زوجي بخيل جدا جدا

[mim25]

انا رني مخطوبة ونخرج مع خطيبي جامي جابلي كادو ولا حاجة ولا مدلي دراهم --#منيش طماعة بصح غير الجاسط# راكم علابالكم الوحدة كينا تتخطب تزيد عليها المصاريف وزيد بزايد محبنيش نخدم ااااااااااااااههههههههههههههههههههههه واش ندي نصرق هههههههههههههههههههههههههههههههههه

[nibrasse76]

كي قبل يخرج معاك وانتم مخطوبين فقط ...يسمى راهو مسرف ومبذر .....أكبري شوية يا بنت الناس ؟؟ هذا زوجك مش صاحبك ...اخواتك من بنات حواء راهم هوما لي يدفعوا ويشروا الكادووووه ويخلصوا من اموالهم باش يرضاو عليهم "رجالهم "....وبلا فائدة غير الاهانة والخيانة لاحقتهم ....؟؟

[انوسة07]

اختي الكريمة لا تعيبي على زوجك عدم شراءه لك هدية حتى و ان كانت تحز في نفسك ان كان خطيبك رجل صالح و يخاف الله فلا تكترثي للامور المادية فالحب لا يباع و لا يشترى بالمال فهو اسمى من دلك بكثير و اختلقي له الاعذار لقوله صلى الله عليه و سلم التمس لاخاك سبعين عذرا فما بالك بزوجك ربما هو لم يتعود على ذلك او لم يجد الهدية الت تناسب اميرته جميله او ينتظر حتى الزواج و يسقيك باحلى الهدايا اصبري ان لم يهديك شيئا فهو الهدية اليس كذلك؟ ربي يتمملك

[السي محمد]

كيف يخرج معاها... يخاف الله؟؟؟؟

براكاونا من الهدرة التعبانة

هذا خطيبها فقط

[انغام المنى]

ربما معندو ش ولا عندو التزمات او ما يتولهش انت واجهيه بلاك ميتولهش
وفي ردك لالنساء لماذا تحبين زوجك جاوبتي بانو هو كلش في حياتك وهو امك وابوك يعني كيما تصبري مع والديك اصبري معاه وتقبلي مروري

[salam algeria]

اختي انت ادرى بظروف خطيبك فان كان حقا بخيل ففكري الف مرة قبل الزواج و ان كانت ظروفه صعبة ماديا فعليك الصبر
و ربي يجيب لي فيه الخير

[سبيس تك]

till hem geme over

[amina-alaa]

واشنوهذا انا
مغهمتش كيفاش راح يحبوكم الاولاد
داخلتها طمع في طمع
واشنو هذا الثقافة اللي انتشرت مؤخرا لوكان مايشريش ما هوش مليح
اتقو الله في الاولاد ربما مايعرفش برك
ثم مش لازم يتقاس الحب بالهدايا
كان زوجي كي يجي في العيد مايجيب والو حتى تقولو اختو واش بيك تجي فارغ وهو يحير ويقول يعني لازم
و يولي مسكين يجري بين المحلات باش كاش ما يشري
كي سمعت بالحكاية قوتلو وعلاش تشقي روحك
قعدت عامين عند زوجي عمري ما قوتلو اشريلي حاجة ولا اعطيني مصروف
كي نروح لدارنا بابا يكسيني و يصرف عليا
كي سمع بالحكاية زعف و قالي حشمتيني عندك باباك انا نحسب راكي تجبدي من مصروف الدار
قتلو انا ما نقول لواحد اعطيني ولا اشريلي اوكان يتحط الموس في رقبتي
ماش لازم تكونو ماديات واش هذا الجيل مع انو انا منو
ماتشوفيش البنات هوما المهم يلقاو فيه عيب باش يستشفاو و هوما مالقاوش ظفرو
كي تسمعي حكاية راجلي تقولي هذا بخيل بصح هو اكرم منو ماشفتش
انا ديما نناديه حاتم الطائي

[شقراء سوف]

كي وليتي مش طماعة نورمالمو الجاست متنتبهيلاش وحاباته يصرف عليك انتي مخطوبة ؟؟ اذا قدر يزوج راه مليح زيدي كملي عليه انتي بمصاريف كل خرجة يقلك بناقص منها ومن خرجتها واندبر عليك متزيديش تخرجي معاه باش تتهني من حاجتين لولى متبدايش تقولي راهو بخيل والحاجة الثانية باش متلوميهش ويبدا يشريلك في الشاهي والباهي ارحميه يرحمك مولاك وربي يهنيكم كان جابلك هو مليح مجابلكش متقوليلاش واذا تحبي تبينيله اهديه انتي بالوقت يبدا يفهم لانو كاين الي ميخممش يعطي الهدية مش لانو بخيل لكن متجيش في باله

[zalamite]

الهدية لها مفعول السحر في التقريب بين القلوب حتى و لو كانت بسيطة ..تهادوا تحابوا كما قال الرسول صلى الله عليه و سلم و ليست بالضرورة بين رجل و مراة حتى بين رجل و رجل او مراة مع مراة .

