قصيرة

[مشكلتي]

السلام عليكم

انا بنت جميلة لكن لا احد جدي في نظراته الي

استغرب كيف يتجرأ اليا المتزوجون فقط اما الشباب العازب يجيب ربي

استاذ يدرسني في الجامعة في عمر الاربعين متزوج تستغربون ان قلت انه يتودد اليا وانه يمر بمرحلة مراهقة متاخرة

بدأت تزعجني تصرفاته وبدات افكر بتهور بصده وجها لوجه مقابل التضحية بالنتائج الدراسية

المهم كيف يتجرا المتزوجون عليا اما العزاب لا ؟؟؟ لماذا لا يقبل العزاب لخطبتي

ذهبت ثقتي بنفسي وصرت اعتقد ان طولي الذي هو 158 ووزني 56 هما السبب وظهور الصغر على وجهي

والله اعلم

افيدوني

[بلال الرومنسي]

الاستاد ربما لا يريد الزواج منك بل يبحث عن المتعة فقط ...... احترسي منه
مرة كان يدرسنا استاد يتحرش بالتلميدات الصغيرات في المتوسط ... وهو كان قريب يخرج تقاعد ومتزوج وعندو 5 اطفال .

------------------------------------------

2 - القامة ليست مشكلة ... وحسب اخر استطلاع للراي يظهر ان النساء القصيرات يتزوجن برجال طوال القامة هههه
واعلمى ان الله لم يخلقك كى تعانين بل خلقك كى تعبدين و لن يتركك فى معاناتك بل سيتقدم لك من يراكِ جميله و جذابه و لائقه له
الإنسان لا يعيبه سوى أخلاقه.. يجب عليكِ الثقة أكبر بنفسك..
انتيا موسوسة فقط عيشي حياتك عادي ... حتى ياتيك المكتوب .. وبصفتي راجل اقلك ان الرجال كاين لي يحب المراة القصيرة وكاين لي يحب الطويلة وكاين لي ماعندو حاجة ... واحمدي الله على نعمة الجمال التي اعطاك اياها ولم يعطيها لكثير من البنات ....

قال الله تعالى:
( هُوَ الَّذِي يُصَوِّرُكُمْ فِي الأَرْحَامِ كَيْفَ يَشَاء لاَ إِلَـهَ إِلاَّ هُوَ الْعَزِيزُ الْحَكِيمُ)

[hassina2]

ههههههههههههههههههههه هههههههههههههههههههههههههه ضحكتيني يا اختي وانا مانيش حابة نضحك انا طويلة قد الشجرة وجميلة ومثقفة وغنية ويجيوني غير الشيوخ المدفدفين اللي عاشو حياتهم ويحبو يعيشو وقت غيرهم ودايما نحس بالقرف منهم نقولك علاه لا خاطر لي جون مساكن راهم لاتيين غير بالمستقبل كيفا يامنوه اما الكهول راهم ضامنين كلش وحابين يجدوا حياتهم
ماتقلقيش روحك اختي راها اذا عمت خفت
بصح نوصيك ونوصيك بالاكي من اللي متزوجين راهم شياطين كبار وعندهم خبرة مع النساء

[بلال الرومنسي]

ههههههههههههههههههههه هههههههههههههههههههههههههه ضحكتيني يا اختي وانا مانيش حابة نضحك انا طويلة قد الشجرة وجميلة ومثقفة وغنية ويجيوني غير الشيوخ المدفدفين اللي عاشو حياتهم ويحبو يعيشو وقت غيرهم ودايما نحس بالقرف منهم نقولك علاه لا خاطر لي جون مساكن راهم لاتيين غير بالمستقبل كيفا يامنوه اما الكهول راهم ضامنين كلش وحابين يجدوا حياتهم
ماتقلقيش روحك اختي راها اذا عمت خفت
بصح نوصيك ونوصيك بالاكي من اللي متزوجين راهم شياطين كبار وعندهم خبرة مع النساء



اين تسكنين ................ :1::1:

[hassina2]

الاستاد ربما لا يريد الزواج منك بل يبحث عن المتعة فقط ...... احترسي منه
مرة كان يدرسنا استاد يتحرش بالتلميدات الصغيرات في المتوسط ... وهو كان قريب يخرج تقاعد ومتزوج وعندو 5 اطفال .

