عاونوني برأيكم الله يجازيكم

[مشكلتي]

أنا أعرف شاب منذ أن كنا في الجامعة هاذي مدة 5 سنوات و أنا معاه.نحبو بعضانا كثير مع أنو كثيرا ما ندابزو ونوصلو حتى للفراق.أعلم أني كذبت علي كثيرا خصوصا على الخرجة لكن كان كل مرة يسامحني بشق الأنفس.الحق كان حاب يجي يخطبني و المرافق الصحية نتاع دارنا ماكانوش ملا قتلو حتى نعاضوهم قاللي عندك مدة زمنية و حددهالي قاللي كي تفوتيها ما تقوليليش أرواح خطبني و أنا تجاوزت المدة.كي بقيت نقولو أرواح يقوللي حتى يقوللي راسي اعطيتك فرصة و ضيعتيها.
هاذ المرة يا أخواتي أنا ماعملت والوا سوى أنه كنا متفقين أننا نتلاقو.
عيطلي في المرة الأولى قتلو شويا و عاودلي كي عاودتلو قاللي راني ماشي عند صاحبي قتلو كي تكمل عيطلي أنا من 22 و 20 د و أنا نقارع فيه المرة الاخيرة اللي شفت فيها الموبايل نتاعي كانت 00 بالضبط و بعدها نمت هو عيطلي عشرات المرات و لم أرد لأني كنت نائمة و بعثلي ميساج الى هنا كان كل شيء عادي. الصباح كي نضت على 8 صباحا عيطتلو ما ردش عليا و بقا يطفي التلفون عليا.
ومن هاذاك اليوم هاذي مدة شهر و أنا أحاول أن اصالحه و أفهمه بأني نمت يقول لي درك أ،ا نعيطلك غير ما تعيطليش.
الأسبوع اللي فات أنا دخلت ب MSN نتاعو ولقيتو هو أيضا كوناكتي بالتخبية قعد يكتبلي connecté à 2 endroits. أنا بقيت غير ندخل و نخرج و نشوفو .و من بعد بقيت نقلب في ******** لقيتو حال واحد جديد و مضيف بنت فيه عيطتلو ما حبش يجاوبني حتى رسلتلو ميساج قتلو راني حابة نسقسيك
عيطلي و قاللي ايه واش راكي حابة تسقسي قوتلو راك حال ******** جديد قاللي أيا ومن بعد و قتلو راك مضيف بنت هاذ البنت شكون راك معاها ؟ قاللي واش دخلك و قاللي شكون عطا الحق تدخلي msn نتاعي و روحي عليا و ماتزيديش تعيطيلي قتلك حتى أنا نعيطلك و نتلاقو و نهدرو مليح.والا راح نولي قبيح معاك.
اليوم لقيت مكونكتي قتلو سلام و ماردش عليا كي قتلو واش بيك علاه راك داير هاك قاللي اليوم علاه ماراكيش كوناكتي ب msn قوتلو كانت عاجبتني المرة لي فاتت connecté a 2 endroits.
و هاذا ماكان و مالقيتني دايرة والو قاللي صح.المهم هاذي رابع مرة و أنا نقولك درك أنا نعيطلك و نتلاقو و نهدرو مليح.قو تلو نحبك قاللي هاذي خامس مرة راني نقولك درك أنا نعيطلك ماتزيديش تعيطلي ولا نتي تبغي حتى تنارفيني. و خرج من المحادثة.
الأن راني خايفة كي نتلاقو يقوللي كثرتي عليا و علينا أن نفترق. و أنا لا أتحمل الفراق غادي تقولولي كاين من غيره لكن حياتي و مستقبلي بين يديه و الله.
ماذا ستكون ردة فعله في رأيكم ؟؟هل اذا كان حاب يتفارق معايا لوكان راه قالهالي في الهاتف؟؟ والله غير النار راهي تشعل فيا و نكره كلمة الفراق.انه شخص عصبي و عنيد جدا.أرجوكم ساندوني لم أجد أي شخص أحكي له و ينصحني سوى هذا المنتدى.

[aihemsara]

و الله غير القسم هادا راح يتسبب في حضري
يا اختي لعاه راكم تديرو هكا ماشي حرام عليكم؟
كيفاش حابة الولد هادا يكون مليح معاكي و انتوما راكم تهدرو في الحرام؟!!
و تحكيلنا في تفاصيل غريييييبة عجيييييبة,,,
نصيحتي ليك اجبدي روحك على المخلوق هادا هو يبهدل فيكي انتي لاصقة فيه
علاه تفهمي فيه و تحلي فيه و مقيماتو و تقولي مستقبلي بين يديه؟!!! استغفري مولاااااااااااك و قوليلو روح الله لا يردك يا ولد الناس
لوكان حت جا راجلك نقولو,, و الله يا لوكان تخرجي معاه 10 سنين قادر ي الاخير يكتبلك ربي راجل آخر
و تكوني من جيهة ربحتي جبل تاع ذنوب و من جهة اخرى خسري سنين عمرك في باطل
وين راكي يا اختي بنت الراحل غير انتي لي تعرفي تردي كي نعجزو حنا

[sarl02]

الحب واعررررررررررررررر.