[مجنونة بخيالي]

واشبيكم نضتو عقابها مسكينة ماقالت والو
والله عندك حق البخل راهو مرض كبير
لازم تعرفي اسكو راهو باخلك ولا عندو ضروف اذا كانت ضروف لازم تعذريه مي اذا كان بخل لازم يتسقم قبل الزواج
على خاطر رايحة تسوفري معاه

[knives55]

زوجي بخيل........................... انا رني مخطوبة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هذ راجل على قد عقلك

[guelmiya]

داء ماله دواء
اصبري

[أَحمــد]

هذا نتاج المسلسلات

ارجعوا لدينكم وواقعكم

[رمرومة الصحراء]

والله يا اختي كاين رجال ما يعرفوش لحوايج هادي ماشي بخيل في الاعياد يجيبلك؟؟؟؟؟؟؟؟؟ انا راجلي بكري ملي كنت مخطوبة من العيد للعيد يجيبلي ما تهماش الامور الاخرى كعيد الميلاد.................... بالصح كتزوجت ما كانش الاكرم منه بالصح كادو انسيه ولا في عمرو يجيبلي كادو هههههههه بالصح ما يهمنيش مهم منيش مخصوصة كنطلبوا ما يبخلنيش
ان شاء الله تفهمي راجلك حنونة

[nokia111]

حتى انا زوجي ولا مرة في ايام الخطبة جابلي كادو ولا حتى بعد الزواج عقلية الكادوا ولا مادورش بصح كرمه من كرم حاتم الطائي لا يبخل عليا بشيئ ضمن حدوده والله انه يشتري كل ما اتمناه حتى مراة نحشم ويلفرحته بالضيوف حتى عادو هما ميحبوش يجي من كترت ما يفرح بيهم كاين رجال هدي عقليتهم و العام وانا نهدر على لي كادو والله والو

[عبد الكريم -إقتصاد-]

سلام
باش تعاونيه على جمع مصاريف الزواج تزيدي عليه المصاريف ؟؟؟؟
آه ه ه ه في بنات اليوم

[nouv-mariée]

انتوما قاعدين تهدرو علةى خرجتها مع خطيبها
مش هنا المشكلة

بينها وبين مولاها الله يسهل


المشكلة في البخل

اختبي مايحس بالجمرة غير اللي كواتو
اانا حطيبي السابق كان كيف خطيبك بخييييييل جدا جدا جدا جدا جدا جداااااااااااا
استخرت الله وتركته والان رزقتني الله بانسان كريم جدا وسخي والحمد لله ربي العالمين

نصحيتي ليك ، استخيري ربي ،

البخل عمره ما يروح

[كاميلا]

اني فهمت يمكن يكون من النوع البخيل اللي اذا خرجتي معاه قارورة ماء معدني ميجيبهالكش خطيب اختي الاول كان يا لطيف بخيل وطماع كي كانت تخرج معاه بالطبع راهم مفتحين "الفاتحة" كان كي يجي وقت الغذاء ميوكلهاش حبة قاطو بدون ذكر واش دار
البخل والطمع حاجة قراف
مي انت اختي كيما قلولك الاخوات بلاك هاد الراجل ماشي موالف بهاد الشيء يعني راهو جامي دار هكدا وميعرفش برك اصبري والا ديري استخارة لكن الاستخارة من المفروض راكي درتيها
موفقة

[حياتي نبع امل]

شحال فى عمرك باه تخمى هكدا تاخدى رايى اكبري فى عقلك راهى جايتك مسؤولية كبييييييييييييييييييييييييييييييييرة

[مريم الصابرة]

السلام عليكم اختي
ربي يهديك كيفاه يصرف عليك وإنت في داركم وتشدي عليه الدراهم عادي لا اختي كان إنت مصاريفك بزاف هو اكثر راه العرس يستنى فيه والمهر نتاعك والشمبرا وألف حاجة والله غالب كل شي غالي الجيست دارو كي جا خطبك وراه يحوس بيك واش تزيدي خرجي الامور المادية من راسك حتى تنجحي معاه ولازم تتفهمي ظروفو إنت راحا تكوني مرتو واما تحتاجي وا لا ربي يرزقك ومسؤولية مصروفك هي مسؤولية اهلك هذا خطيبك ليس زوجك موفقة