اطفالنا ف خطر

[حياتي نبع امل]

السلام عليكم
اليوم حبيت نطرح موضوع سرقة الاطفال لانى انا واحدة من الامهات اللى كل يوم شادة قلبها وخايفة على اولادها كى يخرجو من البيت سواء للدراسة او لاى غرض اخر وعلاه لحقنا لهذه الدرجة من انعدام الامن اين خوف الله اين الدولة لماذا غابت بصفة رسمية عن هذا المشكل كل يوم نسمعو انخطف طفل البارحة فقط سمعنا فى بلدية من بلديات ولاية البليدة طفل انخطف فور خروجه من المدرسة التى دخلها لاول مرة عمره 6 سنوات السنة الاولى ابتدائى بعد يومين نسمع ان الطفل وجد لكن كيف وجد ميتا وبدون اعضاء تخيلو الموقف والله قلبي يتقطع خوفا كل يوم ويزداد يوما بعد يوم اين الرحمة
الله يجيرنا من الاصعب واى ام او اب تعرض ابنه للاختطاف ربي يربط على قلبهم والله يصبرهم ويعوضهم امييييييييييين
الان كيف نتعامل مع الظاهرة هل توجد حلول كيف نعالج الامر الخ من الاسئلة التى تبقى تدور فى مخيلتنا

[حياتي نبع امل]

لهاذ الدرجة الموضوع عندكم ماشي حساس

[مريم الصابرة]

السلام عليكم اختي
مسكين يا ربي ربي يصبر اهلو الوقت صعيب بما إنك ام أحرصي على ولادك الوقت صعيب بزاف خاصة ضرك بدات تظلام بكري ما تخليهمش يخرجو وللمدرسة كان ممكن إديه و جيبيه إنت او باباه او عمو المهم احرصي عليهم خير من تولي فندامة الدنيا ولات صعيبة الله يهدهم يبيهو في اجساد الناس يا رب سترك

[aihemsara]

اي و الله مع اني مازال ما تزوجتش و من درك نخمم الا ربي سبحانه رزقني بالاولاد كيفاش ندير
على خاطر انا موسوسة بزاف من الحكايات تاع السرقة هادو
و علابالي نعقد ولادي من خوفي,, الاحسن انو كي يبداو يخرجو برا يكون معاهم عبد كبير يا لوكان يراقبهم ن بعيد
حتى كي يدخلو يقراو مع الاول لازم واحد معاهم,,, و تاني لازم نربو ولادنا و نعلموهم ما يوثقوش في عباد ما يعرفوهمش خااااااصة لي يطمعومه بالدراهم و و و و
و الله موضوع حساس ربي يسترنا من الوقت لي رانا فيه

[kakinova]

و الله رانا كامل يدينا على كروشنا من الخوف

و قلوبنا هبطو عند رجلينا من الخلعة

و الله كل يوم راسي يدي و يجيب الف مرة فالدقيقة

تتوخر بنتي نص دقيقة نمووووووووووووووووووت بالخلعة و يقتلني الخوف

ما شي فقط من هاجس الاختطاف

من أصحاب السيارات لي ولاو يصوقو كي الدواب حاشاكم

لا عاملين حساب اطفال و لا حساب الكبار

و الشباب و الاطفال لي يعطوهم اوليائهم السيارات و ماهومش عارفين انهم يستعملوها كسيارات سباق يمشيو غير180 حتى في وسط المدينة

ولد سلفي كان قاعد قدام باب الدار جا واحد ماشي بسرعة كبيرة انحرف جا طول في جيهتو كون عمو ما جبدوش كون يا لطيف اللطف كون راحو رجليه مسكين

و الشواذ اللهم بعدهم عنا و احفظ اطفالنا

اصبح الاطفال مهددين منهم بصفة مرعبة و في كل مكان الواحد يخاف حتى يغفل على صغيرو ثانية

نخافو نبعثوهم للدكاكين يشريو حتى حبة حلوى

نخافو نخليوهم قدام باب الدار

واش هاذ الزمان يا لطيف الملطف

كبادنا رح يتحرقو على وليداتنا

[حياتي نبع امل]

