اريد الاستفسار من فظلكم عن التكوين في cnepd

[حمزة1983]

أنا اريد التكوين عن طريق المراسلة و في cnepd تخصص تسيير موارد بشرية يعني متابعة دروس 30 شهر تقني سامي لكن اريد الاستفسار و اجابة جدية في ما يخص الشهادة هل هي معترف بها مثلها مثل الشهادات التكوين المهني .يعني لا فرق بينهما في المسابقات أم لا و تقبلوا مني كل الاحترام.

[فاطمة الزهراء31]

السلام عليكم
انا بغيت نقرا عن بعد لاخطر معنديش الوقت نقرا ونخدم روحت للمعهد وطلبت منهم يوروني شهادة النجاح لتخرج من عندهم وشفتها بعيني مكانش فرق بينها وبين شهادات نجاح مركز التكوين لنخدم فيه .... ننصحك دير تسيير موارد بشرية لاخطر تخصص مليح وشهادة لي تديها معترف بيها100/100 قراها وماتخافش

[fares rog]

شوف خويا نعطيك عفسة ،، أي تخصص تقراه عند الدولة معناه معترف بيه ،، عند الخواص غير معترف به ،، التكوين المهني سواء بالمراسلة ولا لا هو معترف به على خاطر تاع الدولة ،، بصح هذا التخصص انا رحت لعندهم في حسيبة الاثنين لي فاتت قالوا لي grh بالفرونسي تقرى بالفرونسي برك كيشغل حنا رانا في فرنسا

[حمزة1983]

انتم مشكورين خاوتي

[بنت الجزائر]

ارجوكم نريد توضيح اكثر في الموضوع ماهو الملف المطلوب واين يدفع هذا الملف وكيف تكون الدراسة بالمراسلة بمعنى كيفية الحصول على الدروس وفي انتظار ردكم الجميل جزاكم الله كل خير سلام

[fares rog]

شوفي ختي حوسي على مركز cnepd في ولايتك ... سقسي الناس لي تعرف راهم يوروهولك قوليلهم cnepd أدخلي عندهم راهم يمدولك وراقي فيهم التخصصات واستمارة المعلومات وتقدر تسجلي في اي وقت حبيته والي يساعدك .... وفقك الله

[بنت الجزائر]

بارك الله فيك اخ فارس لكن انا من ولاية جيجل وcnepdلاتملك مركز جهوي بولاية جيجل بل بقسنطينة لذلك اسال عن الملف وكيفية الحصول على الدروس وشكرا جزيلا

[fares rog]

الملف نورمالمون .. شهادة مدرسية حسب التخصص ... نتي مدابيك اجبدي شهادة مدرسية تاع تارمينال ولا عندك .
6- صور شمسية - شهادة ميلاد - يعطوك بطاقة رغبات تعمريها -وتخلصي دراهم كل تخصص وقيمته .
المهم تقريبا قاع يدور في 300 ألف . و ظروف بريدية معنونة . واقيلا زوج .
الدروس يبعثوهملك عن طريق البريد ، يعطولك بزاف كتابات ... ساعات ساعات يعيطولك باه ديري غنيون يعني اجتماع تقدري ماتروحيلوش .
في جوان ديري امتحان باه تطلعي من مرحلة الى اخرى .
قتلك قاع واش راني نعرف ، الله يوفقك .، قوليلي واش من الاختصاص راك حابتوا نعاونك اكثر ونعطيلك معلومات ان شاء الله

[بنت الجزائر]

جزاك الله كل خير اخ فارس اريد ان ادرس موارد بشرية او تسويق ولدي استفسار اخر هو في الحقيقة لصديقة لي تملك شهادة تقني فالاعلام الالي وتريد اكمال الدراسة للحصول على شهادة تقني سامي هل يمكن لها فعل ذلك عن بعد او بالمراسلة ام لا وشكرا جزيلا

[fares rog]

شوفي تبعيني مليح رايحة تفهمي:

بالنسبة لإختصاص تسويق لازملك شهادة مدرسية 3 ثانوي جميع الفروع ،،فيها زوج أطوار يعني كيشغل السنة الأولى والسنة الثانية في كل طور تجوزي امتحان ،، تقدري تقراي بالفرونسي ولا بالعربية خيري نتيا ( فرونسي معنتها الكتابات قاع بالفرونسي وتجوزي امتحان بالفرونسي ) خيري العربية خير . تكلفة الطور الواحد 3900 دج . المدة 24 شهر + 6 أشهر stage pratique .

-بالنسبة لتسير الموارد البشرية أنا ثانيك كنت حاب نديرها بصح خسارة هي كاينة بالفرونسي برك ما تقدريش تقرايها بالعربية ، ولا تعرفي مليح الفرونسي اقرايها سي نو اقراي تسويق خير . المهم ولا درتيها لازملك 3 ثانوي جميع الفروع ... فيها زوج أطوار ، نفس تكلفة تاع تسويق يعني 3900 دج للطور الواحد . المدة 24 شهر + 6 أشهر stage pratique
الشهادة تقني سامي في زوج فيهم .

