علاه

[amira2020]

علاه الطفلة كي متجيبش الباك عامين او حتى عام يبدوا يقولولها روحي تزوجي خير من القراية واش ديري بيها حنا كل عارفين بلي المراة اخارتها زواج بالصح الافضل الطفلة ديري سلاح ونبعد الزاوج يجي صح ولالا هذه الظاهرة خصوصا عندنا في الوادى الطفلة صغيرة يعطوها تتزوج ويخرجوها من القراية مفهمتش اسكوا غير في الوادى ولا كاين في بلايص اخرى بصح عندنا بكثرة انا مثلا راني حكيتلكم قبل راني هدا العام الثالث راح نعاود الباك ومنيش راح نحبس حتى ندير مستقبل واش رايكم انتم زعما اخواني عندي حقا ولا لا

[حضنية28]

شوفي اختي انا دائما نقول ساتح البنت هو دراستها لانودايما متدريش واش كاين في المستقبل تقرا قرايتها وتكمل الشهادة نتاعها ومنبعد اذا جاها مكتوب اكيد ميش رح ترفضها حناية هذه الضاهرةمهيش موجودة عندنا في مسيلة حتى ولا عاودت الطفلة واش فيها كاينين بنات عاودو اربع خطرات ومستسلموش بالعكس واصلو الدراسة وتزوجو وراهم بديارهم واولادهم

[اسلام انس]

علاه الطفلة كي متجيبش الباك عامين او حتى عام يبدوا يقولولها روحي تزوجي خير من القراية واش ديري بيها حنا كل عارفين بلي المراة اخارتها زواج بالصح الافضل الطفلة ديري سلاح ونبعد الزاوج يجي صح ولالا هذه الظاهرة خصوصا عندنا في الوادى الطفلة صغيرة يعطوها تتزوج ويخرجوها من القراية مفهمتش اسكوا غير في الوادى ولا كاين في بلايص اخرى بصح عندنا بكثرة انا مثلا راني حكيتلكم قبل راني هدا العام الثالث راح نعاود الباك ومنيش راح نحبس حتى ندير مستقبل واش رايكم انتم زعما اخواني عندي حقا ولا لا

نية باه ديري اسرة قاع ما عندكش وباغيا الزواج ينجح........مستحيل............الباك ليس سلاحا...يا اختي الكريمة

وليس الامر الذي يتطلب تكراره ثلاث مرات......وكيما قالولك روحي تزوجي هذه نصيحة لك وزيني النية في الزواج

وانشاء الله تلقي في الزواج ما لم تجديه في حياتك كلها............شكرا.

[sali-sali]

وانتي علاش ماتقرايش مليح و تجيبي الباك؟؟ ماشي هكدا خير من لي تضيعي عامين و لا ثلاثة وانتي غير تعاودي

هكدا يا اختي راكي وصلتي روحك باش يزوجوك

انا راني معاك في وقتنا القراية اولا وبعدها زواج بصح هدي تنطبق على اللي قلوبهم في القراية ماشي لي داينها مرواح و مجي بلا فايدة

ادا راكي حابة الباك ديري القلب و اقراي

[soso sirin]

القرايا صح مليحة و فيها فايدة و انا نبغي الطفلة الي تقرى مي ماشي لانو كلاشينكوف و لا صاروخ لانو الخير اتعرفيه لا راه في القرايا و لا في الراجل.مي حنا عندنا عادي الي تبغي تعاود الباك تعاودو وين راه المشكل و اذا كانت باغية تتزوج ربي يسهل عليها معنتها هاذي راجعة للطفلة و هي واش باغية مي باه تقوليلي القرايا راهي سلاح والله هاذي مكان منها لانوالدنيا هاذي ربي هو الضامن برك.و هذا العام قراي مليح و وجدي روحك لانو كل عام راكي تعاوديه راه يروح من حياتك ربي يسهلك ان شاء الله

[بلسم غرام2018]

A9RAaY WMN BA3D RAJL YJY

[الواثق]

رجعنا لحكاية السلاح ...........الله المستعان

[شيء من رجاء !]

