كرهولنا حياتنا [الأرشيف] - منتديات الجلفة لكل الجزائريين و العرب

نور الهدا

2012-10-02, 14:25

السلام عليكم و رحمة الله و بركاته

علابالكم رانا في كارثة كبيرة وهي
.
.
.
.
.
.
.
.
.
.
.
.
.
.
.
.
.
.
.
.
.
.
.
اولا مكانش اساتذة وحتى اساتذة تاع مواد الاساسية راحو للملحقات و حنا خلاونا هكدا
+
+
+
+
+
+
+
+
+
+
+
+

+
+
+
+
ثانيا كل دقيقة يبدلولنا توقيت والله راسنا دار + قسم متنقل

هذا التوقيت لي كان

http://im27.gulfup.com/Mumg1.jpg

وفجاة جاونا قالولنا بدلنالكم التوقيت " شعب فارغ شغل "

http://im27.gulfup.com/A5ra2.jpg
*
*
*
*
*
*
*
*
*
ثالثا كل خطرة يجينا استاذ يقرينا شوية و يروح مبعد يجينا اخر يكمل والله تخلطنا بزاف
وزيد حنا علميين تخيلو 5 سوايع فيزياء و 4 سوايع علوم
والله رايحين نهبلو
خايفين هذا العام بزاف بزاف
ربي يستر

صائمة لله

2012-10-02, 14:29

هوني على نفسك يانور والله هذا حال التعليم في الجزائر لكن الصراحة كل مشكلة تنسيك في ختها الله يعينك

صائمة لله

2012-10-02, 14:31

انتي اي شعبةلاحظت ملاحظة انكم نهار الثلاثاء العشوة ماتقراوش حنا نقراو كل العشوات 3ساعات ومرات ساعتين

نور الهدا

2012-10-02, 14:33

انا شعبة علوم تجريبية
لكن تخيلي اختي العلوم عطاولنا 4 سوايع فقط اما فيزياء ف 5 ساعات
زيد على هذا كان عندنا استاذ رائع في علوم نحاوهولنا و بعثوه يقري في ملحقة
والله كرهت جد تعليم هذا كامل

ali rida

2012-10-02, 14:40

وزيد شوي يديرو الاضراب باه تكمل

صائمة لله

2012-10-02, 14:45

انا شعبة علوم تجريبية
لكن تخيلي اختي العلوم عطاولنا 4 سوايع فقط اما فيزياء ف 5 ساعات
زيد على هذا كان عندنا استاذ رائع في علوم نحاوهولنا و بعثوه يقري في ملحقة
والله كرهت جد تعليم هذا كامل
وي تفاجئت كيقريت العلوم 4 ساعات والفيزياء5 حنا عندنا العكس العلوم هي ال5 ساعات+توقيتكم الاول يبهدل هذي العفسة اللي نكرها تبدال الاساتذة خاصة الملاح بشوي على روحك والله يعينك

نور الهدا

2012-10-02, 14:45

يا خويا حنا اصلا رانا في عطلة ما راناش كامل نقراو نروحو و نجو في فراغ خصنا غير الإضراب
وقيلة عندنا استاذ و لا زوج فقط هل هذا من المعقول زعمة يقولك ثانية هي اساس باك راهو باين عليا نعاودو العام بسببهم

نور الهدا

2012-10-02, 14:46

شكرا لك اختي علابالك
من صباح كي عطاولنا توقيت هذا جديد و انا مصدومة و الصدمة الاكبر كي عرفت بلي اساتذة راحو وخاصة مادة اساسية العلوم

hanna25

2012-10-02, 14:47

والله نفس الحال أختي كل دقيقة يبدلوا
وزادو الاساتذة مش ملاح خصوصا علوم ورياضيات
اتسوري ملي ندخلوا وحنا نحكيو والاستاذة تع العلوم مديريش الدرس
وتع الماط يكتب زوج كلمات وكي تقوليلوا مفهمتش يقلك روحي راجعي دروسك
هبال خلاص

