المساعد الشخصي الرقمي

مشاهدة النسخة كاملة : بخصوص الشبه الطبي

kousouvali
2012-10-05, 13:46
السلام عليكم و رحمة الله انا حابة نعرف واشي هي التخصصات اللي كاينى السنة في الشبه الطبي و قداش يسلكوا اللي قراو خلصوا و بداو يخدمو سمعت بلي السلاك نتاعهم ناقص بزاف من فضلكم افيدوني
kader le radiologist
2012-10-05, 20:52
c tu acces a la formation paramedical pour le salaire un conseil sort des le debout
acmili
2012-10-05, 21:10
les specialitè sadepont 3la kol wilaya w le salaire nrmalmant ysalko bien ana dèrtha w rahi 3ajbatni
زهرة الجزائر 07
2012-10-06, 09:39
التخصصات الي كاين نورمالمو

ممرض ولا تخدير . لابو. راديو.ساج فام

على لخلاص تاع الطلاب كيما تاع الجامعة لابورص 4200

و على الخدمة عندي وحد قريبتي تخرجت العام الي فات و دخلت تخدم ما شاء الله تخلص مع البداية 3 ملاين و 9000

يعني كيما استاذ جديد دخل يخدم

و عندهم الزيادات كيما القطاعات لخرين و بالدرجات



بالتوفيق للجميع
ريان15
2012-10-06, 11:06
هادا ما يهمك غير السلاك ربي يهديك يعني دخلتيلها غير على جال الصوارد
مخممتيش بلي راهي خدمة انسانية تعاوني بيها الناس
مانلومكش راكي جزائرية الله غالب عليك
messi.sba
2012-10-06, 11:35
هادا ما يهمك غير السلاك ربي يهديك يعني دخلتيلها غير على جال الصوارد
مخممتيش بلي راهي خدمة انسانية تعاوني بيها الناس
مانلومكش راكي جزائرية الله غالب عليك

elle a raison la fille il faux savoir tous ce qui concerne la spécilaité et sur tt le salaire
psk ce n'est pas n'importe qui qui ont eu le postec avec 15 et 14 pour accédé a l'école de paramidi et en + ils vont faire la formation de 4ans
w 3lech matsaksich min hakha
et on c bien que c un travaille humain
kousouvali
2012-10-06, 11:46
شكرا على الافادة واللي ماعجبوش السؤال نتاعي نقولو كي مانسقسيش على السلاك على واه نسقسي حب يقول اللي قاعدين يقراو فيها خدمة انسانية ماشس على جالة الخدمة مضمونة 100 ب100 و زيد هدا مستقبلي لازم نخمم عليه من ضرك والا اها المهم شكرا لكم ريحتوني
messi.sbaو زهرة الجزائر 07 والباقي ايضا
كلي امل ان شاء الله
2012-10-09, 15:59
اختي ماتديريش على الغاشي
و هو بلاك فهمك غلط
اصلا لازم تسقسي
المهم راهي قراية مليحة نقول انا
خويا دارها و يخرج العام هذا ان شاء الله
حنى ماعندناش الزهر الله غالب
الدفعة لي تتخرج العام هاذا قراو 3 سنين برك و دك راهم يزيدو في شهرين
كي ندخلو حنا يزيدو معانا سمانة و يتخرجو
و خويا راه قالي
راخ نخلصو 4 ملايين و 800

والله اعلم
بصح حنا نقراو 4 سنين
قطر الندى48
2012-10-09, 21:39
:dj_17:

بغيت نسقسيكم خاوتي

انا كي سجلت معطاوني حتى وثيقة

قالولي حتى لل 22 اكتوبر ارجعي و خلاص

نتوما تاني؟ولا كاش ما مدولكم؟؟

:mh31:
la star31
2012-10-09, 22:18
بغيت نسقسيكم خاوتي

انا كي سجلت معطاوني حتى وثيقة

قالولي حتى لل 22 اكتوبر ارجعي و خلاص

نتوما تاني؟ولا كاش ما مدولكم؟؟


نهار خرجت لاليست تاع الناجحين رحنا جبنا الاستدعاء..
و من بعد أنا بهداك الاستدعاء عملت التبرئات و سحبت الباك تاعي من الجامعة..و رجعلي الاستدعاء المدير تاع كلية الهندسة الي كنت نقرا فيها و عطاني الباك اوريجينال...

