هنا الحل حتى ننهي معاناة الخدمة الوطنية انظموا ياشباب

[salim0585]

ياجماعة لازمنا وقفة يد باليد ونتفاهمو على نهار ونديروها لازم توصل رسلتنا بأي طريقة الواحد عمره 30 سنة ومزال عاني مع الخدمة الوطنية علااااااااااااااااااااااااااااااه .

لازمنا نقاطعو الانتخابات لازم نديروها المرة هذي كلمة كلمة وتوصل رسلتنا هذا هو الحل مقاطعة الانتخابات من الكبير الى الصغير باذن الله توصل رسلتناا







أرجو من كل الشباب الجامعين الذين يعانون مع الخدمة العسكرية بالمطالبة بحقوقهم المشروعة

لماذا واجب الخدمة الوطنية للرجال وحق العمل للبنات
لماذا 18 شهرا يعني الواحد كي كمل دراسته يلقى روحه شغل محكوم عليه بالسجن 18 شهرا علاااااااااه علاه
نريدها 6 أشهر وكل من لحق عمره 28 سنة يحقو له العفو نعم 18 شهرا لو نخدم فيها ندخل 50 مليون هذي الدراهم على الاقل تخليني نتزوج ونشوف مستقبلي لااااازم مانسكتوش على حقنا ياشباب
صدقوني اخواني لو يرسل احدكم مقالا في جريدة الشروق او النهار لرئيس الجمهورية يمكن ان تحل المشكل ولو انه حكومة راقدة لا تسمع للشعب الزوال لازم نوقفو وقفة واحدة


لماذا الشاب المسكين الزوالي يؤدي الخدمة الوطنية وفي اصعب الاماكن

اينا حقنا يا مسؤولي البلاد




حتى يصل صوتنا يجب ان ننشر خبر مقاطعة الانتخابات مانروحش نفوطي كل الشباب كبير وصغير أوصل الرسال الى الفيس البوك الى كامل المجموعات والgروبات الجزائرية في الفيس بوك الى كامل الاصدقاء

انشرواااااا الخبر هيا انسخو هذا الكلام ونشروه كل يوم في الفيس بوك

[scofield blida]

عندك الحق خويا أنا كي روحت نكاجي قالولي كتف عالي على كتف و لوردابال جاتني و الله من نروح

[salim0585]

لازم توصل رسالتنا بأننا راح نقاطعو الانتخابات بسبب هذا المشكل
ولازم الكل الشعب يوصل رسالة الشباب هذه ويتضامنو معانا

[AYYOUB100]

أنا عندي الإعفاء ومانيش نروح نفوطي

[turisme2]

أولا لازم علينا نعرف العدد 1982 لعندو مشكل خدمة تخيلو لو لم يذهب أي واحد باه ينتخب شحال تنقص نسبة ناكدكم متنقص 1%


معناه ماشي حلللللللللللللللللل؟؟؟؟؟؟؟؟؟؟؟؟؟؟؟؟

[hamza.23]

يا خاوتي رانا في العالم الثالث و بزايد في الدزاير ما عندنا ما نعملوا مع رؤوس الفساد. الدعاء و التوكل على ربي هو الحل

[serza]

نعم خويا عندك الحق نعم نعم نعم نعم نعم نعم نعم نعم نعم نعم نعمنعم..........لمقاطعة الخدمة الوطنية ,
هدي مشي بلاد ، اصبحت الحدمة الوطنية وكانها معنية بالجمعيين (الزوالية)فقط وكانهم جزائريين والاخريين ليس جزائرين.
فهي ملزمة على فئة معينة . اما الفئة الاخرى غير ملزمة بها(ابناء الوزراء و......) والله كارثة.
اتعلمون انه في الاحد الدول قام الشباب بالاحتجاج على مدة الحدمة الوطنية فاصدر الرئيس تلك الدولة بتقليص مدة الحدمة الوطنية تصور الى 45يوم فقط ان تصدق .
ادن ياجماعة يجب ان نتضامن اليد فااليد ال من اجل مقاطعة هده المحنة الوطنية.