صائمة لله

2012-10-02, 14:49

المعنى شمروا على سواعدكم واعتمدوا على انفسكم

نور الهدا

2012-10-02, 14:49

ربي يستر برك والله راني حايرة واش ندير
راسي حبس ما قدرتش نخمم
صباح تاع رياضيات هو يشرح وانا مخي حابس
مزية مزية بقالنا تاع رياضيات على اقل خير من والوووووووووو

game

2012-10-02, 14:50

يـــا ختي نور الهدى حمدي ربي وشكريه نتي عاد بانولي شوية فراغات حنااااااااااااا كلش معمر تقول رانا نقراو علم البكتيريا مالهم علينا مالهم والتبدال نتاع استعمال الزمن كل خطرة نشوفوا واحد جديد النظاااااااااااااااااااااااااام مكانش 0

نور الهدا

2012-10-02, 14:50

المعنى شمروا على سواعدكم واعتمدوا على انفسكم
واش من تشمار اذا مافهمتيش الدرس في قسم مع استاذ فمستحيل تفهمي وحدك

صائمة لله

2012-10-02, 14:52

حنا ثاني عندنا يومين منقراوش خاطر تاع الباك دايرين اضراب راهم يطالبوا بتغيير الاساتذة

نور الهدا

2012-10-02, 14:53

يـــا ختي نور الهدى حمدي ربي وشكريه نتي عاد بانولي شوية فراغات حنااااااااااااا كلش معمر تقول رانا نقراو علم البكتيريا مالهم علينا مالهم والتبدال نتاع استعمال الزمن كل خطرة نشوفوا واحد جديد النظاااااااااااااااااااااااااام مكانش 0
المشكل انا كلما نوالفو استاذ و نعرفو طريقتو يبدلوه بأخر نزيدو نوالفو هذاك حتى يبدلوه حتى هبلنا هبلنا

hanna25

2012-10-02, 14:53

اختي انصحك بالدروس الخصوصية
والله انا كيما قتلك الاستاذة تع العلوم حابسة
درت ليكور اتصوري ساعتين فهمت الوحدة كل تع التحكم العصبي كل المعلومات في مخي بلا منظطر حتى لللمراجعة

صائمة لله

2012-10-02, 14:54

عندك الحق لكن حاولي احيانا وجود الاستاذ كغيابه

نور الهدا

2012-10-02, 14:55

بالرغم من انني لا احب دروس خصوصية
لكن انا مصطرة اليها هذا واش نقدر ندير

صائمة لله

2012-10-02, 14:55

اختي انصحك بالدروس الخصوصية
والله انا كيما قتلك الاستاذة تع العلوم حابسة
درت ليكور اتصوري ساعتين فهمت الوحدة كل تع التحكم العصبي كل المعلومات في مخي بلا منظطر حتى لللمراجعة
حبيت نسقسيك ليكور بقداه اديروهم للشهر

نور الهدا

2012-10-02, 15:03

نظن كل مدرسة كيفاش
اظن الجمعيات يديرو ب 80 الف للشهر " مادة وحدة "
اما مدارس خاصة من 100 الى 120 للشهر مادة وحدة

hanna25

2012-10-02, 15:07

كيما قلتي نور الهدى
انا ندير عند استاذ ب 1200 دج للشهر
وفي لغروب نوصلوا حتى ل 150

صائمة لله

2012-10-02, 15:14

حبيت نسقسيكم اذا كنت متمكنين في اللغات ماهيالطريقة التي تتبعونها فيدراستهم خاطر راني 0000000000000000000000فيهم +ياريت لو تقبلوا صداقتي

نور الهدا

2012-10-02, 15:14

حنا كاين جمعيات يديرو ليكور ب 80 الف

نور الهدا

2012-10-02, 15:15

اكيد اختي انا نقبل صداقتك
انا اسمي ندى هههههههه نتسيت نعرفكم بنقسي الصدمة اثرت عليا
انا متمكنة في فرنسية لكن انجليزية والو اكره مادة عندي هي انجليزية

صائمة لله

2012-10-02, 15:18

او صدمةقويةجدا على دماغك شكرا وانا زهية + انصحيني كيفاه نقرا الفرنسية

hanna25

2012-10-02, 15:27

والله انا تاني 000 في اللغات
بالنسبة للجمعيات يدير ب 800 بصخ الاساتذة 0000000000

نور الهدا

2012-10-02, 15:27

متشرفين اختي زهية
انا كنت نقرا جرائد بزاف و حكايات بالرغم من انني كنت ما نفهمش كلمات لكن بالعقل بالعقل وليت الحمد لله