------------------------------------------

2 - القامة ليست مشكلة ... وحسب اخر استطلاع للراي يظهر ان النساء القصيرات يتزوجن برجال طوال القامة هههه
واعلمى ان الله لم يخلقك كى تعانين بل خلقك كى تعبدين و لن يتركك فى معاناتك بل سيتقدم لك من يراكِ جميله و جذابه و لائقه له
الإنسان لا يعيبه سوى أخلاقه.. يجب عليكِ الثقة أكبر بنفسك..
انتيا موسوسة فقط عيشي حياتك عادي ... حتى ياتيك المكتوب .. وبصفتي راجل اقلك ان الرجال كاين لي يحب المراة القصيرة وكاين لي يحب الطويلة وكاين لي ماعندو حاجة ... واحمدي الله على نعمة الجمال التي اعطاك اياها ولم يعطيها لكثير من البنات ....

قال الله تعالى:
( هُوَ الَّذِي يُصَوِّرُكُمْ فِي الأَرْحَامِ كَيْفَ يَشَاء لاَ إِلَـهَ إِلاَّ هُوَ الْعَزِيزُ الْحَكِيمُ)


وين ندخل نلقاك كاتب رد يا خويا تقول عليك روبو هههههههههه

[kakinova]

السلام عليكم

صراحة أختي

النساء القصيرات القامة دائما يظهرن شابات و صغيرات في السن على عكس الطويلات

و قصر القامة الذي اعطاه لك الله سبحانه و تعالى نعمة

أختي المثل الجزائري يقول

لي مرتو قصيرة يقول ديما مرتي صغيرة


اما بالنسبة للأستاذ

فلا تهتمي له إطلاقا

و لا تحاولي عمل أي شيء ، لأنه سيمل و سيبحث عن شيء آخر ينشغل به عنك
و لا تتركي له مجالا اطلاقا

كوني دائما وسط زميلاتك حتى لا يجد فرصة لأي شيء

و ربي يحفظ جميع المؤمنين و المؤمنات من أولاد الحرام

[شاملة لينة]

أنا لا ينظر إلي إلا من هم أصغر سنا فقلت كارثة ............. ماذا أفعل؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[hassina2]

اين تسكنين ................ :1::1:

هههههههههههههههههههه ما نقولكش حتى تخبرني شاب ولا شايب

[ايمان نور الجزائر]

لا يوجد عيب في قصر القامة
ثم ان الوجه الذي يظهر عليه الصغر افضل وافضل:1:مثلي
لكن عزيزتي اعلمي ان المكاتيب بيد الله ...

تقريبا لدي نفس مشكلتك...حتى ضقت ذرعا بهم
يا متزوجين يا خاطبين ...:mad:
لكني وجدت حلا لنفسي...الا وهو الاهتمام بعملي...وممارسة هواياتي مثل الخياطة والحلاقة
والاستغفار وقراءة القران..
والحمد لله اقضي يومي بسعادة لا افكر في شيء واغعلم ان ما كتبه الله انما هو ذاك
اشغلي نفسكي ودعك منهم...وما توسوسيش روحك على جال لي ما يستاهلش

[سطايفية بكل فخر]

:1:لي تنوض تقلك انا جميلة خليتولي البشاعة ليا هههه
بما انكم تقولو هكا فانتن واثقات بنفسكن
وانت واتحدة منهن اختي
متتوسوسيش واستادك هداك راهو فارغ شغل وحاب المتعة صديه وادا محبش ديري بيه رابور نورمال
+
جيلنا كامل قصير القامة متحيريش روحك

[سطايفية بكل فخر]

هههههههههههههههههههه ما نقولكش حتى تخبرني شاب ولا شايب

مصائب قوم عند قوم فوائد جات تحل مشكلة لقات حل لمشكلتها
هههه
ربي يحفزكم اخواتي ويكتبلكم زوج صالح وانتم ايضا اخواني ربي يحفزكم ويكتبلكم زوجات صالحات

[soheib+206]

لا أظن القامة هي السبب يا أختي

كاين بزاف من الرجال اللي يحبو

زوجتهم تكون قصيرة

أتخيلي واحد يتزوج وحدة طويلة كي الشجرة

كي يكون يتداوس معاها حتان يوقف فوق كرسي

باش يلحقها هههههههههههه

لا الطول و لا الوزن يا ختي

كل شي بالمكتوب

[بنت الرّحّل]

تحية طيبة وبعد :

حيرتني مشكلتك أختي الكريمة

أنت تريدين خطبة أم تريدين نظرة ؟:confused:.