اي و الله مع اني مازال ما تزوجتش و من درك نخمم الا ربي سبحانه رزقني بالاولاد كيفاش ندير
على خاطر انا موسوسة بزاف من الحكايات تاع السرقة هادو
و علابالي نعقد ولادي من خوفي,, الاحسن انو كي يبداو يخرجو برا يكون معاهم عبد كبير يا لوكان يراقبهم ن بعيد
حتى كي يدخلو يقراو مع الاول لازم واحد معاهم,,, و تاني لازم نربو ولادنا و نعلموهم ما يوثقوش في عباد ما يعرفوهمش خااااااصة لي يطمعومه بالدراهم و و و و
و الله موضوع حساس ربي يسترنا من الوقت لي رانا فيه

شكرا اختى على مرورك
ماشى مسالة انك موسوسة الله غالب الوقت قال هكذا لازم تكونى موسوسة ولا اكتر ربي يرزقك الزوج الصالح والذرية الصالحة الطيبة ام شاء الله

[*بسمة أمل*]

ليس لي ابناء لكن لي ثلاث اخوة صغار
كل ما يخرجون خاصة في بداية السنة الدراسية ونهايتها اكون في حيرة حتى يرجعون
من الامرور التي احرص على تعليمها لهم عندما يبدؤون الكلام: اسم الاب واللقب حتى اذا ضاع احدهم على الاقل يذكر هذه المعلومات التي ترشد من يجده
وايضا لا احبب ان يكون اخوتي من النوعية التي تضحك مع من هب ودب والكل يناديهم يذهبون اليهم بابتسامة، اذ تجدين من الامهات من تقول لاولادها روحي لفلانة حتى ولو كانت غريبة لا تعرف عنها شيء والتقتها لاول مرة فيكون الابن من النوعية التي تسكت عند الجميع
صراحة اخوتي يبكون وبقوة اذا ناداهم غريب هكذا على الاقل اذا اقتادهم غريب يصرخون ويبكون حتى يلفتوا الانتباه
ودائما قبل ما يخرجون اوصيهم اذا ناداكم غريب واعطاكم الحلوى اهربوا حتى انهم يهربون من معارف ابي
وطبعا ممنوع خروجهم في الصيف من 10 الى بعد العصر
وفي الليل ممنوع من قبل المغرب
والله الانسان يقف عاجز من بعض الامهات اللائي يتركن اولادهن يلعبن في الليل لساعات متأخرة او في وقت الظهيرة في الصيف خاصة
ربي يحفظ ابناء المسلمين

[بلسم غرام2018]

Raby ystr barkkkkkkkkkkkkkk

[حياتي نبع امل]

و اله رانا كامل يدينا على كروشنا من الخوف

و قلوبنا هبطو عند رجلينا من الخلعة

و الله كل يوم راسي يدي و يجيب الف مرة فالدقيقة

تتوخر بنتي نص دقيقة نمووووووووووووووووووت بالخلعة و يقتلني الخوف

ما شي فقط من هاجس الاختطاف

من أصحاب السيارات لي ولاو يصوقو كي الدواب حاشاكم

لا عاملين حساب اطفال و لا حساب الكبار

و الشباب و الاطفال لي يعطوهم اوليائهم السيارات و ماهومش عارفين انهم يستعملوها كسيارات سباق يمشيو غير 18à حتى في وسط المدينة

ولد سلفي كان قاعد قدام باب الدار جا واحد ماشي بسرعة كبيرة انحرف جا طول في جيهتو كون عمو ما جبدوش كون يا لطيف اللطف كون راحو رجليه مسكين

و الشواذ اللهم بعدهم عنا و احفظ اطفالنا

اصبح الاطفال مهددين منهم بصفة مرعبة و في كل مكان الواحد يخاف حتى يغفل على صغيرو ثانية

نخافو نبعثوهم للدكاكين يشريو حتى حبة حلوى

نخافو نخليوهم قدام باب الدار

واش هاذ الزمان يا لطيف الملطف

كبادنا رح يتحرقو على وليداتنا
اهلا حبيبتى
والله يا اختى عندك الحق فى كل كلمة قلتيها انا وليدى كى يدير الروتار شوية يلقانى لابسة حجابي وخارجة نحوس دايما يقولي وعلاه تتقلقي ماتخافيش كى يجى يسرقنى نهربلو ايييييييييييييييييه نقولو ياريت الامر بهاذ السهولة\