hanna25

2012-10-02, 15:29

لبنات انا رايحة نحل سوجي تع فيزياء ونرجع
أوكي
بالمناسبة انا رقية

نور الهدا

2012-10-02, 15:31

هههههه انا نعرفك ههههه
بالتوفيق حبيبتي

صائمة لله

2012-10-02, 15:33

اهلا رقية موفقة حبيت انديرمعكم تحدي اذا موافقين

صائمة لله

2012-10-02, 15:43

اناموالفة ندي الاولى في قسمي ولله الحمد وحابة السنة نسيطر في كل المواد ونجيب معدل مليح باذن الله لكن معنديش منافسين اقوياء في القسم وهذا الشيئ خلا المشاركة والتحضيير تاعي ناقصين وذرك حبيت نتنافس معكم ان امكن ونرفعوا التحدي فيما بيننا مارايكم

hanna25

2012-10-02, 15:48

والله كنت رايحة نقلك ممكن
بصح انا في قسمي مش غير المنافسة قوية كرهت مطرلكش خلاص

نور الهدا

2012-10-02, 15:59

اممممممم حنا نظن كاين منافسة اما بالنسبة ليا كرهت و انا غير مستعدة لمنافسة اي احد

✿❀سًجّْـدًةْ خٌشٌـوُعٍـ ❀✿

2012-10-02, 16:21

هييييييييييييييه يا اختي
ادا انتو راهم يجيبولكم اساتذة بالدور
حنا ماعلابالهمش بينا خلاااااااااص
رانا بدون استاذ علوم و لا فيزياء
وبالزيادة رانا علميين
والله لكارثة الاقسام كلها تقدمت وحنا قعدنا للور كامل
وكي سقسينا قالولنا اساتذتكم دخلوا و داو كونجي يعني عطلة
حتى يولوا باه تقراو
والحالة في الليسي تاعنا مخلطة من ساسها لراسها
خاصة من وقت زادوا الملحقة
قالك سيدي مليح زيدلو الهوا والريح

اعتذر عن الكلمات
جيت نفرغ قلبي
والحمد لله على كل حال

نور الهدا

2012-10-02, 16:24

لا عادي حبيبتي فرغي فرغي قلبك نحن في الهوى سوى

عَتْمَـہとか

2012-10-02, 19:13

ونحن كذلك نعاني من الأساتذة

يأتي أحدهم ويذهب الآخر

وفوق ذلك أساتذة المواد العلمية )) لآتعليق

بإستثناء الفيزياء

صبر جميل

وفرج الله علينا وعليكم

نور الهدا

2012-10-02, 19:23

شكرا لك حبيبتي

ابتسامة·.·الجزائر•

2012-10-02, 20:48

نوور لاداعي لكل هذا القلق هذا حالنا جميعاا
تغيير الجدول مرتين صرناا نعرف هذا كل عاام ،،
بالنسبة للاساتذة احضرو لنا اسااتذة جدد >> املنا الوحيد كان في استاذ الرياضيات قديم >> و يدرس بشكل خاارق >> نعم استااذ خاارق ههه
لكن و للاسف اخبرونا و اخبرنا انه لن يكمل المشوار معنا فسيغييرهووه ،،،
منذ ان عرفت ذلك كرهت الذهاب الى ذلك القسم اصلااا ،،
لم يعد فيه شيء جيد
بالاضاافة الى استاذة الفيزياء جديدة ولم ندرس عندها الا حصة واحدة ،، لما سأألنا عنها اليوم لم هي غائبة ،، قالووا اخذت عطلة مرضية ،،
قبلنا ان نكون فئران تجارب في يد الاسااتذة الجدد >> و الان يريدوننا ان نكون لعبة بين ايديهم ،،،

الحل الوحيييييد هو الدرااااااااااااااااااااسة في البيت وفقط ،، و ان شااء الله هدف الجميع الباكلووريا ولا يهمك في نتائج المدرسة ،،،

createur80

2012-10-02, 21:10

يحسن عونك اختي
انا العام لي فات كنت هكا عام كامل ماقريناش كل يوم يبدلو ستاذ وتوقيت وزيد الاساتذة الكل مايقروش

smiley girl

2012-10-02, 21:13

win tsekni okheti hooda wilaya???? allah ywef9k f 7yatek w f dirastek

ابتسامة·.·الجزائر•

2012-10-02, 23:02

امم ،، ماهي الملحقة ؟؟؟

*masaa*

2012-10-02, 23:15

bon courages

DiSolator

2012-10-03, 06:05

الله يعينكم
كي لحق الصح قتلوكم

" نورة "

