اجتماع لافراد اسرتك ضرورى

[le chameau]

حسب تجربتى اريد ان انصحك خاصة الامهات العاملات و حتى الماكثة فى البيت هل فكرتى يوما ما فى جمل اولادك فى اجتماع انا عندى مرة فى كل شهرمن الصباح اقول الى اولادى هناك اجتماع طارئ و فى المساء نجلس مع اولادى و اطلب منهم كل واحد يفولى بصراحة واشنو الشئ لى ما هوش عاجبو و الا حاب يعطينا فكرة او اى شئ و لكن اعطيه حرية الرائ بدون خوف يتكلم حسيسيه بالامان باه يتكلم اقسم لك يا اختى رايحه تتقربي من ابنك و يعرف انك ريحه تاخدى رايو بعين الاعتبار و انا استفدت من اولادى الكثير نعطيكم مثال ابنى الوسطانى قالى ماما راكى مخوفتنا بزاف و الاخر قالى ماما و علاش ما تعطيناش مصروف الشهر للاننى بالرغم من اننى عاملة لا اعطي للاولادى الدراهم فى بعش الاحيان نشريلو واش يحب و لكن لا اعطيه لاننى اخاف المرة الجاية نعطيكم اشياء اخرى لكى افيدكم حسب تجربتي

[عفاف39]

شكرا لك اختى ان شاء الله يولى عندى اولاد ونعمللهم اجتماع

[le chameau]

ان شاء الله حنونتى عفاف39

[ام ايمان1]

شكرا اختي ربي يهنيك ويفرحك بولادك انا اننتهز اوقات الغداء او العشاء ونتحاورو اي لما تكون العائلة ملمومة وبحضور الاب طبعا

[sondse1]

مشكورة فكرة مليحة
حنا في دارنا تاني نديروها مي في وقت الغدا و لا العشا كيما قالت ام ايمان

[وفاء سعاد]

شكرا اختي علي الموضوع وانا راني درتها مع اولادي ندمت علي النهار اللي درتها فيه واحد جبدلي كي كان صغير وضربتو امام بنت عمه الصغيرة ايضاوابنتي الكبيرة بدات تبكي ماحبستش مع العلم انه اكبر اولادي عمره 12سنة وانا حنينة معاهم بزاف الا احبانا افقد اعصابي

[بنت الجزاير الغالية]

موضوع فكرته جيدة يعطيك الصح
فعلا كي تتحاوري مع ولادك تتقربي منهم و تعرفي كل خباياهم و خاصة كي تتعاملي معاهم بلغة الحوار لا لغة التخويف
و راح تكتشفي أخطاءذئك أو بمعنى أصح تصرفاتك اللي ما تعجبهمش و راح تحسني في أسلوب تربيتك ليهم و ننصحكم نصيحة عن تجربة إياك ثم إياك ضرب أو إهانة أولادكم قدام أي شخص غريب لأنها راح تقعد في القلب و تضر و ما تقوليش راه صغير لأنه حتى هو عنده أحاسيس و مشاعر

[ahlam2060]

اختي فكرة اجتماع الاطفال هل مربوطة بسن معينة مثلا ابنداء من سن 8سنوات

[le chameau]

شوفو يا اخوتتى والله لو ديروها ما هوش وقت الغذاء او العشاء احسن حتى الاولاد يصبحو يستنو فى الاجتماع و اذا حاب يقولك حاجة بدون احراج يقولك ماما وكتاه نديرو الاجتماع و الل مرات نديرو اجتماع طارئ اما اختى لقالت ندمت لى درتو لان تجبدت مواضيع قديمة موضوع الضرب امام الاشخاص رايحه المرة الجاية نتكلملك عليه حسب تجربتى مع اولادى اما السن فانا حتى كى كانو عمرهم 4 سنوات عودتهم و يقدرو يحكولك عن الشئ لى يشغلهم

[موسى2207]

انا اجتماعي ببناتي دائما وفي معظم الاحيان الاستاذ قال هاك التلميذة قالت الاستاذة دارت حتى نكره ونمل

[le chameau]

لا اخثى حاولى تغيري فكرة الاجتماع بطرح هذا السؤال واش لراه حبينو يتبدلما هوش عاجبكم و الله ولادك يعطوك رايهم بكل صراحة حتى تعرفى كيفاش تتصرفى

[ام ولي]

مشكورة اختي على هذا الموضوع القيم ان شاء الله نزيدو نستفادو من تجاربك

[le chameau]

ان شاء الله اختى كل ما يكون عندى الوقت نعطيكم بعض النصائح و لا شكر على واجب يا اختى ما دمنا نستفيد من بعضنا

[sarra5]

rabi ykhalilek wladek

normalment tt les meres y9omo bhad lkhotwa

pask wlh lsrir yefham bzef w yahkem f 9albo bzeef

sur ts ki tenach3ih wela t9olilo wech rahlek mazelt srir madakhlekch

heka dima yhas roho 0000 f ldar

par contre lazem dima nakhdo rayo balak haja ma3ajbetouch mais mahabch y9ol 3liha

mais aussi malazemch nfechohem bzef pask

machi mlih

ya3ni kol haja chuia chuia et aussi madame

lazem le pere tani yahki m3a wlado machi rir ntia pask le pere 9imto kbira bzef w dawro m3a awlado kbir tanii

et merciii bzeef 3la had le sujet

w wasli heka pask menkom ntoma hna net3almo

[cherilety]

شكرا اختي على المضوع ، انا مرات مرات نشد هم نالواحد و نقوللوا الا عندك ،اسئلة ولا بغيت تحكيلي حاجة ولا كاينة حاجة في قلبك قولهالي و ما تخافش حسبني كشغل راني صاحبك، ولله دي فوا يسقسيني على شغلات تع لكبار بصح نجاوبو على قدو،،،،،،

[le chameau]

بارك الله فيكاختي ولكن اذا ذيريه الاجتماع مع بعض احسن كل واحد يفيد و يستفيد

[sassah]

merciiiiiiiiiiiiiiiiiiiiiiiiiiiiiiiiiiiiii

[نافلة]

شكرا لكي اختي على هذ الطرح المميز
انا ثاني نطبق الفكرة كي نحس بنتي متضايقة ملي كان عمرها 4 سنوات راهي الن عندها 7 سنوات

[it's me]

اكيد كي نجيب اولاد نطبق نصائحك
في ميزان حسناتك ان شاء الله

[meriem hanin]

بارك الله فيك على الموضوع
و ان شاء الله كل الامهات ياخذو هاذ الامر بعين الاعتبار لما له من اهمية في تثبيت الروابط بين افراد الاسرة
ربي يخليك لوليداتك و يكبرولك على الطاعة ة الدين
تقبلي تحياتي ليك و لكل ناس ورقلة الكرماء