و من بعد لما رحت ندفع الباك اوريجينال+شهادة الباكالوريا اوريجينا+الصور.....الخ
تاني في نفس اذاك الاستدعاء كتبتلي تم استلام الملف كامل بتاريخ.......
و دارتلي الكاشي تاعهم..و عطاتولي
و قاتلي 11 أكتوبر ولي لينا باه نشوفوا وين نقراو...
قطر الندى48
2012-10-09, 22:52
نهار خرجت لاليست تاع الناجحين رحنا جبنا الاستدعاء..
و من بعد أنا بهداك الاستدعاء عملت التبرئات و سحبت الباك تاعي من الجامعة..و رجعلي الاستدعاء المدير تاع كلية الهندسة الي كنت نقرا فيها و عطاني الباك اوريجينال...

و من بعد لما رحت ندفع الباك اوريجينال+شهادة الباكالوريا اوريجينا+الصور.....الخ
تاني في نفس اذاك الاستدعاء كتبتلي تم استلام الملف كامل بتاريخ.......
و دارتلي الكاشي تاعهم..و عطاتولي
و قاتلي 11 أكتوبر ولي لينا باه نشوفوا وين نقراو...

ههههه

في كل ولاية عقلية

ربي يهديهم

اختي احنا كي حطو لاليست في مديرية الصحة ماعطاوناش استدعاء

و رحنا جبنا شهادة الباكالوريا الاصلية باستمارة التحويل
......

ربي يوفقك اختي

شكرا على الاهتمام و الاجابة

:mh31:
رؤية المستقبل
2012-10-10, 07:54
:dj_17:

بغيت نسقسيكم خاوتي

انا كي سجلت معطاوني حتى وثيقة

قالولي حتى لل 22 اكتوبر ارجعي و خلاص

نتوما تاني؟ولا كاش ما مدولكم؟؟

:mh31:

نفس الشيء حتى 22 اكتوبر نروحوا نجيبوا الموافقة و ندوها للجامعة من اجل سحب الملف

شكرا لك و بالتوفييييييييييييييق للجميع
kousouvali
2012-10-10, 11:12
والله العلي العظيم غير دوخونا انا تاني ديتلهم الملف كامل حكموه وما عطاوني والو زيد كي قتلو على الاقامة كيفلش حنى ماناش من نفس الولاية قالي كاشمة السمانة الجايو و ولي نشوفو كيفاش نديرولكم ما يشبعوكش حتى هدرة دوك نقعدو حنى نجريو لباتنة المهم باغية نقول للاخ كلي اما انشاء الله على التفهم نتاعو لانو هدا مستقبل ماشي لعبة و ريحتني ربي يعطيك ما تتمنى كيما يقولو لعزايز
♥' سندس الفردوس ♥"
2012-10-10, 11:50
ههههههههه انا ثاني من رحت دفعت الملف في سيدي بلعباس قالولي تقراي في معسكر و هي بعيدة ما عرفت لا نبكي و لا نضحك ما فهمت والو
شوق الجنة
2012-10-10, 11:53
اخوتى انا نهار رحت جبت الباك اوريجينال تاعى مديت لا استدعاء لا والو رحت طول للجامعة مجبت متوال المعهد والو ومدوهولى نورمال اما بالنسبة للاقامة هذا امر لا علم لنا به وماذا سيكون مصيرنا والاخت la star31 انا صحبتى البارح قاتلى سجلت وبلى جاهم قرار بلى كامل تاع سطيف نقراو تما فى سطيف ميدزونا حتى بلاصة اسكو صح ولا اواه
mimily
2012-10-10, 15:06
انا تاني ما مدولي والو و كي سقسيتها قاتلي هذا ماكان ....و المنحة و الاقامة قاتلي ما علاباليش.... بصح التشناف داير حالة يا سيدي
kousouvali
2012-10-10, 16:30
التشناف برك وسكتي ايهه لوكان ماجاش المستقبل نتاعنا بين يديهم درك يشوفو الزنباع وين يتباع والا واشي اللي يحتمهم علينا
la star31
2012-10-10, 16:47
la star31 انا صحبتى البارح قاتلى سجلت وبلى جاهم قرار بلى كامل تاع سطيف نقراو تما فى سطيف ميدزونا حتى بلاصة اسكو صح ولا اواه

أي نعم ممكن صح..
أحنا قالولنا ما نعرف سطيف أو لمسيلة على الأول..لأنوا أحنا في البرج وقيل مكانش معهد شبه طبي خلاص هههههه
لكن لباح سقسيت قالولي نقراوفي لمسيلة أغلب الظن...

