قرًب يا من جيت قاصد مرسمنا [الأرشيف] - منتديات الجلفة لكل الجزائريين و العرب

Adel_ShArK

2012-10-03, 11:05

قرب يا من جيت قاصد مرسمنـــــــــا وهذا بر أولاد نـــــــــــــــــــائل رحب بيك
من ذي الساعة راك كي واحد منــــــا يا مزين ذي الدار راهــــــــــا عمرت بيك
إذا كانت عـــــــــــــــــــاجبتك جملتنا رانا في مقام أهلك ومـــــــــــــــــــــــاليك
ما يعقبش نهار راك توالفنـــــــــــــــــا وما تتوحش ما يضيق الحــــــــال عليك
سعدك يا من جيت ماشي قاصنـــــــــا تلقى الناس قلوبها مفتوحـــــــــــــــة ليك
وإلي تغدى ليه عندو تتهنـــــــــــــــــــا وما تسمع غير قــــــــــــــــولت أهلا بيك
بيت كبيرة يا إلي ما تعرفنـــــــــــــــــا و سقسي عنا وشوف وإسمع واش يجيك
رانا كرما و الضيافة سيمتنـــــــــــــــا ما تغلى حاجة وما تتعز عليـــــــــــــــــك
و الرجلة و النيف من طبيعتنـــــــــــــا و النية والخير واد وفــــــــــــــاض عليك
و نزيدك طبع الحياء من عداتنـــــــــــا هذي بعض أوصافنـــــــــــــا قلت نوريك
وأرجع للي فات وأعرف ماضينــــــــا أما الحاضر راه ما يخفـــــــــــــــــاش عليك
يــــــــــــــا حسراه على عبيدات الجنة صفات أبياتنا راهــــــــــــــــــــــــا ترضيك
أرحمهـــــــــــــــــم ربي ورضيهم عنا بجاه الرســــــــــــــــــــــــــول محمد نابيك
ومن ذي الوقت إلي تبدل سلكنـــــــــــا ضاقت بينا يالله والهربـــــــــــــــــــــة ليك
نهدي هذا القول للي سامعنــــــــــــــــا ونقولو مسعود راه يســــــــــــــــــال عليك
طالب منك ما تخلي جلستنــــــــــــــــا وإسمع ليا يا الخو شـــــــــــــــاهي نوصيك
الدنيا بابور يتلاطم بينــــــــــــــــــــــــا لازم يوم إطيح والموجــــــــــــــــــة تديك
جاي نهارك قا توجد و إستنــــــــــــــا وهز معاك الزاد وإدي مـــــــــــــــا يكفيك
إلي بين يديك يا جاهل تفنــــــــــــــــــا دايملك ماغير عملك بــــــــــــــــــاقي ليك
ماذا بيك بلاصتك تبقى زينــــــــــــــا خلي الرحمــــــــــــــــــة تنفعك غدوا وتجيك
أتريجتك يا العالي تحفظنـــــــــــــــا و فرحنا يا لله يــــــــــــــــــوم الرجعة ليك

كاتب هذه القصيدة السيد مسعود قاسم في جانفي 2005
وأداها المطرب النايلي محمد شريك
"منقــــول"

شادي الصالح الخرباشي

2012-10-03, 11:37

رائعة هذه القصيدة التي قدمت

البيرين1

2012-10-03, 17:11

السلام عليكم. نعم انها الاخلاق و العادات الجميله و من ينكر ذلك و نتمنى ان يحافظ الخلف على مكتسبات السلف و شكرا على هذه القصيده الجميله

عصفور الجنة

2012-10-03, 18:37

شكرااااا
رائعة

عبد الله10

2012-11-24, 14:30

مشكور اخي بارك الله فيك

omar_gs13

2012-12-21, 15:37

رائعة هذه القصيدة