ياجارة الوادي يعني :)

[خولة لبابة]

ايه يا اختاه...........لا تظني أن الدراسة هي سلاحكي............اذا وجدتي رجل صالح متدين.....ذوي أخلاق........فاقبليه كزوج...........مهما درستي فالبيت هو الأقرب لكي.........و الله اعلم في كل الأحوال....

[amira2020]

وجهة نظر ولكل انسان وطريقة تفكيروا مي منيش نحكي على روحي برك نحكي بصفة عامة

[عميروش الحر]

كل شيء يعود للصاحبة القرار كاين بنات يهمهم الزواج اكثر من القراية و كاين لي القراية تهمهم اكثر وكل واحد وتفكيرو وحتى واحد ما يغصب الاخر ... ولكن حقيقة و في وقتنا هاذا انا من اشد المعارضين انو البنت تتزوج في سن مبكرة 21 .. 22 .. و حتى 23 سنة مازالها ... اتعجب من بنات كانو يقرو معيا والله تفكيرهم تع اطفال مازالو يتفرجو سبايس تون.. حبسو القراية و تزوجو ... طبعا كل واحد حر ولكن الزواج حياة طول بعرض .. لازم يكون الطرفين فيها عندهم تفكير ناضج


والله اعلم

[عميروش الحر]

كل شيء يعود للصاحبة القرار كاين بنات يهمهم الزواج اكثر من القراية و كاين لي القراية تهمهم اكثر وكل واحد وتفكيرو وحتى واحد ما يغصب الاخر ... ولكن حقيقة و في وقتنا هاذا انا من اشد المعارضين انو البنت تتزوج في سن مبكرة 21 .. 22 .. و حتى 23 سنة مازالها ... اتعجب من بنات كانو يقرو معيا والله تفكيرهم تع اطفال مازالو يتفرجو سبايس تون.. حبسو القراية و تزوجو ... طبعا كل واحد حر ولكن الزواج حياة طول بعرض .. لازم يكون الطرفين فيها عندهم تفكير ناضج


والله اعلم

[منهاج]

السلام عليكم

نتي عندك الصح ولي قالولك تزوجي عندهم الصح لانو القراية ما هي عيب والزواج ما هو عيب سترة للبنت

[السي محمد]

شكون قال الزواج يجي بعد القراية و السلاح؟؟؟؟؟

راهم بالملايين قبلك بسلاحهم و قرايتهم :o:o:o

سقسي لي قراو و دارو السلاح و لحقو 30-35

و يقولولك على الزواج

[Dr GENIO]

سلام ..انا اختي في رايي اذا جاءك رجل صالح ذا خلق ودين فتزوجي وعلم ليس فقط علم الجامعة ولا الثانوية كوني عصامية اقراي وحدك اقراي الكتب وان شاء الله خير واستخري ربك .
..
.
.
وسلام عليكم

[الفرحة معكم]

نية باه ديري اسرة قاع ما عندكش وباغيا الزواج ينجح........مستحيل............الباك ليس سلاحا...يا اختي الكريمة

وليس الامر الذي يتطلب تكراره ثلاث مرات......وكيما قالولك روحي تزوجي هذه نصيحة لك وزيني النية في الزواج

وانشاء الله تلقي في الزواج ما لم تجديه في حياتك كلها............شكرا.