[fouad_bio1985]

راني معاكم 100/100 حنا ماناش نقولوا مانعقبوش .....مي على الاقل يقلبوه 6 أشهر أو الي يعق الخدمة الوطنية عندوا فرصة عمل أكثر .. .. المهم يديرونا حل

[سليمان مس]

و الأدهى و الأمر أننا لما نؤدي ما يسمى بالخدمة الوطنية لن يكون للانا أي حق بعدها
فأنت و الذي لم يجتزها سواء
بل البنت التي لا تعنيها بشيء تجدها خيرا منك


و الله المستعان

[nabil ofc]

انا والله منروح نفوطي سي بون من بلاد........... وين تروح تلقا غير النساء يخدمو وين تروح يا ربي غير لبنات وحنا رانا........... المهم خاوتي يد بيد ونشاء الله نفروها فرصة الانتخاب والله ما تتعوض ولى راح ااجلونا 2014 هذي هي فرصتنا كما قال صاحب الموضوع اللجوء للجرائد والفايس بوك ونبقاو نعلقو على هذا الموضوع باش يبقى هنا ثابت فالمنتدى تاعنا حتى هو اعاون

[marley38]

كيما المرة لي فاتت الشغب فال منفوطوش و فوطاو . انا الله غالب منيش داير الثقة في الشغب مشي في الحكومة

[yacineh]

رانا معاك خويا باسكو ياسر 18 شهر

[salim0585]

ان شاء الله يوصل صوتنا يا الخاوة

[reeda1987]

أنا فوتها و عندي أقل من شهر ملي خرجت لاكي وما عنديش الكارت تع الفوط أصلا و فوتها غير في الجبال سوفريت و عييت و ترخست حتى شبعت و ضرك خرجت راني نخدم في حانوت هادا حال الزاوالي في بلادنا خاوتي و الله يا خاوتي نصارحكم لوكان عرفت يصرالي هكدا ماكنتش نقرا أصلا باش ندي الاعفاء نفضل نكون جاهل وما نفوتهمش هكداك على كل حال تهنيت منهم درك ماكانش لي يزيد يهدرلي حاجة ما نفوطي ما والو لي حب يحكمها راهي ليه يخطو راسي برك

[azzoun abdelouahab]

و الله يا الخاوة لازم نديرو وقفة إحتجاج
أعطوني رايكم فيما يخص اليوم الإحتجاجي
و إنشاء الله راحيكون عن قريب

[CARL]

با رك الله فيك

[salim0585]

700 مشاهد علاه متنظموش معانا اهدرو وصلو الكلام وانشروه لازم تتفاعلو الحكومة راهي دايره رايها في الشباب البطالة والخدمة العسكرية وهما اولادهم عايشين في الخارج علاش مكانش تفاعل متى ستبقو ساكتين هل هذا كله خوف البطالة معليش اصبحت معروفة بصح الخدمة العسكرية راهم ظالمينا بيها خاوتي هيا تفاعلو معنا وان شاء الله ربي معانا

[ghani_oeb]

عندكم الحق احنا نعانيو من الخدمة الوطنية او الدولة حاب نفوطيو
مانفوطيو ماوالو لازم نديرو اليد فاليد

[harague]

يجب ارسال ميساج الى كل الشعب الجزائري عن طريق sms

لا لخدمة الوطنية لا لانتخاب

http://www.earnings4.com/

هذا موقع لارسال smsمجانا

[[آلولد آلذي هو كويس]]

و الأدهى و الأمر أننا لما نؤدي ما يسمى بالخدمة الوطنية لن يكون للانا أي حق بعدها
فأنت و الذي لم يجتزها سواء
بل البنت التي لا تعنيها بشيء تجدها خيرا منك


و الله المستعان





عندك حق خويـااا خيرما تنقلب الآيـة وتولي المرآ تخطب الراجل والراجل هو يشترط عليها تكون خدامة وبسكنتها .... وديجا راهي كاينة منا


الله يستر العقايب

والي راهم مسؤولين على ذا البلاد يا ربي يهديهم ولا يديهم

[aminerag]

بلاد النساء يجب القيام بمظاهرة كبرى باه نهزو هذا الشباب لراه مدلول

[salim0585]

تضامنو معنا ياشباب انضموا وتكاتفوا لازم اي شاب توصله رسالتنا
18 شهرا راهي ظـلم ومضيع للوقت الحكومة راهي مش تخمم على شباب الجزائر
لي في الحكومة كلهم همهم الوحيد الكرسي ويقول نفسي نفسي كان تبقوا هكدا يقهروكم بالبطالة واولاد المعارف يدو في العفو
لازم يكون 6 اشهر على الاقل هكدا اي شاب يقدر يفوته

[lalib40]