بالنسبة لصاحبتك هاهو موضوع الأخ يفهمك كل شيء :
http://www.djelfa.info/vb/showthread.php?t=1112346

---- الله يوفقك --

[kemis]

شوفي تبعيني مليح رايحة تفهمي:

بالنسبة لإختصاص تسويق لازملك شهادة مدرسية 3 ثانوي جميع الفروع ،،فيها زوج أطوار يعني كيشغل السنة الأولى والسنة الثانية في كل طور تجوزي امتحان ،، تقدري تقراي بالفرونسي ولا بالعربية خيري نتيا ( فرونسي معنتها الكتابات قاع بالفرونسي وتجوزي امتحان بالفرونسي ) خيري العربية خير . تكلفة الطور الواحد 3900 دج . المدة 24 شهر + 6 أشهر stage pratique .

-بالنسبة لتسير الموارد البشرية أنا ثانيك كنت حاب نديرها بصح خسارة هي كاينة بالفرونسي برك ما تقدريش تقرايها بالعربية ، ولا تعرفي مليح الفرونسي اقرايها سي نو اقراي تسويق خير . المهم ولا درتيها لازملك 3 ثانوي جميع الفروع ... فيها زوج أطوار ، نفس تكلفة تاع تسويق يعني 3900 دج للطور الواحد . المدة 24 شهر + 6 أشهر stage pratique
الشهادة تقني سامي في زوج فيهم .

بالنسبة لصاحبتك هاهو موضوع الأخ يفهمك كل شيء :
http://www.djelfa.info/vb/showthread.php?t=1112346

---- الله يوفقك --

لكن الا تراها أنها فرصة سانحة لتعلم الفرنسية لأنك ستجد نفسك مجبرا على الدراسة بها ،كما ان الدراسة بالمعهد بالفرنسية ؟؟؟؟؟؟

[mouhamad2009]

أنا اريد التكوين عن طريق المراسلة و في cnepd تخصص تسيير موارد بشرية يعني متابعة دروس 30 شهر تقني سامي لكن اريد الاستفسار و اجابة جدية في ما يخص الشهادة هل هي معترف بها مثلها مثل الشهادات التكوين المهني .يعني لا فرق بينهما في المسابقات أم لا و تقبلوا مني كل الاحترام.
بارك اله فيك اخي

[حمزة1983]

وفيك بركة اخي

[mouna1985]

الملف هو
شهادة ميلاد اصلية 12
شهادة مدرسية للمستوى المطلوب في التخصص المختار
6 اظرفة حجم كبير 4 اربعة حجم صغير عليهما الطابع والعنوان
4 صور شمسيةو استمارة التسجيل تجيبها من عندهم تكتب المعلومات من اسم ولقب وتاريخ ميلاد والتخصص المختار واللغة المختارة
كذالك وصل الدفع املاحظةالمبلغ المحد لكل تخصص يكون حسب مدة التكوين ومستوى التاهيل

[kasimod]

إخوتي الكرام هدا النمط من الدراسة مشكورة عليه الوزارة و لكن هناك امر جد مهم يجب عدم المرور عليه مرور الكرام الا و هو شهادة الحظور التي يطلبها الوظيف العمومي في حالة الفوز باي مسابقة ولهدا الشهادة من حيث المبدأ رسمية و لكن يوجد هدا الأشكال الوحيد و ارجو الإستفسار و ايجاد حل جدري له و مع التوفيق للجميهع

[kasimod]

اما في ما يخص الأخ حمزة 1983 يمكنك المشاركة بهده الشهادة في كل المسابقات و هي تعادل ملحق رئيسي للإدارة

[caza]

السلام عليكم
هل يوجد فيها دروس تطبيقية ام انها بالمراسلة حتى نهاية الدراسة

[leloula]

je cherche des livre de la GRH premier cycle svpppppppppppppp

[leloula]

le cnepd kayan fé jijel fi takwin ta3 9asada

[slayer2666]

salam alikoum nhawess 3la : formation Photographe Professional
ila mawjouda wala la
help

[zidanoozoubir]

إخوتي الكرام هدا النمط من الدراسة مشكورة عليه الوزارة و لكن هناك امر جد مهم يجب عدم المرور عليه مرور الكرام الا و هو شهادة الحظور التي يطلبها الوظيف العمومي في حالة الفوز باي مسابقة ولهدا الشهادة من حيث المبدأ رسمية و لكن يوجد هدا الأشكال الوحيد و ارجو الإستفسار و ايجاد حل جدري له و مع التوفيق للجميهع

يعطوك شهادة متابعة التكوين التي تعادل شهادة الحضوور ."سقسيت على جانبين الـcnepdوالوضيف العمومي.

[زهور الندى]

fares rog خويا ماعليهش نسقسيك تقني سامي موارد بشرية في كل الولايات يقرو بالفرنسي ولا كاين معاهد تقري بالعربية ومعاهد تقري فرنسي لخطرش انا ضعيفة في الفرنسي وحابا نديرها