتى لو حضر عنده طالب واحد فقط يسجل جميع الباقين غياب
+ ما عندكمش td بزاف وحد 3 برك
ركز على الأعمال التطبيقية ، و كذلك المحاضرات لأنها الاساس في رفع المعدل
affre-ville
2012-11-13, 16:23
إيه كاين 3 برك
+ كيفاش نعرف بلي ماركاوني ؟؟
و هل بدأت الأعمال التطبيقية ؟؟
أخي أنا لا أعرف ان كانت بدأت أم لا
لكن حسب الأساتذة فبعض الاساتذة يتأخرون في بدء التدريس
على خلاف البعض الذين يدرسون باكرا
المهم أنت لما يكون عندك اعمال موجهة اذهب في الوقت المناسب الى القاعة و انتظر الأستاذ اذا لم يأتي لم يأتي و اذا أتى ستدرس
و لما تكون عندك أعمال تطبيقية اذهب في الوقت الى المركب الرياضي و انتظر الأستاذ +اسأل بعض ممن يدرسون معك كم درسوا من حصة حتى تعرف اذا غبت في وحدة أم لا .
affre-ville
2012-11-13, 16:48
أوكي راني فهمت ربي يحفضك خويا
يبدو أني افتقدت المنتدى كثيرا و افتقدت زملائي و على حسب ما أرى انكم أثريتم المنتدى
المهم كنت في الجامعة في الايام الاخيرة العنوان الرئيسي لا دراسة و لاهم يحزنون تقريب أسبوعين درست les td نهار الخميس pratiques مكاش cours مكاش كلش مبلوكي .
affre-ville
2012-11-13, 19:15
أهلا بعودتك أخي أنيس
يسما كنت في الجامعة
أنا مازلت مادخلتش , راني داخل كور واحد برك
بصح غدوا عندي جيدو نروح نشوف
الله يسلمك يبدو أن الدراسة لا تزال معلقة يا أخي صدقني انالم أفهم شيئا مما يحدث على كل حال ننتظر ماذا سيحدث بعد الاضراب ثم نرى
affre-ville
2012-11-13, 20:12
نورمال هذه هي الإدارة الجزائرية
تموت و ماتعرفش الحقيقة
المهم الأحد على ما أعتقد ستكون الإنطلاقة
+ واش من group راك ؟
راني في groupe 10 غدوة عندي pratique جيدو
affre-ville
2012-11-13, 20:38
أنا9 groupe
يسما راك معايا في البراتيك
جيدو على 8
تجي غدوا ؟
هاد السمانة منجيش غير نهار الاثنين جيت المرة الجايةنتلقاو و نديرو فيها قعدة انشاء الله
affre-ville
2012-11-13, 20:50
إن شاء الله
في روحها ماكان والو
وزيد الخميس ماكاش قراية
يسما غير خلي
السلام عليكم ومرحبا بك أخي أنيس
اليوم أيضا غلقوا الجامعة و غدوة مكاش قراية أول محرم
الأمور راهي شبه حابسة و ما شكيتش تمشي القراية نورمال الا بعد الانتخابات
affre-ville
2012-11-17, 17:25
سلام
فيها غدوا ؟؟؟
affre-ville
2012-11-18, 16:30
اليوم كاينة دراسة
+ أخي دراغاو (http://www.djelfa.info/vb/member.php?u=320172)
هل اللباس ضروري في الجيدو ؟؟
+ أعطينا إسمك ,, خير من اللي نقولو دراغو ^ ^
الكيمونو تع الجيدو لازم و بلا بيه متقدرش تدخل البراتيك ياخويا على فكرة أنا شريتو السمانة لي فاتت
أهلا أخي ،
أولا اسمي الحقيقي هو سفيان
++++
بالنسبة للكيمونو العام الماضي الأستاذ قال بلي اجباري ،