ومن ناحية التهور نتاع السائقين هداك حدث ولاحرج بالصح نقولك هى مصيبة وابتلاء وقضاء وقدر نفضل وليدى الله لا يبلى ويقدر مثلا يموت قدامى باى طريقة وما نحملش يدوه او مانعرفش اذا راه حى ولا ميت يالطيف الطف بنا وارحمنا

[حياتي نبع امل]

يا ناس وصو اولادكم دائما ماتغفلوش عليهم ما تخلوهمش برا ماتبعثوهمش فى الليل ولا فى وقت القيلولة يشرو ولا لاى غرض اخر اذا خرجو لازم تراقبوهم علموهم ما يشريوهمش بالحلوى ولا الدراهم ولا اى حاجة قولولهم ما تركبو فى سيارة حتى واحد ولو يكون صاحب ابيك ما تركبش معاه قولولهم ادا عيطلك كاش واحد ما تروحش عندو وادا جرى موراك ادخل لكاش حانوت ولا بيت الجيران ويقوللهم راه رايح يدينى الخ من الوصايا نبهوهم دايما ماتغفلوش او ما تملوش لازم يحسو بخطورة الامر وربي يحفظلنا اولادنا كامل يارب

[بلسم غرام2018]

Ihe wasohm wantom ichrolhom lhaja ily yhboha mat5alohmche
hkak bah mayrohoch 3la jalha

[kakinova]

إن شاء الله الله لا يجيب البلاء

لأي و حدة منا
الله لا يكوي مومن فالكبدة نتاعو

ربي يبعد عليهم ولاد لحرام

[بلسم غرام2018]

Amyyyyyyyyyyyyyyyyyyyyyyyn

[kakinova]

و نوصي الامهات و نعاود نوصيهم و خصوصا لي أطفالهم يقراو الدوام الواحد

خافوا على اطفالكم من البقاء فالمدرسة

أنا كنت قبل الزواج عاملة في مدرسة ابتدائية

كانوا الاطفال لي يسكنوا بعيد او لأوليائهم ميقدروش يديوهم و يجيبوهم

يخلوهم فالمدرسة

حتى فجر طفل فالسنة الاولى فضيحة اعتداء ذكور من السنة السادسة عليهم و كانوا يفعلوا فيهم المنكر استغفر الله

خافوا على اطفالكم بنات أو ذكور

راه ولا صاير لعجب

ما تخلوش اطفالكم لوحدهم فالمدرسة

أطفال الوقت هادا فيهم الملائكة و فيهم الشواطن

[sarra5]

rabi yestor wladna w yestorna

khatar welina f wa9t lekbir w lsrir f danger kbiir

[دعاءياسين]

انا بنت جارتي كي خرجت من المدرسة نادالها رجل في الخمسينات قالها هاكي الحلوة واركبي في السيارة باباك صاحبي ووصاني باش نوصلك للدار بدات تصرخ وخرجوا الجيران فلاد بالفرار لكن احد الجيران سجل رقم السيارة ورفعو ا شكوى وفي اليوم الموالي القي القبض عليه ووجدو لديه سوابق عدلية منها عشرة قضايا الاغتصاب فتيات قاصرات و قضية واحدة في فرنسا بسبب التحرش الجنسي والضرب المبرح يارب احفظ اولادنا وابعد عنهم اولاد الحرام

[حياتي نبع امل]

انا بنت جارتي كي خرجت من المدرسة نادالها رجل في الخمسينات قالها هاكي الحلوة واركبي في السيارة باباك صاحبي ووصاني باش نوصلك للدار بدات تصرخ وخرجوا الجيران فلاد بالفرار لكن احد الجيران سجل رقم السيارة ورفعو ا شكوى وفي اليوم الموالي القي القبض عليه ووجدو لديه سوابق عدلية منها عشرة قضايا الاغتصاب فتيات قاصرات و قضية واحدة في فرنسا بسبب التحرش الجنسي والضرب المبرح يارب احفظ اولادنا وابعد عنهم اولاد الحرام