اضحك الله سنك

[nibrasse76]

علاه الطفلة كي متجيبش الباك عامين او حتى عام يبدوا يقولولها روحي تزوجي خير من القراية واش ديري بيها حنا كل عارفين بلي المراة اخارتها زواج بالصح الافضل الطفلة ديري سلاح ونبعد الزاوج يجي صح ولالا هذه الظاهرة خصوصا عندنا في الوادى الطفلة صغيرة يعطوها تتزوج ويخرجوها من القراية مفهمتش اسكوا غير في الوادى ولا كاين في بلايص اخرى بصح عندنا بكثرة انا مثلا راني حكيتلكم قبل راني هدا العام الثالث راح نعاود الباك ومنيش راح نحبس حتى ندير مستقبل واش رايكم انتم زعما اخواني عندي حقا ولا لا

لالا ردي بالك تبطلي القراية ...وزيدي قولي لزميلاتك وانصحيهم ....عقود ما قبل التشغيل مضمونة في المدارس والثانويات ..باش كي تخلصي الجامعة تعاودي ترجعي عقود للثانوية وتواصلي القراية للابد ...وهكذا السوافة يتزوجوا من البرانيات وواحد ما يلومهم ....:mh92::mh31::1:

[بلسم غرام2018]

لالا ردي بالك تبطلي القراية ...وزيدي قولي لزميلاتك وانصحيهم ....عقود ما قبل التشغيل مضمونة في المدارس والثانويات ..باش كي تخلصي الجامعة تعاودي ترجعي عقود للثانوية وتواصلي القراية للابد ...وهكذا السوافة يتزوجوا من البرانيات وواحد ما يلومهم ....:mh92::mh31::1:
هههههه والله اضحكتني حطيتك منك بالصح

[شيء من رجاء !]

لالا ردي بالك تبطلي القراية ...وزيدي قولي لزميلاتك وانصحيهم ....عقود ما قبل التشغيل مضمونة في المدارس والثانويات ..باش كي تخلصي الجامعة تعاودي ترجعي عقود للثانوية وتواصلي القراية للابد ...وهكذا السوافة يتزوجوا من البرانيات وواحد ما يلومهم ....:mh92::mh31::1:
والسوفيات يتزوجن البرانية ، وتختلط العباد وتتوحد الأنساب ، وتزول العصبيات والحساسيات
لماذا " البرانيات ' لا يدرسن ؟
ومن هم البرانيات تقصد خارج الولاية أو خارج الوطن ؟
الإخوة ردودكم فيها قسوة ، ردوا باللين حتى تقنعوهم بفكرتم ، الرد القاسي يجعل الطرف المقابل " يركب راسه "

[فتـ حييةـاة]

الله يجيب الخير

[amira2020]

طلبت نصيحة مش قاعدين تتمسخروا بيا اسمحولي مي مكنتش متوقع ردود فيها سخرية وضحك اسمحولي انا لي غالطة

[مريم الصابرة]

السلام عليكم اختي
بكل صراحة ونقولك رأي لو انا يقولولي شهادة الدكتوراه وما تجينيش كيما بيتي زوجي واولادي محال هذو بمال الكون ما يتشراوش ولا بأعلى الشهادات المرا بلاصتها الدار صح تتعلم وتثقف ما تعرفيش الدنيا واش مخبية لكن لو ربي يزقك زوج خدام ومصلي وعاقل واش ديري بالشهادة العمل اللي ديريه برا وفيها بزاف إختلاط ديريه في دارك لولادك ولراجلك وهذاك هو الصح موفقة وإنت تبقاي صاحبة القرار
إحنا لا عادي عندنا الطفلة حرة تكمل قرايتها او تتزوج كاين اللي تكمل وتخدم وكاين اللي تفضل الزواج كل وحدة وكيفاه شكرا

[amira2020]

عنبالي والله انا الاولة رافضة الخدمة بعدالزواج انا في سؤالي انوا لازام الطفلة تقرا ونبعد تزوج كيما قلتي متديرشي واش مخبي الزمان

[*ابو محمد الجزائري*]