سامحيني والله ... ما دخل النظرات في المشكلة .....
وأتساءل هل كان سيرضيك لو تجرأ الشباب عليك أو التهمتك نظراتهم؟

يا شيخة! احمدي الله أن الكهال هم من فعلوها فأنت لاتدرين لو فعلها شاب حلو الكلام جميل الخلقة معك أين كنت ستصلين ...:rolleyes:

ولعل اشمئزازك من شعرهم الأبيض أنقذك من مهلكة ...!

من المفروض أن تتمنى المرأة أن لا ينظر إليها أحد فإن كانت هي في أصلها فتنة فماذا تريد أكثر من ذلك:confused:

ولا تقولي لي كما يقول بعض المخبولين أن المرأة تحب نظرات الإعجاب حتى تكون نفسيتها سليمة وأن هذا أمر طبيعي فيها
بل هم أصحاب النفسيات المريضة
وإلا فالصالحة لا تقبل أن تكون موضع فتنة على الإطلاق ...

أختي الكريمة .. إن نظر الرجال إلى النساء ما كان يوما مقياسا للجمال ولا للقبح لأنها نظرات ناتجة عن هواجس غريزية لا غير ...

وأنا مرة أسير مع أخي مررنا بحيوان.. أقصد بشبه إنسان ينظر إلى واحدة فقال لي أخي : والله لم أفهم إنهم ينظرون إلى أي شيء .. إنها ليست جميلة بالمرة ..
قلت له وبكل بساطة : ينظر إلى الشيء الذي أغراه فيها..!

لذلك فالنساء اللواتي يتبرجن اليوم يتفنن في إبداء كل ما يمكن أن يجلب النظر حتى ترضي جميع أذواق الرجال ..لكنها نست أن ترضي ذوق الفضيلة والكرامة في نفسها
وأريدك أن تكوني صادقة مع نفسك
وحاسبي نفسك ماذا تلبسين وهل أنت متحجبة الحجاب الكامل الشرعي التام
وملتزمة في سلوكك ولا تقومين بحركات تلفت الانتباه

لأنه من المستحيل أن يتكرر هذا الموقف معك كثيرا وأنت تلتزمين بكل ما أمر الله به ورسوله!
لو كان موقفا واحدا .. ربما ....:confused:لكنك تؤكدين على تكراره

أما القصر والطول وما شابه ذلك فاعلمي أن مقاييس الجمال ليس متفقا عليها في العالم فضلا أن تكون واحدة عند كل رجل

وكل رجل عنده ( مقياس ليلى ) الخاص به واحد يحب الطويلة وواحد يحب القصيرة واحد يحب البيضاء ....إلخ
وعلى المرأة ألا تجعل هذا في رأسها وتؤمن به لأنها حينها تكون قد أسقطت كرامتها في داخلها قبل أن يسقطها غيرها

فدعي الرجال وما يشتهون وما يقبلون عنه وما يدبرون


وأنت أقبلي على ربك والتزمي بأحكامه التي نزلها في كتابه في سورة النور والأحزاب
وقومي أنت بكل شيء من شأنه أن يحول بينك وبين أن يطمع فيك من في قلبه مرض ...! سواء كان شابا أو عجوزا متهالكا ..
فلا فرق بين الأمرين لو كنا نعقل !
بعد هذا كله ستدركين أن الزواج بيد الله .. ما كان يوما لجمال فلانة ولا لصغر فلانة .. ولا لطول فلانة ....ولا لمال فلانة ...
وإنما هي الطيور على أشكالها لاتقع .. والله أرادها أن تكون كذلك

أتمنى لك التوفيق ...

[ايمان فلاور]

يا اختي احمدي ربي كاين لي اقصر منك وزيد قصيرة خير من طويلة وانا ماني طويلة ماني قصيرة مي كونجات بيدي كون نقصت منهم 5 سم هههههه ...وعلى فكرة انا دئما نقول علاه يجوني القصار مع انو مش قصيرة ونقلك معلومة انو الرجال الطوال عادة مايحبو زوجاتهم قصار مش طوال كي الرجالة ...... اما الاساتذة الجامعين انت مش اول وحدة الله غالب كل مرة يمر عليهم جيل .....ربي يعطيك ماتتمناي .