شفت الوقت اللى لحقنا ليه والعياذ بالله لازم الواحد يسرد هاذ القصص هكدا الناس يزيدو يستوعبو خطورة الامر بارك الله فيك اختى

[سامي العالم]

ربي مليح و عس ولادك مليح راح والو ما يصرالهم بإذن الله
ماش اطيشو ولادكم للشارع و مباعد توليو تلومو أنفسكم
الأولاد لا بد من حراستهم حلراسة شديدة و لا يغيبون عن أعينكم

[دعاءياسين]

ربي مليح و عس ولادك مليح راح والو ما يصرالهم بإذن الله
ماش اطيشو ولادكم للشارع و مباعد توليو تلومو أنفسكم
الأولاد لا بد من حراستهم حلراسة شديدة و لا يغيبون عن أعينكم
وين هي الام التي تطيش ولادها وفلدة كبدها القطة وتخاف على ولادها فما بالك الانسان العاقل انا وحدة من الناس لا اخرج من دون محرم وزوجي يعمل 8ساعات باش يرجع للبيت ويتحتم عليا باش اترك اولادي يروحو للمدرسة وحدهم وهدا ما يعنيش يااخي رانا نطيشو في اولادنا كل وحدة وضروفها والشدة في ربي ومين يخرجو ادعيلهم بهدا الدعاء= استودعكما الله التي لا تضيع ودائعه= حقا لقد ازعلني كلامك

[حياتي نبع امل]

ربي مليح و عس ولادك مليح راح والو ما يصرالهم بإذن الله
ماش اطيشو ولادكم للشارع و مباعد توليو تلومو أنفسكم
الأولاد لا بد من حراستهم حلراسة شديدة و لا يغيبون عن أعينكم

هذا استاذ جامعى يهدر هكدا
يتسما على حسابك اللى تخلى ولادها يروحو يقراو ماراهيش تربى مليح والمراة اللى ماكثة فى البيت وعندها صغار تربيهم تخليهم وتبقى تبع فى اللى يقرا تروح معاه وجى معاه
اسمحلى يا اخى ماشى مسالة تربية وماكاش اللى راهى ترمى ولادها للشارع انا وحدة من الناس والله ولادى من المدرسة للدار ولا للمسجد فقط وكاين مرات وين المغرب والعشاء ما نخليهمش يصلو فى المسجد الا اذا كان زوجى معاهم اما اللعب مللى فتحو عينيهم ما خليتهمش يخرجو يلعبو فى الشارع
المسالة مسالة وعى انا رحت الموضوع من اجل سرد القصص الواقعية المؤلمة التى تهدد اطفالنا من اجل ان يستفيد الجميع ومن اجل ذكر الاساليب والطرق التى نعلم ونوصى بها اولادنا حتى لا يغدر بهم
ربي يحفظلنا اولادنا ويحميهم

[قمر الزمان رؤية]

السلام عليكم و رحمة الله

والله الموضوع جد حساس

اصبح الزمن صعب جدا ،،لست متزوجة ،لكن لي أخ صغير دخل هذا العام سنة اولى ابتدائي
والله كل يوم انتظره بفارغ الصبر ليعود الى المنزل و لما يتأخر دقيقتين ، نخرج نحوس عليه

العام الماضي كان في ابتدائية اخرى ،خطفوا من قربها طفل في عمره ،،حينها بدأنا نتناوب في احضاره
خصوصا لما يخرجوا على 2 و نصف في فصل الصيف ماشي توقيت كامل مناسب

هذا العام وصيناه انه مايروحش للي يناديه و اذا اصر عليه لازم يعيط و يسمع الناس
على الرغم من انو هذي الابتدائية جاية في وسط المدينة ،،إلا اننا نخشى عليه ايضا من قطع الطريق
مراهقون يقودون السيارات بسرعة كارثية ،،

الله يستر و يحفظ اولادنا و اخواننا

شكرا على الطرح بارك الله فيك