علاه الطفلة كي متجيبش الباك عامين او حتى عام يبدوا يقولولها روحي تزوجي خير من القراية واش ديري بيها حنا كل عارفين بلي المراة اخارتها زواج بالصح الافضل الطفلة ديري سلاح ونبعد الزاوج يجي صح ولالا هذه الظاهرة خصوصا عندنا في الوادى الطفلة صغيرة يعطوها تتزوج ويخرجوها من القراية مفهمتش اسكوا غير في الوادى ولا كاين في بلايص اخرى بصح عندنا بكثرة انا مثلا راني حكيتلكم قبل راني هدا العام الثالث راح نعاود الباك ومنيش راح نحبس حتى ندير مستقبل واش رايكم انتم زعما اخواني عندي حقا ولا لا

رجال دكتوراه و ماجستير و لم تنفعهم الشهادة في ضمان المستقبل لأن المستقبل بيد الله
اذا كنت تظنين ان اتمام الدراسة يضمن المستقبل فأنت مخطئة تماما

و الاخوات اللواتي يكملن الدراسة من اجل العلم افضل ممن تفكر في ضمان مستقبلها

المشكلة انه بهذا السبب اصبح الناس يخالفون صراحة هذا الحديث


عَنْ أَبِي حَاتِمٍ الْمُزَنِيِّ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِذَا جَاءَكُمْ مَنْ تَرْضَوْنَ دِينَهُ وَخُلُقَهُ فَأَنْكِحُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ"، قَالُوا: يَا رَسُولَ اللَّهِ وَإِنْ كَانَ فِيهِ؟ قَالَ: "إِذَا جَاءَكُمْ مَنْ تَرْضَوْنَ دِينَهُ وَخُلُقَهُ فَأَنْكِحُوهُ" ثَلَاثَ مَرَّاتٍ

لذلك جاوبي بصراحة اذا تقدم اليك انسان مقبول فهل ترفضينه بهذا اللسبب؟؟

[مريم الصابرة]

عنبالي والله انا الاولة رافضة الخدمة بعدالزواج انا في سؤالي انوا لازام الطفلة تقرا ونبعد تزوج كيما قلتي متديرشي واش مخبي الزمان
السلام عليكم اختي
راكي رافضة للخدمة بعد الزواج خلاص محلولة علاه تعبي في روحك وراكي قريتي ومثقفة وفاهمة واش ديري بالقراية الصراحة هذا راي راكي ضد العمل بعد الزواج غذن خلاص لما يجيك اللي متخلق وبدينو كيما وصانا الرسول الكريم عليه الصلاة والسلام ديري دارك مادام راكي صغيرة ومستقبلك عند ربي واحد ما يعرفو موفقة اختي

[محمد...عبد النور]

اذا مكانش التوكل و حسن الظن بالله فبعده و الله لا يوجد شيئ...
.
و الله عز و جل يقول ماذا قال ابراهيم عليه السلام :** قَالَ وَمَنْ يَقْنَطُ مِنْ رَحْمَةِ رَبِّهِ إِلا الضَّالُّونَ** (http://www.islamweb.net/newlibrary/display_book.php?flag=1&bk_no=64&ID=714#docu).
و ايضا ما قاله يَعْقُوبُ بْنُ إِسْحَاقَ بْنِ إِبْرَاهِيمَ لِبَنِيهِ فِي قَوْلِهِ تعالى ** : يَابَنِيَّ اذْهَبُوا فَتَحَسَّسُوا مِنْ يُوسُفَ وَأَخِيهِ وَلا تَيْأَسُوا مِنْ رَوْحِ اللَّهِ إِنَّهُ لا يَيْئَسُ مِنْ رَوْحِ اللَّهِ إِلا الْقَوْمُ الْكَافِرُونَ**

و لن أزيد

[asma1s]