[AMINA.Z]

يا اختي من التمسخير للي قريتو
راكي بلا كرامة و الله
كاش وحدة تجري ورا راجل
وينو الحياء و الدين
بهدلتونا و شوهتو السمعة تاع البنات
روحي توبي لربي خيرلك
قالك الحب
ياخي حالة ياخي
و الله قلقتيني تاع الصح

[sali-sali]

انتي غلطتي و هو كتر منك و الغلطة الاساسية هدا الحب مكاش منه يا اختي خطيك من هدي العلاقة المحرمة و اصبري ربي يرزقك ولد الحلال لي يهنيك بلا تكسار راس

ماطيحيش بروحك لواحد مايستاهلش

ربي يهديك

[ANWAR 11]

و الله غير نتقلق كي نسمع حكايات كيما حكايتك
ما تزعفيش بصح هاذي يقولولها قلة حياء .............. 5 سنين و انت تنذلي و تربحي في الذنوب
هو راه يجوز في وقتو و أنت راكي تطيحي بقيمتك
ربي يهديك و يهدينا

[بلسم غرام2018]

اين انت بنت الرحل مشكله عويصه وعلابالي الا تكلمت راح نكون قاصيه ونتحظر

[ايمان نور الجزائر]

ما كملتش قريت المشكلة لان من بدايتها باينة
لم اجد ما يمكن ان اقول
اكتفي بالقول الله يهدينا

[الواثق]

كل هذه القصة وكأن مشكلتك كيف ترجعين ثقة هذا المحبوب المزعوم............اتق الله اختي انت في الحرام وتريدين ان نعينك عن الحرام...؟؟؟...................

توبي الى الله وافتحي صفحة جديدة مع الله عزوجل والتزمي بطاعة الله وابتعدي عن هذه العلاقات حتى يرزقك الله بمن هو طيب وانت تكونين طيبة حينها

والله كرهتونا في الزواج او حتى البحث عن زوجة والله المستعان...........والله ماشي في حكاية وحدة دارت علاقة وتابت .............المشكلة في البنات لي ماصحتلهمش ويلعبوها تابو وهم يتمنون اكمال العلاقة ....................والله المستعان

[الحنون الجزائري]

راكي حاصلة علا خاطكش كون مايتزوجش بيك هدا مايخطبوكش لانك محروقة والكل يعرف بلي مشيتي علا بيها راكي لاصقة فيه

وانا منظلمش السيد بالاك حتى نتيا درتي حوايج ما ملاحش وهو راح نتقم منك وعمل طفلة اخرى .
توبي لربي واقطعي العلاقة ولكان يحب راهو يقلك نجي نخطبك

وربي يعوض عليك

[amine9mm]

الحمد لله عندما ارى ه\ه القصص اتمنى ان لا يرزقني ربي بفتاة جزائرية

[بنت الرّحّل]

تحية طيبة وبعد :

قرأت مشاركتك مرتين وعززتها بثالثة
وشيء دوخني حيرني .. بل قسمني إلى ألف قطعة ...كل قطعة إلى ألف أخرى لم ترد أن تجتمع بعد
سؤالك الأخير :confused:
تصورت أنك ستسألين عن أي شيء سوى:

ماذا ستكون ردة فعله في رأيكم ؟؟هل اذا كان حاب يتفارق معايا لوكان راه قالهالي في الهاتف


أحدثك هكذا لعلك تعرفين كيف أن العلاقات العاطفية هذه مؤثرة حتى على عقل الإنسان ويصبح لا يميز ولا يفهم بل وحتى لا يعطي قيمة لنفسه ولا كرامة

من أين نبدأ أختي أخبريني ..
خمس سنوات علاقة (حب) والصواب (علاقة غير شرعية ) وليس حبا ثم في الأخير يقول لك حددت مدة إن لم أخطبك فيها فلن أفعل ...

هل هذا رجل تحبينه ؟ ليت شعري على ماذا يحب ...؟
يتسكع معك في الشوراع .. ويتسلى بك في الهاتف وفي المسنجر ثم لما تأتي لحظة الجد يتبجح بهذا الرد التافه والسخيف ...
لكن العتب ليس عليه وإنما عليك يا غالية ..!