انا عندي عام ملي كملت ولكن ندمت ندمت ندمت كي فوتها والله كارثة وصحابي اليمافوتوهاش راهم يخدمو اومزوجين وانا راني عاطل عن العمل

[amer46]

كونو رجالة والله غير نديروها كرهونا لازم نظموها والله تعبونا بهذ الفكرة الاستعمارية التجنيد الاجباري "و اذا تحوسو نفوتوها اعطونا الاولوية في كل شيء على لي ما فوتهاش كيفاش نتوما المجاهدين كل شهر بشهرية هذي منحة بلا الاورو وزيد عند رقم سيرفيس طاكسي و الحق في كل شيء وصاحب الاولوية,,, اذا حتى حنا مجاهدين على الاقل تكون عندنا اولية لاننا قمنا بالوجب الوطني وضحينا ماكانش يا تنقصوها يا تلغى مثل الدول الاخرى

[mikoyan]

انا راني معاكم حددو وقت وتاريخ وراني معاكم

[salim0585]

يعطيك الصحة يالخاوة ان شاء الله يزيد العدد اكثر واكثر

[mohamedezel]

راني معاكم خاوتي
نحن ضد الظلم و انا اصلا معنديش الكارطا تاع الفوط و منحوسش عليها
اعطونا حقنا يا كلاب الدولة
نوكلو عليكم ربي سبحانو

[joinyong]

كارثة والله تكمل قراية تقول درك تفتح عليك هداك وين تخلط عليك نتاع الصح برومو نتاعك لبنات كامل يشدو لي بوست نتا تروح تفوت 18 شهرا ضايعة من حياتك ما فيها حتى فايدة ليك لامن قريب لا من بعيد يلحقو عليك 2 برومو ايا داك الوقت نتا رواح لقى خدمة مع دولة النسا هادي .كنا نضحكوا على تونس ولينا كتر منهم ....

[nabil ofc]

راه كاين موضوع يهدر على هذا المشكل خلونا نحطو اراءنا كامل فيه لي يخص باعفاء اصحاب 30 سنة البونا طلب هذا خر من والو وهذا هو الطلب لي ابن سهل تطبيقو لانو ديجا راهي فيه مبادرة من عند الرئيس وحابين يرجع ساري المفعول مدى الحياة

[mikoyan]

اعفاء لكل من تجاوز 25 سنة
مادام مايحتاجوش من تجاوز 25 سنة في التعاقد فلما يحتاجونه في الخدمة الوطنية
بلاد يكي

[عادل إن شاء الله]

لازم نقفو ايد وحد كما الحرس البلدي

[salim0585]

نعم هذا واش يلزمها الحكومة هذي يعطوك شهادة جامعية ومبعد تتخرج فرحان وتروح تفوت 18 شهر عسكر وكي تكمل تلقى الشاهدة نتعك مش مستعرف بيها , هذي حكومة في رأيكم كيما راحت على جماعة شهادات deua و شهادات ليسانس كلاسيك هو الواحد يتخرج يلقى روحو بطال في الجزائر وتزيد كي بلادك ماتستعرفش بالشهادة نتعك , انا نعرف صديق متخرج من 2003 حامل شهادة deua هندسة كهربائية لحد الوقت بطال ’ لا حول ولا قوة الا بالله ’ وين رايحه بينا هذي الحكومة وين والشباب راقد والحكومة تلعب في لعبتها
راهي كاااااااااااااااارثة ياناس كارثة

[zerrouni]

لا للخدمة الوطنية

[عادل إن شاء الله]

ايد وحدة ما تصفقش لازم تظاهرة اما البرلمان الراقد هو لي جيب حقوق المواطن بصح المواطن راقد ما يعرفش حقوقو

[salim0585]

تضامنوا اخوتي للذين يشاهدون الموضوع ولا يضعون الردود يجب أن نتحد ونتضامن

[GMLK]

عندكم الحق لا زم يوصل كلامنا للمسؤول الأول رئيس الجمهورية

[nabil ofc]

اليكم هذه الصفحة حملة اعفاء مواليد 1982 من الخدمة الوطنية انظموا الينا انظمو لينا اعفاء 1982) متنساوش ديرو بارتاجي( نكونو يد وحدة وهي تمس كل من وصل سن 28 سنة


فاكس التحرير

0021321462734 لجريدة الشروق


الموزع الهاتفي:

0021321284754

0021321284784

0021321298942

0021321462735





انضمو لينا لصفحتنا هنا فالنتدى والفيس بوك خلونا يد وحدة