بالنسبة للاقامة يمدولنا سيف عليهم لاه خلاونا حتان سحبنا الباك تاعنا و عاد ما عندنا حتى مستقبل و يجوا يلعبوا بينا...
هكذا ما نتفاهموش خلاص هههههه...

عادي يخي راه مستقبلنا و لازم عليهم يجاوبونا على كل شيء...

و ألي يتشنف علينا نتشنفوا عليه يخي راه سلامة معدلاتنا نجحونا ما نجحناش صدقة من عندهم...

ربي يوفقنا كامل...
قطر الندى48
2012-10-10, 17:20
نفس الشيء حتى 22 اكتوبر نروحوا نجيبوا الموافقة و ندوها للجامعة من اجل سحب الملف

شكرا لك و بالتوفييييييييييييييق للجميع

:dj_17:

لا يا اختي انا جبت الباك لوغيجينال تاعي من الجامعة

و دفعته فالمعهد تاع باغاميديكال

و قصدي بلي فالمعهد ما عطاوني حتى ورقة قالولي حتى لل 22 ارجعي

دوك انتي كيفاه قالولك هاك؟كملتي التسجيل النهائي ولا لا؟
يعني خرجتي الباك و دفعتيه فالمعهد ولا لا؟
ماشي قالو 10/10 آخر اجل؟؟؟

ربي يوفق الجميع

:mh31:
vive-nad
2012-10-10, 18:03
:dj_17:

بغيت نسقسيكم خاوتي

انا كي سجلت معطاوني حتى وثيقة

قالولي حتى لل 22 اكتوبر ارجعي و خلاص

نتوما تاني؟ولا كاش ما مدولكم؟؟

:mh31:
khti hna nta3 Khenchela ki sejelna fi Batna 3tawna fiche d'inscriotion wa7da 7akmouha w lokhra 3tawhalna hada ki selekna 200DA mais ki dfe3na dossier li fih Bac original walo ma3tawna w la résidance galoulna arj3ou la semaine prochaine w allah a3lam
kousouvali
2012-10-10, 18:34
انا تاني من ولاية ام البواقي كي سجلت بباتنة قالولي نفس الشي والاقامة قالك كشما السمانة الجاية
شوق الجنة
2012-10-10, 19:18
لقد جئت لكم بخبر لمن سيدرس شبه طبى بسطيف ذهب ابى اليوم للمعهد عند اصدقائه وقيل له انه يوم 22 من الشهر الحالى سيكون الدخول وبالنسبة للقامة كى نروحو لتما يقولونا هكا قالولو باه نديروها مممم والدراسة ستكون فى ولاية سطيف اللسنة الاولى فقط اما السنوات الاخرى يحكمو 84 الاولين فى سطيف ولخرين يدزوهم لاماكن اخرى على حساب واش قالولو والله اعلم اما يذبالنسبة ليا انا نهار سجلت عطاونى ورق التسجيل وعطاونى الورقى لخر ا الصغيرة تاع الكود تاعهم ولا واش
asma1807
2012-10-10, 20:58
أختي la star31 أنا تاني من البرج عيطت للمعهد نتاع المسيلة و قالولي تقراو هنا و الله أعلم
la star31
2012-10-10, 21:48
asma1807..آه أنا تاني قالولي في لمسيلة..

أنت تاني قالولك أرواحي غدوة لخميس؟؟أحنا قالولنا غدوة أرواحوا..
أنت من البرج سونطر أسماء؟؟
رؤية المستقبل
2012-10-11, 09:25
:dj_17:

لا يا اختي انا جبت الباك لوغيجينال تاعي من الجامعة

و دفعته فالمعهد تاع باغاميديكال

و قصدي بلي فالمعهد ما عطاوني حتى ورقة قالولي حتى لل 22 ارجعي

دوك انتي كيفاه قالولك هاك؟كملتي التسجيل النهائي ولا لا؟
يعني خرجتي الباك و دفعتيه فالمعهد ولا لا؟
ماشي قالو 10/10 آخر اجل؟؟؟

ربي يوفق الجميع

:mh31:


لالا ياا اختي انا مازلت في الجامعة لم اسجل في شبه طبي بعد
التسجيلات النهائية من 22 الى 30 اكتوبر
و في 04 نوفمبر تبدا القراية

واش هذا التخلاط كل ولاية كيفاش يديروا ؟؟؟؟؟؟؟؟؟ ربي يهديهم
شوق الجنة
2012-10-11, 13:37
جيد اختى بالتوفيق لك