2012-10-03, 12:26

احمدوا ربي عندكم من يمدلكم دروس خصوصية
صدقوني احنا بالمدرسة ونولوا نحللولهم
وبالنسبة للاساتذة طردوا من اساتذتنا استاذ لغة عربية قمنا باضراب
من يوم الاحد الى الثلاثاء لتحقيق مطالبنا والحمد لله تحقق البعض منها
اما عن استاذة العلوم ماشاء الله والفيزياء
اما الرياضيات لديه سرعة كبيرة بالقاء الدرووس

نور الهدا

2012-10-03, 13:40

win tsekni okheti hooda wilaya???? Allah ywef9k f 7yatek w f dirastek

انا من ولاية الجزائر العاصمة
شكرا بالتوفيق للجميع

نور الهدا

2012-10-03, 13:40

الله يعينكم
كي لحق الصح قتلوكم
شكرا لك اخي بالتوفيق للجميع

نور الهدا

2012-10-05, 18:42

...................................

الجزائرية 2010

2012-10-05, 19:16

عندي سؤال
علاه نتوما تقراو مع ال1 تاع العشية؟؟؟؟؟
ماشي مع ال2؟

نور الهدا

2012-10-09, 16:11

http://im26.gulfup.com/fYrZ1.jpg

هذا توقيت الجديد لي غير كيما عطاوهولنا و راهوم رايحين يبدلوه افففففففففففففففف

عبد الغني _ 95

2012-10-09, 17:05

هههههههههههههههههه
نقراووووو على 1
تبا مازال واقفين

نور الهدا

2012-10-09, 17:14

ههههههه مزال وافقين تاع صح تخيل تاع اولى ثانوي 61 تلميذ في كلاصة يقراو واقفين ههههههههههه

نور الهدا

2012-10-12, 16:43

........................

حاملة القران سمية

2012-10-12, 17:06

ربي معاك هدى انا استاذ رياضيات مكانش وتعرفي اساتذة رياضيات مكانهومش والي يجي يجي 0000000000
جاتنا وحدة ايا عجبتنا قراتنا ساعة من ذاك مولاتش تلفوها الادارة كي غلطت برك فى اشارة تاع جدول التغيرات للباك
هانا قاعدين لا قرايا لا والو وتعرفي رياضيات بلا استاذ كي والو
ربي معانا

نور الهدا

2012-10-12, 17:13

حنا كل يوم استاذ جديد يقرينا ساعة و يروح

IkramSou

2012-11-01, 22:27

ana je ss scientifique w 3andi TP ta3 sc w phy en1er le jeudi w en 2eme l'apré midi alr nakroha karhine heyatna machi menajmine

mirou.Dz

2012-11-02, 21:16

والله يا ختي غير حنا ثاني رنا هكا نفس القصة توقيت بدلوه الاساتذة بدلوهم لوكان غير يزيدوا حنا ثاني يبلونا معاهم
ايه بصح واش حاب نديروا هذي هيا المؤسسات تاع بلادنا :p

noohae

2012-11-02, 21:37

السلام عليكم و رحمة الله و بركاته

علابالكم رانا في كارثة كبيرة وهي
.
.
.
.
.
.
.
.
.
.
.
.
.
.
.
.
.
.
.
.
.
.
.
اولا مكانش اساتذة وحتى اساتذة تاع مواد الاساسية راحو للملحقات و حنا خلاونا هكدا
+
+
+
+
+
+
+
+
+
+
+
+

+
+
+
+
ثانيا كل دقيقة يبدلولنا توقيت والله راسنا دار + قسم متنقل

هذا التوقيت لي كان

http://im27.gulfup.com/Mumg1.jpg

وفجاة جاونا قالولنا بدلنالكم التوقيت " شعب فارغ شغل "

http://im27.gulfup.com/A5ra2.jpg
*
*
*
*
*
*
*
*
*
ثالثا كل خطرة يجينا استاذ يقرينا شوية و يروح مبعد يجينا اخر يكمل والله تخلطنا بزاف
وزيد حنا علميين تخيلو 5 سوايع فيزياء و 4 سوايع علوم
والله رايحين نهبلو
خايفين هذا العام بزاف بزاف
ربي يستر

RABI Y3AWANKOUM

AUSSI j'aimerai bien faire partie de la liste de 2as

é merci d'avance

@@