ملّ منك حبيبتي شبع .. أخذ ما يريد .. والآن سيبدل النوعية ... ولكل جديد مذاق رائع حتى ولو لم يكن ذا قيمة المهم آنه جديد

هكذا يفكر بعض الرجال .. ألا تعرفين ذلك ...؟

هل سألت نفسك يوما ما اسم الرجل بالنسبة لك هل هو زوج أخ صديق ...

إنه حبيب ..والصواب (عشيق) وهذه هي الحقيقة ..ولو أننا أبقينا على تسمية الحقائق بأسمائها الحقيقية لما كنا نعاني هذه المعاناة في إقناع الناس بتحريم مثل هذه الأشياء

كلمة كبيرة .. صح ؟ لكنها الحقيقة المخزية.. والعار القبيح الذي يزينه لنا الشيطان ...
كلما أراد متعة لجأ إليك .. وكلما أردت حبا لجأت إليه ولا رباط يربطكما سوى مشاعر وعواطف .. في أي شريعة يجوز هذا .. ؟

أفيقي أختي من غفلتك ومن ضياعك .. وتذكري أنك امرأة مسلمة والمسلمة على الأقل تتساءل هل الله راض عما تفعل أم لا ؟
وإن كان في قلبك بقية كرامة فلا أتصور أنك ستعودين وتسألين نفس السؤال على نفسك بل وستحبين الفراق لعله يعيد لك كرامتك المسلوبة
بل لو تفكرت قليلا وجدت الزوجة حين يهينها زوجها تقول لن أبقى معه لأنه يهينني ..
فكيف هانت عليك نفسك لهذه الدرجة ..بدء من أن تحلي نفسك له ليلعب بها ثم أنت تطلبين منه أن لا يفارقك .... استعذبت المهانة :confused:
الله يلعن الحب وسنين الحب الذي يجعل (الحرة ) عبدة وتتتمنى العبودية وتستعذبها!

وأزيدك أنت لا تطيقين الفراق وتحسبين أن النار اشتعلت فيك ... ويحي كيف يطيب لنا أن نستعمل كلمة (النار) ونحن لا نطيق أن نضع أنملة من أناملنا فوق شمعة ثانية واحدة ؟
ذكرتني بذاك المغني الذي كان يغني في الإذاعة يقول (نار يا حبيبي نار) وكان كلما سمعتها يقشعر بدني ... تبا له ما عرف النار؟ ولو عرفها لما غنى عنها ...

سامحينا أختي إن قسونا عليك لكنها قسوة المشفق ولعل غيرك من البنات ممن مازلن غارقات في بحر الأوهام أن يستفقن هن الأخريات

فاعتبري مما حدث لك وسلي الله يغفر لك ويرزقك الزوج الصالح بالطريقة الصالحة وليس تسكعات ومسنجرات و( أمسانات )

أتمنى لك التوفيق أخية

[Vtamin]

الله يهديك انت ولي كل واحد ولا وحدة عندها علاقة في حرام شئ لي يدوخني علاه ماتاخدوش العبر ؟ شحال من حكايات كيما هدو نشوفو فيهم ومزلتو مصرين على الخطأ كيفاه بيغتو ربي يرضى عليكم ويفرج عليكم وانتم تتامادو في العصيان اصبحتم تخشون ناس اكثر من الله عزوجل هذي الحقيقة المرة شبعتونا مقرود صح وكرهتونا من صوالح هدو انا عيت ومليت يضهرلي نريح اعزب خير لانطيح في وحدة كيما حالتك وما اكثرهم فريمواوووووووووووووووووووووووووووووووف ارجعو للطريق يرحم وليدكم خنتو ربي و نبي والولدين الله يهديكم

[بنت الرّحّل]

الحمد لله عندما ارى ه\ه القصص اتمنى ان لا يرزقني ربي بفتاة جزائرية

يا عبقري أو لست تدري أن هذا ليس مرتبطا بالجزائر إنه شيء عالمي!

وأما عند الأوربيين وأبناء عمهم لا يوجد حب فقط وإنما يوجد فجور وهن جميعا متخذات أخدان
ما رأيك أن لا تتزوج أبدا لا بفتاة جزائرية ولا نرويجية ولا أندونسية ..

أعتقد أن هذا الحل أنسب بكثير ...!

الله يهديك !

[Golden Princess]

على حياب ما فهمت قريتي 5 سنين في الجامعة يعني عمرك الله يبارك .........اعذريني لكن حسيت روحي نقرى في حكاية تاع وحدة مراهقة ....