[mouna lmd]

سلام............
يا أختي قصر القامة ليس عيبا...... واللي يقولك قصيرة قولو: هل تعيب النقش أم النقاش.......
وبالنسبة للزواج مازلتي ما كملتيش قرايتك يعني مازال الحال شوية وهذا الزواج بالمكتوب... واتأكدي بلي ربي يعطيك قد نيتك ويعوضك بالرجل الصالح قولي آمين............
هاني أنا خلصت ماستر وجميلة وطويلة كيما قالت الاخت وخدامة في العقود .... وماكان لا سوام لا خطاب...ههههههههه
أعرفي بلي الزواج مكتوب ماراحش للطول ولا الجمال ....................
تقبلي مشاركتي.............

[مريم الصابرة]

السلام عليكم اختي راني كيما إنت قدقد وعادي عندي بزاف وكي نشوف بوتفليقة وشعال نفرح شوفي قصير ويحكم فاللي طوال كالبوطوات عادي حنونة شويا ثقة في نفسك برك واللي راجل راجل نتاع الصح تهمو عقليتك ماشي الكركاسة
الاستاذ نتاعك هذا مسكين إعتبريه مهبول ومرفوع عليه القلم وما تميزيه ما تعمري راسك بيه بالنسبة لنزرات الشباب إنت واش ديري بيها المهم اللي يجي للدار ويخطب وبزاف نعرفهم قصارات وتزوجو برجال طوال وين المشكل شوفي ربي واش كاتب لازم الطويل يدي الطويلة علاه راحين يخدمو فسونلغاز لا عادي حنونة المكتوب عند ربي وردودهم ضحكوني وعندهم الحق سور رفعولك معنوياتك تفائلي عادي موفقة

[السي محمد]

158 ماراكيش قصيرة إطلاقا

[الواثق]

الطول ليس مشكلا ..............مع انك لست قصيرة راكي قد قد مع النايليات هههه................اما مكتوبك فهو مكتوب عند الله ولا احد يستطيع تغيره فاكثري الدعاء والتزمي الحجاب والحشمة وسيرزقك الله الزوج الصالح......................فكرتيني في الاساتذة عندنا في الثانوية خاصة المتزوجين كي دخلتلهم الرابيلات اصبحو يتحدثون على الزواج والزوجة الثانية ههه...............

[imi02i]

ملا انا واش نقول على روحي يابنتي
أنا مثلك وزنا ومثلك طولا وممكن أكون اقل منك بسنتمتر أو اثنين
لكن مانعمرش راسي بهذا الشيء أبدا أبدا
وتأكدي بلي إذا ربي حرمك من الطول الزائد راه يعوضك في حاجة أخرى ، وممكن الصفات اللي فيك مافي أي بنت أخرى ...
وهذا من واقع الأمر اللي راني عايشاتو
شوفي الأحدب والأعور والمبتور وكل مبتلى فمن هو أحق بالشكوى ؟ أنت أم هؤلاء؟
بالنسبة لأستاذك تجاهليه وخلاص لأنو بنات بزاف عاناو مع مشكل الأساتذة وبعدي عنك الوساوس اللي راها تدور في راسك تاع ميجينيش عازب
الراجل اللي متكبولك ربي يجيك اليوم ولا غدوة ، حسني نيتك برك
وربي يوفقك الى مايحبه ويرضاه

[بيلسان11]

ما راكيش قصيرة أختي . لازم تشغلي نفسك و ما تفكريش في الزواج و تديريه هدف نهار تنساي و تعيشي حياتك و تحاولي تكوني سعيدة يجي وحدو و حاجة ثانية راكي طالبة يعني مازالك صغيرة و الدنيا قدامك ما تدري واين يكون المكتوب

[دعاء شيماء]

ana gsira 3andi 1.49 m hamd allah
3andi thika fi nafsi
rani dork makhtouba men wahed toulo 1.78 tweeeeeeeeeeeeeeeeeeeeel
ana nban bento
mochkil raho fi galbak
lazem thabi nafsak bach yhabouk elnass