لكن كان بعض الطلبة يفوتو بدون كيمونو و عادي ،
هو الأمر متعلق بالأستاذ ، و أنت اذا كان في مقدورك تجيبو راك مليح ،
و اذا الله غالب ما نظنش الاستاذ راح يجبرك على حاجة كيما هذي
أنيس
كيما قلت للأخ الاستاذ حقيقة يقول اجباري ،
لكن العام الماضي كان البعض فينا يخدم بلا كيمونو بدون مشاكل
طبعا أخي الاستاذ هو من طالب بالبدلة على اساس دراسة تقنيات الجيدو دراسة صحيحة
affre-ville
2012-11-18, 17:00
أوكي صحا خويا سفيان
نشوفو ... و بالاك نشري
بالطبع اخواني ، دراسة الجيدو تعتمد بشكل اساسي على الكيمونو ،
فمثلا المسكة لا يمكن أن تكون بالشكل الصحيح الا اذا كان الخصم لابس كيمونو لأنك راح تمسكو من الأكمام ، أو الحزام أو الصدر ،
++
راني بدلت العضوية باش ما تغلطوش
affre-ville
2012-11-18, 17:32
إيه صحا خويا
معسكر الجحيم ^^
affre-ville
2012-11-18, 17:33
هاذي السمانة نروح باللباس تاع الكونك فو
و نشوف بالاك مايقول والو
أي لباس ينفع أخي ليس شرط الخاص بالجيدو ، أغلبنا كنا ندرس بلباس الكاراتي
affre-ville
2012-11-20, 22:18
خلاص خويا
راني شريت واحد
المهم نفوتو العام
affre-ville
2012-11-20, 22:20
راني ندخل المحاضرات
لاحطت بلي الكيمياء الحيوية واعرة
معا احنا قرينا اداب
عندنا بزاف ما قريناش امور مثل هذه
صحيح أخي أنا ثاني الكيمياء كانت صعيبة بالنسبة لي ومع ماقريناش بزاف لي كور و أنا ما دخلتش أغلبهم جاتني النتائج كارثية ،
لكن أنت ما يقلقش اي موديل تلقاه صعيب ، حاول أنك تركز على المقاييس الاساسية و اللي تقدر تفهمها باش تعوض المقاييس الأخرى
السلام عليكم اخوتي
اول موضوع اراه عن هذا التخصص
المهم انا طالبة سنة اولى علوم وتقنيات النشاطات البدنية والرياضية بباتنة
راني نشوف فيكم مازال مابديتوش لقراية ولا كيفاه
حنا بدينا بعد العيد لكبير
وبدينا ليكور وال td والبراتيك
خويا سفيان حابة نسقسيك على البيداغويا تاع الهم ماقدرتش نفهمها خلاااااص كيفاه يجو الاسئلة تاعها
وثاني ال biochimi اذا عندك كراس ممكن تحطو هنا
حنا المواد اللي نقراوهم هوما.
انجليزية_اعلام الي_علم التشريح_الكيمياء الحيوية_تاريخ الت.ب.ر_كرة اليد (cوtp) العاب القوى (cوtp) والجيدو(cوtp)
كيفاه نقدر نجيب معدل مليح وطالع ؟
اسمحلي خويا قلقتك باسئلتي
سلام
السلام عليكم اخوتي
اول موضوع اراه عن هذا التخصص
المهم انا طالبة سنة اولى علوم وتقنيات النشاطات البدنية والرياضية بباتنة
راني نشوف فيكم مازال مابديتوش لقراية ولا كيفاه
حنا بدينا بعد العيد لكبير
وبدينا ليكور وال td والبراتيك
خويا سفيان حابة نسقسيك على البيداغويا تاع الهم ماقدرتش نفهمها خلاااااص كيفاه يجو الاسئلة تاعها
وثاني ال biochimi اذا عندك كراس ممكن تحطو هنا
حنا المواد اللي نقراوهم هوما.