يا اختي اخطيك من هذا العلاقات الي راح يجيلك منها غير تكسار الراس و كيما يقولو الباب الي يجيك منو لريح سدوا و استريح

لن تجدي السعادة الا في قربك من الله .......... و لن تجدي حبا مثل حبه سبحانه و تعالى

الله يرزقك الزوج الصالح

[islam girl]

ما هذا ولا تخجلين من مشكلتك ولا تستغفرين الله على ما فعلتيه


تعرفين كل فتاة فعلت مثلك ينظر لها المجتمع أنها ليست أهلا للثقة


تخونين والديك و تدنسين شرف عائلتك بهذه العلاقات اخجلي اختي


ثم أنتن من جعلتن هذه الصفات القبيحة الفاسدة تنطبق على كل بنات الجزائر وبالخصوص بنات الجامعة

لكن الحمد للله مازال هناك من تسير على طريق الله

قال تعالى :

« ا الطيبون للطيبات والخبيثون للخبيثات »

توبي أفضل لك أنت تفعلين منكرا كبييييييييييييييييييييييييييييييييييرررررررررررررا ااااااااااا

[اسهاء]

اكاد ان اكون متاكدة من انه عند وضعك للموضوع انك ستقرئين هذه الردود ولن تجدين من يؤيدك او يجيبك عن سؤالك
الا ان يسأل لك الهداية و التوبة لله سبحانه و تعالى

و بما انك قد وضعت هذا الموضوع لعله يكون سببا لرجوعك للطريق الصحيح بعد كل هذه الردود

اعملى بما ينص عليه ديننا الاسلام الحنيف الذى يحفظ و يصون حق المرأة و يكرمها احسن تكريم
و ستنعمين برضى الله و رضى النفس

أعوذ بالله من الشيطان الرجيم بسم الله الرحمن الرحيم
{و ما الحياة الدنيا إلا لعب و لهو و للدار الآخرة خير للذين يتقون أفلا تعقلون(32)}. الآية من سورة "الأنعام".

[faty05]

اخطيك منو
ياو راه شابع تمسخير
اقطعي كل شي معاه
كسري التلفون
ما تزيدي تتصلي بيه عل النت
مستقبلك بين يدي مولاك ليس بين يدي ذئب من الذئاب البشرية

[yacine-08]

لم اجد ما اقول في الحقيقة

مصدوم من طريقة التفكير

هو كونيكتا انا ديكونكتيت ، انا كتبتله salut وما حبش يرد عليا ههههههههههه

[aminaskikda]

اخطيك منو هدايلعب حاولى كيفاه تنسايه كى تتفكريه هزو المصحف اقرا فيه ولا اخرى مع صحاباتك حتى تنساه...وانشلء الله ربى يعوضك بالى احسن منو............................................... و نطلب من اعضاء المنتدى يعرفو كيفاه ينصحو لان للنصيحةاداب يجب ان تراعى .......... و نطلب ايضا من المشرفين ان يحدفى التعليقلت المكتوبة باسلوب غير لائق.....و شكرا

[بني بلعيد]

أختاه السلام عليكم
من خلال الردود السابقة لااجد ما أقوله لك إلا الإبتعاد عنه فهو يتسلى بك ويسغل (حبك) له فقط ، بل يتمادى في إدلالك
أين كرامتك من كل هذا
أي شرفك الذي مرغه في التراب
لاتقولي : مستقبلك بين يديه ، بل قولي شرفك تحت قدميه
توبي إلى ربك وتأكدي أنه لايريد الزواج منك .....ببساطة لأنه عرفك في الحرام ويريدك في الحرام
الثقوى ، الثقوى ........................
كوني قوية وقاطعيه ..................وستجدينه يلهث : لكن لاتقبلي به مرة أخرى
ارفضيه ....وذليه
..والسلام

[amina-alaa]

انا حايرة فيك كيفاش راكي تخممي
كي انتي كي هو
كانت عندي صديقة صارلها كيفك عييت مانفهم فيها
و هي تقولي انا كي نتزوج لازم يكون يحبني و انتي خليك للmarriage arrangé
هو مين كانو 14 سنة و هوما كيفكم يتقابضو و هو يدير في الصحابات عليها و
هي كي الذليلة كل مرة ترجعلو
بعد 14 سنة تمسخير هو خطبتلو يماه طفلة شابة راه يتمتع و هي راهي تندب في زهرها
و كل البلاد تعرف بللي راها محروقة معاها و قليل مادارو
المضحك في الامر انو ال marriage arrangé فادني لانو راني متزوجة باولاد
و زوجي يكلمني في الليل على 00:00
و يعيطلي من البالكون و يقولي عمري ارواحي
و كي يكون مسافر نهدرو في الانترنت
يعني كل واش داراتو في الحرام انا درتو في الحلاااااااااااااااااال

ارجو ان تعتبري يا اختي ماراكيش صغيرة راكي في العشرينات و توبي لبارئك

[ضو الجبين]

نسوا الله فأنساهم أنفسهم.
أنا أعيب على المشرفين الذين سمحوا بهكذا موضيع مستهترة.
والله لقد هربنا من الإستهتار فوجدناه في هذه الصفحة.
ربي يهديكم ويهدينا.