نعرف وحدة كانت جيب 15 المعدل في العام بصح كلما جوز الباك تعاودو حتى المرة الرابعة باش جابتو ودوكة راهي خدامة ماشاء الله..المهم الارادة والنية الصادقة والاهداف الواضحة.. ماشي نتي اول ولا اخر وحدة صرالها هكدا..
اما على هديك العلقلية تاع الزواج لي يمدوا الطفلة اذا ماجابتش الباك حنا ماعندناش *الحمد لله* .. بالنسبة لي هذي تبقى حرية شخصية للبنت ان تتزوج او تكمل دراستها.. كل وحدة تعرف ظروفها وتعرف واش يساعدها خاصة اذا كانت الطفلة شايفة انها ماراهيش واجدة للزواج ويزوجوها بسيف عليها..
وانتي اذا كانت عندك الحرية لي تخليك تختاري بين الزواج والدراسة ننصحك ديري الاولويات وتشوفي شكون لي يساعدك خير. .
ربي يوفقك

[amira2020]

وي عندكم حق مررررررررررررررررررررررررررررررسي ليكم وعن راي انا نكمل قرايتي هدا خيرلي على خاطر نشوف في مصلحتي هكا خيررررررررررر

[nibrasse76]

طلبت نصيحة مش قاعدين تتمسخروا بيا اسمحولي مي مكنتش متوقع ردود فيها سخرية وضحك اسمحولي انا لي غالطة

حاشى لله واحد ما يتمسخر بيك ....انا تعمدت نعطيك مثال من الواقع لي المفروض راكي تشوفي فيه ..المؤمن يتعلم من اخطاء غيره مش حتى يطيح هو في المصيبة ؟؟ ــــ انا لي قلقني انو هاذ الشعار تاع القراية ولا موضة وتقليد اعمى والناس من حماقتهم يشوفوا المراة لي قرات وحكمت خدمة وما يشوفوش الاف واضعاف العدد لي ما لقاوش ؟؟ صديقي اول هاذ العام شاف وحده اعجبته سال عليها قالولو يتيمة وخرجت في الباك ...قال هاذي هي تاعي ــ هو معلم ــ خطبها قاتلوا عامين نكمل قرايتي ....ظهرت تقرا دكتوراه في التكوين المهني ؟؟؟ ما عرف يضحك ولا يبكي ...

[nibrasse76]

والسوفيات يتزوجن البرانية ، وتختلط العباد وتتوحد الأنساب ، وتزول العصبيات والحساسيات
لماذا " البرانيات ' لا يدرسن ؟
ومن هم البرانيات تقصد خارج الولاية أو خارج الوطن ؟
الإخوة ردودكم فيها قسوة ، ردوا باللين حتى تقنعوهم بفكرتم ، الرد القاسي يجعل الطرف المقابل " يركب راسه "

لو كان العلاج باللين لما كانت الحقنة افضله ...كما ان الادوية عموما ليست حلوة المذاق ....الا تعتقدين ايضا ان التعسف والتقليد الاعمى والعناد اكثرقسوة على العقل البشري فقد تصيبه بالجلطة او تجعله ينتحر او يسكت للابد ؟؟

بالنسبة للزواج من ولايات اخرى وحسب مخالطتي لهم ايام الدراسة ارى انهم وبحكم اسبقيتهم لنا في مواضيع الدراسة والعمل بعشرات السنين فقد ادركوا نهايتها وخاتمتها واصبحت تمثل للغالبية منهم قضية ملئ فراغ فاذا تقدم من يرضونه قبلوه ..
انا هنا اتحدث عن ظاهرة فعلية تعرفها الولاية وهي في ازدياد وانتشار ملحوظ وكله بسبب الفرق الشاسع في التفكير بين الرجل والمراة ...وتفسيره ان ثقافة الرجل لدينا وليدة البيئة وواقعه اليومي ...اما النساء فثقافتهم كلها فضائية تابعة لمجتمعات بعيدة وغريبة عنا كلية ....وهو ما جعلهن يبدون غريبات او منفصمات عن الواقع ...على الاقل بالنسبة للرجال .

[amira2020]

معليش خويا الكريم ماكاين حتى مشكل ان شاء الله ولي مكتبها ربي راح نشوفوها شكرا للجميع