انجليزية_اعلام الي_علم التشريح_الكيمياء الحيوية_تاريخ الت.ب.ر_كرة اليد (cوtp) العاب القوى (cوtp) والجيدو(cوtp)
كيفاه نقدر نجيب معدل مليح وطالع ؟
اسمحلي خويا قلقتك باسئلتي
سلام
و عليكم السلام و رحمة الله ، لا عليك أختي ان شاء الله سأجيبك عن أسلتك و أهلا بك معنا و ان شاء الله تستفادي ،
أولا الدراسة عندنا من المفروض تبدا بعد العيد لكن كانت هناك مشاكل ادارية و اضرابات فتعطلت الدراسة الى درجت أن بعض المقاييس لم نبدا الدراسة فيها حتى الأن ،،
فيما يخص البيداغوجيا احنا درسناها تحت اسم علم التربية ، في الحقيقة لم أكن أحضر محاضراتها في كثير من الاحيان و كن اهتمامي بها ضعيف ، لكن نصيحتي لك هي مادة تحتاج الى فهم الخطوط العريضة ثم التدرج الى نقاط الفرعية شيئا فشيئا لأن مضمونها واسع و بالفعل يصعب فهمها ، أما الأسئلة تعتمد غالبا على الحفظ و ما يقدمه لك الأستاذ ،،
البيوشيمي أيضا كانت نقطة ضعفي هه لأني أدبي ماشي علمي و كنا بديناها روطا درسنا فقط 2 td و 2 كور و كانت نتائجي كارثية فيها ،
لكن تحتاج فقط الى الفهم و ليس الحفظ ، و اسئلة الامتحان تكون في بعض الأحيان عن تعريفات لبعض العناصر أو المركبات ، أو يطلب منك كتابة سلاسل خطية لبعض التفاعلات ،،
التخصص بصفة عامة ليس صعب رغم أنه شامل لكثير من المقاييس من العلمية الى الأدبية الى الأعمال التطبيقية ،
و نصيحتي للنجاح و بتفوق هو التركيز على المحاضرات و حضور أكبر عدد ممكن منها لأنها في غالب الأحيان لا توجد لها td و بالتالي تكون المحاضرة هي محور الامتحان و ممكن الاستاذ يطرح أي شيء في الامتحان تحدث عنه في المحاضرة و ليس شرط كتبتموه ،
و تبقى طريقة كل أستاذ هي الفاصل ،،
ان شاء الله قريبا سأحاول أن أرفع لكم مواضيع الامتحانات للسداسي الأول في العام الماضي و اضعها هنا فكونوا متابعين لنـــا ،،
و عليكم السلام و رحمة الله ، لا عليك أختي ان شاء الله سأجيبك عن أسلتك و أهلا بك معنا و ان شاء الله تستفادي ،
أولا الدراسة عندنا من المفروض تبدا بعد العيد لكن كانت هناك مشاكل ادارية و اضرابات فتعطلت الدراسة الى درجت أن بعض المقاييس لم نبدا الدراسة فيها حتى الأن ،،
فيما يخص البيداغوجيا احنا درسناها تحت اسم علم التربية ، في الحقيقة لم أكن أحضر محاضراتها في كثير من الاحيان و كن اهتمامي بها ضعيف ، لكن نصيحتي لك هي مادة تحتاج الى فهم الخطوط العريضة ثم التدرج الى نقاط الفرعية شيئا فشيئا لأن مضمونها واسع و بالفعل يصعب فهمها ، أما الأسئلة تعتمد غالبا على الحفظ و ما يقدمه لك الأستاذ ،،
البيوشيمي أيضا كانت نقطة ضعفي هه لأني أدبي ماشي علمي و كنا بديناها روطا درسنا فقط 2 td و 2 كور و كانت نتائجي كارثية فيها ،
لكن تحتاج فقط الى الفهم و ليس الحفظ ، و اسئلة الامتحان تكون في بعض الأحيان عن تعريفات لبعض العناصر أو المركبات ، أو يطلب منك كتابة سلاسل خطية لبعض التفاعلات ،،
التخصص بصفة عامة ليس صعب رغم أنه شامل لكثير من المقاييس من العلمية الى الأدبية الى الأعمال التطبيقية ،
و نصيحتي للنجاح و بتفوق هو التركيز على المحاضرات و حضور أكبر عدد ممكن منها لأنها في غالب الأحيان لا توجد لها td و بالتالي تكون المحاضرة هي محور الامتحان و ممكن الاستاذ يطرح أي شيء في الامتحان تحدث عنه في المحاضرة و ليس شرط كتبتموه ،
و تبقى طريقة كل أستاذ هي الفاصل ،،
ان شاء الله قريبا سأحاول أن أرفع لكم مواضيع الامتحانات للسداسي الأول في العام الماضي و اضعها هنا فكونوا متابعين لنـــا ،،
شكرا لك كثيييييييرا اخي الفاضل
ياااريت اذا وجدت وقت يساعدك ارفع لنا مواضيع الامتحانات
سافكر وان وجدت سؤال ساخبرك:19:
سلام
ان شاء الله أختي ستكون المواضيع هنا في اقرب فرصة ،
و لا تترددي في طرح أي استفسار
تذكرت اخي
ساسالك عن "مابعد الدراسة " لاني لم افهم شيئا
مدة الدراسة كما نعلم انها 3 سنوات ليسانس
بعد ذلك يجي الماستر
الماستر هو نفسه الماجستار ولا كيفاه؟؟؟
ياخي الدخول للماستر يتم حسب ترتيب الطلاب
ياخي حظوظ انك تقدر تحكم خدمة بليسانس تكاد تكون معدومة
اذا كان عندك الماستر تزيد الحظوظ ؟؟؟
وليماجور دوبرومو يكون عندهم حظ اوفر في مناصب الشغل ولالا؟؟؟
وباش تقدر تقري فالجامعة لازم تكون عندك دكتوراه ياخي؟؟
فهمني فيها يرحم باباك
تذكرت اخي
ساسالك عن "مابعد الدراسة " لاني لم افهم شيئا
مدة الدراسة كما نعلم انها 3 سنوات ليسانس
بعد ذلك يجي الماستر
الماستر هو نفسه الماجستار ولا كيفاه؟؟؟
ياخي الدخول للماستر يتم حسب ترتيب الطلاب
ياخي حظوظ انك تقدر تحكم خدمة بليسانس تكاد تكون معدومة
اذا كان عندك الماستر تزيد الحظوظ ؟؟؟
وليماجور دوبرومو يكون عندهم حظ اوفر في مناصب الشغل ولالا؟؟؟
وباش تقدر تقري فالجامعة لازم تكون عندك دكتوراه ياخي؟؟
فهمني فيها يرحم باباك
لما تكملين ثلاث سنوات تتحصلين على شهادة ليسانس ، هذه الشهادة تسمح لك بالتدريس في المتوسط أو الابتدائي اذا أدرجوها في المدارس قريبا ان شاء الله،،
بالنسبة للماستار هو الأن في مكان الماجيستار ، يعني طلاب النظام الجديد لا يشاركون في الماجيستار ، و انما تتاح لهم فرصة اكمال الماستار ـ
يتم اختيار طلاب الماستار و ذلك حسب قوانين كل جامعة ، في بعض الجامعات يأخذون جميع الطلبة اذا كانت الاماكن المتوفرة كافية ، و في بعض الجامعات يأخذون بالترتيب حسب المعدل من أعلى معدل الى الأدنى و يأخذون على حسب ما هو متوفر من اماكن ،
الماستار تمكنك من التدريس في الثانوية ، و للتدريس في الجامعة يجب أن تكون عندك دوكتوراه ، عكس النظام القديم الذي يكفيك ماجيستار للتدريس في الجامعة ،
لكن النظام الجديد يتيح لك فرصة التقدم للدوكتوراه باسهل و اسرع طريقة أفضل من النظام القديم الذي حتى الماجيستار تتطلب سنوات طويلة و حظ صعب ،
حظوظك للتدريس بالماستار تكون أفضل و ذلك لانك تدرسين في الثانوي كما تتيح لك بعض التخصصات في الماستار العمل في وظائف اخرى ،
بالنسبة للماجور تكون عندهم حظوظ من ناحية التصنيف في ماسبقة التوظيف لأن الأوائل في الدفعات عندهم نقطة اضافية تحسب في التصنيف ،،
لما تكملين ثلاث سنوات تتحصلين على شهادة ليسانس ، هذه الشهادة تسمح لك بالتدريس في المتوسط أو الابتدائي اذا أدرجوها في المدارس قريبا ان شاء الله،،
بالنسبة للماستار هو الأن في مكان الماجيستار ن يعني طلاب النظام الجديد لا يشاكون في الماجيستار ، و انما تتاح لهم فرصة اكمال الماستار ـ
يتم اختيار طلاب الماستار و ذلك حسب قوانين كل جامعة ، في بعض الجامعات يأخذون جميع الطلبة اذا كانت الاماكن المتوفرة كافية ، و في بعض الجامعات يأخذون بالترتيب حسب المعدل من أعلى معدل الى الأدنى و يأخذون على حسب ما هو متوفر من اماكن ،
الماستا تمكنك من التدريس في الثانوية ، و للتدريس في الجامعة يجب أن تكون عندك دوكتوراه ، عكس النظام القديم الذي يكفيك ماجيستار للتدريس في الجامعة ،
لكن النظام القديم يتيح لك فرصة التقدم للدوكتوراه باسهل و اسرع طريقة أفضل من الظام القديم الذي حتى الماجيستار تتطلب سنوات و طويلة و حظ صعب ،
حظوظك للتدريس بالماستار تكون أفضل و ذلك لانك تدرسين في الثانوي كما تتيح لك بعض التخصصات في الماستار العمل في وظائف اخرى ،
بالنسبة للماور تكون عندهم حظوظ من ناحية التصنيف في ماسبقة التوظيف لأن الأوائل في الدفعات عندهم نقطة اضافية تحسب في التصنيف ،،
ااااااااه هاذاوين فهمت
روح ربي يفتح عليك
بالنسبة لمناصب الابتدائي قالولنا الاساتذة هاذ الفكرة مطروحة عندها 10 سنوات
وكل مرة يقولولهم هاذ العام نفتحو مناصب شغل ولا حياة لمن تنادي
خويا واش من سنة تقرا وشحال طلعت العام تاعك؟؟
واسفة على كثرة اسئلتي:rolleyes:
تحدثنا مع أستاذ عندنا وأخبرنا أن الفكرة تحتاج الى استراتيجية و طنية و ذلك بسبب نقص التأطير ، انشاء الله تطبق على ارض الواقع قريــبا
++++++
أنا أدرس هذا العام سنة ثانية
+++++
العام الماضي تحصلت على معدل 10 في السداسي الأول --كان هناك اهمال مني في حضور المحاضرات --
في السداسي الثاني تحصلت على معدل أكبر من 14
++++
لا عليك اطرحي ما تشائين و ستلقين الاجابة حسب ما املك من معلومات
ان شاء الله تطبق في اقرب وقت
ربي يبارك ان شاء الله ربي يوفقك
سلام
كيف احزن و الله ربي
2012-11-22, 20:47
ان شاء الله خويا في انتظار مشاركة باقي الاخوة بالدروس و المحاضرات لا تبخلو علينا
بكل شيئ يخص شعبتنا
بالتوفيق للجميع
'' أمة الرحمن ''
2012-11-23, 12:42
تمنع الدردشة = للغلق
vBulletin® v3.8.10 Release Candidate 2, Copyright ©2000-2025, TranZ by Almuhajir